شركة مجموعة الصفوة ش.م.ك مقفلة قابضة ( الصفوة ) .

[أبوجاسم]

السهم صعب ينزل حد أدنى مثل ما هو صعب يصعد حد أعلى
اللي محير الواحد ان الشركة رفعت راس مالها من 5 الى 100 مليون و الى الحين ما اعلنت عن شي لا مشروع لا صفقة لا سواد ويه
الشركات كل يوم تعلن عن شي و عن ارباح و يصعد سهمها و الصفوة بعدها اتقحص في مكانها و المسئولين عنها منخشين ورا الطاولة ولا جنه شي صاير
انشوف السوق كله قاعد يصعد و حركة الشركات قوية و الصفوة واقفه على حالها و يرفعون فيها يوم و في آخر اليوم او اليوم الثاني يقطون كل اللي اخذوا و يرجعون السهم الى موقعه اللي كان عليه
يقولون لنا نصبر و بنشوف ، صبرنا و صبرنا و الحين انا صارلي صابر من شهر 11 ، أخذت الصفوة و اكتتبت فيها و نزل سعر السهم و نزلوا الاسهم بالحساب و ناطرين و انشوف يقولون بيوصل 156 و يمكن يتجاوز 250
شركة راس مالها 100 مليون و سهمها 100 فلس ؟؟؟ أقل من سعر الاكتتاب
و موراضي يرتفع
يا خوفي باجر يعلنون انهم ماخذين صفقة 1500 دوار بالكويت علشان يبيعون بنك و ترمز ؟؟؟؟؟
الله يعين

الشركه تقوم بعمليات شراء لآسهم شركات اخرى

 

[Black]

يعني صارت محفظة على روسنا
وين مشاريع النفط و الصناعات الضخمة
الله يعين

 

[مايجامل]

يعني صارت محفظة على روسنا
وين مشاريع النفط و الصناعات الضخمة
الله يعين

شريت وبعت بنفس اليوم وبخسارة قليلة احسن من اصبر ويخسرني خساره جايدة

 

[mr3ashli-st]

اعتقد انه اللى صار اليوم تجميع
لانه اخر صفقه فى اخر 5 ثوانى باع على سعر 120
ولو انه تصريف كان يحرص على الاقفال فى سعر اعلى عشان يكمل تصريف اليوم الثانى
والله اعلم
(انا شريته اليوم ويمكن المسأله نفسيه واقص على عمرى واقول تجميع)

 

[عليمنكي]

اللي صار ياجمااااااعه تصريف
يخلي الاوردرات للشراء تتجمع على السعر 100 - 200- 400 - 800 الف
وبعدين يقل عليهم 800 الف
مايحط اوردر بيع ,, سيده على المطلوب يعرض
تصرررررررررررررريف

 

[Black]

يا سلام على الصفوة
الى الحين كل شي ماشي تمام و السهم قاعد يصعد بشكل متزن و المشاريع النفطية و الاستراتيجية يايه و البنوك بعد راح تترس الشرق الاوسط و السهم رايح على نص دينار و كل اللي قاعد يصير تجميع في تجميع ، بس في عندي جم سؤال
- ليش كل الشركات صاعدة الا هو
- ليش مافي بيع عليه
- ليش جنه السهم مو بالسوق
- ليش ما نسمع صوت لأصحاب الشركة
- ليش زادو راس المال
- ليش مافي اخبار عن المشاريع اللي عشانها زادو راس المال
- ليش مافي ارتداد للسهم
- ليش احنا شارين السهم ؟؟؟
بس ليكون اكلنا مقلب اقشر فيه
الله يستر ، مو ناقصين بعد خساير
و الله يعين و ان شاء الله ماراح اغير توقيعي الى كلمة عظم الله أجركم
سلام

 

[الهاشمى 1]

اخوي الهاشمي
مايختلفون اثنين علا الي صار اليوم
اليوم اهو تصريف 100/100
وبدون تفكير
لكن الله يستر من باجر وانا اتوقع والله اعلم راح ينزلونه الى102 فلس ويردون يصعدونه الى 124 فلس ويقعدون علا هالموال لغاية 3 اشهر وبعدها ينطلق والله اعلم

ارد واقول تجميع لو ان يبى يصرف كان صرف امس واليوم وينزل السهم

بس قاعد يااسس على نقطة مقاومة قوية جداااا ومن بعدها انشالله

يرتفع للاعلى0

 

[basmman]

يا سلام على الصفوة
الى الحين كل شي ماشي تمام و السهم قاعد يصعد بشكل متزن و المشاريع النفطية و الاستراتيجية يايه و البنوك بعد راح تترس الشرق الاوسط و السهم رايح على نص دينار و كل اللي قاعد يصير تجميع في تجميع ، بس في عندي جم سؤال
- ليش كل الشركات صاعدة الا هو
- ليش مافي بيع عليه
- ليش جنه السهم مو بالسوق
- ليش ما نسمع صوت لأصحاب الشركة
- ليش زادو راس المال
- ليش مافي اخبار عن المشاريع اللي عشانها زادو راس المال
- ليش مافي ارتداد للسهم
- ليش احنا شارين السهم ؟؟؟
بس ليكون اكلنا مقلب اقشر فيه
الله يستر ، مو ناقصين بعد خساير
و الله يعين و ان شاء الله ماراح اغير توقيعي الى كلمة عظم الله أجركم
سلام

صل على النبي أخوي بلاك.......وقو قلبك.....لا اتحبط الناس معاك ...من صبر ظفر....وعسى الله يرزق الجميع ويرزقكم انشاء

خلك متفائل

أخوك بوعبدالمحسن

 

[Black]

بالنسبة للتفائل هذا خله على جنب
المصريين يقولون اسمع كلامك يعجبني ، اشوف افعالك اتعجب
و هذول لا كلام و لا افعال
انشوف السوق كله صاعد و الشركات قاعده اتحقق ارباح و الجماعة نايمين
شركات اتفصخت و شركات دشت كسور و شركات اسهمها راحت بالحضيض و كلها رايحه فوق من اول السوق الى آخره بس هالصفوة مع العراق اللي مو داشين السوق ولا يدرون عنه ، حتى بوادر للحركة مو موجوده ، اتقول لي اصبر زين الى متى ، و الحين السوق في احسن حالاته ، الشركات اغلبها قاعدة اتعدل وضعها و احنا في مكانك راوح
الله يعطينا الصبر و انشوف ، و انطالع كلام العصفور اللي يقول ان جماعة الصفوة راح يشوفون خير كثير ، بس ما وضح لنا الخير هذا راح انشوفه احنا أو راح يشوفونه عيالنا
الله يعين

 

[هيت]

بالنسبة للتفائل هذا خله على جنب
المصريين يقولون اسمع كلامك يعجبني ، اشوف افعالك اتعجب
و هذول لا كلام و لا افعال
انشوف السوق كله صاعد و الشركات قاعده اتحقق ارباح و الجماعة نايمين
شركات اتفصخت و شركات دشت كسور و شركات اسهمها راحت بالحضيض و كلها رايحه فوق من اول السوق الى آخره بس هالصفوة مع العراق اللي مو داشين السوق ولا يدرون عنه ، حتى بوادر للحركة مو موجوده ، اتقول لي اصبر زين الى متى ، و الحين السوق في احسن حالاته ، الشركات اغلبها قاعدة اتعدل وضعها و احنا في مكانك راوح
الله يعطينا الصبر و انشوف ، و انطالع كلام العصفور اللي يقول ان جماعة الصفوة راح يشوفون خير كثير ، بس ما وضح لنا الخير هذا راح انشوفه احنا أو راح يشوفونه عيالنا
الله يعين

والله اخوي انا رأي اذا مو مقتنع بالسهم بيع ، اطلع من السهم

نص الصفحه شكوى منك على السهم و الشركة نحشت كل الزباين


100 مليون دينار استثمارها مايكون بشهر ولا شهرين وارباحها ممكن تأخذ وقت طويل ولكن تحت اداره صحيحه و حكيمة ممكن تصل اسعار لا نحلم فيها اليوم

 

[Black]

عدل لا يوم و لا يومين الارباح بس المشاريع تبدي من الصفر و لازم قبل لا يبدي المشروع يعلنون عنه مو يخلون الواحد مو داري شنو يسوي ، وانت شفت اشكثر كانت ارباح 2005 ، أقل من 400 ألف دينار ، راس مال الشركة 5 مليون و الربح هذا
شي غريب و الله
بس بصبر و بشوف يمكن نرجع شي من اللي راح
والله يعين
سلام

 

[forever313]

السلام عليكم

للسهم دعم على ال 118 و مقاومه على ال 124 اذا كسرها انشاء الله يكون الهدف 132 فلس

الله كريم

 

[5-50/5]

فنيا.. تكوّن شمعة الدوجي (+) يخبر بالانتظار.. يعني نشوف تداول باجر شاللي يصير عليه واذا ايجابي ندش عليه واذا سلبي نطلع منه..

شخصيا .. أتوقع (وأتمنى) ان السهم يفتتح على 118 وينزل الى 116 ومن ثم يطق الـ 124 ويرد يسكر على 122

وإذا صار هالشي أنا استقيل من شغلي واعتزل الكتابة وأفتح مكتب استشاري

واللي يحب يحس بلذة ونشوة الربح السريع.. يشتري عند الافتتاح ويبيع تكة فوق (80% من التداولات اليومية على السهم كان فيها أعلى سعر غير عن (وأعلى من) سعر الافتتاح، واحتمال تكرر هذا السلوك وارد بنسبة 80%)

كل ما سبق هو مجرد توقعات ولا تمت للحقيقة بأي صلة.. فليست هذه توصيات بالشراء أو البيع.. وعليكم اتخاذ قراراتكم بعد دراستها بامعان من جميع النواحي..

والله أعلم

 

[النوط]

انا قول باجر من ( 118 الى 122 ) لين يخلصون تجميع والله اعلم

 

[forever313]

تم تجديد بيانات كبار المساهمين للشركة كالآتي :

شركة الصفاة للإسـتثمـار / 10.04 %‏

شركة الاستثمارات الوطنية / 5%‏

 

[Black]

و احنا شنو استفدنا
السهم نازل ولا له حركة و الناس بالعة موس
سهم لا له ارتداد و لا له نفس
الله يعين
سلام

 

[Winchester]

السهم يمر في الوقت الحالي بمرحلة مضارية وااااضحة

ويتحرك من خلال قناة ويحتاج الى كمية تداول كبيرة لكسر المقاومة الى

أعلى ..

يعني بالعربي الفصيح ( أشتر عند الدعم وبيييع عند المقاومة انت الربحاااااان ان شاء الله )

 

[ams]

يرجى الافاده ---- هل دخول الإستثمارات الوطنية و نزول الصفاة الى نسبة 10 % شي زين ؟

 

[abeek2001]

انا اقول الي قاص مثلي ب150 فلس وفووق
نسوي مظاهره وانردد ونقول يليل مطولك يليل مطولك......


بس الظاهر بيرجعونه حق رعد الجبار والصفوة تستحي من السوق بتسافر تريح شوي من حر الكويت(

 

[Black]

اي و الله
يا حلات أيام رعد و اللي كان يسويه بالسوق
مع ان راس المال 5 مليون بس كان له صدى بالسوق و حركة كبيرة و اسم الشركة محلات رعد
بتقول الحين الاسهم كثيرة عدل بس بالمقابل راس مالك 100 مليون و المفروض عندك مشاريع كبيرة و خطط مستقبلية و المفروض اتكون الخطط هذه خاصة بالشركة مو خطط شخصية !!!
والله لو يردون ايام رعد أرحم ب100 مليون مرة
يقولون خير كثير بيحوشنه و انشوف الخير حايش اللي حوالينه و احنا بس انروح السوق نتفرج و ننطر .
و ارد و اقول يا ريتني بقيت على سلطان جان أنا بألف خير
و الله يعين
سلام