الشركة العربية العقارية ش.م.ك.مقفلة‏ ( ع عقارية )

[ابومانع]

والله حجيك يضحك السهم من 300 فلس الى 198 فلس اب شهر و اتقولي السهم فيه خير يبيله شهر يعلق علشان الناس اترد راس مالها بس الا اذا انت يديد على السوق هذا شي ثاني الناس دمرها السهم الله يهداك

اي والله

فعلا

 

[anaahmad]

اتعب سهم فى البورصه لا صانع سوق عليه ونزول جنونى. خسر العالم حسبى الله ونعم الوكيل فلوسنا راحت شاريه 285 وكنت ناوى ابيعه على 230 بس الشباب بالمنتدى قالوا حرام انطر عليه نطرنا ونلنا 196 لاحول ولاقوة الا بالله .

 

[qatel4]

يا خوفي السهم رايح 170 فلس

 

[shamssoe]

انا شاريه بـ 285 فلس ومبرد عليه 212 بس اذا كلامهم صحيح عن أرباحهم
في الربع الرابع 13.5 فلس مع زيادة راس المال فأن وضعها راح يتغير 100% ..
فضلاً عن قرب أعلان البنك العقاري لتحويله أسلامي .

 

[سوق التجار]

أنا اللي أعرفه أن ربحيه السهم للربع الثالث 23 فلس. يعني ربحيه ممتازه لسعره، وخصوصاً أن أغلب أرباحه محققه. وسبب نزول السهم المستمر محير يدل على أن الشركة فيها شيء.

وشنو قصه ال13 فلس الي قاعدين يتكلمون عنها؟ هل هي أرباح الربع الرابع فقط؟ أم هي أرباح الشركة لمجمل عام 2005؟

 

[shamssoe]

اتوقع ان الربع الرابع 13.5 فلس لان السهم ارتفع بتاريخ 2/10 وهو بداية الربع الرابع من 222 فلس الى 315 فلس في اخر شهر 11 وتم تصريف قوي عليها. وحسب معرفتي البسيطه ان كثير من الشركات تعتمد على الارباح غير تشغيليه .ما اتوقع الشركه خسرانه

 

[سعود222]

وين المحللين واهل الخبره نبيهم يفيدونا على النزول اللي صاير على السهم نزول من 315 الى 196 نزول غريب

 

[ابومانع]

ليش مافي اي اخبار عن السهم هذا؟؟

 

[white soul]

غدا اجتماع مجلس الاداره لمناقشة بيانات عام 2005 الساعه 12:30

الله يكتب في الخير ويوفقكم​

 

[الهادى]

سمعت من المنتدى بان بكره اجتماع مجلس اداره عربيه عقاريه لمناقشة توزيع الارباح وعلمت بانهم رايح يوزعون ارباح نقديه مقابل كل الف سهم (قوصره تمر حساوى ) ومنحه طراقين على وجه كل مساهم لان اشترى فى ها الشركه التعبانه مو قلنا لكم من الاول بان اهلها نصابين والمطبلين يقولون السهم فيه خير السهم فيه طل بوجه ملاكها *****************

 

[سعود222]

الله يعين اذا كانت التوزيعات تفشل يمكن ينزل السهم تحت 100 وين المحللين واصحاب الاخبار يفيدونا

 

[ابومانع]

شصار على التوزيعات؟؟؟

 

[المناور]

مافيه اخبار عن الأرباح

 

[سيف الهاجرى]

العربيه عقاريه

اخبارها منحه 5% + ارباح 5% + زيادة راس المال 15% وسعر السهم 160 فلس الخبر فى جريدة الراى العام وشكرا انشا الله يرتفع سعر السهم

 

[shamssoe]

اخبارها منحه 5% + ارباح 5% + زيادة راس المال 15% وسعر السهم 160 فلس الخبر فى جريدة الراى العام وشكرا انشا الله يرتفع سعر السهم

اذا تبي ترتقع على زيادة راس المال 15% ولا توزيعاتها تعبانه وبعدين سعر السهم 186 فلس مو 160 فلس يعطيك العافيه يا هاجري

 

[سيف الهاجرى]

انا اقول عند طرح زيادة راس المال السعر هو 160 فلس وصلت المعلومه تفاءل بالخير :d

 

[المناور]

زيادة راس المال 15% سعر السهم 100 فلس علاوة اصدار 60 فلس
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الأرباح 22 فلس تم توزيع 5 نقدى و5منحه
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
والباقى للرئيس الشركه والأعضاء
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الله المستعان

 

[ابومانع]

يعني هذي التوزيعه خلاص؟؟؟


5 نقدي 5 منحه 15 زيادة راس مال؟؟

زين شلون استلم الارباح؟

 

[سعود222]

يا خبراء يعني هذه التوزيعه زينه بالنسبه لقيمة السهم
وراح يرتفع السهم او العكس أفيدونا مشكورين
ترانا شارينه غالي 280

 

[qatel4]

صج لين قالوا اتعب مجلس ادارة
الظاهر بوخمسين بعد مايطلع من اللبنانية راح يحول سيولته على العربية ع بس يبها برخيص فمشى على الفيلم الجديد زيادة راس المال
والصغار مضطرين يساهمون
بالله مايقول لنا شنو مشاريع الجديدة

اللحين بالعشرين الف يعطوني100 ويردون ياخذون منا480
الخلاصة:
اتوقع نزول السهم بعد التفصيخ الى 160 فلس