⛺️ خيمة الشايب لِتداول الأسهم ⛺️

[Boufaress]

مشاهدة المرفق 336417

مشاهدة المرفق 336418مشاهدة المرفق 336419
السلام عليكم
الحمدلله على سلامتك يالشايب
مبروك افتتاح صفحه التداول
بس عندي نطقه نظام
سهم معامل ذاكره من كان رخيص 250 فلس وقلت هذه صقله الارتداد ووصل 445
وكذا مره نبهت عنه وهو بخانه 200 فلسً

يا هلا بوعبد الله طمنا عنك ان شاء الله بخير.

 

[( على قد الحال )]

شوف أخوي إنت تبي آراء عن سهم مدينة الأعمال هل هذا آخرها أو لها صعود

رأيي الخاص ( اكتفى وأخذ حقه السهم وزود )

هااااااااا سمعتك قلت افااا ليش

انا أقولك ليش ؟

أولا / السهم من شهر 9 إلى شهر 3 أعطى إرتفاع ( 133 % ) تقريباً ،، هاذي نسبة إرتفاع كبيره جداً في عالم الأسهم ( أقل من 6 شهور )

مشاهدة المرفق 336429
مشاهدة المرفق 336428

ثانياً / نحن مُقبلين على نتائج الأعمال و الأرباح

في الثلاث سنوات الأخيره يوجد إنخفاض بالتوزيعات شوف معاي

( 2017 - 3 نقدي 5 منحه ) التوزيعة هاذي انا خذيتها

( 2018 - 5 منحه ) ( 2019 - 3 نقدي )

وعمق ضربة جائحة كورونا تُعتبر في عام 2020 هل مدينة الأعمال قادره على الأرباح والتوزيعات ؟؟ الله أعلم

ثالثاً / دخول و خروج ملاك على السهم ،، لا يعني شيء أغلبهم مُضاربين مثل ( دويري العنزي ) و ( ابوكرفته ) و ( باقي الشركات ) يدخلون من باب لفت نظر للمتداولين بأن الشركة ممتازة ولها مستقبل وواعده ... الخ بعد فتره تشوف العموم طلع من كبار الملاك

كل ما ذكرته فوق وجهة نظر لا نعلم ماذا تخبأ لنا الشركة من نتائج مالية

والله أعلم و أعلم

سلام

الله يعطيك الصحه و العافيه


انا فكرت نفس الشي ان اول السوق مع صعدة السوق بقط انشالله و الله اعلم

كل الشكر طال عمرك

و السهم الثاني هااااااا عبالك نسيت
شفت ابتسامتك

التجاريه !

 

[سوق الاوراق]

السلام عليكم

السوق من يطيح ويطب على ويهه رواسي تشوف مواضيع خيام بدون ارواقات وجبرات وعشيش وجواخير ... الخ
من يستن ويرتفع السوق تشوف مواضيع مزارع وشاليهات وبيوت وفلل وعمارات ،،،،،، الخ
​

بويوسف خلص الموسم ابي خيمة صباحية حق السنة الياية ....................

 

[سوق الاوراق]

السلام عليكم

شوفو لنا السهم الطايش المفتلت وما يغشمر ماتعرف يصرف او يبيع او يشتري او يبي ينزل او يرفع بالتداول الواحد تشوف كل انواع التحليل الفني والتقني تتوقع شي يوريك شي ثاني بنفس اللحظة يقنعك ويخليك يا تشتري ياتبيع ....

برقان لحفرالابار ....... قاعد يحفر بالسوق .

 

[تلميذ1]

مشكور يابو يوسف على هالصفحه الجميله وروحك الطيبه .لك تحياتى

 

[تلميذ1]

السلام عليكم

شوفو لنا السهم الطايش المفتلت وما يغشمر ماتعرف يصرف او يبيع او يشتري او يبي ينزل او يرفع بالتداول الواحد تشوف كل انواع التحليل الفني والتقني تتوقع شي يوريك شي ثاني بنفس اللحظة يقنعك ويخليك يا تشتري ياتبيع ....

برقان لحفرالابار ....... قاعد يحفر بالسوق .

الامور سهله ياسوق الاوراق

اخذ الامور ببساطه


ركز عالتصحيح ..قمه 219 ..وصله بترند للقمه الى عقبها .

والقاع الى بعد 219 وصله بالقاع الثانى الاعلى من القاع الاول .

يطلع عندك شكل .. تابع هالشكل .وشوف شيصير .

 

[تلميذ1]

سؤال مهم ،، كيف ينتقي ( يختار ) وارين بافيت أسهمه ؟؟ وما هي الأسهم المفضلة لديه ؟

المثل الكويتي يقول عط الخباز خبزه لو اكل نصه

خليت وارين بافت خباز ههههههه

نقدر ناخذ ( فكر و طريقة و اختيار ) وارين و تطبيقها على بعض بعض بعض الشركات الكويتية بالبورصه

وكما قال المثل الصيني ،، لا تعطني سمكة بل علمني كيف اصطاد السمك أو عطني فلوس أروح أشتري من البسطه اللي بسوق شرق هههههههه

بصراحة فيديو مُشوق أنصح بمشاهدته

علبو إني شايب حسبالهم مو مثقف

الشركه الى ماتخلوا محفظه وارن بافت منها هى شركه

بيركشير هاثاواي​

وسعر السهم الواحد 346.580.00 دولار

جو مضيع

 

[نواخذة الكويت]

خيمة مباركة قصدي صفحة مباركة يابو يوسف

هههههههه الله يبارك فيك بوحسن ما أوصيييك عبر عن شعورك بالجلسة كثر ما تبي بالصفحة

الصفحة عباره عن ( فشششش غلك من السوق )

على البركة الصفحة بويوسف
الله يعطيكم العافية وجميع الاخوان المشاركين بالصفحة.
تحياتي.

هلا بوفارس الله يبارك فييييك يا الغالي تصدق انا مثلك قليل الكلام ،، نؤمن بأن أحلى الكلام ما قل ودل

وسهم اللي خبرك بيت العز يا بيتنا على بابك عنبتنا راح أسلط عليه الضوء

 

[نواخذة الكويت]

السلام عليكم

السوق من يطيح ويطب على ويهه رواسي تشوف مواضيع خيام بدون ارواقات وجبرات وعشيش وجواخير ... الخ
من يستن ويرتفع السوق تشوف مواضيع مزارع وشاليهات وبيوت وفلل وعمارات ،،،،،، الخ
​

بويوسف خلص الموسم ابي خيمة صباحية حق السنة الياية .................... مشاهدة المرفق 336430

هلا بويوسف شلونك

افاااا مو انا اللي أتهرب عند نزول السوق و أشيل خيمتي

وثانياً انا مسوي احسابي لهذا اليوم أشيل بس كلمة شايب من الصفحة

المهم ما أشيلها

 

[كلينت ايستوود]

يا هلا بوعبد الله طمنا عنك ان شاء الله بخير.

ياهلا بوفارس يامرحبا ، طيب وبخير الله يطيب حالك وفالك

 

[نواخذة الكويت]

الله يعطيك الصحه و العافيه


انا فكرت نفس الشي ان اول السوق مع صعدة السوق بقط انشالله و الله اعلم

كل الشكر طال عمرك

و السهم الثاني هااااااا عبالك نسيت
شفت ابتسامتك

التجاريه !

لااااا يا خوي ما نسيت بس قلت الشباب فيهم الخير و البركه يجاوبونك عن الشق الثاني من السؤال

التجارية ماني صوبها نهائياً ،، اللي اعرفه عنها توزع 5 % و مرات 6 % ورأس مالها كبير 184 مليون دينار

انا أحب الشركات الخفيفه ( كما الرييييشه )

شركة رأس مالها أقل من 20 مليون ،، شركة مملوكة بنسبه كبيره ،، شركة لها قفزات السعرية تسر الناظرين

أحب ( مبرد - دبي الأولى - حيات كوم - وطنية ) هالنوعيه من الشركات

تصدق أخوي اتصل عليي الفنان ميحد حمد قالي اكتب عنهم مدام تحبهم چذي وكنت وقتها ماسك قلم و يايتني ملكة الكتابه قلت في أول بيت

أحب البر والمزيون ( حيات ) ... وأحب البدو والأوطان
واحبك قبل لا يدرون ... هلي واهلك ولا الجيران

ولاجلك كل شي يهون ...على شانك رفيع الشان
ولو تطلب نظر العيون ... عطيتك مني الصفطان

ببيع الروح لو يشرون ... ونرضي الخاطر الزعلان
حرام البعد يالمظنون ... حرام الصد والهجران

آسف خذاني الطرب شفت خيمة ⛺️ حسبالي قاعدين بالصمان ههههههههههه

 

[نواخذة الكويت]

مشكور يابو يوسف على هالصفحه الجميله وروحك الطيبه .لك تحياتى

الله يسلمك و يعافيك بوعبدالله تسلم يا الغالي

قلنا نفتح صفحة نكتب فيها و سوالف و يكون مكان يجمعنا ( ديوانية )

ما نستغنى عنك يا الحبيب

 

[نواخذة الكويت]

السلام عليكم

كيف تصبح ثَرياً

مع المتخصص في إدارة الأعمال ( فيصل كركري )

انا أخذت ،، مُقتطفات من مقابلته وكتبتها لكم لكن فيديو جميل للمشاهده

- الكتب الأجنبية لا تجلب المال ،، فهم يُحاكون الحالة الإنسانية ورغبة الناس للمال

- لا يؤمن بقانون الجذب حتى تكون ثرياً ( كلام فاضي )

- كل شخص يحاول يعظم و يحسن الأشياء اللي هو يملكها من ناحية ( الشخص الأعلامي ياحول في التطوير في الإعلام - الشخص اللي يفهم بالعقارات يطور نفسه بالعقار - كل شخص يطور ويستثمر من المجال اللذي هو يفهم فيه

- خطوات يجب أن تتبع حتى تحصل على الإستقرار المالي
١ - إدخار منتظم ٢ - استثمار في أمور انت تفهم فيها

- أفضل كتاب للي يحب الإدخار هو ( أغنى رجل في بابل ) كتاب قديم و قليل الصفحات و منطقي في طرحه

- بعض الصفات المشتركة بين الأثرياء ( التواضع بقبول النصيحة - حب القراءة ) << شفتوا الأخبار شتسوي

- المشروع الناجح يطور نفسه بنفسه

- يجب معرفة ( المحاسبة ) لو بشيء قليل حتى تتوسع بأعمالك ،، معرفة طرق التمويل حتى يقنع البنوك بتمويل مشروعه

نصيحة الإدخار ،، يجب على الإنسان أن يكون لديه هدف معين تبي توصله ( من خلاله تحفز نفسك على الإدخار )

( الإستثمار و من لا يعرف يتعلم ) تطبيق هذا الكلام صعب لأن الناجحين أمثال نواخذة الكويت قله في العالم

حاولت أنقل أهم كلام المحاضر فيصل إن شاء الله يكون الفيديو عجبكم

سلام

 

[نواخذة الكويت]

هذا جدول حطه ( بوعبدالله الراقي )

عن الشركات الخسائر المتراكمة عندها فاقت ال 50 %

واحنا حالياً في إعلانات الربع الرابع

الحذر ✋

 

[نواخذة الكويت]

افففففف والله توني أنتبه لسهم التجارية

صعود 36 % من أسعارها المُعتاده ( بالتسعينات )

وهبوط 36 % من قمة 129 فلس

وتقولون ما شربت مروقها

رأيي الخاص ( مضاربه عنيفه مرت على السهم ) شالسالفه أكثر قطاع تضرر بسبت كورونا العقار

والله أعلى و أعلم

 

[saadsaad]

نالسلام عليكم الأخوة الأعزاء جميعا....

سؤال ورأي إذا ممكن ..

هل توافقوني الرأي بأن المعامل والصالحية ممكن أن يتفوقان على نابيسكو والمباني مقارنتا فيما بينهم من ناحية السعر والربحية والتوزيع ....

مجرد رأي فقط...وشكرا لكم

 

[نواخذة الكويت]

إلى عُشاق الأسهم الرخيصه بالأسعار

من الشركات الخفيفه اللي تعجبني قفزاتها السعرية

( مراكز ) << لها معامله خاصه بالشراء و البيع

خطة ( التجميع المُمل )

رأس المال / 14 مليون ،، مملوكة / 45 %

ربحانه الربع الثالث 0.49 >> نمو 158 %

أرباح مُرحله تقريباً 7.400 مليون

ما عندها خسائر مُتراكمة

خلال شهر السهم أعطى إرتفاع ما يُقارب ال 40 %

لكن تحتاج وقت للتجميع و يفضل بالعشرينات

ليست توصيه >> انا مُراقب للسهم و حبيت أتكلم عنه

وما أملك فيه

سلام

 

[( على قد الحال )]

لااااا يا خوي ما نسيت بس قلت الشباب فيهم الخير و البركه يجاوبونك عن الشق الثاني من السؤال

التجارية ماني صوبها نهائياً ،، اللي اعرفه عنها توزع 5 % و مرات 6 % ورأس مالها كبير 184 مليون دينار

انا أحب الشركات الخفيفه ( كما الرييييشه )

شركة رأس مالها أقل من 20 مليون ،، شركة مملوكة بنسبه كبيره ،، شركة لها قفزات السعرية تسر الناظرين

أحب ( مبرد - دبي الأولى - حيات كوم - وطنية ) هالنوعيه من الشركات

تصدق أخوي اتصل عليي الفنان ميحد حمد قالي اكتب عنهم مدام تحبهم چذي وكنت وقتها ماسك قلم و يايتني ملكة الكتابه قلت في أول بيت

أحب البر والمزيون ( حيات ) ... وأحب البدو والأوطان
واحبك قبل لا يدرون ... هلي واهلك ولا الجيران

ولاجلك كل شي يهون ...على شانك رفيع الشان
ولو تطلب نظر العيون ... عطيتك مني الصفطان

ببيع الروح لو يشرون ... ونرضي الخاطر الزعلان
حرام البعد يالمظنون ... حرام الصد والهجران

آسف خذاني الطرب شفت خيمة ⛺️ حسبالي قاعدين بالصمان ههههههههههه

شخباااااري هالاغنيه

 

[نواخذة الكويت]

نالسلام عليكم الأخوة الأعزاء جميعا....

سؤال ورأي إذا ممكن ..

هل توافقوني الرأي بأن المعامل والصالحية ممكن أن يتفوقان على نابيسكو والمباني مقارنتا فيما بينهم من ناحية السعر والربحية والتوزيع ....

مجرد رأي فقط...وشكرا لكم

انا أوافقك الرأي

الصالحية و المعامل أتوقع لهم مستقبل ( توقع )

المباني نتائجها مخيبه للآمال

و توزيعتها هزيله 6 نقدي / 6 منحه مقارنه مع توزيعات ( 2019 - نقدي 14 منحه 6 % )

نابيسكو ماني صوبها

لكن ما نقدر نقارن بينهم ( بالأسعار أو منو يطوف الثاني )

كلهم ما شاء الله شركات تشغيلية و أصول وعقود و أرباح و توزيعات

حتى لو تتعثر شركة بنتائج أعمالها ،، يَسهل عليها العوده من جديد

والله أعلى و أعلم

 

[كلينت ايستوود]

نالسلام عليكم الأخوة الأعزاء جميعا....
سؤال ورأي إذا ممكن ..
هل توافقوني الرأي بأن المعامل والصالحية ممكن أن يتفوقان على نابيسكو والمباني مقارنتا فيما بينهم من ناحية السعر والربحية والتوزيع ....

مجرد رأي فقط...وشكرا لكم

عليكم السلام ورحمه الله وبركاته
حرام المقارنه على المطلع على البيانات
نابيسكو ربحها تشغيلي وعقود مع النفط وانخفض ربحها بكورونا بالربع الثالث فقط 54 فلس وراس مالها 10 مليون

ومباني ربح تشغيلي بحت كانت بعافيتها تربح 54 فلس

صالحيه ربحها استثنائي القياسي من بيع ممتلكات وبيع شركه تابعه

معامل ربحها القياسي استثنائي من تعويضات قضائية

صح صالحيه يوم كانت رخيصه تستحق الصعود وصعدت
ومعامل كذلك
واخذوا حقهم كامل مكمل