شركة المخازن العمومية ( مخازن ) .

[boalons]

لا يابوتسنيم الشباب معذورين والي مايعرفك مايثمنك

لان الناس على اعصابها وملت من الاشاعات يمكن انتا ماكنت متابع المنتدى الفترة الي فاتت وماشفت الاشاعات الي طلعت على المجموعة , يعني الناس خسرانه واي خبر يكون ايجابي يرد الروح لحمله السهم , لكن لما يتبين انه اشاعه شوف الاحباط الي يصير

وارد اشكرك على حسن نيتك واذكرك بحساسية هذه الاخبار , فياريت ننتبه لما ننقله

وموفق

 

[Bo Tasneem]

إذا كان هذا اللي صاير فآنا جداً آسف لما شلته من معنى في الرد الأخير لي .. ربما فعلاً أكون يديد في المنتدى وما أدري اشلون الربع فازعه قلوبهم على الإشاعات اللي تطلع .

وما كنت أقصد أي شي .. ولكن خل بقلوبكم اشوية أمل .. صدقوني آنا ما أتحيّز لأي سهم وخاصة أسهم الجناعات (المجموعة الماسية) ، لكن أعتقد والله العالم إن أخبار المخازن وعقودها اميمعينها وخاشينها وراح تطلع مره وحده بعد الجلسه مباشرة .. علشان فجأة (جك بوم) تلقون السهم واصل 8 دنانير والواحد مو ملحّق لأن ماكو عرض!!
وإن شاءالله تكون وجهة نظري صحيحة والله يسمع

وسامحونا مرة ثانية

 

[الراقي]

والله ريحتني بكلمتك يا بوالأنس انت واللي ردّوا علي بتفاؤل .. لكن خل اللي بس هامهم الطنازه واللي بس كل ما انقال شي قالوا (إشاعه) خلهم على جنب اشوي .. لأني الحمدلله امبرّي ذمّتي بكلامي أول شي وقايل إني واصلني كلام وإن شاءالله بيكون صج (موبالكلام) .. لكن بعد ما قريت الردود اللي قبل رد أخوي الحبيب بوالأنس تمنّيت ويارب يطلع اللي وصلني صج علشان أعرف اشلون أرد عليهم ..

الله سبحانه يقول : "هل جزاء الإحسان إلاّ الإحسان" .. بغيت اتسوي خير قلب عليك شر .. خلها على الله هذا احنا يالعرب ما نتغيّر لو مهما يصير (بالذات احنا يالكويتيين) اطنازه على شي يسوى وشي مايسوى كله واحد
جني زودتها اشوي

أحمدربك ان بولانس شهدلك جان شفت شي غير وحد اعلى لمدة السبوع

 

[As You Like]

ياجماعة الخير ..

وصلني خبر من أكثر من واحد .. المخازن سوف تعلن يوم الجمعه المقبل هذا عن عقد بقيمة (1) مليار دينار "وليس دولار" .. وهذا العقد بداية لأول اعلانات الشركة .. والخير ياي بإذن الله .. وان شاءالله اللي اصبروا مايروح صبرهم سداً

واللي بسمّيها إشاعة أو شي كيفة .. قتلكم يايلي خبر من أكثر من واحد .. وواحد منهم جناعي عارف الشركة عدل وأخبارها .. اللهم بلّغت اللهم فاشهد

بوتسنيم مشكور على نقل الخبر ورايتك بيضه أهم شي حسن النيه وأنا بصراحه أثق فيك إنشاء الله ...
والله كريم

 

[أحمد بورصة]

1) الخبر ياله أكثر من مصدر.
2) السهم نازل.


شنو نستنتج ؟؟؟؟؟؟؟؟؟؟؟؟؟؟؟؟؟؟؟؟؟


و آسفين على القصور

 

[anaconda]

1) الخبر ياله أكثر من مصدر.
2) السهم نازل.


شنو نستنتج ؟؟؟؟؟؟؟؟؟؟؟؟؟؟؟؟؟؟؟؟؟


و آسفين على القصور

ممكن توضح انت شنو تقصد؟
اعتقد تقصد ان الاخ قاصين علية وقاعدين يصرفون الكبارية
بس خل اقولك شي مهم وحطة في بالك
دائما قبل العقد او قبل اي خبر قوي تشوف السهم نزول مبالغ فية
مادري ليش

 

[طالب العبدالله]

بو تسنيم يعطيك العافية على الخبر (سواء صج او اشاعة) اذا صج اسهمنا ارتفعت قيمتها واذا اشاعة ترانا ماسكين السهم الى نهاية العام واللي يصير للناس يصيرلي (الحشر مع الناس عيد :d )

 

[حريص]

السلام عليكم
مشكور اخوي على هالخبر ويمكن حسب ما فهمت من المشرف يو الانس انك انسان ثقه يكون الخبر صحيح
ولا تلوم الربع ترى ما ينلامون

 

[بوحسن]

انتباه طيب منك يا الدرب العصامي

وما اعتقد الا كونه اشاعه

ونقدر للاخ نقله للخبر للمنتدى

اشفيك زعلت علينا بوتنسيم ؟
قلنالك مشكور على نقل الخبر للمنتدى ونقدرلك هالشي

..بس انا حبيت اوضح كلام الدرب العصامي علشان لحد يشتري السهم على خبرك ويخسر مره ثانيه قلنا ندوس بريك اشوي ترا الناس ان شرت وحملتك المسئوليه بتشوف كلام صج يزعلك حيل منهم ..وانشالله كلامك يطلع صح

انا عندي من اسهم بيان الي مو بنطر عليها سنه الا بورثها حق الي بعدي..انا على يقين من انهم بيتدوبلون بس متى .؟ ما يندرى على عيال الجناعات

واتمنى خبرك صحيح بس انتباه الاخ العصامي طيب وانشالله الكل طيب

 

[OPEC]

كل شي جايز ..
والله يجيب اللي فيه الخير

 

[أحمد بورصة]

شباب انشاللللللللللللللله يااااااا رب يكون في اي شي حلوا حق المخازن


بس شوفوا


الخبر منتشر بثلاث منتديات و اللي ناشرينه تاريخ تسجيلهم

May2005

 

[أحمد بورصة]

ممكن توضح انت شنو تقصد؟
اعتقد تقصد ان الاخ قاصين علية وقاعدين يصرفون الكبارية
بس خل اقولك شي مهم وحطة في بالك
دائما قبل العقد او قبل اي خبر قوي تشوف السهم نزول مبالغ فية
مادري ليش

وجهة نظر

معقوله كل الشركات اللي صارلها 3 اسابيع قاعده تنزل راح تحصل عقود يعني

 

[Winchester]

الله يسمع منك انشاله ,,,,

 

[ربحت]

وجهة نظر

معقوله كل الشركات اللي صارلها 3 اسابيع قاعده تنزل راح تحصل عقود يعني

اعيان قبل اسبوع 600 وكسور...اليوم 800 حد اعلى يومين

المبانى 650 او شئ جذيه...اليوم 710 حد اعلى يومين

بسألك سؤال....لوقررت تشترى سياره مستعمله مع اعجابك الشديد بها وقمت بالتردد عليها كل يوم ..فلو افصحت لمالكها بهذا الاعجاب...سوف يرفع ذالك المالك بسعرها ولن يخصم لك فلس واحد وحتى لو كان يرغب بالتخلص منها بأى سعر ( وبقولك اخوى هذا سعرى تبى تشترى عليك بالعافيه واذا ماتبى فى غيرك شرايه وايد....طبعا هذى افلام *افلام )


اما اذا اخفيت اعجابك بالسياره...وزياده على ذالك قمت تظهر العيوب بها وتبالغ بسعرها وانك ليس بحاجتها!!!

فورا...سوف يتغير هذا المالك ويخفض سعر السياره كل يوم ويمكن ان يبيعك السياره بخساره...وحتى يتخلص منها فورا

هذا المثال يعكس لك حالت السوق....فالبورصه عرض وطلب كماأنك تشترى وتبيع اى بضاعه....والمثال السابق يعكس لك حالة ملاك اسهم الجناعات (ملاك السياره )...وبطبيعة الحال المحافظ هم من سوف يشترى تلك السياره....فهل من مصلحتهم ان يطلبوا الاسهم كل يوم ام يتركونها فتره من الزمن وحتى نبيعهم باى سعر؟؟؟؟؟؟

بالختام...لاحظ سجل الاوامر لاسهم الجناعات سوف تجد الذى يشترى ويبيع هم صغار المستثمرين فقط لاغير....اما المحافظ فهى تراقب فقط

 

[سوق المناخ]

ياجماعة الخير ..

وصلني خبر من أكثر من واحد .. المخازن سوف تعلن يوم الجمعه المقبل هذا عن عقد بقيمة (1) مليار دينار "وليس دولار" .. وهذا العقد بداية لأول اعلانات الشركة .. والخير ياي بإذن الله .. وان شاءالله اللي اصبروا مايروح صبرهم سداً

واللي بسمّيها إشاعة أو شي كيفة .. قتلكم يايلي خبر من أكثر من واحد .. وواحد منهم جناعي عارف الشركة عدل وأخبارها .. اللهم بلّغت اللهم فاشهد

دينار او دولار.......... يبه حتى لو طلع تومان هم راضين .....بس انشاء الله يعلنون

 

[فيغو]

ياخوفي لا تكون المخازن نفس جيزااااان ههههههههههههههههههههههه
انا اقول بيع المخازن واشتر اي سهم غيرة وايد ابرك

 

[Bo Tasneem]

اشفيك زعلت علينا بوتنسيم ؟
قلنالك مشكور على نقل الخبر للمنتدى ونقدرلك هالشي

..بس انا حبيت اوضح كلام الدرب العصامي علشان لحد يشتري السهم على خبرك ويخسر مره ثانيه قلنا ندوس بريك اشوي ترا الناس ان شرت وحملتك المسئوليه بتشوف كلام صج يزعلك حيل منهم ..وانشالله كلامك يطلع صح

انا عندي من اسهم بيان الي مو بنطر عليها سنه الا بورثها حق الي بعدي..انا على يقين من انهم بيتدوبلون بس متى .؟ ما يندرى على عيال الجناعات

واتمنى خبرك صحيح بس انتباه الاخ العصامي طيب وانشالله الكل طيب

من اللي قال إني زعلت !! بالعكس ياخوي رزعلت ولا شي .. لكن كنت أتوقع ردود بتقول إن شاءالله الكلام يطلع صج !! على الأقل تدعي وتتمنّى من أن يطلع هالكلام صج لا أكثر ولا أقل .. بس ماعليه تسلمون على الردود وما قصّرتوا

 

[الكندري بورصه]

ياأخي نتمنى أن يكون الخبر صحيح

وجزاك الله خير

أنا أول واحد رديت على موضوعك أخ بو تنسيم

وانشاءالله نتفاءل خير سواء طلع العقد الجمعة هذي والا بعدين

وعلى قولة أخونا الصبر مفتاح " فاز بالملذات من كان جسورا"

ويمكن تكون المقولة عكس

 

[circle]

كل شي جايز ..
والله يجيب اللي فيه الخير

دام انك اخترت ابيات عنتر ,,, فانا اضم صوتى لك .

 

[بوحسن]

والله يا فيغو ..المخازن تبي الاغلبيه تصير لهم نفس نظريتك علشان ترتفع

مو قصدي اساءه بس قصدي اوضح ان المطلوب ان الناس تمل منها ويبيعون علشان اهم يشترون

مثل ما قال الاخ ياسرحنفي : بس ده بعدهم واللهي مش حبيبع مش حبيييع ..( ممكن ابيع اول الصبح واشتري اخر النهار ) بس مش حــــبات يوم وما ماعاييش اسهم من الاسهم الماسيه بحظني ..

لان من الممكن اخوي تصحى الصبح وتلقاها معلقه شهر حزتها شتقول ؟

خلني باحلامي احسن ... ترى الانسان بدون حلم مثل القطو بدون ذيل
( غشمره حق اخر الاسبوع نلطف فيه الجو والنفسيات )

ويك اند جميل يا حلوين انشالله