محللنا نبي رأيك بمدار أقفل اليوم فوق 110
هلا بأخوي بوعزوزززز صديق ( كميفك )
السموحه بوعزوز سوف اتكلم بكل شفافيه بعيداً كل البعد عن الصداقة
المحلل الشعبي ،، يمتاز بالصدق و الأمانه و الحرفيه بالعمل بعيداً كل البعد عن ( المجاملات )
شوف طويل العمر ،،
انحدار الشركة من ال180 فلس وهذا واضح أمامك
البيانات المالية غريبه
الأرباح مره فوق مره تحت
مجلس الإدارة للأسف لا يُقدر المساهمين
ربحاااااااان 71 فلس السنة المنتهية 2018 ما وزع عليهم شي شنوووو هالنحاسه
انا اللي كسر خاطري في شياب يملكون السهم ،، قالولهم ما نبي نقدي ولا منحه انزين وزعوا علينا بسكوت مالح نغط فيه بالشاي حليب ههههههههههه
قالولهم ماكو
نروح حق الربع الأول لعل و عسى يكون في شيء حلو
وين ال 71 فلس
يلا نقول راحت إلى حقوق المساهمين دفعة بلا عن مجلس الإدارة و عن الشياب اللي يبون بسكوت مالح
بوعزوز شوف الإرادات التشغيليه و صافي الربح شلون منخفضين جداً ( ترى مو أي محلل يلاحظها ) الحين اقولك ليش
الربع الثاني ،، نشووووف هل ترجع ال71 فلس
أرباح "المدار" الكويتية تتقلص 99% بالربع الثاني
وين ال 71 فلس
اختفى حتى من حقوق المساهمين
هااااااا شووف زاد الإنخفاض اللي نبهتك عليه فوق
شنو هذا
من صجهم على شنو فوق ال100 فلس
بإختصار يا بوعزوز ،، الشركة نازله من ال180 إلى تقريباً تحت ال100 ثم عادت إلى فوق ال100
اذا قلنا نبيها ترتد إلى الأعلى و تستعيد خسائر السهم بشرط ؟ توزع أرباح لأن موسم التوزيعات الشركااااااااااااااااا و71 فلس ما أعطت مساهمينها ولا متليك
شنو الدافع لصعودها
مع ميزانيات متناقضه متضاربه والربع الثاني لا يبشر بالخير أبداً
يا عمي عضو مجلس إدارة قام يبيع في ١٩ / ٨
الكويت – مباشر: أعلنت بورصة الكويت اليوم الاثنين بيع عضو مجلس الإدارة في
شركة المدار للتمويل والاستثمار، باسم المظفر 499 ألف سهم بالشركة، وبإجمالي يقدر بـ 45.91 ألف دينار، وذلك حسب بيان لبورصة الكويت.
وأشار البيان إلى أن متوسط سعر بيع السهم في الصفقة سجل 92.096 فلس، علماً بأن الشركة القائم لديها المحفظة الاستثمارية هي الوطني للاستثمار.
حتى الشياب قالوله مدام بعت يلا اشتر لنا بسكوت مالح
بصراحه بوعزوز ،، اذا الربع الثالث صار مخيب للآمال ال 80 فلس تنطر مدار بأحر من الجمر
سامحنا على الإطاله ،، بس هاذي أمانه تحليليه يجب إيصالها للناس بكل التفاصيل
والله أعلى و أعلم
سلام
