تقاطع الموت في البورصات لم يشاهد منذ ٢٠٠٨ و ٢٠٠١

[بوحسين11]

دام المنطقه تغلي شمال وجنوب الخليج
حتى شرقه وغربه

مستحيل ترجع السيوله والاستثمارات في هذي الظروف

راس المال جبان

ب ٢٠٠٣ صواريخ كانت بسوق شرق من صدام والبورصة حد اعلئ هذا ماله اي علاقه
البورصه تحتاج قرار فقط فتح خطوط الائتمان والتمويل والأجل والقروض بالأسهم

 

[بوحسين11]

متئ ما سمعت ان البنوك تقوم بتمويل الاسهم وفتح للقروض والأجل مثل دعمها الحالي للعقار وهو سبب من أسباب ثبات أسعار العقار
ستجد البورصه في صعود جنوني
لكن اعتقد لم يتخذ القرار بعد

 

[الراقي]

هههههههههههه
ليش ما تكون فرصه للشراء

فتشت الاسهم وحطيت اكثر من ١٢ امر شراء وارد الغيه اقول بيني وبين نفسي العالم تدور النحشه وانا راز وجهي ابشتري
تو الناس
ننتظر آخر ايام التنزيلات احسن

مافي احد يدري شنو يسوي الكل ضايع
دخلت المنتديات السعودية طلعو اكثر منا ضايعين
الكل يحلل وفي الاخر لن يحدث غير اللي كاتبه رب العالمين

 

[Navigator]

مافي احد يدري شنو يسوي الكل ضايع
دخلت المنتديات السعودية طلعو اكثر منا ضايعين
الكل يحلل وفي الاخر لن يحدث غير اللي كاتبه رب العالمين

الله كريم

ردة فعل ام ٣ ايام وتتعدل الامور ان شاء الله

اهم شي النفط لا يطيح وحنا بخير

 

[السعد محمد]

الله كريم

ردة فعل ام ٣ ايام وتتعدل الامور ان شاء الله

اهم شي النفط لا يطيح وحنا بخير

حتى النفط .. ماله علاقة بالموضوع

ابي افهم شركة عندها عمارات بالسالمية او بمكة ومأجرتها وتاخذ ايجار شهري او سنوي .. شنو علاقتها بالنفط

 

[Navigator]

حتى النفط .. ماله علاقة بالموضوع

ابي افهم شركة عندها عمارات بالسالمية او بمكة ومأجرتها وتاخذ ايجار شهري او سنوي .. شنو علاقتها بالنفط

خليت كل هالشركات وركزت على اللي عندها عماره بالسالمية

خالي الدوله تعتمد اعتماد كلي على النفط ونزوله راح يأثر بالسلب على ايرادات الدوله وتشديد اجراءات التقشف والغاء المشاريع
يعني الشركه اللي راح تجيب عماله من برا عشان يشتغلون بالمشاريع ما راح يأجرون عمارة السالمية
واذا ضعف الناتج القومي راح يأثر على اسعار السلع ودخل الفرد
اللي يقدر يدفع اجار ٨٠٠ دينار قبل ٤ سنوات الحين ما يقدر واغلب البنايات فاضية او دخلها يا دوب يكفي مصاريفها من صيانة واجور عمال واداره
الشركات العقارية اغلب ربحها من البيع للاراضي والبنايات والحين السوق العقاري في نزول من فتره بسبب نزول اسعار النفط
الزبده حياتك بالديره هذي تعتمد على النفط سواء الرفاهيه بصعود الاسعار او التقشف بنزول الاسعار

 

[دايــم]

اشرف العايدي
محلل اقل من المستوى !
من كان يتابع سي ان بي سي قبل عدة سنوات
كان محلل القناه اليومي
وكان يقول ويستهزء بان مؤشر ال SP لن يستطيع اختراق ال 971
ويراهن كثيرا
وهاهو المؤشر اخترق وتجاوز قمتة السابقه
ويتربع على عرش ال2000 نقطه

خلصنا من سنة ( نفيسه ) مادري شسمها مالت اليهود
اللي قالت انهيار لاسواق العالم
ودخلنا بتقاطع الموت مال الطنطل اشرف

كي لاننسى

 

[BOAHMAD]

يوم كان سعر النفط فووووق بورصة الكويت تحت