متابعة السوق

كلينت ايستوود · 20 فبراير 2022

هاااا

شكلي بنتظر شوي

كلينت ايستوود · 20 فبراير 2022

هونت عن الدخول بجلسه الاحد اليوم
وصلت الذروه

بوقاسم · 20 فبراير 2022

السلام عليكم ورحمة الله وبركاته
شلونك بوعبدالله
كم الدعم والمقاومه لسهم اسيا ؟

كلينت ايستوود · 20 فبراير 2022

يااخي مرات اشعر اني حكيم عيون
وافهم بالعين
وافهم كمان في رموش العين
ومرات ادخل الطوفه لبس

كلينت ايستوود · 20 فبراير 2022

بوقاسم قال:
السلام عليكم ورحمة الله وبركاته
شلونك بوعبدالله
كم الدعم والمقاومه لسهم اسيا ؟

عليكم السلام ياهلا بوقاسم

تعرف اخوك دعوماته مو مثل البشر فيها عنف
60 فلس متوسطه الصاعد هذا هو دعمه
كسره والتداول تحته ياكل من لحمه الحي
مقاومه السهم هيه قمته 70.7 فلس
لانه سريع الاشتعال اعرفه
الاهم الاهم الدعم

والسهم عنده مبالغ بالاعلانات سوف تدخله نهايه السنه
والمبلغ الاضخم الربع الاول تغير وجه السهم في البيانات 180 درجه

قلبي معه بس فرقتنا الحروب

كلينت ايستوود · 20 فبراير 2022

كنت اسوق زوارق
واشوف ناس تعلق دائماً فلان تغير 360 درجه
وهو مايدري شنو الدرجه التي يتكلم عنها
هذه بجهاز الملاحه
الدرجه كامله 360 درجه اتجاه معين مرقم
180 درجه يعني فوق تحت بتمام
الاخ يقول تغير 360 درجه يعني لف لفه كامله
ورجع نفس خط سيره بتمام

كلينت ايستوود · 20 فبراير 2022

هذا واحد من الجماعه
قبل 5 او 4 سنوات صار عندهم عرس اخوهم
الاصغر
واخوانه عددهم كثير واحد منهم الوسط لبس البشت وفية حركه زايده
وعنده ترحيب قوي للضيوف
كل ماجاء ضيف منصب قوي خمه ولفه يمين يسار لغايه مايحطه في مكان مناسب
جاء اعلى منصب وصادم للحضور خمه ولفه 360 درجه
وهو رافع ايده فوق ودوره دائره كامله حول نفسه شوف عيني بشت المنصب ارتفع من الهواء
ثم راح فيه اقصى اليمين ثم اخذه اقصى اليسار
داخ الضيف ووقف حس انه تمسخر بعدين حطوه بجانب المعرس ويقعد وهو مفتر مخه
سوى فيه رقصه البالية اشوى ويسدحة على الارض