&$$ صــفحــة متابعــــــة الســـــــوقـ $$&

[333gust !!!]

بومريم ..الله بالخير

إسأل بعض الناس ... خلاص ولا لسه

يعني حتى المؤشر أخذ بخاطره و سكر على ما يتمنى .....

تدري شقال له المؤشر ...شفيك متحامل علي .. 10 اشهر و آنا شايل اسهمك .. و لا حتى كلمة طيبة ..تصدق أنت مو بس خرعت المتداولين ..خرعتني آنا كمؤشر

دودهتني ..امس و اليوم انزل و اطلع بنهاية الدوام بصفقة بدنانير ..عمري ما سويتها ..

ههههههه دينارين عاد .......
بالله بالذمه تعتبر هذي صفقه ! سلامتك من التدوده
>> خلك على شغلك ولا لك شغل بالقال والقيل واولهم انا ....... دام مقتنع وربحان

 

[333gust !!!]

يا هلا ومرحبا بو فيصل

أكبر خطأ إذا كان فريق العمل مختلف بدرجة العناد
أن يتم التحدي بما يعود بالفائدة فذلك من صالح الجميع

أذكر بأننا بدأنا العمل من هنا مع بعض الشباب الذين كنا نلتقي معهم خارج المنتدى وتم بحمد الله الوصول لنتائج طيبة
ولكن عندما بدأ الاختلاف بعناد والتمسك بالرأي وعدم قبول وجهة نظر الآخر لم نجني إلا الخسائر ..
وقد يقول قائل الأمر يعود لك في البيع والشراء
وأجيبه بأن التأثير يبقى في الإنسان ويمنعه من اتخاذ قراراته تشكيكاً بقناعاته ..
لذا كانت إحدى توصياتي بأن لا تستمع لأحد كان من كان إن اقتنعت بأمر يخص أسهمك

وما يتم الآن هنا هو ( اختلاف بعناد ) وللأسف
إن بحثت في مشاركاتي القديمة سأجد تنبيهي بنزول السوق لمنطقة 7000 وكان حينها قد بلغ منطقة 8000
واستنكر الكثير ذلك ..
وأحد الأسهم وهو إيفا فنادق كان في ترند هابط من منطقة 700 وقد ذكرت بأني أراه في منطقة 170 أو قد تكون 150 ولا أذكر بالتحديد الرقم الذي أشرت إليه
وحصل نقاش بيني وبين أحد الأخوة الأفاضل الذي أكن له كل تقدير والذي يبلغ درجة أعلى مني في علم موجات إليوت
كان نقاشنا استنكاراً منه للرقم .. ولكن السهم وصل !!

ما أود الوصل إليه هو بأنه كل شيء وارد وليس هناك ما يمنع
نحن في عالم متحرك لا يسكن إلا إن أراد الله ذلك وهو القادر وحده على ذلك

أحد أكبر الأخطاء أن نقتنع بأن السوق يمشي حسب التحليل
ألسنا ننتظر نهاية الشمعة لنحلل من جديد ؟؟
ألم نقرأ ونسمع بأنه في حال اختراق أو كسر رقم ما بأن التحليل يلغى ؟؟

إذاً .. التحليل يعطينا دلائل وليس جزم
ومثالاً على ذلك عندما سألني بو عبدالله عن اكتفاء السوق من صعوده فلم أوافقه يومها ولكن بعد 3 شموع وافقته ..
أنا أتبع معطيات وإشارات وما لم أوافقك اليوم ( قد ) أوافقك بعد دقائق ولن أعاند
وقد لا أوافقك ويستمر تحليلي صحيحاً فلا تعاند ..

لذا ..
أرى بأن ما يحصل الآن في هذه الصفحة غير مفيد
غير مفيد لمن لا يقرأ الشارت ويعتمد على الآراء
وغير مفيد لمن يقرأ في لخبطة أوراقه

بوخليل هذا كله اشلون ارد علييه ..... ؟
على قولة بوتركي الله يذكره بالخير وين ما كان >> كاتب لي جريده
المهم اقولك حاضر يا الحبيب انت صح وانا غلط .... واذا تبي نقاش علمي بحت تعال نفتح صفحه بروحنا واترس راسك عدل من هالحجي .....
او حتى على الخاص مثل ما مسوي مع بو فييصل ........

 

[justice]

ههههههه دينارين عاد .......
بالله بالذمه تعتبر هذي صفقه ! سلامتك من التدوده
>> خلك على شغلك ولا لك شغل بالقال والقيل واولهم انا ....... دام مقتنع وربحان

مو آنا ... المؤشر قاعد يكلمك أنت ..يتشره
قاعد يواصل كلامه عقب ما قال لك انك خرعته .. يقول لك انه امس و اليوم يشيل و يشدخ يدور رقمك اللي امس تتمنى انه يخترقه 5656 ... يبيك ترضى
و لما لقاه اخترقه و سكر 5657 تجاهلته ....

الحين عقب ما ياب اليهده و سكره على ما تتمنى ..و عطيته بولابس .. ترى قاعد يقول لك انت عايز ايه بالزبط .. بط القلة يا استاز ابوبمحمد

بومحمد..أقول ... أخاف انه هذا مو المؤشر ,,, يمكن هذا استاذ الحمام المحشي بإليوت

 

[الراقي]

اعيونك الحلوه يا بو عبدالله ... >> صدفه يا معوود

بومحمد انت نفس عمود الخيمة في التحليل الفني في المنتدى
الجميع المحترف و المبتدئ في التحليل يستمتع بنقاش معاك
رغم مرور سنوات وانت تحلل ونسبة النجاح اكبر بكثير من الخطأ مازلت متواضع وماتغير شي فيك
الله يبارك لك ويزيدك علم

 

[SpeciaL 1]

بوخليل هذا كله اشلون ارد علييه ..... ؟
على قولة بوتركي الله يذكره بالخير وين ما كان >> كاتب لي جريده
المهم اقولك حاضر يا الحبيب انت صح وانا غلط .... واذا تبي نقاش علمي بحت تعال نفتح صفحه بروحنا واترس راسك عدل من هالحجي .....
او حتى على الخاص مثل ما مسوي مع بو فييصل ........

بو محمد بظن فيك الخير وماني رايح مع الشيطان اللي قاعد يوزني على جملة ( اقولك حاضر يا الحبيب انت صح وانا غلط )
تراها مثل اللي يقول خلاص اسكت بأسلوب ثاني

أتعبتني
أكلمك بالمختصر ما يفيد
أشرح هم ما يفيد

سؤالي الأخير عل وعسى تستوعب اللي أبي أوصل له ..
نور دبل سعره ؟؟
يونيكاب دبل سعره ؟؟
الأسهم اللي حطها لنا أخونا بو فيصل حققت الأهداف وصعدت والا نزلت ؟؟

ياخي السؤال واضح
هل صعدت أسهم والا لأ ؟؟
بالصعود اللي تم هل في فايدة والا لأ ؟؟

 

[SpeciaL 1]

أخطأت
نور ما دبل لكن صعد قريب الدبل

 

[333gust !!!]

مو آنا ... المؤشر قاعد يكلمك أنت ..يتشره
قاعد يواصل كلامه عقب ما قال لك انك خرعته .. يقول لك انه امس و اليوم يشيل و يشدخ يدور رقمك اللي امس تتمنى انه يخترقه 5656 ... يبيك ترضى
و لما لقاه اخترقه و سكر 5657 تجاهلته ....

الحين عقب ما ياب اليهده و سكره على ما تتمنى ..و عطيته بولابس .. ترى قاعد يقول لك انت عايز ايه بالزبط .. بط القلة يا استاز ابوبمحمد

بومحمد..أقول ... أخاف انه هذا مو المؤشر ,,, يمكن هذا استاذ الحمام المحشي بإليوت

ههههههههههه

 

[333gust !!!]

بومحمد انت نفس عمود الخيمة في التحليل الفني في المنتدى
الجميع المحترف و المبتدئ في التحليل يستمتع بنقاش معاك
رغم مرور سنوات وانت تحلل ونسبة النجاح اكبر بكثير من الخطأ مازلت متواضع وماتغير شي فيك
الله يبارك لك ويزيدك علم

الله يبارك فييك وفي عيالك يابو عبدالله ......
يعني اشلون اتغيير ؟ تبيني اقط القحفيه والبس برنيطه مثلا ....!

 

[saad44]

مو آنا ... المؤشر قاعد يكلمك أنت ..يتشره
قاعد يواصل كلامه عقب ما قال لك انك خرعته .. يقول لك انه امس و اليوم يشيل و يشدخ يدور رقمك اللي امس تتمنى انه يخترقه 5656 ... يبيك ترضى
و لما لقاه اخترقه و سكر 5657 تجاهلته ....

الحين عقب ما ياب اليهده و سكره على ما تتمنى ..و عطيته بولابس .. ترى قاعد يقول لك انت عايز ايه بالزبط .. بط القلة يا استاز ابوبمحمد

بومحمد..أقول ... أخاف انه هذا مو المؤشر ,,, يمكن هذا استاذ الحمام المحشي بإليوت

السلام عليكم ممكن تحليل السلام

 

[333gust !!!]

بو محمد بظن فيك الخير وماني رايح مع الشيطان اللي قاعد يوزني على جملة ( اقولك حاضر يا الحبيب انت صح وانا غلط )
تراها مثل اللي يقول خلاص اسكت بأسلوب ثاني

أتعبتني
أكلمك بالمختصر ما يفيد
أشرح هم ما يفيد

سؤالي الأخير عل وعسى تستوعب اللي أبي أوصل له ..
نور دبل سعره ؟؟
يونيكاب دبل سعره ؟؟
الأسهم اللي حطها لنا أخونا بو فيصل حققت الأهداف وصعدت والا نزلت ؟؟

ياخي السؤال واضح
هل صعدت أسهم والا لأ ؟؟
بالصعود اللي تم هل في فايدة والا لأ ؟؟

امبلا اصعدووا ....... وحققوا ربح نعم صحييح وانا معاك ان موكل الاسهم ترندها نفس المؤشر ...
ومومختلف معاك به نهائيا ممكن يكون المؤشر هابط 100 نقطه وانت عندك سهم ربحان بس هذا ماله علاقه في شغلنا .....
انا اتكلم بالمجمل >>> وحددت هذا بالامر يوم قلت لك 80% نسبة الخساره و20% نسبة الربح في ترند هابط
والمقصد من 20% هي الاسهم التي تعاكس المؤشر ..
هذا باختصار
واذا تبي زوود تعال على الخاص انا وانت لوحدنا ........

 

[ساروق الحديد]

منذ فترة شريت سهم القرين وكنت متأمل ان تواصل الصعود الي فوق 400 فلس

..... وفعلا اتجهت للأعلي بقفزات .... لكن هذه الايام رجعت بهدوء اليكم الشارت

 

[333gust !!!]

منذ فترة شريت سهم القرين وكنت متأمل ان تواصل الصعود الي فوق 400 فلس مشاهدة المرفق 258370 ..... وفعلا اتجهت للأعلي بقفزات .... لكن هذه الايام رجعت بهدوء اليكم الشارت

هلا اخوي هذا طال عمرك جارته مشابه لشارت المؤشر وهو تقريبا ......
ومن ناحية التوقع ان يصل الى 400 كان ممكن ذلك في حالة ما يكون الصعود حقيقي اي بموجه دافعه وليس الصعود تحصيحي او ارتداد ..
والسبب هنا :-
في حالة الصعود الحقيقي يكون الاستثمار والاهداف الكبيره ....
وفي حالتها الحاليا وهو صعود ارتدادي تصحيحي >> لايمكن ان يعطيك سهم اهداف بعيده جدا ويكون الشغل مضاربي فقط
وهذا ما كنت اتحدث عنه انا وابو مريم امس .........
الشغل فقط في المضاربه داش طالع ربح او خساره .......
وايضا في المضاربه يفضل الدخول مع الترند الصاعد .... على الاقل النسبه افضل من الترند الهابط

 

[SpeciaL 1]

يونيكاب
يشلع ؟؟
مجرد سؤال

شرط عدم كسر 48

 

[بيانو6]

اللي خايف من الخساره ومن السوق
علي مسئوليتي يدخل انوفست
الثالثه ثابته
الصعود الأول طافكم من 53 لي 68=15 فلس
ونزل لي 59 وكانت نقطة الدخول 60 وصعد
لي 76=16 فلسوحاليا نزل لي 72 ممكن احد
يقولي كم اقفاله اليوم
المؤشر وقتها مولع نار نزول من رمضان وانوفست
يغرد بروحه......شلون يعني أشق هدومي
أشتري عنكم،،،آخذ عمولتي

 

[بيانو6]

يش

يونيكاب
يشلع ؟؟
مجرد سؤال

شرط عدم كسر 48

يشلع بومريم انا اقول

 

[333gust !!!]

يونيكاب
يشلع ؟؟
مجرد سؤال

شرط عدم كسر 48

هذي شسمها قبل ؟

 

[SpeciaL 1]

هذي شسمها قبل ؟

مجابل المؤشر العام أكيد ما تدري شسمها ههههههههههههههههههههههههه
ماني قايل لك

 

[SpeciaL 1]

اللي خايف من الخساره ومن السوق
علي مسئوليتي يدخل انوفست
الثالثه ثابته
الصعود الأول طافكم من 53 لي 68=15 فلس
ونزل لي 59 وكانت نقطة الدخول 60 وصعد
لي 76=16 فلسوحاليا نزل لي 72 ممكن احد
يقولي كم اقفاله اليوم
المؤشر وقتها مولع نار نزول من رمضان وانوفست
يغرد بروحه......شلون يعني أشق هدومي
أشتري عنكم،،،آخذ عمولتي

آنا أقول سكر حساباتهم هههههههههههههههههه

 

[333gust !!!]

مجابل المؤشر العام أكيد ما تدري شسمها ههههههههههههههههههههههههه
ماني قايل لك

ههههههه والله لو ادري فيك تضحك جذي جان من زمان مغرد .....
خلاص عرفتها
بشرط عدم كسر الــ 47.5 وانت الصاج وعدم الاقفال به نهائيا
وان تم الكسر فان سعر الــ 41 سوف يكسر ....

 

[SpeciaL 1]

ههههههه والله لو ادري فيك تضحك جذي جان من زمان مغرد .....
خلاص عرفتها
بشرط عدم كسر الــ 47.5 وانت الصاج وعدم الاقفال به نهائيا

حتى لو يسكر 47 هم راح يشلع
عناد أقوى نوع