( سنابل $$$ الأسهم الوسطية ) ❇️

[نواخذة الكويت]

غداً بإذن الله سوف أستخدم خطة ( العصا والجزرة ) مع صانع السوق

ماني مخليه ياكل الجزرة و عقبها بلِسبه بالعصا ههههههه

 

[نواخذة الكويت]

السلام عليكم

صباح الخير

 

[نواخذة الكويت]

السموحه ✋ لعدم متابعة الصفحة

اليوم عندي مضاربه شرسه بين سهمين و أحتاج التركيز

حطيت قطره حق العين علشان تصفى و ريوقي خليته بيض عيون علشان أشوف عدل

البندوله و القهوه من ستاربكس مع الإفتتاح

 

[نواخذة الكويت]

سهم يُرفع له القبعه

صعد من القاع السنوي 690 إلى 777

مكاسب 87 فلس

بصراحه حذرت من السهم لأن كان يصعد و باقي الأسهم متذبذبه بالصعود و النزول

قلت جني الأرباح بكون قاسي إذا أحد دخل على السهم ،، لكن ما شاء الله ،، ظل مستمر بالإرتفاع

 

[نواخذة الكويت]

أجيليتي نشاط و ارتفاع طيب بالجلسة

لكن للأسف توقعنا مكاسب أفضل من 3 فلس

 

[نواخذة الكويت]

الخصوصية يلعب على ال 98 و ال 100

سهم ممتاز ( لكن غثيث )

 

[نواخذة الكويت]

أداء مقبول للتوأمان

 

[نواخذة الكويت]

أعيان صارلها كم جلسة إتهدد بالإرتفاع و بعدها تتراجع

إن شاء الله ،، باچر تعزم على اختراق ال 150

 

[نواخذة الكويت]

عقارات اليوم صارت عليه حركة حلوه

وعلى كلام جارنا و محللنا و فلذ أكبادنا بوعزوز

إن السهم عنده هدف 112

 

[نواخذة الكويت]

هم زين قاعد يهوش للإرتفاع ( أظن قرب النشاط ) على السهم

 

[نواخذة الكويت]

المشتركة من الأسهم المجنونه بالقفزات السعرية و ميزانية طيبه

ما بقى له شي ( و ينضى )

 

[نواخذة الكويت]

إلى هنا قدمنا لكم ( حزمه من الأسهم المختاره )

نشوفكم باچر الصبح ،، إن شاء الله

سلام ✋

 

[نواخذة الكويت]

السلام عليكم

صباح الخير

 

[نواخذة الكويت]

سهم يُرفع له القبعه

صعد من القاع السنوي 690 إلى 777

مكاسب 87 فلس

كفوووووو والله عليك سواها المباني

الأسهم الوسطيه قفزات سعريه تسر الناظرين

 

[نواخذة الكويت]

نزل بويوسف و طعن عقارات ك بفلسين

مضاربه شرسه ورجع قعد على المدرجات هههههه

 

[بيانو6]

مشاهدة المرفق 389833

نزل بويوسف و طعن عقارات ك بفلسين

مضاربه شرسه ورجع قعد على المدرجات هههههه

 

[نواخذة الكويت]

شفتوا شفتوا هاذي اختلاف الثقافات

فرق كبير

بين المضارب الشرس اللذي لا يعرف الرحمه و المحلل الفني صاحب الأهداف

 

[نواخذة الكويت]

خلنا نشوف أسهم النُبلاء شنو صار عليها اليوم

 

[نواخذة الكويت]

الصالحية حلوه من ناحية الأعلى و الأدنى يعني في نفس الجلسة تعدل أو تنزل

( تقدر تلشط منها 5 فلوس )

للعلم ✋ الربع الأول ربحية 6.89 فلس

نمو 32 %

 

[نواخذة الكويت]

العيد إرتد من القاع السنوي 189 بعد توزيع الأرباح

أداء طيب اليوم و إن شاء الله يطوف ال 200 غداً

للعلم ✋ الربع الأول ربحية 3.94 فلس

نمو 14 %