&$$ صــفحــة متابعــــــة الســـــــوقـ $$&

[عبدالله2]

سلام عليكم ياجماعه احد افيدنا عن ارباح مبرد
جم الربع الثاني

وعليكم السلام

ربحية سهم مبرد

النصف الاول كله ٣،٦ فلس

العام الماضي كان = ١٨،٢ فلس

 

[عبدالله2]

سؤال لاهل الخبرة

ماهي الاثار المترتبة على

هذا الخبر ؟؟

إيقاف تداول المشتقات ..!!

 

[ابوسارونه]

سؤال لاهل الخبرة

ماهي الاثار المترتبة على

هذا الخبر ؟؟

إيقاف تداول المشتقات ..!!

اعتقد .. ماله ذاك التاثير القوي
خصوصا وان الاجل كان سبب نكسات اسهم كثيره بالسابق .. ينزلون السهم لين يتفسخ العقد

بعدين ربعنا ذبحهم الحسد .. محد ياخذ عقد الا السوق كله يتمني خسارته ويراقبه .. عشان ياخذون اسهمه برخيص


قرار ايجابي ... لدفع السوق للاعلي
وواضح انهم يبون يضيفون المشتقات والخيارات الجديده .. اللي نتمني تكون .. للصاعد وللنازل علشان توازن السوق وتمنع الحسد

 

[ابوسارونه]

الموضوع شيييق

http://m.france24.com/ar/20160808-مصر-اتصالات-غموض-رخصة-الجيل-الرابع-الهاتف-المحمول-انتهاء-مهلة


انتهت المهله .. وماتقدم سوى شركه وحده والحكومه محتاجه فلوس ومضطره .. تبي دولارات كاش .. والوزير المصري كان مهدد انه بيطرح الرخصه للمزايده اذا محد تقدم .. وقعد يطبل لزين ... ونشر انها مستعده وموافقه وتفاوضت معاه .. وكذلك طبل للاتصالات السعوديه انها .. تنظر للموضوع باهتمام مع شركه اخري صينيه

الوزير .. كان يبي يخرع الشركات العامله
والضاهر السالفه انقلبت صج .. علما بأن الحكومه المصريه حركو مستشاريين قانونييين لدراسه الموقف ... وطلع معاهم انه عادي لو ينزلون الرخص للمزاد ويطقون الشركات العامله بالطوفه ... لانهم اعطوهم مهله بشكل واضح وصريح


الغريب بالموضوع
ان رخصه الجيل الرابع
من شروطها ( اللي فصلوها علشان المصريه للاتصالات) انها تشغل .. جيل اول وثاني وثالث بالاضافه للرابع اذا حصلت علي رخصه الرابع ... مع حق بمنفذ اتصالات دولي .. مع حق بيع دقايق ارضيه بالشبكه الارضيه - الشبكه الارضيه كانت ملك المصريه للاتصالات وبيسحبون الامتياز منها .. علشان تكون شركه محمول تشتري مع الشركات الدقايق الارضيه من الوزاره

هالشروط
تجعل اي شركه تدخل لمصر
تكون اقوي من الشركات اللي ماشرت الرخصه

لانهم ماراح يكون عندهم جيل رابع
ولا منفذ اتصالات دولي .. ولا حق دقايق ارضيه


الموضوع / معقد ... وفيه كسر عظم
وبلطجه ... واجبار .. وقضايا ومحاكم
ولكن بالاخير ... ستنفذ مصر .. اي شي يجيب دولارات واعتقد .. طز بالشركات الموجوده علي الارض اللي ما نفذت رغبه الحكومه وماتقدمت وماجابت دولارات

 

[عبدالله2]

اعتقد .. ماله ذاك التاثير القوي
خصوصا وان الاجل كان سبب نكسات اسهم كثيره بالسابق .. ينزلون السهم لين يتفسخ العقد

بعدين ربعنا ذبحهم الحسد .. محد ياخذ عقد الا السوق كله يتمني خسارته ويراقبه .. عشان ياخذون اسهمه برخيص


قرار ايجابي ... لدفع السوق للاعلي
وواضح انهم يبون يضيفون المشتقات والخيارات الجديده .. اللي نتمني تكون .. للصاعد وللنازل علشان توازن السوق وتمنع الحسد

اخوي ابوسارونه

اذا سلمنا بما تتوقعه

ماهو مصير العقود الحالية ؟؟

هل ستتفسخ ويتدهور السوق أم ماذا ؟؟

 

[ابوسارونه]

اخوي ابوسارونه

اذا سلمنا بما تتوقعه

ماهو مصير العقود الحالية ؟؟

هل ستتفسخ ويتدهور السوق أم ماذا ؟؟

الله اعلم
بس صعبه يظلمون احد ... اكيد بيشوفون حل مرضي للملاك وللي عطي الملاك ..

 

[ساروق الحديد]

تستاهل الطيب يابوعبدالله

معني قرطوع في معاجم اللغة العربية
اصل الكلمة قرطع وحسب لسان العرب القرطع بالضمة علي حرف العين هو قمل الابل الممتلأ بالدم يسمي قرطع للونه
اما عند اهل البادية فهي الشربة القليلة من الماء او الحليب والبدوي أذا اكرم ضيفه وامتنع عن الشراب قال له خذ لك قرطوع ...

منقول من واتساب احد الاصدقاء

 

[عبدالله2]

الله اعلم
بس صعبه يظلمون احد ... اكيد بيشوفون حل مرضي للملاك وللي عطي الملاك ..

أنا لا أثق بهم ...!!

ستبدي لك الايام ما كنت جاهلا

والله أعلم

 

[الهدف البعيد]

القرار سيظلم الكثير من المتداولين..
قرار غير مدروس نهائيا .. وفية تنفيع واكل لحقوق المتداولين

 

[الراقي]

أنا لا أثق بهم ...!!

ستبدي لك الايام ما كنت جاهلا

والله أعلم

القرار سيظلم الكثير من المتداولين..
قرار غير مدروس نهائيا .. وفية تنفيع واكل لحقوق المتداولين

هذا القرار بسبب قرار صانع السوق اللي راح يوفر سيولة لسوق من بداية نوفبر
انا نفسكم غير واثق فيهم
بس ترى هم اكلو تبن وخسايرهم بالملاين ولازم يرفعون السوق شوي يبون يتنفسون خصوصأ ان مع نهاية ٢٠١٦ راح ندخل بدورة زمنية جديدة يعني اهل التحليل الفني راح يقولون صعود فني

 

[Bursa2016]

هذا القرار بسبب قرار صانع السوق اللي راح يوفر سيولة لسوق من بداية نوفبر
انا نفسكم غير واثق فيهم
بس ترى هم اكلو تبن وخسايرهم بالملاين ولازم يرفعون السوق شوي يبون يتنفسون خصوصأ ان مع نهاية ٢٠١٦ راح ندخل بدورة زمنية جديدة يعني اهل التحليل الفني راح يقولون صعود فني

هذي بوعبدالله
مشاركه يبيلها الف لايك

 

[forward]

وعليكم السلام

ربحية سهم مبرد

النصف الاول كله ٣،٦ فلس

العام الماضي كان = ١٨،٢ فلس

سلام الله عليكم و رحمته و بركاته

الانشطة اصبحت متحفظة جدا ...مخازن للايجار ...التبريد و النقل و الصيانة و المبيعات بتراجع ...مشروع تطوير قسائم الشويخ سيدر دخل ثابت ...دخل الاستثمار العقارى بمصر ثابت و بالدولار ....اتخيل الادارة تخطط لتوزيعات سنوية ما بين 5 الى 10 فلوس ......لننتظر و نرى شكل انشطة الشركة فى المستقبل
http://downloads.kuwaitse.com/Portal/NewsPDF/782016143742593777777777.pdf

 

[عندك سلف]

قرارهيئة اسواق المال الاخير بخصوص وقف التداول بالمشتقات "حسب الصيغة المعلنة"

سلبي للغاية
بل فيه تعمد للإضرار بالمتداولين خاصة متداولي الآجل والبيوع المستقبلية والخيارات

شنو يسوي اللي عنده عقد اجل يحل عليه اغدا مثلا او بعد اسبوع
وكان عامل حسابه انه يجدد العقد لانه لا يملك دفع قيمة الدفعة الأخيرة من العقد؟؟!

هل الهيئة تهدف إلى إجبار متداولي الآجل إلى البيع بهذه الأسعار الظالمة..

ام انها تنفذ أجندة لكبار المتداولين اللي عندهم سيولة ويبون يشترون لكن ما في بياع؟؟!

انا من زمان قايل أن أعضاء مجلس مفوضي الهيئة ناس اكاديميين وقانونيين لكنهم ما مارسوا التداول وبالتالي مهما حاولوا من جهد لن يتمكنوا من جعل السوق جاذب ونشط ..

كم مرة وعدوا بأن يرفعوا من مستوى السوق وآليات السوق كم مرة طلع رئيس المفوضين بالتلفزيون والصحافة وصرح أن شركات عالمية وعائلية ونفطية في طريقها إلى الإدراج...
وان السوق سيصبح جاذب
لكن الواقع عكس ذلك تماما الشركات مستمرة بالانسحاب!!

تذرعوا بان قانون هيئة اسواق المال جامد وهو المعرقل ...مجلس الأمة والحكومة غيروا قانون هيئة أسواق المال بناء على رغبتهم!! ولا صار شي

وعلقوا كل الآمال على اللائحة التنفيذية وعملوا لها بروباغندا...طلعت فشينغ ..!

والآن يأتي هذا القرار..بهذه الصيغة الناقصة..
وانا متأكد الف بالمية انهم غير مدركين لتبعات هذا القرار على السوق ..وحجم الظلم اللي سيقع على المتداولين...هم يرون الموضوع من زاوية قانونية فقط.ولا يهمهم تأثيره على السوق من حيث نزول أو صعود..خسارة أو ربح..ابتعاد متداولين أو زيارتهم..

عموما...شوفوا تأثير القرار باجر يا هيئة يا محترمين..!!

 

[بوناصر56]

القرار ماراح يمس احد لان قالكم سوف توضع اليه للتعامل مع العقود القائمه في حال انتهت

 

[بيانو6]

ابوثلاث ثلاثات ما بين اليوم
مطلوب منه نظره على دبى الاولى ومدينة الأعمال ان تكرم بكرمه علينا
بس تكفى لا تقول مسار هابط وتصدمنى

 

[Bursa2016]

خلصنا من بوقراطيع يانا بوكمبلين

https://twitter.com/3nzrut/status/762692427031379968

 

[الراقي]

ابوثلاث ثلاثات ما بين اليوم
مطلوب منه نظره على دبى الاولى ومدينة الأعمال ان تكرم بكرمه علينا
بس تكفى لا تقول مسار هابط وتصدمنى

لاتطلب منه شي ترى حايشة اكتأب
بعد ٣٠سنة تحليل اكتشف ان الشارت اللي يستخدمة خرطي

 

[الراقي]

خلصنا من بوقراطيع يانا بوكمبلين

بوقرطوع الناس ماقصرت فيه
وبوكمبلين يبي الناس تعود تنام بدون مكيف
انا الحين قاعد اعود نفسي انا بدون مكيف وبدون كمبلين بس لابس مكسر وفلينة

 

[السور]

بوكمبلين
واحد تافه ولد تافه ياي يتفلسف علي الكويتين ويعلمهم اشلون يقتصدون
اهوا لو في امه خير يتكلم عن معاشات الوزراء واعضاء مجلس الامة وعن المميزات اللي يأخذونها علي ظهر الدولة كافي ومكافأت اللجان ومصروفاتهم بالسفر وكوبونات البانزين والسيارات المصروفة لهم مع السواق

 

[عبدالله2]

بوقرطوع الناس ماقصرت فيه
وبوكمبلين يبي الناس تعود تنام بدون مكيف
انا الحين قاعد اعود نفسي انا بدون مكيف وبدون كمبلين بس لابس مكسر وفلينة

لا بوعبدالله

يبينا نحلق قرعان

وفاتيلة علاق ووزار ومهفه

يخرب بيت أفكاره