نواخذة الكويت
عضو نشط
- التسجيل
- 29 يونيو 2004
- المشاركات
- 65,530
بويوسف الحبيب
انا مو شاطر بالحساب ممكن تشرحلي كيف ظبطت معك انه اجمالي نسب رأس المال اكثر من ١٠٠٪
تحياتي
انا طالب نسب أقل من 100%بوفارس انا عندي محافظ منفصله عن بعضها و كل محفظه فيها مبلغ من المال
اشوف كم القيمة ( الفلوس ) اللي تملي عيني و تسوى تعب و شغل و متابعه خلال سنه و أحط النسبه اللي ابيها
مثال / محفظة فيها 20 ألف دك >> اشوف بأن يملي عيني ربح 8 ألاف دينار
8 تقسيم 20 ضرب 100 = 40 % << هذا الهدف
ومسوي هالحركة مع كل محفظة
النيه أدبل المحفظة لكن إن وصلت للنسب اللي انا كاتبها فوق فأنا حققت الهدف اللي كنت أتمناه و أبيه
مجموع النسب المكتوبه بتجيبلي مبلغ مُحترم جدا جداً وهذا نسميه شغل و تجارة
و بالكويتي نسميه ( تعب يسوى )
لكن تبيني أضيع سنة من عمري على خسارة أو ربح ألف ألفين
أروح شويخ وأدخل على محل ميكانيكي و أقوله عطني قَاز وأكبه على نفسي و أشرب زقارة علشان أولع إبنفسي أبرك 
العمر له احترامه ( وله قيمته هاذي سنه من عمرك )
يا تكون الربحيه ترفع الراس ،، ولا يا حسافه على عمر ضاع
إنت في بداية السنة ،، ما راح منها شي حتى الربع الأول محد أعلن عنه ليما الحين
- رتب فلوسك
- اجرد الأسهم
- شيل الأسهم اللي ما منها فايده
- راقب الأسهم الممتازة
- اشتر السهم الربحان اللي يوزع أرباح
- اشتر بقاع السهم حتى و إن توقفة عن العمل شهرين او ثلاثه
- خل دخولك دخول جامد القلب واثق بالسعر و الشراء والاختيار
( لازم و إجبار أن تكون عندك خطه تمشي عليها )
شغل >> سهم نزل وايد سوف يرتد
شغل >> سهم مو هذا سعره
شغل >> سهم عفن مع انتعاش السوق يصعد
شغل >> سهم اخترق او كسر
شغل >> سهم عليه حركة
شغل >> سهم ارتفع اصعد معاه
شغل >> سهم صيده
كل هذا
اذا ما خسرك بتكون مكانك راوح بتكون سنه من عمرك ضاعت ( على الفاضي ) 
سلام
التعديل الأخير:
)
