ربعنا راحو تركيا

[الراقي]

بوعبدالله كل شهر يعطونه 6.5 %
رقم فلكي .. اخاف كل سنة

بوخالد اكيد مو كل شهر ٦.٥٪‏
تقسم على ١٢ علشان تستلمها شهري

 

[السعد محمد]

6.5 % سنويا ... معدل فائدة اكثر من رائع
بس ممكن شرح وين الواحد يروح علشان يحصل على الربح

 

[sayer]

بوفارس اذا بيتك تركيا يعطون 6.5% شهريا ليش بيتك الغرقان ما يودي ودايعه بالمليارات ويربح منها ويطلع من الغرقه ؟؟؟

اخوي ليس 6.5% شهريا بل على اساس سنوي وممكن وديعتك تكون شهرية او ربع سنوية او سنوية

 

[رابح رابح]

اخوي ليس 6.5% شهريا بل على اساس سنوي وممكن وديعتك تكون شهرية او ربع سنوية او سنوية

صحيح ولكن اذا احتسبت حجم انخفاض العملة التركية
ستكون خسائرها :
- 62 فلس منذ نهاية 2012
- تعادل 38% خلال 4 سنوات
- خساره تعادل 9% سنويا
- يعني بعد احتساب فوائد الوديعة سينتج لديك خسارة 3% سنويا

ولكن افضل من الاستثمار في بورصة الحيالة خسائرها 95% خلال 9 سنين
... طبعا هذا اذا سلمت على فلوسك وما انسحبت او انشطبت او فلست او خفضت راس المال .

 

[sayer]

صحيح ولكن اذا احتسبت حجم انخفاض العملة التركية
ستكون خسائرها :
- 62 فلس منذ نهاية 2012
- تعادل 38% خلال 4 سنوات
- خساره تعادل 9% سنويا
- يعني بعد احتساب فوائد الوديعة سينتج لديك خسارة 3% سنويا

مشاهدة المرفق 254531

ولكن افضل من الاستثمار في بورصة الحيالة خسائرها 95% خلال 9 سنين
... طبعا هذا اذا سلمت على فلوسك وما انسحبت او انشطبت او فلست او خفضت راس المال .

كلامك سليم

انا اشجع على هذة الوديعة ان كان لديك عمل في تركيا كشراء شقة

فانت دافع دافع لين ما تستحق الاقساط قاعد تستفيد من المبلغ بوديعة 7%

ايضا للعلم سعر الليرة الان منخفض جدا ما اظن انه ينخفض اكثر من 10% خلال سنتين والله اعلم

 

[الراقي]

6.5 % سنويا ... معدل فائدة اكثر من رائع
بس ممكن شرح وين الواحد يروح علشان يحصل على الربح

شوف الربع عطوني رقم موظف في بيت التمويل التركي هو يضبط كل شي وانت في الكويت ويفتح لك حساب بأسمك وانت قاعد بيتكم وتحول عن طريق بيت التمويل الكويتي
واي استفسار تقدر تسأله
واذا تبي رقمة واسمه ادزه لك بالخاص

 

[Bursa2016]

شوف الربع عطوني رقم موظف في بيت التمويل التركي هو يضبط كل شي وانت في الكويت ويفتح لك حساب بأسمك وانت قاعد بيتكم وتحول عن طريق بيت التمويل الكويتي
واي استفسار تقدر تسأله
واذا تبي رقمة واسمه ادزه لك بالخاص

واصل ما شاء الله عليك يا بوعبدالله
انا صارلي 3 سنين فاتح حساب هناك وكل مره يمشكلوني
قچه لا يعرفون عربي ولا انجليزي هالايام دازيلي مسج بالتركي لما ترجمتها بقوقل يقولون رقم تلفونك مشبوه ويوم رحت للموظف بالفرع يأشرلي بيده يعني ما عليك منهم
دزلي رقم صاحبك الله يعافيك

 

[الراقي]

واصل ما شاء الله عليك يا بوعبدالله
انا صارلي 3 سنين فاتح حساب هناك وكل مره يمشكلوني
قچه لا يعرفون عربي ولا انجليزي هالايام دازيلي مسج بالتركي لما ترجمتها بقوقل يقولون رقم تلفونك مشبوه ويوم رحت للموظف بالفرع يأشرلي بيده يعني ما عليك منهم
دزلي رقم صاحبك الله يعافيك

0090(539)
2350777
سفيان

 

[رابح رابح]

واصل ما شاء الله عليك يا بوعبدالله
انا صارلي 3 سنين فاتح حساب هناك وكل مره يمشكلوني
قچه لا يعرفون عربي ولا انجليزي هالايام دازيلي مسج بالتركي لما ترجمتها بقوقل يقولون رقم تلفونك مشبوه ويوم رحت للموظف بالفرع يأشرلي بيده يعني ما عليك منهم
دزلي رقم صاحبك الله يعافيك

صباح الخير بوفارس افضل سلعة تقتنيها الذهب
عندي صديق خسر بالبورصة 1.5 مليون دينار .. وفتح شركة ومحل ذهب واقنعني بشراء الذهب قالي:
- انت رئيس مجلس ادارة نفسك ما يبوقونك ورقبتك بايدك .
- تقدر تبيعه باي وقت وبكل دولة
- سعره عالمي صعب التلاعب فيه
- الذهب كمية استخراجه السنوية قليلة
- الطلب عليه كبير من البنوك المركزية وشركات التصنيع واستهلاك الافراد
- يقول حتى اذا نزل نشتري ولازم يرتفع ونربح

نزل قبل 9 شهور وشريت فيه كمية بسيطة وحاليا حقق لي ربح 26 %

افضل من البورصة ومشاكلها تقعد تترجى مجلس ادارة فاشل يرد لك نص فلوسك .

 

[Cha3bar]

إلي إكتتب في صكوك بوبيان قبل ثلاثة شهور اليوم يقدر يبيع ويحقق ال 6.5%
للعلم العائد 6.75 نصف سنوي

 

[سوق الاوراق]

امس في دوانية شفت صديق من تجار العقار الصغار
ودار الحوار هذا بيني وبينه
بوعبد الله : هلا بوسعد شلونك وشلون شغلك بالعقار
بوسعد : هلا بوعبدالله خبرك عتيج من زمان طلقت العقار
بوعبدالله : اكيد رجعت البورصة
بوسعد : لايحوشك توبة من الاسهم كافي اللي خسرنا فيها
بوعبدالله : لاعقار ولابورصة شنو تسوي الحين
بوسعد : حولت فلوسي حق بيت التمويل اللي بتركيا وديعة شهرية يعطوني كل شهر ٦.٥٪‏ من راس مالي افضل من العقار والبورصة وحلال وكل شي يصير بدنيا الا عندي فلوس برا الكويت
بوعبدالله : ماتخاف تنهار العملة التركية خصوصآ بعد الانقلاب الفاشل
بوسعد : انت من صجك الحين فرصة طيبة بعد نزول العملة التركية افكر اني احول كل فلوسي ولعلمك انا خايف من العملة الكويتية اكثر من التركية
بوعبدالله : ليش شفيها عملتنا بعد
بوسعد : الحكومة حتى الان لم تجد حل لمشكلة العجز ومع مرور الوقت مجبورة تعين الاف الكويتين الشباب وهذا راح يزيد العجز ومافي حل غير تخفيض قيمة الدينار مثل ماحدث في الاردن ومصر الان
بوعبدالله : جني بحول تركيا

السلام عليكم
بوعبدالله سلم على بوسعد قوله وين العجز بالكويت !!!!
ما سمعت عن العجز الا بالصحف وبتصريحات الحكومة واعضاء مجلس الامة و من التامينات العجز الاكتوارى ....
..... بالواقع مشاريع انمائية ضخمة بالكويت على مستوى العالم
.... بالواقع مشاريع قوانين تسيل لها اللعاب على مستوى العالم
... بالواقع مشاريع اسكانية ضخمة جدا جدا على مستوى العالم
... يالله بعد ..... صحية ... وبنية تحتية ... وعسكرية ... وتفسغس على دول العالم ..... الخ
ولا بعد البوق ميزانيته اضخم من ميزانية المشاريع وتعادل ميزانية بعض الدول ،،،،،،
وين العجز بالكويت !!!!؟؟؟؟؟
تدري لو في عجز بالكويت جان الحين الربع مثل قبل باجلة ونخي وفلافل والقهوة الشعبية وبرد بوصاروخ مو اصطار بوكس مالك كرسي و٥ رجال مالك دور و رستورنات الملوك شق جيبك ....... احنا عندنا فلوسو فلوسو على قولة الكوري ومصاري ومصاري قد الرز علي قولة السوري .........
شكو بتركيا غير الماء والوجه الحسن ... اكثر ربعنا الحين بين تركيا وكسوفو وكل ما قلتله اشعندك قال يامعود ما تدري احنا بازمة تعال بس اهناك وشوف الربح حلالي
سلملي علي بوسعد .

 

[Abdullah2626]

صباح الخير بوفارس افضل سلعة تقتنيها الذهب
عندي صديق خسر بالبورصة 1.5 مليون دينار .. وفتح شركة ومحل ذهب واقنعني بشراء الذهب قالي:
- انت رئيس مجلس ادارة نفسك ما يبوقونك ورقبتك بايدك .
- تقدر تبيعه باي وقت وبكل دولة
- سعره عالمي صعب التلاعب فيه
- الذهب كمية استخراجه السنوية قليلة
- الطلب عليه كبير من البنوك المركزية وشركات التصنيع واستهلاك الافراد
- يقول حتى اذا نزل نشتري ولازم يرتفع ونربح

نزل قبل 9 شهور وشريت فيه كمية بسيطة وحاليا حقق لي ربح 26 %

افضل من البورصة ومشاكلها تقعد تترجى مجلس ادارة فاشل يرد لك نص فلوسك .

اخوي ممكن تعطينا طريقة الاستثمار بالذهب من وين نشتري بمكان مضمون ما فيه غش و طريقة التخزين وين تكون هل بالبيت او البنك ؟

 

[رابح رابح]

اخوي ممكن تعطينا طريقة الاستثمار بالذهب من وين نشتري بمكان مضمون ما فيه غش و طريقة التخزين وين تكون هل بالبيت او البنك ؟

المكان الرسمي اللي تشتري منه ذهب سرداب سوق الذهب الجديد اللي بظهر المباركية ويعطيك وصل بالكمية والسعر وبعدين تقدر تروح وزارة التجارة تفحص الذهب
الذهب حجمه بسيط واذا الكمية صغيرة لاتاخذ كيلو قطعة وحده .. في 10 تولات وزنها 1,166 جم .. والبعض يشتري ليرة الذهب الرشادية ويستخدمونها النساء كزينه وميزتها عند البيع ماتخسر مصنعية بس عمولة البيع.

وتقدر تخزن الذهب بصندوق امانات بالبنك اذا الكمية كبيره .. واذا الكمية صغيرة تخزنها بالبيت تحت الكاشي نفس درب الزلق.

وفيه شراء اسهم ذهب ما انصح فيها خطرة ونفس البورصة ماتملك الا اوراق

في بالانستجرام حساب باسم مجوهرات الاميره لصديق كويتي ريال ثقة ومحترم وخبره بالذهب تقدر تسأله يعلمك كل شي .

 

[Abdullah2626]

المكان الرسمي اللي تشتري منه ذهب سرداب سوق الذهب الجديد اللي بظهر المباركية ويعطيك وصل بالكمية والسعر وبعدين تقدر تروح وزارة التجارة تفحص الذهب
الذهب حجمه بسيط واذا الكمية صغيرة لاتاخذ كيلو قطعة وحده .. في 10 تولات وزنها 1,166 جم .. والبعض يشتري ليرة الذهب الرشادية ويستخدمونها النساء كزينه وميزتها عند البيع ماتخسر مصنعية بس عمولة البيع.

وتقدر تخزن الذهب بصندرق امانات بالبنك اذا الكمية كبيره .. واذا كنية صغيرة تخزنها بالبيت تحت الكاشي نفس درب الزلق.

وفيه شراء اسهم ذهب ما انصح فيها خطرة ونفس البورصة ماتملك الا اوراق

في بالانستجرام حساب باسم مجوهرات الاميره لصديق كويتي ريال ثقة ومحترم وخبره بالذهب تقدر تسأله يعلمك كل شي .

مشكور ما قصرت ردك شافي او وافي

 

[Centerq8]

انا اعرف اثنين من الربع من امس عقب صلاة
الجمعه مجتمعين اجتماع مغلق لالحين
يتفاهمون علي قطية المخيم
خبرك المخيمات قربت

عسى الاجتماع خلص يقولون مجلس الامن القومي انظم للاجتماع

 

[Abdullah2626]

المكان الرسمي اللي تشتري منه ذهب سرداب سوق الذهب الجديد اللي بظهر المباركية ويعطيك وصل بالكمية والسعر وبعدين تقدر تروح وزارة التجارة تفحص الذهب
الذهب حجمه بسيط واذا الكمية صغيرة لاتاخذ كيلو قطعة وحده .. في 10 تولات وزنها 1,166 جم .. والبعض يشتري ليرة الذهب الرشادية ويستخدمونها النساء كزينه وميزتها عند البيع ماتخسر مصنعية بس عمولة البيع.

وتقدر تخزن الذهب بصندرق امانات بالبنك اذا الكمية كبيره .. واذا كنية صغيرة تخزنها بالبيت تحت الكاشي نفس درب الزلق.

وفيه شراء اسهم ذهب ما انصح فيها خطرة ونفس البورصة ماتملك الا اوراق

في بالانستجرام حساب باسم مجوهرات الاميره لصديق كويتي ريال ثقة ومحترم وخبره بالذهب تقدر تسأله يعلمك كل شي .

اخوي بالنسبه للاستثمار بالذهب هل تإيد حساب الذهب الي في بيت التمويل الكويتي او شراء ذهب بالطريقة التقليدية عن طريق محلات الصاغه ؟ من حيث الضمان و العمولة

 

[رابح رابح]

اخوي بالنسبه للاستثمار بالذهب هل تإيد حساب الذهب الي في بيت التمويل الكويتي او شراء ذهب بالطريقة التقليدية عن طريق محلات الصاغه ؟ من حيث الضمان و العمولة

ما اعرف نوع طريقة بيت التمويل هل شراء كميات باسمك او اسهم في بورصة الذهب للمضاربة .
ولكن من المؤكد من الأفضل شراء الذهب من محلات بيع سبائك الذهب من سرداب سوق الذهب الرسمي خلف المباركية
والسبب لاسمح الله في حالات الكوارث يكون تحت ايدك وما تقعد تركض وراهم اذا بتبيعه
في مثل يقول حلال عند الناس تخليه ودعه .

اهم شي تعرف السعر وقت الشرا وتشتري لتوقيت ممتاز للسعر مثل ديسمبر 2015 نزل خوش نزلة
كان السعر 10,35 دينار
حاليا السعر 13,10 دينار

 

[رابح رابح]

ملاحظة ورأي شخصي متواضع:

اذا كان مبلغ الاستثمار جيد يكون اختيار عقار مدر (وليس ارض فضاء) مربح اذا توفر مايلي :
1- شراء في دولة ظروفها مستقره وآمنة ولاتفرض ضريبة او تكون محدودة جدا
2- قوانين عقارية تحفظ حقوق المستثمر
3- ايراد العقار الشهري لايقل عن 8% من قيمة العقار سنويا بعد استقطاع الضريبة.
4- الشراء في فرص انخفاض العقار الذهبية .

اعتقد سيكون استثمار ممتاز بسبب:
- الايرادات الممتازة
- احتمال تحقيق ارباح من ارتفاع قيمة العقار
- الابتعاد عن مشاكل التراخيص التجارية
- المتابعة محدودة جدا وبواسطة مكتب متخصص .

سلبيات العقار:
1- التخارج منه يحتاج لوقت وبعض الدول تشترط مرور عدة سنوات مثل دول الخليج.
2- من الصعب الحصول على مشتري بالازمات الكبيرة والكساد ويترتب عليه البيع خسائر كبيرة كما حدث في دبي في 2009 وسوريا والعراق .
3- يترتب عليه خسائر عملة اذا انخفض سعر العملة .
4- بعض الدول تمنع خروج الاموال مما يتطلب للجوء الى طرق اخرى تتطلب دفع مبالغ كبيرة .
5- احتمالات منخفضة ومفاجئة بفرض قيود ضريبية اوغيرها يترتب عليها خسائر مالية في بعض الدول.

لست محلل وماذكرته وجهة نظر شخصية .

 

[رابح رابح]

مواقع لمتابعة اسعار الذهب :

1- موقع لمعرفة اسعار الذهب بالكويت والخليج تحديث مع الاسعار التاريخية:
http://kuwait.freshgoldprice.com/

2- لمتابعة اسعار الذهب عالميا والاسواق
موقع CNBC الامريكي من الاب ستور او الموقع الالكتروني:
http://data.cnbc.com/quotes/@GC.1

 

[Abdullah2626]

مواقع لمتابعة اسعار الذهب :

1- موقع لمعرفة اسعار الذهب بالكويت والخليج تحديث مع الاسعار التاريخية:
http://kuwait.freshgoldprice.com/

2- لمتابعة اسعار الذهب عالميا والاسواق
موقع CNBC الامريكي من الاب ستور او الموقع الالكتروني:
http://data.cnbc.com/quotes/@GC.1

مشكور يالحبيب ما قصرت الله يوفقك