سبب خسارتي

[نواخذة الكويت]

انت بس تعطيني الاسهم الغير شرعية
تدري اني مااقدر اشتري فيها

راح يجيك بالخاص الليله ذبح اسلامي

بوعزوز

ترى الخاص شغّال عندي

أرجو من إدارتنا الموقره تعطيل خاصية الرسائل الخاصه بالمنتدى لعدة أيام

تماشيا مع مبدأ الشفافيه والمساواة للجميع

 

[نواخذة الكويت]

شباب نبي قصص حلوه عن ربحك وليس خسارتك

نبي كلام يشجعنا ما يحبطنا

نبي كلام يزيدنا تفاؤل مو يزيدنا تشاؤم

نبي كلام يجعلنا أقوياء وليس ضعفاء

نبي كلام لمستقبل جميل وليس مجهول

نبي كلام مفرح وليس كلام حزين

نبي كلام يرفع الرأس وليس ينحني الرأس

نبي كلام المنتصرين وليس المهزومين

نبي كلام من ذهب وليس من چينكو

نبي كلام الغاسلين مو المغسولين هههههههههههه

يالله سمعونا فاهكم شقول

 

[نواخذة الكويت]

 

[بوناصر56]

الارتفاعات الاخيره الي يقول مو ربحان جذاب والله

 

[Abdullah2626]

اسيكو / بورتلاند
الافضل بالتوزيع والارباح
سمعه مجلس الادارة
منو الافضل بينهم ؟

 

[نواخذة الكويت]

الارتفاعات الاخيره الي يقول مو ربحان جذاب والله

والله كلام هالرجال الطيب يمثلني

صح اللسانك يا بوناصر أصبت كبد الحقيقة الله يحفظك

والله أنا حسيت بأن موضوع سابق لأوانه شلووون محد ربح

اتوقع اللي فاتح الموضوع شنو يهدف من وراء الموضوع ،، تصدق يتشكى من الخساير

وقول قام يشرب من ماي السبيل اللي يم بيتهم

تكفه يا بوناصر رد عليه لا تسكتله

لازم تشاركنا بأفكارك يا الغالي

 

[تكنكل]

الارتفاعات الاخيره الي يقول مو ربحان جذاب والله

جذاب والله بعد ،، ارجو انك قلته وانت مو في وعيك ،، والا عيب تتهم الناس بالكذب عشان ترضي نفسك المريضه ،، سبحان الله شنو مستفيد الي يقول خسران في ظل هذي الارتفاعات مثل ماتقول ،، اذكر الله يارجال واستغفر ربك

 

[نواخذة الكويت]

جذاب والله بعد ،، ارجو انك قلته وانت مو في وعيك ،، والا عيب تتهم الناس بالكذب عشان ترضي نفسك المريضه ،، سبحان الله شنو مستفيد الي يقول خسران في ظل هذي الارتفاعات مثل ماتقول ،، اذكر الله يارجال واستغفر ربك

هدي هدي يا الغالي إمسحها في وجهي

مو قصده بوناصر بس اسلوبه حاد بالكتابه

قصده البعض وليس الكل يخفي الحقيقة

 

[فهدFF]

الربحان فيهم ماكل هوى وخساير السنين الي طافت يعني لو ربحان ما اسميه ربح تعويض خساير سنين والله اعوض كل خسران وزيد كل ربحان

 

[نواخذة الكويت]

الربحان فيهم ماكل هوى وخساير السنين الي طافت يعني لو ربحان ما اسميه ربح تعويض خساير سنين والله اعوض كل خسران وزيد كل ربحان

انزين اخوي فهد ما نقدر نقول ربحه حاليا يعطيه أمل لتعويض خسارته

بدل ما كان فاقد الأمل بالمره

بمعنى الربح حاليا بمثابت العجله تحركة إلى الأمام والخير قبال

وشكرا لك

 

[فهدFF]

انزين اخوي فهد ما نقدر نقول ربحه حاليا يعطيه أمل لتعويض خسارته

بدل ما كان فاقد الأمل بالمره

بمعنى الربح حاليا بمثابت العجله تحركة إلى الأمام والخير قبال

وشكرا لك

هلا اخوى النوخذه مناحية العجله ماشيه هي ماشيه ماشيه بربح ولا خساره ولاكن ردا الا الخ
الي يقول جذاب الي مو ربحان
وعارفين ان الكلمه الي قالها من غير قصد
علا النيه ولاكن والناس قاعده تربح خسايرها
وشكراا

 

[الراقي]

الارتفاعات الاخيره الي يقول مو ربحان جذاب والله

ياشباب لاتزعلون من بوناصر هو اسلوبة شوي دفش ترى الموضوع ماله شغل في الارتفاعات الاخيرة
حنا نتكلم عن الخسارة بشكل عام

 

[نواخذة الكويت]

هلا اخوى النوخذه مناحية العجله ماشيه هي ماشيه ماشيه بربح ولا خساره ولاكن ردا الا الخ
الي يقول جذاب الي مو ربحان
وعارفين ان الكلمه الي قالها من غير قصد
علا النيه ولاكن والناس قاعده تربح خسايرها
وشكراا

حقك علييي والله فاهم قصدك وأدري في ناس خسرانه

سامحوا بوناصر الرجال طيب بس جرئة القلم عنده فالته ،، اذا كتب ما يملك اعصابه

بخليه من باجر يكتب بطبشير

السموحه فهد

 

[نواخذة الكويت]

ياشباب لاتزعلون من بوناصر هو اسلوبة شوي دفش ترى الموضوع ماله شغل في الارتفاعات الاخيرة
حنا نتكلم عن الخسارة بشكل عام

ههههههههههههههههه

يعني بوزه عليك ما مداني حوبتك تأسفة حق كل اللي بالموقع

انت تبي تضحك فاتح موضوع بوناصر يوم جاوبوا عليه الشباب يقولهم ما أصدقكم هههههههههههههههه

اقووووول إخذ موضوعك وهقتني فيه

سلام

 

[فهدFF]

حقك علييي والله فاهم قصدك وأدري في ناس خسرانه

سامحوا بوناصر الرجال طيب بس جرئة القلم عنده فالته ،، اذا كتب ما يملك اعصابه

بخليه من باجر يكتب بطبشير

السموحه فهد

لا زم ابو ناصر يقول الكل خسران

 

[نواخذة الكويت]

لا زم ابو ناصر يقول الكل خسران

هههههههههههههههههه

والله الرجال مسويلكم خصم ترى هاذي أذرب كلمة عنده هههههه

تبي شيء صاحب الموضوع ( الراقي )

أنا آخر مشاركة لي هني

سلام

 

[بوناصر56]

انا ما جذبت ...! انا خسران كنت ٤٠% و ربحت الحين ١٥% بعد تعويض خسايري كلها

الدخول كان ٢٠١٤ الخروج قبل جم يوم

والحين رديت دخلت بس مو بكل فلوسي


يعني معقوله انا بس الي عوضت خسايري و قلت ربحان ما صدق تدرووون يعني شنو تخسر ٤٠% وتعوضهم بشهر ؟؟؟؟

 

[نواخذة الكويت]

وين النوخذة

الكويت تتوقع افتتاح مشروع للطاقة الشمسية خلال 2021

رويترز15/02/20170

قال وزير النفط الكويتي عصام المرزوق اليوم الأربعاء إن الكويت تتوقع بدء تشغيل محطة للطاقة الشمسية خلال السنة المالية 2020-2021 لإنتاج ما يعادل 15 بالمئة من الاستهلاك السنوي لقطاع النفط من الطاقة الكهربائية.

وقال المرزوق في كلمة أمام مؤتمر ومعرض الكويت العالمي للصحة والسلامة والبيئة إن مشروع الدبدبة للطاقة الشمسية الذي يقام داخل مجمع الشقايا للطاقات المتجددة التابعة لمعهد الكويت للأبحاث العلمية سينتج نحو 2.45 مليون ميجاوات/ساعة سنويا.

وأكد الوزير حرص بلاده عضو منظمة اوبك على الحفاظ على البيئة وتنويع مصادر الطاقة رغم غناها بالنفط.

وأضاف أن المشروع يحد من انبعاثات ثاني أكسيد الكربون بما يوازي 1.3 مليون طن سنويا ومن المتوقع أن يبدأ تشغيل المحطة في الربع الثالث من السنة المالية 2020-2021.

كانت الكويت بدأت في اكتوبر تشرين الأول الماضي تشغيل أول محطة تعمل بالطاقة الشمسية في حقل أم قدير النفطي التابع لشركة نفط الكويت حيث تقوم المحطة الجديدة بتزويد الحقل بحاجاته من الكهرباء.

وتتطلع الكويت لتوليد 15 بالمئة من احتياجاتها من الكهرباء من خلال مصادر الطاقة المتجددة والتكنولوجيا المستدامة ومنها الطاقة الشمسية وطاقة الرياح.

وقال المرزوق اليوم "معدل الاستهلاك السنوي للقطاع النفطي للطاقة بالكويت في تزايد مستمر ...مما يستدعي اتخاذ هذا القرار الاستراتيجي والاستباقي نحو استخدام مصادر الطاقة المتجددة لدعم عمليات المؤسسة وشركاتها التابعة".

ملاحظة ... بالخبر طالبين أهل الخبره في هذا المجال الراقي

 

[بدون مجامله]

لو شرينا اول السوق وبعنا آخر السوق ماكانت خسايرنا واجد ولاتعلقنا

 

[نواخذة الكويت]

لو شرينا اول السوق وبعنا آخر السوق ماكانت خسايرنا واجد ولاتعلقنا

واذا بداية السوق فجوه للأسفل هم تحقق خساره

الإختيار السليم والوقت المناسب أهو الأفضل