اهاااااا جذي يعني القصار هو اللي خربك بالطباخ
تصدق بوناصر كل ماكلمك اجدتك خارج الكويت
وتطبخ ههههه
ذبحك السفر وهو قطعه من العذاب كما ورد بالحديث
المنتدى كله يشتاق لك ولسوالفك
الله يردك سالم غانم ان شاء الله
هلا يابوعبدالله
اول شيء ياجماعة الخير متى يفتح السوق
هل يوم الاحد او الاثنين
اما بخصوص اسامه القصار عسى الله يحفظك ويحفظه ويحفظ كل مسلم تراني خبري فيه من سنة 1992 وعسى الله يذكره بالخير وتراني ماجبت طاريه الا انه شقردي مثلك ويحاول يخدم الناس كلها
مثل ماانت تخدمنا عسى الله يوفقك في هذا المنتدى وهذا من طيب اصلك وعسى الله يكثر الطيبين امثالكم
والله ياخوك مااقولها مجاملة ولكن هذه حقيقة ويجب ان نشكر الناس على افضالهم علينا
اما بخصوص الطباخ توني عرفت ان اخونا اسامة يطبخ من خلال المقاطع المنشورة بالنت
الطباخ تعلمته من امي الله يرحمها وخالتي في اول الثمانينات وانا من الناس اللي ماياكل بالمطاعم الا للضرورة القصوى
تدري اخوك بدوي وطلعاتي للبر كثيرة ونحب سوالف الطبخ السريعه البسيطة
اما الان طال عمرك يالله نطبخ الاشياء اللي تترس شويه في ابطونا
ام ناصر اهي اللي تطبخ لي الان وعسى الله يحفظها ويبارك لي فيها مع اعيالها
انا شغلي تدري شنو بس اقصص بالبصل واقشر الثوم ههههههه
العادة طال عمرك في هذه الايام بالسنة الاجواء بالكويت من افضل الاوقات وغلطان اللي يسافر خارج الكويت هذه الايام
الامور ابشرك بخير ولله الحمد والفضل والمنه وانا من الناس احب السفر اصلا وتدري عقب حكرتنا في سالفة كرونا ملينا من الحكره ولا تلومنا ونبي ننطلق مع شوية مراجعات طبية بسيطة
تراني ماني من الناس اللي يقرق ويسولف عن نفسه ولكن انت جريتنا بالحجي شوي
عساك عالقوة يابوعبدالله وسامحنا على الاطالة
اهم شيء
انك تطربنا كما تعودنا على سوالفك الحلوة من الاخبار الزينة الطيبة عن كل ماهو شيء جديد في سوقنا ونحن ندعوا لك في ظهر الغيب
شكرا على دعائكم الطيب والله يرحم والديك
