£&@صفحة متابعة السوق@&£

[Albaghdadi]

السلام عليكم وصبحكم الله بالخير

 

[ابوسارونه]

السلام عليكم ورحمه الله وبركاته
صباح الخير ... اتمني التوفيق لي ولكم واسال الله لكم السعاده في الدارين .. الدنيا والاخره


قال رسول الله صلى الله عليه وسلم: لاتكن أول من يدخل السوق ولا آخر من يخرج منها ، فيها باض الشيطان وفرخ

 

[Albaghdadi]

ما شاء الله .. مشاهدات امس فقط 6 آلاف .. تويتر زاد من شهرة الصفحه الظاهر

يالله هم زين .

 

[دايــم]

العجز المتوقع حسب دراستكم هو 12 مليار
والاصلاحات اللي تطالبون فيها حدود 3 مليار
طيب كيف على التسعه مليار ؟؟

تخفيض تصنيفنا هو حاصل حاصل
سواء ضيقتو علينا او لا
فبلاش افلام على الشعب !
حمدو ربكم انا حنا شعبكم

 

[Albaghdadi]

الانماء .. انخفاض كبير جدا مقارنه بالربع الاول من السنه اللي طافت !

المشكله انه تعليق الشركه نحو الانخفاض .. هو انخفاض دخل الانشطه التشغيلية .. شنو هالنشاط التشغيلي اللي يفرق خلال سنه وحده وينخفض ب 93% .

الايرادات التشغيلية انخفضت صحيح .. حيث كانت السنه اللي طافت 15 مليون .. الحين 10 مليون .. بس كانت ارباحه 1.9 مليون .. الحين 140 ألأف فقط !!

غريب

 

[Albaghdadi]

مشاهدة المرفق 249634

العجز المتوقع حسب دراستكم هو 12 مليار
والاصلاحات اللي تطالبون فيها حدود 3 مليار
طيب كيف على التسعه مليار ؟؟

تخفيض تصنيفنا هو حاصل حاصل
سواء ضيقتو علينا او لا
فبلاش افلام على الشعب !
حمدو ربكم انا حنا شعبكم

وين هالخبر .. خوش موضوع حق الاسبوع الياي

 

[Navigator]

السلام عليكم


هل هي بداية النهاية لشركات الخرافي ؟!!!

دنيا دواره

 

[دايــم]

وين هالخبر .. خوش موضوع حق الاسبوع الياي

في كل مكان ،، لهذا الصباح
حتى على المحولات

 

[Navigator]

الانماء .. انخفاض كبير جدا مقارنه بالربع الاول من السنه اللي طافت !

المشكله انه تعليق الشركه نحو الانخفاض .. هو انخفاض دخل الانشطه التشغيلية .. شنو هالنشاط التشغيلي اللي يفرق خلال سنه وحده وينخفض ب 93% .

الايرادات التشغيلية انخفضت صحيح .. حيث كانت السنه اللي طافت 15 مليون .. الحين 10 مليون .. بس كانت ارباحه 1.9 مليون .. الحين 140 ألأف فقط !!

غريب

كانت ماسكه عمارات بيت التمويل

وبيت التمويل باع هالعقارات

شي طبيعي يقل ايرادها التشغيلي

توجد منافسه شرسه في ادارة املاك الغير وخصوصاً العقاريه

حضارات سادت ثم بادت

 

[Albaghdadi]

اعلان الكابلات اعلان كارثي .

خساره كارثيه في ثلاث شهور 36 مليون دينار !

الاسباب من وجهة نظر الاداره .

انخفاض ايردات الاستثمار .

مزيد من الانخفاض في قيمة استثمارات متاحه للبيع .

 

[دايــم]

شكل الافتتاح فجوه حمراء

 

[Navigator]

زيما

ولو اني اكره الشركه وادارتها

لكن نقول كفايه نزول

 

[Albaghdadi]

الكابلات : راس المال 21 مليون دينار تقريبا .. اسهم الخزينه صفر .. السعر السوقي 420 فلس .

نبدا بالموجودات 183 مليون دينار .. تنقسم الى موجودات متداوله بقيمه 76 مليون دينار .. استثمارات 98 مليون دينار .. موجودات ثابته 8.2 مليون دينار .

المطلوبات 63.5 مليون دينار .. منها 55.5 مليون دينار مطلوبات متداوله .. 7.9 مطلوبات غير متداوله ..

الاحتياطات 94 مليون دينار !!! ... تغييرات القيمه العادله بالسالب 29 مليون دينار ( الرقم كبير ويحتاج الى تفسير واجهله للاسف ) .. الارباح المرحله 32 مليون دينار ..


نروح حق التفصيل علشان نفهم .. بس مبدئيا ودي اعرف بكيف ام منو شركه راس مالها 21 مليون دينار .. تحتفظ باحتياطات قريب ال 100 مليون يعني 4 اضعاف راس مالها و ارباح مرحله ب قيمه تزيد عن راس المال ب 11 مليون !!! أليس المساهين احق بتلك الارباح !!!!! هذه علامه استفهام كبر الارض !!!!!!


راح نشوف البيانات الماليه التفصيليه المنتهيه في 2014 ونشوف الاتي ..

ايرادات الشركه بعد خصم تكلفة المبيعات كان 21 مليون دينار وهي تفوق العام اللي قبله حيث كانت الايرادات في عام 2013 19 مليون دينار ( بعدين اقولكم ليش ) .. بعدين دخلت عليها المصاريف فكانت ..

1- مصاريف اداريه وعموميه 2.7 مليون ( طبيعي )

2- مصاريف تجاريه 2.5 مليون ( طبيعي )

3- وهنا الطامه الكبرى .. انخفاض في قيمه استثمارات متاحه للبيع بقيمة 8.6 مليون دينار ( هذا اللي مو طبيعي )

4 - تكاليف تمويل 2 مليون دينار .

وجم بند تناتيش .. وصفت من 21 ملوين .. 4.5 مليون دينار ك صافي ارباح 2014 بعد خصم ال 16 مليون المصروفات .. مع العلم انه ارباح السنه الماليه 2013 كانت 10 مليون دينار .. اي ان الارباح انزلت الى اكثر من النصف مع العلم ان الايرادات زادت والسبب اعادة التقييم والانخفاض اللي صار بقيمه 8.6 مليون دينار ( عرفتوا ليش ) .


خلونا نشوف الحين بالتفصيل شنو تملك الشركه وراح اذكر اكبر البنود :

الموجودات المتداوله :

1- آلات ومعدات 8.4 مليون دينار .

2- استثمارات متاحه للبيع 115 مليون دينار .

الموجودات غير المتداوله :

1- بضاعه 51 مليون دينار .

2 ذمم ماليه وتجاريه 28.8 مليون دينار .

3- نقد وارصده لدى البنوك 3.6 مليون .. وانخفضت بشكل كبير حيث كانت بنهاية 2013 .. .10.1 مليون ... من التوزيعه ..



فيما يخص الاحتياطات الضخمه هي كالتالي :


1- علاوة الاصدار 29 مليون .

2- احتياطي قانوني 21 مليون دينار .

3- احتياطي اختياري 21 مليون دينار .

4- احتياطي عام 23 مليون دينار .


بهذول تفتح شركتين من الكابلات !!!


خل نتطمش زياده ...

المطلوبات ...

قصيرة الاجل او متداوله وهي الاهم :

1- الجزء الجاري من قروض طويلة الاجل 13.2 مليون دينار .

2- قروض قصيرة الاجل 33 مليون دينار .

3- مرابحات دائنه 10.5 مليون دينار .



طويلة الاجل :

1- مخصص نهاية خدمة 2.4 مليون دينار .. والساحل 19 مليون .. وهذي صناعية وهذيج استثماريه .. البطيخ شنو لونه !!!

2- قروض طويلة الاجل 7 مليون .. وكانت في العام اللي قبله 2013 20 مليون تقريبا تقريبا ...




* نقطه اخيره فيما يخص اعادة التقييم اللي حصل يبين في الايضاح رقم 12 :

الشركه عندها اوراق ماليه بالقيم التاليه :



هذا تحليلي مالي مفصل لميزانية الكابلات قبل فتره .. كل البلاء في بند الاستثمارات المتاحه للبيع .

زين .. ماهو زين .. واغلاقه لشهر 3 سيعيد الامور لميزانها الطبيعي

 

[الراقي]

مليت وانا اقول اي شركة فيها الاستثمارات الوطنية حط رجلك

 

[Navigator]

لكل زمان دولة ورجال

 

[Albaghdadi]

زيما

ولو اني اكره الشركه وادارتها

لكن نقول كفايه نزول

مشرفنا .. التحرك اللي حصل في ملاك شركة زيما كان بالنازل والا الصاعد ؟؟

في واحد من الملاك في حركة على ملكيته بتاريخ امس اول امس .. زاد والا نقص كميته ؟

 

[بوقاسم]

السلام عليكم ورحمة الله وبركاته

 

[Q8Q8]

صبحكم اللـْْ♡̨̐ـْه بالخير
بو احمد
ولا عليك امر
اهلي متحد
بنك وربة
ولك جزيل الشكر

 

[Albaghdadi]

الكابلات في يناير 2014 كان سعرها 850 فلس .. في يناير 2015 كان سعرها 700 فلس .. الان 350 فلس .. وبخساير بالملايين .

ما كانو يدرون باللعبه هذي !؟ بالمشمش

 

[Navigator]

مشرفنا .. التحرك اللي حصل في ملاك شركة زيما كان بالنازل والا الصاعد ؟؟

في واحد من الملاك في حركة على ملكيته بتاريخ امس اول امس .. زاد والا نقص كميته ؟

ما عندي خبر بو احمد

الشركه بالبلاك ليست عندي

اي شركه تتفق ويا مضاربين للعب في حلال المساهمين لا تستحق المتابعه