اللي يبط الجبد صج اللي يمسك حارة اليسار كأنه شاريها
تترك له بالعالي ويأشر لك بيده
ولما تطوفه يرد يأشر لك
نزلت له الجام ..
خير أبوي
قال علامك طاير
قلت إنت بالداخلية ؟؟
قال لا
قلت لو بالداخلية خالفني من غير كلام
ياخي أنا فلوسي زايدة وبعدل ميزانية الداخلية ليش زعلان
طيب أنا مجنون ليش تحط راسك براس مجنون
فرضاً عندي حالة نزيف لواحد بالمقاعد الخلفية .. هل أشرح لكل واحد بطوفه حالتي
ياللي تمسكون خط اليسار وكأنه ملككم إنت مالكم ومال المسرع
خط اليسار للعبور والتجاوز والأخوة صايرين فيها منظمين سرعة
اللي يبط الجبد أكثر اللي يطلع من لفة عاليمين ويشق أم الشارع علشان يمسك خط اليسار
ممكن أحد يفهمني شنو السر بخط اليسار اللي حتى الشاحنات والباصات تتمشى فيه
نحتاج لثقافة مرورية تبدأ من مكاتب تعليم السيارات اللي يدمرون الشوارع
نحتاج لثقافة مرورية تفهم كل سائق بأن الشارع ليس ملكك
نحتاج لثقافة مرورية تفهم الناس بأنه إذا فسح للناس يفسح الله له
نحتاج لثقافة مرورية تفهم بأن أنانيتك بالشارع هي سبب الإزدحامات والاختناقات
تشوفهم ماسكين سرا ورى بعض كأنهم قطار على خط اليسار وسرعتهم 100 ولما تتجاوزهم تشوف الشارع فاضي
مافي حد فيهم فكر شوي بأن منظرهم كأنهم قطيع
