نشرة اصدار بنك الريان

[ارسطو الدروازه]

عندي سؤال ياشباب

رفيجي عطاني جوازه وجواز اخوه بس السؤال اقدر اكتتب لهم عن طريق شيكي باسمي ولا لازم كل واحد عنده حسابباسمه وشيك مصدق باسمه



هذي هي النقطه المهمه ياشباب

للرفع .. اخر سؤال واروح اكتتب ..

 

[Moshaks_777]

عندي 5 جوازات شلون الحين لازم توكيل عشان الاكتتاب ولاالتوكيل حق البيع بس

وفي دمج اسهم ولا لا

 

[InUrEyEs]

والله اليوم انا كلمت المسؤليين عن الاكتتاب فى قطر

قالتى انه تقدرين تكتتبين حق اى شخص لو حتى مو من الاقارب بس المهم جوازه الاصلى وجوازج انتى الجوازيين والشيك

عاد حزت الدمج شنو المطلوب مادرى هذا وقت الاكتتاب


بس عسى البنوك تقدر تصدر شيكات من احسابى الى احساب اى الشخص الى راح اكتتب فيه

 

[holly man]

الوكالات غير مطلوبه

الوكالات غير مطلوبه حسب تصريح احد المسؤلين فى بنك قطر , هذا فى مقابله فى تلفزيون قطر اليوم الساعه 9 من هذا المساء

 

[InUrEyEs]

الوكالات غير مطلوبه حسب تصريح احد المسؤلين فى بنك قطر , هذا فى مقابله فى تلفزيون قطر اليوم الساعه 9 من هذا المساء

صحيح كلامك اخوى انا يوم اتصلت عليهم قالولى هل الكلام ممنوع التوكيل

فقط الجواز الاصلى وجواز الشخص الاخر هم الاصلى والشيك

 

[ارسطو الدروازه]

سؤال الشيك بالنسبه حق ربعى واهلى .. يطلعون باسمى او باسم كل مكتتب .....

بس هالنقطه منو سمعها .........

 

[Moshaks_777]

سؤال الشيك بالنسبه حق ربعى واهلى .. يطلعون باسمى او باسم كل مكتتب .....

بس هالنقطه منو سمعها .........

للرفع مهم

 

[أم منوره]

لكل الإخوة والأخوات اللي سألوا عن الشيكات

إذا ماعندك حساب بالوطني تفتح لك حساب واحد تحط فيه كل المبالغ اللي بتكتتب فيها لك ولأهلك أو أصدقائك اللي معطينك جوازاتهم وبينفعونك ومن هالحساب تصدر شيكات بكل مبلغ على حده وقيمة إصدار الشيك الواحد 2 د.ك وعلى فكره الشيك بيصدر لأمر مصرف الريان "شركة مساهمة قطرية -قيد التأسيس " مسحوب على البنك الوطني فقط يعني لاإسمك ولا إسم غيرك بيطلع عالشيك وراح ترفق كل شيك مع طلب إكتتاب لكل مكتتب وبالنسبة للأقارب من الدرجة الأولى"أب -أم -زوج- زوجة- أبناء فقط " تقدر تدمجهم بشيك واحد .

وتحط عنوانك البريدي واحد لكل الطلبات اللي بتكتتب فيها عشان يرد لك الفائض على هالعنوان بس راح توصل لك شيكات بإسم كل طلب مو بإسمك وتنصرف من البنك اللي كانت مسحوبه عليه هالمبالغ يعني إذا عندك كفالة بنكية عن هالأشخاص زين على زين إذا ماعندك الله يعينك بتروح مع كل واحد فيهم للبنك عشان تستلم حلالك "يعني يصرفه الوطني على طول للمستفيد وإنت تستلم حلالك من رفيجك ".

أتمنى تكون الصورة وضحت !​

 

[ابوسالم]

الاخت ام منورة شكرا لك هذه الاضافة المهمة .
و يمكن للاخوة طباعة الطلب من خلال موقع البنك والذي ذكرته سابقا وسوف يسهل عليه عناء الكتابة و الانتظار .

 

[أم منوره]

العفو

أحسنت يابو سالم فعلا أتمنى الكل يزهب شغله قبل لايسافر يعني يصدر الشيكات ويطبع الطلبات من الأنترنت ويسلمها بكل ثقة ويفتك من المرمطه

 

[Fayez]

إذا ماعندك حساب بالوطني تفتح لك حساب واحد تحط فيه كل المبالغ اللي بتكتتب فيها لك ولأهلك أو أصدقائك اللي معطينك جوازاتهم وبينفعونك ومن هالحساب تصدر شيكات بكل مبلغ على حده وقيمة إصدار الشيك الواحد 2 د.ك وعلى فكره الشيك بيصدر لأمر مصرف الريان "شركة مساهمة قطرية -قيد التأسيس " مسحوب على البنك الوطني فقط يعني لاإسمك ولا إسم غيرك بيطلع عالشيك وراح ترفق كل شيك مع طلب إكتتاب لكل مكتتب وبالنسبة للأقارب من الدرجة الأولى"أب -أم -زوج- زوجة- أبناء فقط " تقدر تدمجهم بشيك واحد .

وتحط عنوانك البريدي واحد لكل الطلبات اللي بتكتتب فيها عشان يرد لك الفائض على هالعنوان بس راح توصل لك شيكات بإسم كل طلب مو بإسمك وتنصرف من البنك اللي كانت مسحوبه عليه هالمبالغ يعني إذا عندك كفالة بنكية عن هالأشخاص زين على زين إذا ماعندك الله يعينك بتروح مع كل واحد فيهم للبنك عشان تستلم حلالك "يعني يصرفه الوطني على طول للمستفيد وإنت تستلم حلالك من رفيجك ".

أتمنى تكون الصورة وضحت !​

الاخ والاخت ما يعتبرون من الدرجة الاولى؟ واقدر اصدر شيك واحد باسمي يغطي اكتتاباتهم؟

 

[ams]

e na3am tegdar tadmejhoooom kelhom law 100 fe cheeeek wa7ed

 

[بوحسن]

سوال

يصير ادز احد يكتتب مكاني

يعني اصدر شيك مصدق واعطيه جوازات ؟

وهل الي ياخذ الجوازات ليم يدفع المبلغ الاسهم تندمج باسم صاحب الشيك المصدق ..ولا كل جواز يصدر له تسهم بروحه

ومشكورين جدا مقدما

 

[بوحسن]

يمدي نكتتب ابيوم واحد يعني نروح الصبح ..نرجع بالليل ؟ ؟

 

[CooL]

سوال

يصير ادز احد يكتتب مكاني

يعني اصدر شيك مصدق واعطيه جوازات ؟

وهل الي ياخذ الجوازات ليم يدفع المبلغ الاسهم تندمج باسم صاحب الشيك المصدق ..ولا كل جواز يصدر له تسهم بروحه

ومشكورين جدا مقدما

يصير واحد يقدم عنك والاسهم باسمك مو باسم اللى قدم المعامله .واعتقد بدايه كل واحد اسهمه بروحه لين تصير بعدين وكالات ودمج ومن هالكلام .

تونى واصل من قطر واذا على يمدى او لا اقولك انسى اذا ما عندك رقم ما اعتقد ادش قبل يومين او ثلاث انا شارى رقم الاحد وما دشيت الا الاثنين العصر .

 

[CooL]

شباب نصيحه المشكله مو بالاوراق الطلبات سهله وما تحتاج شى لكن المشكله بالارقام هناك سالفة الارقام سالفه .


اقولكم اللى صار معاى وصلت 12 الظهر الاحد وشريت رقم 15350 والرقم كان واصل 14300 قلت سهاله لكن اللى صار انه من الصبح ينادون على الارقام القديمه يعنى من 10000 وتحت وعقبها من 11000 وانت رايح لين يوصل رقمك وكل ما اىى دورك يدشون الارقام القديمه وانت واقف تنطر المهم ما وصل رقمى الا يوم الاثنين الساعه 1 الظهر تقريبا .


الحين نقول انى مو شارى رقم ووصلت واخذت رقم كان التوزيع 17000 يعنى بالحسبه اللى شفتها راح ادش اليوم العصر او باجر مو اكيد بعد .

عموما الرقم مشكلة حطوا بالكم .

 

[بوحسن]

يصير واحد يقدم عنك والاسهم باسمك مو باسم اللى قدم المعامله .واعتقد بدايه كل واحد اسهمه بروحه لين تصير بعدين وكالات ودمج ومن هالكلام .

تونى واصل من قطر واذا على يمدى او لا اقولك انسى اذا ما عندك رقم ما اعتقد ادش قبل يومين او ثلاث انا شارى رقم الاحد وما دشيت الا الاثنين العصر .

اول شي الحمد لله على السلامه ومشكور علىالرد

ثاني شي يعني ان رحت الخميس العصر ؟ يبيلي تذكر على السبت ؟

ويمكن ما ادش بعد ؟ اويلااااااااااااه واخر يوم الاحد

بتصير ذبحه

 

[حريص]

يصير تروح يوم الخميس بس تشتري رقم ودش يمكن نفس اليوم او اليوم الثاني حسب الرقم الي راح تشتريه بس لو مثلا رحت يوم الخميس علشان تاخذ رقم وتنطر دورك اعتقد انك مراح تدش من الاساس يعني لا تروح
انا امس وصلت من هناك والارقام الي توزعت تقريبا 23000 وكان الدور واصل تقريبا 16000 واهم يدخلون يوميا من 1000 رقم الى 1500 رقم وانت عاد احسبها

بس في حل ثاني بس ما اقدر اقوله لك اهنيه راح ادزلك رساله على الخاص