&$$ صــفحــة متابعــــــة الســـــــوقـ $$&

[Jareer]

هناك ارقام مذكورة قريبة جداً تبدأ من عندها الايجابية وذاكرينها لكم اليوم اكثر من مره ليش تغامر وانت تقدر تستعمل الارقام ودش بسليم وانت مطمن وتربح ان شاء الله

مشكور على النصيحة
سأراقب بحذر

 

[السعد محمد]

مشكور على النصيحة
سأراقب بحذر

اذا انت شاري شاري ... عينك الاولى على سهمك .. والعين الثانية على المؤشر السعري ... اذا وصلت للارقام المبينة .. اشتر .. وبنهاية التداول بيع

 

[بروكر محترف 2]

السلام عليكم ورحمة الله وبركاته سأضع صباحا 3 أسهم للشراء مع وقف الخساره وجنى الارباح للمضاربين

 

[الراقي]

هههههه ادري والله بوعبدالله هذا الكلام قبل ماكو تداول بس الحين الوضع غير يعني محد تنبأ بالارتفاع المهول مع السيولة اللي كانت موجودة و بعدين اكثر المحللين قالوا ان راح يريح و كمل و ردوا قالوا يريح و كمل و اخيراً بمزاجه نزل السوق يعني الحين راح يمشي مع التحليل!!
و انا ادري كله اجتهاد من المحللين الكرام قابل للصواب او الخطا بس اللي قاعد يصير عفيسة لخبطة سمها اللي تسميها ...
و اللي يتحكم بالسوق قاعد يلعب على كيفه محد صوبه
ناس قالوا محفظة وطنية و ناس يقولون ان مجلس ادارة الشركات و اخرين يقولون محافظ محلية و من الخارج و غيره
محد بالضبط عارف السيولة من وين!!
ندري ان في اسهم صعدت صعود كبير غير مبرر مثل ما نزلت نزول غير مبرر !
الزبدة ليش اللي قاعد يصير و منو وراه و شنو قصده
هل هو شي سياسي هل هو اقتصادي
لا تقول الوضع الأمني لما كان الوضع الأمني قبل فترة ممتاز و كل الاسواق صعدت الا سوقنا ياي الحين يقول الوضع الأمني
اللي ابي أوصله بصراحة اللي قاعد يصير بالسوق اتوقع اليهود يتعلمون منه و اتوقع ابليس تديّن ببراعته شلون يسحب فلوس الناس ولا يخليهم يترزقون
ما اقول الا الله يحفظ لنا الديرة و يهدي اللي قاعد يلعب و يخلي الناس تشوف رزقتهم و الله المستعان
أسف عالاطالة
هذي لازم تطبعها عشان تقراها

اخي العزيز
مافي واحد ماستفاد من ارتفاع السوق مع اختلاف نسبة الفايدة
ومع ذالك مايهم منو اللي كان وراء ارتفاع السوق
النقطة اللي تهمنا هي الربح في السوق
وترى الخسارة كانت بسبب الطمع ودخول الخطأ على الاسهم
وسالفة التحليل مافي احد في دنيا يعرف باجر وين رايح السوق هي كلها اجتهادات قد تصيب وقد تخطئ

 

[الراقي]

لاتابعون المؤشر ركزو على اسهمكم
شوفو الاسهم القيادية ثابتة ولاكأن السوق نازل ١٣٠نقطة
ابشرو بالخير

 

[بوناصر56]

التحليل يقول إذا الكل بدا يتحلطم دش وانت امغمض .

ايدى تحكنى
باجر ودى أشترى

كنا نتفاؤل ب٢٠١٤ من التحلطم
بناء على قاعدتك وايد ناس دخلت و مولت محفظتها بمبالغ اكثر تفاجأت ان قرقور وهوت الاسهم اكثر في ٢٠١٥

الافضل لا تدش مع التحلطم دش لم الناس تبجي وتجن في مرحله بعد التحلطم

 

[بوناصر56]

اخي العزيز
مافي واحد ماستفاد من ارتفاع السوق مع اختلاف نسبة الفايدة
ومع ذالك مايهم منو اللي كان وراء ارتفاع السوق
النقطة اللي تهمنا هي الربح في السوق
وترى الخسارة كانت بسبب الطمع ودخول الخطأ على الاسهم
وسالفة التحليل مافي احد في دنيا يعرف باجر وين رايح السوق هي كلها اجتهادات قد تصيب وقد تخطئ

انا ستفدت عوضت كل خسايري لله الحمد للعلم كان هناك اسهم خساره ٤٠% و اخذت ربح ١٥% بعد تعويض الخساره اضن الارتفاع الاخير عطى الجميع فرص وما قصر ولا بخل عليكم

بس الناس طمعت الا تبي ربح ماتبي حتى راس المال

 

[السعد محمد]

كنا نتفاؤل ب٢٠١٤ من التحلطم
بناء على قاعدتك وايد ناس دخلت و مولت محفظتها بمبالغ اكثر تفاجأت ان قرقور وهوت الاسهم اكثر في ٢٠١٥

الافضل لا تدش مع التحلطم دش لم الناس تبجي وتجن في مرحله بعد التحلطم

افضل وقت للشراء
لما تقول للناس اشتروا اسهم ... وما يهتمون لكلامك .. ويكملون السالفة اللي كانوا يتكلمون فيها .. ؟؟؟

 

[Jareer]

انا ستفدت عوضت كل خسايري لله الحمد للعلم كان هناك اسهم خساره ٤٠% و اخذت ربح ١٥% بعد تعويض الخساره اضن الارتفاع الاخير عطى الجميع فرص وما قصر ولا بخل عليكم

بس الناس طمعت الا تبي ربح ماتبي حتى راس المال

أخى الكريم
أعتقد أن الطمع شئ ايجابى ( لأنه الدافع والطموح)
وأن القناعة كنز يفنى ( لأن السوق يتطلب المجازفة ،عكس القناعة)

 

[دايــم]

الأسبوع هذا إذا سكر تحت 6600 مطولين

بومريم
الغريب جدا جدا انه المؤشر خسر فقط
400 نقطه من اعلى قمه 6980 لغاية اقفال اليوم
بينما لما تشوف الاسهم فقدت الكثير من اسعارها
وكانه المؤشر خسر الف نقطه

 

[دايــم]

افضل وقت للشراء
لما تقول للناس اشتروا اسهم ... وما يهتمون لكلامك .. ويكملون السالفة اللي كانوا يتكلمون فيها .. ؟؟؟

ههههههه
تصدق يالسعد انها صارت فيني بشهر 9 و10
اصيح للربع اشترو اشترو
وكانو يسفهوني
واخر شهر يناير
كل واحد ياخذي على صوب ، ياولد السوق صاير زين وش اخذ

 

[السعد محمد]

ههههههه
تصدق يالسعد انها صارت فيني بشهر 9 و10
اصيح للربع اشترو اشترو
وكانو يسفهوني
واخر شهر يناير
كل واحد ياخذي على صوب ، ياولد السوق صاير زين وش اخذ

انا اقول لاخوي اشتر سهم الامتياز ... كان وقتها 74 فلس تقريبا
والخسارة علي .. والربح لك ... رفض واكتشفت انه شاري في شركة تيماس ( اللي اعلانهم ( ليش تشتري شقة وانت تقدر تشتري عمارة ) .

 

[دايــم]

ياخرطي !

 

[السور]

ياخرطي !
مشاهدة المرفق 259976 مشاهدة المرفق 259976

الهيئة وقفوا الاجل
وقف ادوات السوق كان مقصود والقصد عدم مضايقة المحافظ والتجار في الصعود

 

[ابوسارونه]

ياخرطي !
مشاهدة المرفق 259976 مشاهدة المرفق 259976

التطبيق لصالح الصانع؟!
شلون تجي هذي؟!

معناها الصانع بيكون عدو المتداولين علشان لايخسر ... لنفرض انه بيصير عدونا .. من منو بياخذ اسهمه اللي علي المكشوف ، اكيد فيه طرف ثالث اقوي .. و من هو ياتري .. وماهي آليتهم اللي جهزوها


السوق مو شفاف .. كلش

 

[jarrah_aam]

علامات تجارية عربية ترتقي بين أهم 500 بالعالم
http://www.indexsignal.com/community/threads/347082/page-59#post-4557247

 

[المسهماني]

السوق لن يترك والتصحيح لن يستمر دخول المحفظة الوطنية اتبعة دخول المحافظ والصناديق والمضاربين جاء بعد ترتيبات حكوميه لسوق الاوراق الماليه
ومن اهمها

1 خروج الشركات المتعثرة

2 اطفاء خسائر الشركات والتنامي بتوزيع الارباح

3 قانون الحوكمه

4 ترتيب وجود صانع سوق

5 خصخصة البورصة

6 تنظيم قوانين اسواق المال

7 رغبة الحكومة لجعل سوق الكويت من الاسواق الناشئه

وعوامل اخرى منها نزول العقار وتصريح رئيس هيئة الاستثمار بتحويل 35 مليار للاستثمار داخل الكويت
ارتفاع المؤشر والسيولة هي بداية دورة الاسهم توقعي انتهاء التصحيح من بكره بسبب النزول القوي للسوق اليوم ولاتحاتون القرقور هالمره ماراح يطول ان شاء الله
وجهة نظر قد تخطئ وقد تصيب

 

[SpeciaL 1]

بومريم
الغريب جدا جدا انه المؤشر خسر فقط
400 نقطه من اعلى قمه 6980 لغاية اقفال اليوم
بينما لما تشوف الاسهم فقدت الكثير من اسعارها
وكانه المؤشر خسر الف نقطه

صحيح كلامك بو تركي
مثل منت عارف السوق عبارة عن عدة أسهم
والأسهم اللي فقدت الكثير من أسعارها في مقابلها أسهم متماسكة وأسهم ارتفعت وهذا سبب التوازن للمؤشر العام
لهالسبب نقول ركزوا عالأسهم وخلكم من المؤشر
لما تشوف غالبية الأسهم اكتفت نزول وبدأت إشارات ارتفاعاتها تظهر هنا تقرر صعود المؤشر بجنون
وماني شايف هالشي حالياً وهذا اللي يخليني أقول مطولين

 

[الأشعف]

التطبيق لصالح الصانع؟!
شلون تجي هذي؟!

معناها الصانع بيكون عدو المتداولين علشان لايخسر ... لنفرض انه بيصير عدونا .. من منو بياخذ اسهمه اللي علي المكشوف ، اكيد فيه طرف ثالث اقوي من هو ياتري .. وماهي آليتهم اللي جهزوها


السوق مو شفاف .. كلش

هذا الي رافع السوق واعتقد على هالخبر السوق رايح فوق قبل لا يشترون الاسهم على المكشوف يليت يسمحون للمتداول ان يشتري على المكشوف كان صرنا هوامير

 

[Navigator]

رحله جديده مع قروب المدينه