( سنابل $$$ الأسهم الوسطية ) ❇️

[نواخذة الكويت]

خلونا نشوف آخر التطورات في ( أسهم النُبلاء )

اممممممممممممم

الدر المكنون المتكاملة 410 >> + 23 فلس

المَلِكة الصالحية 481 >> + 26 فلس

الچذاب جي تي سي 355 >> + 19 فلس

ميزان 416 >> + 11 فلس ✋ سهم ( خطر ) تراجع بالارباح بالربع الثاني 74 %

عيد بن شاكر 262 >> + 45 فلس ✌️

زين 620 >> حديثة الإدراج في قائمة أسهم النُبلاء

المُشتركة 470 >> + 34 فلس

كاسرت الأمواج سفن 732 >> + 139 فلس

المعامل 308 >> — 42 فلس ✋ سهم ( خطر ) تراجع بالارباح بالربع الأول و بالربع الثاني

وطنية 171 >> + 12 فلس

الدولي 219 >> + 19 فلس

المتحد 279 >> + 7 فلوس

أجيليتي 865 > حديثة الإدراج في قائمة أسهم النُبلاء

مواشي 141 >> + 4 فلوس

ألافكو 195 >> + فلس ✋ ( الحذر ) خسائر السهم بالربع الثاني 24.56 فلس

المباني 825 > حديثة الإدراج في قائمة أسهم النُبلاء


امممم المعامل ميزان ألافكو نزلوا أبيكم بكلمة راس

ناديتكم لأني ما أبي أحرچكم بين اخوانكم الأسهم

الإنذار الأخير يا تعدلون وضعكم المالي بالربع الثالث يا الباب يوسع جمل الباب شنووووووو

يلا إنقلعوا الحين

عطيتهم كلمتين بالعظم

 

[نواخذة الكويت]

السلام عليكم

صباح الخير والنشاط والرياضة على البحر

خير الله اللهم إجعله خير حلمان بأن تحقق هدف من أهدافي بالمحفظة

و بوفارس 16 و نصوح شافوا احسابي و الشيك

عاد ما أحلم بالهدف إلا و السوق الأمريكي نازل 1000 نقطة

سلام

 

[نواخذة الكويت]

السلام عليكم

امممممممممم ودي باچر أشارك بالحفله

المحفظة رقم 1 والمحفظة رقم 3 لقوا مني كل الرعاية و العنايه و الحب

أما المحفظة رقم 2 تعرضة على أبشَع أنواع التعذيب على يد المُرشد الأعلى من سحل و نزع الأظافر

عفسة الدنيا في هالمحفظة كنت ماشي صح لكن

على خدي احط ايدي ،، واحاسب روحي بروحي

واقول بيدي جرحت ايدي ،، وزدت جروحي بنوحي

صحيح ان الهوى بالوا ،، يعذب من جهل امرا

صبرت وعزت السلوى ،، طبعت وهمت في بحرا

يقولون الهوى طربه ،، وانا به صرت شقياني

عثرت وطحت في دربه ،، وهدم ماكنت انا باني

————————

أعلن أنا نواخذة الكويت بدخول محفظة رقم 2 إلى السوق غداً ،، على أن تكون محفظة استثمارية تلحق بركب اخوانها محفظة 1 و 3

وإني أعتذر أمام الملأ على معاملتي السابقة لها

الأزمات تصنع المال وانا أحب أصطاد بماء الورد

صار إسمها ماء ورد هااا

سلام

 

[نواخذة الكويت]

طبعاً دخولي غداً على سهم من أسهم النُبلاء

إبعاد كل من >> ألافكو و المعامل و ميزان و مواشي
لِ سوء بياناتهم المالية في الربع الثاني

إبعاد المتكاملة و العيد >> كل سهم ماسك محفظة ،، ماله داعي أزيد فيهم ( أبي أنوع بالأسهم )

وسوف أشتري السهم على المعطيات الخاصه لي

بشوف بعد اشوي باقي مميزات الأسهم بالقائمة

 

[نواخذة الكويت]

الله الله الله عليكم

الأسهم في قائمة أسهم النُبلاء ترمي بنتائج أعمالها بالصفحة أمام نواخذة الكويت

لِإغراء النوخذة بالشراء

صالحية

جي تي سي

المشتركة

المتحد

المباني

ما توقعة إن الأسهم چذي تحبني مشكورين

 

[نواخذة الكويت]

السلام عليكم

نصيحة نصيييييييييييييحة من أخوكم المُرشد

باچر احتمال كبير يرنووون السوق رن

كلنا كلللللللللللللنا بدون استثناء نعرف السهم اللي منه فايده و اللي ما عنده ما عند جدي

اللي شايف سهمه ما يسوى و عفن و بياناته عزكم الله ازباله

يحذفه و يشتري بسهم محترم ميزانيته طيبه يوزع ارباح حتى لو نزلوا السهم مصيره يرتفع مع بيانات الربع الثالث

المستثمرين والأجانب و التجار و الصناديق و المحافظ يبحثون عن هذه النوعيه من الأسهم وخاصتاً في الربع الثالث

لا تخلي الفرصه تطوفك حاول تبدل سهمك في سهم يسوى ( حتى لو راس مالك صغير ) ياااااااا أخي على الأقل تربح لو اشوي ،، ولا تچكرررر بسهم الله العالم شنو مصيره

ولا تقولي مضاربه ،، سهم سريع الإرتداد ،، سهم كسر الترند و رجع ،، يختبر الدعم ،، عنده موجه صاعده …. إلخ هذا الكلام سمعناه مليون مره ( مأخوذ خيره )

إشتر سهم (( يسسسسسسسسسوى )) و ريح راسك

والله العظيم و الله العظيم ما شفت الخير إلا من بديت أشتري بالأسهم الوسطية

والله العظيم والله العظيم ما شفت الفقر و الظيم و الظلايم إلا من كنت أشتري بالأسهم الصغيرة اللي تحت الأميه و تحت الخمسين

تذكروا كلمة بويوسف نواخذة الكويت تنمو المحفظة

أغلب المتداولين كأنهم يحفرون في رمل البحر كل ما يحفر تنهدم الحفره ( سنوات والعمر يطوف ) بلا فائده

—————————-

انا حاط كم سهم ميزانياتهم طيبه ،، حاول تصيدهم بالنازل بنزيف السهم ،، لأن متوقع النزول لكافة الأسهم

والله يوفق الجميع إن شاء الله

سلام

 

[نواخذة الكويت]

السلام عليكم

صباح الخير والتفاؤل خايف اكتبها بخط كبير هههههه

 

[نصوح]

السلام عليكم ورحمة الله وبركاته
اليوم حاط عيني على سهمين ان شاء الله أقدر
ألقطهم على السعر اللي ببالي

بالتوفيق للجميع

 

[نواخذة الكويت]

إلى الآن مافي اعلانات بالسوق

يا ساتر استر

شكلهم بسون السوق صنية كفته بالفرن

 

[نواخذة الكويت]

على بركة الله نفتتح جلسة أول أيام الإسبوع الأحد

اللحظة الأولى من جرس التداول

 

[نواخذة الكويت]

وطنية اذا انزلت الى ال 160 اعتقد سعر حلو

نتابع الأحداث عن كثبب

 

[نواخذة الكويت]

مافي تنزيلات وايد

شلون كاتبين 70 % بنكسر إعظامكم

 

[نواخذة الكويت]

العيد ارتد من 256 اسوف بأن سعر 255 ممتاز

واحتمال ادخل بمحفظة رقم 2 فيه

 

[نواخذة الكويت]

عينكم على وطنية

اجيليتي عدل وايد من نزول 16 فلس الى حالياً 8 فلوس

 

[نواخذة الكويت]

حالياً بعض الأسهم عدلت اشوي

بنتظر الموجه الثانية اللي تخليهم هريس

يا أشتري اليوم أو يتم التأجيل إلى الغد

سلام

 

[نواخذة الكويت]

شنو هالتنزيلات أنطر هلا فبراير أحسن لي

ماني شاري اليوم

سلام

 

[نواخذة الكويت]

نواخذة الكويت ينتظر أي سقطه من الأسهم بالدقائق الأخيرة

 

[نواخذة الكويت]

بدأ التحذف في آخر 5 دقايق

من الخوف ياتني النومه ههههههههههههه

ما عليه جبان جبان بس أعيش

 

[نواخذة الكويت]

إقفالات السوق

الأسهم اللتي قاومة المد الأحمر

ثنتين من قائمة ( أسهم النبلاء ) أصلا رفع القبعه كبيره عليهم برفع لهم

سلام

 

[نواخذة الكويت]

أقلبها يمين برأسي أقلبها يسار ماكو غير هالسهم

كل المواصفات الدولية فيه سهم تغنى به الشعراء

حينما قال الشاعر ( بشارة الخوري )

الصِّبَا وَالجَـمَالُ مُـلْكُ يَدَيْـكِ
أيُّ تَـاجٍ أعَـزُّ مِـنْ تَاجَيْـكِ

نَصَبَ الحُسْـنُ عَرْشَـهُ فَسَـألنَا
مَنْ تُـرَاهَا لـَهُ فَـدَلَّ عَلَيْـكِ

قَتَلَ الوَرْدُ نَفْسَـهُ حَسَداً مِنْـكِ
وَألْقَـى دِمَـاهُ فِـي وَجْنَتَيْـكِ

إذا شريته بأإذن الله سوف أعلن عن أخو المتكاملة و عيد بن شاكر

بوعزوووووووووووووووز ماني قايل شنو السهم أشتري ويصير خير

سلام