من هو اللاعب الرئيسي وصاحب السلطة في بورصة الكويت ؟؟؟؟؟؟

[سكر]

لا مانعرف

ولا السوق مشلع

وطلع وزير المالية

ويصرح عن خوفه من بقاءها

هوزايل وهي باقية

وتقول من الي خافس بالسوق

حتى الهندي بامبي يعرف

ههههههه

 

[نصوح]

شكرا للجميع على المرور واثراء الموضوع
انا قصدي من فتح هذا الموضوع ،، ليس القصد منه انكم تكيشون
وتنحاشون من السوق ،،،،،
انا قصدي بان اوصل رسالة للجميع ،، ان لا نعيش باحلام زائفة اكثر من اللي
عشناه من 2008/2017 ،، تسع سنوات عجاف وهاليومين بعد مصخوها
وقرب رمضان ،،،
انا كيشت مع ان اسهمي ثقيلة وماني خسران فيها وايد ،،، واي ارتداد ولو بسيط
ادخل بالارباح
ولكن فضلت التكييش لان منطق العقل لا بد ان يغلب منطق القلب والعاطفة

 

[نصوح]

مثال على التحكم بالسوق من قبل لوبي ماكر وغير ثقة
نزول السوق لقرب الثمانين نقطة ومن ثم التعديل لغاية ثمان نقاط
بالاخضر ،،
يعني اللي شرا اثناء قمة النزول ،، صعد عليه السوق اكثر من ثمانين
نقطة اثناء تعديل السوق ،،، واللي استفادوا قلة بمكسب بسيط جدا
وما مداه السوق لهشاشته ولتحكم اللوبي الغير ثقة فيه سرعان ما تهاوى السوق
الى اللون الاحمر واقفل عليه

 

[Navigator]

السلام عليكم ورحمة الله وبركاته

الاخ بو محمد

هذا سوق ما يرحم ما فيه شي اسمه منطق عقل او منطق عاطفه

اللي فيه بس التحليل الفني او الاساسي

 

[Navigator]

انت تسميها سنوات عجاف من ٢٠٠٨ لغاية اليوم

وغيرك حقق ارباح قوية خلال هالفتره

 

[Navigator]

لكل صعود نزول وتصحيح وحتى انهيار

ولكل نزول او انهيار او تصحيح ارتداد

وهذي طبيعة السلع اللي فيها بيع وشراء ومو متوقفه على السوق

 

[Navigator]

لما يصير عزوف عن السوق وقيمة تداولاته اقل من ٢٠ مليون عادي بمبلغ بسيط تقدر تتحكم في حركة المؤشر السعري اللي ما يعبر عن واقع السوق

 

[Navigator]

لكن لو تدخلت الصناديق الاستثمارية والحكومية على الاسهم فيه احد يقدر ينزل الاسهم المختاره ؟

او راح يخاف لما يشوف الدخول ويلغي اوامره

 

[Navigator]

نعيد ونكرر للمره الالف

انتبه لسهمك واترك عنك مؤشر السوق

انت شاري سهم والا مؤشر ؟

ابعطيك مثال

اشتريت مباني بسعر ٨٢٠

عطاني نقدي ١٠ فلوس وكان سعره ٨٣٠ وتفسخ ٨٢٠
وعطاني منحه ٥٪‏ وتفسخ من ٨٢٠ الى ٧٨٠

وسعره اليوم٨٠٠ ويوم الاحد الجاي بتنزل المنحه
يعادل سعر ٨٥٠ قبل التفسيخ

وغيره كثير من الاسهم محافظه على اسعارها وحتى لو تنزل نزولها خفيف

 

[Navigator]

المشكله الرئيسية بربعنا اختيار الاسهم الخطأ في الوقت الخطأ

اكثر الاسهم نزولاً هي اللي يسمونها اسهم شعبيه او مضاربيه

اللي يبحث عن الربح السريع يتحمل الخساره السريعه

 

[Navigator]

شركات مو قادره تدفع قروضها او ما تربح ولا توزع ارباح
او عندها خساير مرحله كبيره ليش اشتريها ؟

وفيه شركات مجالس ادارتها غير نزيهين او يتلاعبون بالميزانيات

ليش اشتريها ؟

 

[Navigator]

سوقنا يتأثر بعوامل كثيره

أهمها

سعر النفط الكويتي

الاستقرار السياسي

متى ما شفت هالشغلتين تمام تأكد ان السوق راح يحلق عالياً

 

[ابوسارونه]

كلامك جميل وعقلاني ،، اذن شنو الحل مع هالمجاميع واللي يعتبرون انفسهم ملاكها
وحنا دخلاء عليهم ،، وانهم لهم الحق التصرف بمزايا واموال الشركة ،،

الحل بسيط // يتم جمع قوانين كل بورصات العالم (الصغيره) اللي بحجم بورصتنا ... ويتم فلترتها لإستخلاص الحلول من اللي سبقونا بهالمجال ونعتبرها دول (عريقه) ، ف مهما كانت بلدنا متقدمه بالمجال للحضاري ( كما نظن أو كما يروج له ) ... لن تكون شي أمام دول سبقتنا بالتنظيم ... بميه وميتين سنه !!


واعتقد .. ان الحل .. يكون بالتصويت
العددي وليس بحسب نسبه الملكيه .. واللي مو عاجبه يطق راسه بالطوفه .. علما بأن هالشي يعتبر ظلم للملاك ولكن ... لايمكن ترك ظلمهم للناس يستمر (بعذر ) أن لايقع الظلم عليهم ... ف ظلم الناس لهم (ان حصل).. اخف وقع واكثر عدل من ظلمهم للناس .. ويعتبر حل مؤقت لمرحله من عمر (الدوله) لاحظ .. قلت عمر الدوله وليس عمر السوق .. لان الخلل بتركيبه الدوله مو بتنظيم السوق .. ولك ان تري الفجوه بين السكان المحليين والوافدين لتعلم ان هناك خلل واضح مابين المداخييل و (تعظيمها من خلال العمل اللي يفرز كل فتره تجار جدد ) ومابين عدد المستفيدين من عدم استمرار الاجانب بالعمل وعدم خدمه القوانين لهم للتوسع) .. .. وهذا بحكم ان الاجانب 90% منهم .. يعتبرون طبقه كادحه تتبدل ويأتي غيرهم كل (خمس سنين علي الاكثر) .. و9.8% طبقه متوسطه يبنون في أوطانهم ويتعلمون ويكتسبون خبره عندنا ويمشوون.. و 0.2% تجار لا يعيدون ما اخذوه من اقتصادنا الوطني .. ولايؤمنون اصلا .. بإقتصادنا (النفطي .. السخيف) اللي لن يكبر ويصبح اقتصاد حقيقي الا اذا ..اقفلت الدائره بشكل قوي واعطه الحكومه قرارات للمستقبل ولأبنائنا .. وهذا لن يحدث الا عندما نعطي للاجانب حق الاقامه والتملك وتأسيس الشركات.. بشرط توظيفهم لابنائنا بالمستقبل اللي أظن ان توظيفهم والله اعلم انه صعب للغايه .. مالم تنتبه الدوله للخلل اللي بيضيعنا كلنا ، فالمستقبل يا اما إنهيار لاقتصادنا الهششش .. او الاستسلام للامر الواقع والتعامل بواقعيه مع ملف العماله .... كما تنوى جارتنا الكبري ... السعوديه فعله وباشره خطواته !

 

[Navigator]

أخيراً

عندنا دعمين مهمين عند ٦٤٦٠

والاهم

٦٢٠٠

النزول اسفل منهم راح تستمر السلبية لفترة طويله

 

[ابو موسى 777]

لايوجد ثقافة استثمار حقيقي ونهج استثماري لدوله


الموضوع ب اختصار احتكار كل شي مربح

بورصه
سوق سمك
سوق غنم
سوق خضار الخ الخ

المستثمر الصغير الحلقه الاضعف

 

[نصوح]

السلام عليكم ورحمة الله وبركاته

الاخ بو محمد

هذا سوق ما يرحم ما فيه شي اسمه منطق عقل او منطق عاطفه

اللي فيه بس التحليل الفني او الاساسي

هلا بالغالي بوسلمان ،،
نورت الصفحة بمرورك

بسوقنا عودنا كثيرا بضرب التحليل الفني عرض الحائط وبمخالفة المنطق والعقل
وخاصة اثناء صعود النفط والبورصات العالمية واحنا كنا في نزول مستمر

نعم انا أنا أؤيدك بان تراقب سهمك ولا تلتفت للمؤشر ،،، ولكن طوفان النزول يجر كل الاسهم
الغث منها والسمين

اما بالنسبة لاسعار النفط ومدى تأثيرها على أرتفاع السوق ،، فليس كل مرة يرتفع فيها النفط
يتفاعل معها السوق بالايجاب فكثيرا ما خالف سوقنا ذلك

بوسلمان لازم نعترف بان سوقنا هش وليس كما كان بالسابق ،،
نرجع الى الوراء قليلا سنشاهد الفرق بين ذاك الحين واليوم

 

[نصوح]

لايوجد ثقافة استثمار حقيقي ونهج استثماري لدوله


الموضوع ب اختصار احتكار كل شي مربح

بورصه
سوق سمك
سوق غنم
سوق خضار الخ الخ

المستثمر الصغير الحلقه الاضعف

حقيقة لا يمكن نكرانها ،

 

[البيروتي]

يعطيك العافيه اخوى نصوح على هذا الموضوع

صراحه اللي قاعد اشوفه السوق اغلب شركاته عندها خسائر كبيره
وخسائر مرحله

وفيه شركات بس اسم شركه حتى بقاله ما تملك

واللي اشوفه ماكو مقومات صعود للسوق الكويتي

انا بالسوق الكويتي من سنة 2004 لليوم من خساره الى خساره

وملزم نفسى كل يوم من الساعه 8 الى الساعه 12،30 مقابل الكمبيوتر

وضغط واعصاب وخساير

صراحه اسوأ قرار اتخذته في حياتي هو دخول عالم البورصه

الداخل مفقود والخارج مولود

اغلب الشركات اللي نسميها الشعبيه هي ام الخسائر والخسائر المرحله يعني قنبله موقوته في اي لحظه تتوقف عن التداول مثل ما صار مع مركز سلطان وسهم مجمعات الاسواق والاهليه والمجموعه الدوليه والدوليه للاجاره والمستثمر الدولي

والهبه الجديده الانسحابات من السوق

مع ان مركز سلطان شركه تشغيليه ولها افرع وتبيع كل يوم بس شنو صار مادرى .

اخوى نصوح صراحه افكر باللي سويته افكر اكيش

واسلم على باقي فلوسى

 

[الدالوب]

المضاربين نسبة ربحهم لا تتعدي ٢% منهم.. انا بالسوق من ٢٠٠٧ السواد الاعظم اعلن افلاسه .. الللي ربح فيهم يملكون معلومات فقط.. تحليل وقناه هابطه وقناه صاعده ما يوردك الماي مع احترامي لجميع المحللين اذا ما عندك معلومات لا تضارب يا نصوح اسمع الكلام من اخ منصح يا نصوح .. دور شركه او شركتين بالكثير اربع واستثمر فيهم اشتري برمضان وبيع في شهر ١ اخذلك ٣٠% من المبلغ اللي داش فيه وبوس ايدك وش وافا واحمد ربك ..واطلع نفس الوقت .

 

[qw80]

الجواب نحن... لكننا جعلنا من انفسنا ضحايا... لأننا لانقتنع بوقف الخساره!!!