بنك الكويت المركزي يرفع سعر الخصم ربع نقطة مئوية‼️

[بدر عبدالعزيز]

الشركه اللي ماخذه قرض متحرك راح تدفع ٢٥٠ الف دينار لكل ١٠٠ مليون دينار
يعني اللي قرضه مليونين يدفع زياده الفين و٥٠٠ دينار بس
عمولة البيع والشراء اللي تسويها بالسوق كل يوم اعلي من مقدار الزياده اللي مكبرين موضوعه

 

[الراقي]

الموضع انتهى بعد تداول السوق الامريكي و الاسواق الاسيوية بشكل طبيعي وفي المنطقة الخضراء بعد

 

[longinvestor]

وين يقولون ان الدينار يتبع سلة عملات؟؟؟؟

شكلة 90% دولارات

وخطأ ان المركزي يرفع الفايدة مع الفيدرالي

الا اذا الاقتصاد الكويتي تعبان والمركزي مو ملحق

شي يضحك

 

[longinvestor]

بالنسبة لوضع الشركات

الشركة اللي عندها كاش وما عندها ديون راح ترتفع

والشركة اللي عندها عندها كاش و عندها ديون ما راح تتضرر

والشركة اللي ما عندها كاش و عندها ديون....تسكر احسن

 

[Cha3bar]

وين يقولون ان الدينار يتبع سلة عملات؟؟؟؟

شكلة 90% دولارات

وخطأ ان المركزي يرفع الفايدة مع الفيدرالي

الا اذا الاقتصاد الكويتي تعبان والمركزي مو ملحق

شي يضحك

الاقتصاد الكويتي طاااااافح سيولة ما يدرون وين يودونها، رفع الفائدة وسيلة لسحب السيولة من السوق والتقليل من التضخم

 

[longinvestor]

الاقتصاد الكويتي طاااااافح سيولة ما يدرون وين يودونها، رفع الفائدة وسيلة لسحب السيولة من السوق والتقليل من التضخم

اي تضخم؟؟؟؟؟

اذا الفلوس بالبنوك ما راح يكون في تضخم

اذا في عجز بالميزانية يعني راح يقل التضخم.

بدال لا يقلل الفايدة و يطلع السيولة برة البنوك يسوي العكس! قمة الغباء

اهو خايف من شي واحد. الدولار القوي وبالطقاق بالاقتصاد الكويتي

 

[Cha3bar]

اي تضخم؟؟؟؟؟

اذا الفلوس بالبنوك ما راح يكون في تضخم

اذا في عجز بالميزانية يعني راح يقل التضخم.

بدال لا يقلل الفايدة و يطلع السيولة برة البنوك يسوي العكس! قمة الغباء

اهو خايف من شي واحد. الدولار القوي وبالطقاق بالاقتصاد الكويتي

التضخم موجود، كيلو اللحم كان بدينارين ونص سنة 2009، ألحين أربع دنانير إلى ربع والباجي عليك

الكلام إلي بالأحمر يؤيد كلامي أخوي، شلون المركزي يخليك تحط فلوسك بالبنك؟ يرفع الفائدة عشان يغريك بالودائع بدال الاستثمار في مكان آخر كالبورصة والعقار

أما إلي بالأزرق فأختلف معاك عندك مصر كل سنة عجزهم يزيد ويضغط على قيمة الجنية والتضخم كل ماله يزيد

زيادة السيولة بيد العملاء راح يساعدهم على الإنفاق على السلع الكمالية، ولا من متى الواحد يروح هاغن دز عشان يشرب قهوة عربي ويدفع سبع دنانير وهو مستانس؟

 

[المستحيل]

السلام عليكم

اخواني هل رفع الفايده تضر التورق في البنوك الاسلاميه ارجو الافاده

اذا تقصد ان اذا عندك مديونية على احد البنوك الاسلامية لن يتأثر الدين بإرتفاع الفايدة

لايضر إطلاقاً التورقات

 

[longinvestor]

التضخم موجود، كيلو اللحم كان بدينارين ونص سنة 2009، ألحين أربع دنانير إلى ربع والباجي عليك

صحيح بس قصدي ان التضخم ما راح يزيد (راح يقل) اذا الفلوس بالبنوك. اذا اطلعت الفلوس برة البنوك و زاد عرض النقد راح يزيد التضخم!

الكلام إلي بالأحمر يؤيد كلامي أخوي، شلون المركزي يخليك تحط فلوسك بالبنك؟ يرفع الفائدة عشان يغريك بالودائع بدال الاستثمار في مكان آخر كالبورصة والعقار

وهذا خطأ فادح في ظل عجز الموازنة و اختلال الاقتصاد

أما إلي بالأزرق فأختلف معاك عندك مصر كل سنة عجزهم يزيد ويضغط على قيمة الجنية والتضخم كل ماله يزيد

مصر قصة ثانية لانها تطبع نقد بدون غطاء واللي خلوه على العرض و الطلب وانهار زيادة وضعنا غير عن وضعهم ولا مجال للمقارنة

زيادة السيولة بيد العملاء راح يساعدهم على الإنفاق على السلع الكمالية، ولا من متى الواحد يروح هاغن دز عشان يشرب قهوة عربي ويدفع سبع دنانير وهو مستانس؟

الاقتصاد بيد الحكومة واذا الحكومة عندها "عجز" راح يكون الدور على المشاريع و العملاء. بس اذا العملاء فلوسهم بالبنوك بسبب رفع الفايدة؟!

يعني لا حكومة ولا عملاء (مشاريع) يساهمون بالاقتصاد الكويتي

 

[albostan]

بالنسبه للبنوك الاسلاميه اللي ماخذ قرض ما راح يتغير عليه شي أما من يريد أن يأخذ قرض جديد الفائدة راح تكون أكثر من السابق

 

[Cha3bar]

السلام عليكم

بخصوص التورق، إذا العقد سنوي وهو الغالب فعند التجديد يكون بالسعر الجديد

 

[الدالوب]

اخي الدالوب اتفق معك بعض نقاط
ولكن البورصة تولع اختلف مثال :

لو صارت الفايدة 8.5 سنوية علي الوديعة و تذكرون ببتك سواها وزع ارباح نفس النسبة
تعتقد الناس راح تسيل المحافظ و تحطها بالبنوك أمان و ربح مضمون
و شلي بدوخة الراس
اتفق مع عندك سلف بكل نقاط
اخوكم :
بومناور

وجهت نظر اخوي بو مناور ..
نحترم رايك..زين ما سئلت نفسك سوال بسيط ..
البنوك شنو تستفيد ..؟
هذا السوال اعتقد جواب تسيل المحافظ وتحطها للبنوك وربح مضمون .
اخي العزيز انت لك قناعاتك وانا مقتنع ومصر علي قناعاتي .. نصيحه بو مناور لا تسمع (بعض) المحللين بزياده ترا مو زين .. وقربهم قرب نمله طبعاا (البعض).

 

[الدالوب]

اؤيد كلامك بقوة الوضع واضح رفع الفائدة صعود للسوق لتسهيل البنوك الاقراض في ظل ارتفاع الفائدة

والله يابو احمد وجهت نظر قد نصيب وقد نخطا لكن الوضع الحالي مافي مبرر لنزول السوق والسوق الامريكي فوق 20 الف نقطه والبترول مرتفع وعقود الاجاره بتسحل العقار كل الظروف تخدم البورصه بس الجماعه مصرين يغطونه وينشفون دم صغار المستثمرين