السيولة فوق ١٠٠مليون بشكل يومي

[بوسعود]

الـحين بروح الدهله لمطعم قدروه خوش اكل بـحرى عنده
وتراكم معزمين حياكم وبالمره اساسر راعى المعطم يمكن
يدش بشركات الخالد دام وصلو 1800 يعنى حتى صبيـح
بياع البنق والنقل يدش وياهم نشكر الخالد ونشكر شركاته ​

 

[حمـش]

محلات رعد وياهم ..؟
​

 

[ابوسارونه]

ياحبكم للطنازه

هالسوق .. اقرب مثال له
البني ستوك الامريكي ... يعني عادي تنزل بقالتك للسوق ... ولا تنزل مصنع درايش ولا علاقات ملابس


افتتحوه السعوديه من ايام .. وسموه (نمو) وشغال من أروع مايكون وقاعد يدبل الاسهم بيومين ثلاثه واستفادو المضاربين - ميزه هالسوق .. انه يعطيك فرصه للمشاركه بالشركات اللي في بداياتها ، شركات صغري ..مطاعم بقالات الخ الخ .. بشرط انهم يطبقون قواعد الحوكمه ... والميزه الثانيه ان هالسوق يعطي فرصه للصغير انه يكبر اذا اشتغل صح ... واخيرا .. هذي متطلبات الانضمام للاسواق الناشئه

 

[الراقي]

بوعبدالله عمرى ماطلبتك وبطلبك الـحين واتمنىي ماتردنى
ماعليك امر شيل التجاهل عن صبـحى سكر قصدى النوخذه ​

افا ولو مـحشوم يابوعبدالله من الطنازه انت الهرم وحنا هوله
بس الواحد من الهم والغم يقص على نفسه ويتنفس دعابه وضـحك ​

الله يعزك من شانك
وحاضر راح اشيل التجاهل عن بويوسف

 

[رابح رابح]

ادراج ال 1.200 شركة سيكون قرار حكيم وانجاز مهم .. هذي الشركات مساهمة غير مدرجة تحوس برا السوق من 10 سنين ولعبو في بالشركات ومساهمينهم لعب .. حتى العموميات مايعقدونهم .. ومسئولية الرقابة عليهم من قبل وزارة التجارة .

واذا تم وضع سوق موازي لهذه الشركات ستتحول مسئولية الرقابة واشراف الى هيئة اسواق المال وسيترتب عليها فائدة كبيرة :
- ايقاف استغلال سوق الجت
- ضبط القيمة السوقية للاسهم
- رفع مستوى الرقابة
- ارتفاع قوي لسيولة السوق
- ارتفاع قوي لايرادات البورصة
- ضبط سلوك هذه الشركات

هذا الاجراء ضمن الاجرائات اللي توقعتها وكتبت عنها قبل اكثر من سنة لادارة عجلة السوق ورفع ايراداته وارباح شركة البورصة .

وسيتبعها :
1- اعادة العديد من الشركات المنسحبة
2- عودة بعض المشطوبة والتي يجري اعادة هيكلتها
3- تخصيص شركة البورصة
4- تعديل جذري في نظام تداول السوق
5- تسهيل اجرائات الصناديق والمحافظ
6- تخفيض قيود شركات الاستثمار
7- اعادة وتسهيل نظام الآجل

.. سيكون القادم أفضل بإذن الله

لست محلل وماذكرته وجهة نظر شخصية

 

[الراقي]

قزروها الشباب على موضوعي
الحين عندنا ٢٠٠+ ١٨٠٠= ٢٠٠٠شركة
هذا حتى السوق الامريكي مايطقها ويانا

 

[caca]

ما دام مقولة التجارة لني قائمه

ما راح تعمر البلد

والفساد كل ماله يزيد

 

[السعد محمد]

انا اقول الحكومة ابخص

 

[caca]

انا اقول الحكومة ابخص

نحن مع الحكومه قلبا وقالب

لكن لسنا مع التجار

 

[Cha3bar]

من سنة

https://www.indexsignal.com/community/threads/364263/#post-4494403

 

[بوسعود]

الله يعزك من شانك
وحاضر راح اشيل التجاهل عن بويوسف

كفو يابوعبدالله وهذا الظن فيك لاخلا ولاعدم شكرأ ​

 

[الدالوب]

احتمال فطاير علي الطاير تنزل

 

[عندك سلف]

كل ما اقرأ تصريح لاحد مسؤولي الهيئة او البورصة...تحوشني دوخة و لوعة جبد

انا متأكد انهم ما عمرهم تداولوا بالاسهم...

تلقاهم خابيين عمرهم ويصرحون واجتماعات على أشياء ما منها فياده...

الشركات الزينة والتشغيلة قاعدة تنسحب...ما في ادراجات...

وانتوا طايحين له تصريحات عن نظام التداول ots , td3 وزفت 3 اللي راح يعالج نظام زفت2 المتبع حاليا

بعدين.....توقفون مكاتب الوساطة
وتوقفون الاجل
وتوقفون الاوبشن
وتوقفون المتداول اللي يشتري او يبيع بهدف المضاربة
وتوقفون الشركات اللي تصعد صعود سريع

انزين التصريحات والوعود اللي وعدتوها عن ان الشركات العائلية والنفطية راح تدرج..
وين الوعود اللي وعدتونا فيها بانظمة بديلة (اكثر تطورا) عن الاجل والخيارات....!؟؟وينها... لحستووها!!!!! على قولة عبدالكريم الكندري لرئيس السن


نشوف مجالس إدارات تبوق اشكره ....بدل ما تعاقبونهم ..تعاقبون المساهمين...وتوقفون الشركة عن التداول...حاشتي لوعة جبد مرة ثانية

بس خلاص صار لوني اصفر ما اقدر اكمل

 

[الراقي]

هم يبون يغطون فشل البورصة وعدم عودة الثقة وهروب الناس
بهذا الحل اللي يعطي السوق سيولة غير حقيقية تجعل من خارج الكويت يعتقد ان بورصة الكويت فيها تداول قوي

 

[Bursa2016]

سوف يتم ادخال ١٢٠٠ شركة جديدة الى البورصة الكويتية وهو حل ذكي لمشكلة السيولة بدون مايدفعون فلس واحد
هذا الكلام منقول عن الخالد مدير البورصة
واذا تم ادخال هذي الشركات في المؤشر احتمال المؤشر يرتفع بشكل يومي ١٠٠٠نقطة
يعني اغلب الشركات الحالية لن يكون لها ذكر
والشركات الجديدة اغلبها شركات عائلية ربحانة راح تسحب كل السيولة لها
تغير شامل على السوق الكويت
الخالد يقول سوف يطبق هذا في الوقت القريب
مبروك راح يكون عندنا الف استهلاكية جديدة
http://www.alanba.com.kw/ar/economy...لخالد-لـ-الأنباءالبورصة-بميزانية-رابحة-قريبا/

بوعبدالله
الخالد قاعد يتكلم عن سوق ثالث للتداول خارج المقصوره او المنصه وهذا الكلام مو جديد
وهو مخصص للشركات اللي تداول بسوق الجت وليس له علاقه بالسوق الرئيسي لا من ناحية المؤشر او السيوله
وهو مجرد عمل تنظيمي لسوق الجت والله اعلم

 

[الراقي]

بوعبدالله
الخالد قاعد يتكلم عن سوق ثالث للتداول خارج المقصوره او المنصه وهذا الكلام مو جديد
وهو مخصص للشركات اللي تداول بسوق الجت وليس له علاقه بالسوق الرئيسي لا من ناحية المؤشر او السيوله
وهو مجرد عمل تنظيمي لسوق الجت والله اعلم

نعم بوفارس ماله شغل في المؤشر صح لكن السيولة لا
لان راح تجمع جميع السيولة من الصفقات تحت بورصة الكويت مثل مايحدث الان في نهاية اليوم يجمع السيولة من السوقين
ومن كلام الخالد ان راح تدخل هذي الشركات في السوق الرسمي بعد ذالك

 

[Bursa2016]

نعم بوفارس ماله شغل في المؤشر صح لكن السيولة لا
لان راح تجمع جميع السيولة من الصفقات تحت بورصة الكويت مثل مايحدث الان في نهاية اليوم يجمع السيولة من السوقين
ومن كلام الخالد ان راح تدخل هذي الشركات في السوق الرسمي بعد ذالك

بوعبدالله انا لا اعتقد
ولكن ان صار ان السيوله راح تجمع ما اشوف فيها اي تأثير لا سلبي ولا ايجابي لان السيوله واضحه ومكشوف التلاعب فيها بعكس المؤشرات
اما دخولها بالسوق الرسمي ف راح تطبق عليها شروط الادراج الحاليه وهي متشدده ولا تنطبق ع اغلب تلك الشركات

 

[caca]

هم يبون يغطون فشل البورصة وعدم عودة الثقة وهروب الناس
بهذا الحل اللي يعطي السوق سيولة غير حقيقية تجعل من خارج الكويت يعتقد ان بورصة الكويت فيها تداول قوي

كلامك فيه من الحقيقه

وراي الشخصي

ان السوق ليس جاذب من الطرفين

وهم المتداولين واهل المحافظ وراس المال

السبب ان البورصه في ظل الوضع الحالي لا تصلح في بناء فقاعه

التداول التقليدي ليس جاذب للاموال الساخنه