تحية لجميع اعضاء المنتدى الكرام وسأتوقف عن الكتابة مؤقتا

[رابح رابح]

بوخالد حبيبنا
الكلام هذا غير كلام الصبح
هذا معناته انك زعلان من مشاركات بعض الاعضاء
بوخالد
كرامتك من كرامتنا وما نرضى احد يمسك وارجو من الاداره النظر في الموضوع

بويوسف الغالي
الله يعزك ويعز مقامك ويسعدك ويديم المعزة
وانا لاحشا مازعلت من احد بالعكس مدلعيني زيادة وكل الاعضاء تاج راسي بما فيهم الاعضاء اللي يختلفون معاي بالراي .

بس كلامي ردا على بواحمد عن قوانين الرقابة الجديدة وسلامتك

بويوسف انا ذكرت اني سأتوقف عن الكتابة مؤقتا نظرا للاوضاع المعقدة والشائكة
موجود اتابع وما اقدر استغني عن المنتدى واهله الطيبين بس والله خايف اخوره واخربط افكاركم من كثر الاحداث تصبح متفائل وتمسي متشائم والاعلاميين دمرو افكارنا

وبختمها بمشاركة للتشويش..
بالنهاية بقول كلمة وهذي قناعتي الشخصية الكبار قاعدين يزيدون حجم استثماراتهم .. والوضع القادم سيكون افضل باذن الله وانا متفائل فيه بقوة ولا راح ابيع ولا سهم .

وهذا خبر فرش ..
غرفة التجارة :
120 مليار دولار قيمة المشاريع الكبرى في الكويت وستنفذ رغم الوضع الاقتصادي الحالي

http://www.mppkw.com/ec/ec.aspx?ecID=MTc5Nw==

 

[رابح رابح]

عزيزنا الغالي بو خالد
الف تحيه و سلام و محبه و تقدير لشخصك المحترم
مشاركاتك بالنسبه لي كانت مدرسه شامله تعلمت منها الكثير يا بوخالد... الخبره في السوق و الحياه بائنه في كتاباتك

ما الومك .....السوق اتعبنا جميعا ... و الشعور بالاحباط نمر به جميعا من حين لاخر

ولكن اجد في المنتدى وسيله للتعلم و الفضفضه و مشاركه تجارب مع الاخرين و استماع الى اراء مختلفه و قراءه تحاليل جديده و غيرها من الامور المفيده و الكثير منها كان عن طريقك...
لهذا اتمنى ان لا تحرمنا من مشاركتك و لو بين الحين و الاخر...
أحب اقول شئ و اشاركك تجربتي....
على سبيل المثال .... مجموعه الخرافي اثرت عليك و هذا طبيعي جدا ....
بالنسبه لي تمويل خليج لم يؤثر فقط على راس المال و محفظتي بل تداعيات الخساره
اثرت على نفسيتي و صحتي و مجرى حياتي ... و ابتعدت عن السوق فتره ...

صعبه والله تشوف فلوسك تتبخر و تضبط اعصابك و تحافظ على هدوئك و ما تقدر تعمل شئ

الحين اقول هذا المقسوم لي من رب العالمين ...هذه رزقتي و المكتوبه لي......
لن اجعل اي شركه تؤثر على نفسيتي رغم الخساره....

(و عسى الذي ابطىء عني هو خير لي لعلمك بعاقبه الامور )

جهدك في المشاركات لا غبار عليه....و ما شاء الله على مشاركاتك ....الجهد فيها و الوقت البذول لكتابتها واضح جدا و يدل على خبره واسعه لصاحبها
وان شاء الله فتره تعب و ارهاق و تمر و تعدي و تصير الى الاحسن باذن الله

أسال الله ان يوفقك في امورك كلها..
تقبل مني كل محبه و تقدير و احترام

مشكور اخوي جاد وانت اسم على مسمى من الناس المميزين بالاخلاق والجدية
وانا اتعلم منك واسعدني مرورك وكلامكم الطيب .. وموجود بالخدمة وتحت الامر .

 

[Bursa2016]

بويوسف الغالي
الله يعزك ويعز مقامك ويسعدك ويديم المعزة
وانا لاحشا مازعلت من احد بالعكس مدلعيني زيادة وكل الاعضاء تاج راسي بما فيهم الاعضاء اللي يختلفون معاي بالراي .

بس كلامي ردا على بواحمد عن قوانين الرقابة الجديدة وسلامتك

بويوسف انا ذكرت اني سأتوقف عن الكتابة مؤقتا نظرا للاوضاع المعقدة والشائكة
موجود اتابع وما اقدر استغني عن المنتدى واهله الطيبين بس والله خايف اخوره واخربط افكاركم من كثر الاحداث تصبح متفائل وتمسي متشائم والاعلاميين دمرو افكارنا

وبختمها بمشاركة للتشويش..
بالنهاية بقول كلمة وهذي قناعتي الشخصية الكبار قاعدين يزيدون حجم استثماراتهم .. والوضع القادم سيكون افضل باذن الله وانا متفائل فيه بقوة ولا راح ابيع ولا سهم .

وهذا خبر فرش ..
غرفة التجارة :
120 مليار دولار قيمة المشاريع الكبرى في الكويت وستنفذ رغم الوضع الاقتصادي الحالي

http://www.mppkw.com/ec/ec.aspx?ecID=MTc5Nw==

يا زينك وزين سوالفك يا بوخالد
قرارك واجب علينا احترامه
وع قولة المثل اكرام النفس هواها
لكن لا تطول علينا الغيبه ولا ترى راح نطالبك بالغنايم

صج بوخالد قبل لا تروح لا تنسى لقب مميز سلمه حق بويوسف النوخذه على سبيل الاعاره

 

[نواخذة الكويت]

يا زينك وزين سوالفك يا بوخالد
قرارك واجب علينا احترامه
وع قولة المثل اكرام النفس هواها
لكن لا تطول علينا الغيبه ولا ترى راح نطالبك بالغنايم

إييييي ما ختلفنا يا زينه ويازين سوالفه

بس نبي الأغراض وتسليم العٌهده ما وصلني شي ليم الحين

 

[Bursa2016]

إييييي ما ختلفنا يا زينه ويازين سوالفه

بس نبي الأغراض وتسليم العٌهده ما وصلني شي ليم الحين

بويوسف شوفني شكاتب عدلت ع المشاركه اللي فوق

 

[نواخذة الكويت]

صج بوخالد قبل لا تروح لا تنسى لقب مميز سلمه حق بويوسف النوخذه على سبيل الاعاره

ولد ولد ولد بورصه الله يحفظك

ايييي هذا الكلام الزين خل يعطيني المميز استعاره ورده له لما يرجع من عيوني

هين من هالشق ليم هالشق

تصدق بورصة كلتني الأرضه بالمنتدى
حتى عضو شقردي ما حصلت

مشكور يا الغالي

 

[Bursa2016]

ولد ولد ولد بورصه الله يحفظك

ايييي هذا الكلام الزين خل يعطيني المميز استعاره ورده له لما يرجع من عيوني

هين من هالشق ليم هالشق

تصدق بورصة كلتني الأرضه بالمنتدى
حتى عضو شقردي ما حصلت

مشكور يا الغالي

بويوسف اذا افلست من عضو مميز من الاداره واذا بوخالد ما سلفك اللقب
استخدم مع المشرفين خطه ب (plan B)

 

[Bursa2016]

خطه ب
قولهم حطو تحت اسمي كلمة "ابويوسف" وبجذي تضيع الفكاير مع شوية رتوش تصير اقوى تأثيرا من العضو المميز

 

[whaler21]

تحية كبيرة لجميع لادارة المنتدى واعضاء المنتدى والاساتذه الكرام

.. سأتوقف عن الكتابة مؤقتا نظرا للاوضاع المعقدة والشائكة التى نمر بها .. السياسية والاقتصادية وذلك تجنبا لكتابة مشاركات قد تكون خاطئة وقد تشوش على افكار الاخوان الاعضاء او تدفعهم لاتخاذ قرار خطأ.
حيث انني لست من المتخصصين ومعلوماتي الاقتصادية والسياسية متواضعه وقد يكون طرحي او ردرد افعالي سلبية في ظل اوضاع السوق السيئة .

وسأكون متابع عن قرب لاني لا استطيع الاستغناء عن ارشاداتكم وعلمك الذي تعلمت منه الكثير والكثير مع الاعتذار عن اي معلومه خاطئة قدمتها عن حسن نية .

واتمنى تحقيق الربح والتوفق للجميع .

هلا بوخالد شلونك ان شاءالله بخير
كل اللي قلته قبل صح ...وانا معاك بكل اللي قلته
وقول اللي تقووله مالك شغل في احد ...يبون يسمعون اهلن وسهلن مايبون كيفهم مو غصب ...
انت من صجك الناس تغير رايها ...
ياعمي في ناس واجد بالمنتدي كل يوم يعطون سهم وثاني يوم نازل ...
واللي طايحله ترجيف الناس وتخويف .. صارو يقولون دشوو يوم فلان وطلعو يوم فلان...
واللي يقوول النفط رايح 7 دولار
اخذ كلام

انا اقوول تراجع عن قرارك والله اني استانس لم اشوفك تكتب وماشفت منك اي شي غلط

 

[نواخذة الكويت]

خطه ب
قولهم حطو تحت اسمي كلمة "ابويوسف" وبجذي تضيع الفكاير مع شوية رتوش تصير اقوى تأثيرا من العضو المميز

لا خطه ولا شي

بقولهم الأرض مقابل السلام

إذا قالولي شنو قصدك انت تهدد

أقولها لااااا انا شاري أرض مقابل منطقة السلام هههههههههههه

خق بويوسف

 

[ابوسارونه]

بوخالد / افتك من سالفه سأتوقف عن الكتابه انت رجال هاوي تكتب .. ولديك علم ومعرفه كبيره - لا تنظر للاشخاص اللي بمثل سنك ... انظر للشباب الجدد وانظر للاشخاص قليلي المعرفه!

لو لم يكن لديك من الحسنات سوي التحذير من أندك .. لكفاك هذا


علما بأن امور كثيره لاتعد ولا تحصي استفاد منها الاخوه الزملاء ... ثم تعال هنا واخبرني ! ما الخطأ اللي يستوجب التوقف؟ .. اعتقد ان افكارك متزاحمه وهذا لم نراه .. والذي رأيناه هو اتزان فكري كبير .. ونتبعه بكلمه/ ماشاء الله .. أما التزاحم فتأكد اننا لم نراه .. ولازلنا نري رجل متوازن بالطرح

انت وانا وكم شخص من ضمنهم بورصه 2016... دائما متواجدين بالمنتدي خصوصا بالليل .. والنهار والظهر والعصر (دايم اشوفكم اخر الليل ) بعد ماينام الاعضاء .. ويدب السكون بالمنتدي - وهذا للامانه غلط .. ويشحن روسنا كهرباء .. تجعلنا نعيش كآبه ويأثر علي اقبالنا للحياه


اترك .. كم يوم
ونام بمكان مظلم ... وياحبذا
لو تمشيت علي البحر حافي القدمين مابين ... فتره وفتره - والاحسن لو تمشي بالبر بمكان لايوجد به عمران أبد ... ستلتهم الصحراء .. كل الكهرباء السلبيه


ابوخالد .. نمون عليك
الله عطاك اسبوع .. ولا بنصكك غياب
دمت بخير

 

[نواخذة الكويت]

أعرفه بوخالد محد برده للكتابه إلا صفحتي ما يقدر يستغني عنها

يباا خلوا الرجال يرتاح چم يوم والله أنا أشوف إن من حقه البورصه والمتباعة تشيب الراس

بوخالد ارتاح ياخوي وارجعلنا بنفسيه
وحماس وحيويه .

وأرجوا إنك التخلص من كل شي وانت مرتاح أخبار بورصه اعلانات عضو مميز
علشان تقدر تكتفي من الراحه وتريح راسك

موفق يا الغالي

 

[السعد محمد]

خلك مرجع ... مثل لسان العرب .. ومختار الصحاح
وشارك في المواضيع الفنية والمالية و المحاسبية

لفترة

وشهر 4 ارجع

 

[رابح رابح]

ترا بطقها بچيه
اخواني وتاج راسي مالي غناة عنكم ..انا ذكرت اني بوقف عن الكتابه وليس المشاركة ..يعني بستمر بالمشاركة بنقل اخبار معلومه فقط .. اريحكم من هم البورصة
وعلشان ترتاحون مني كل ساعة كاتب لكم جريدة شطولها
في سوقنا قمنا نخاف نتفائل ... واذا فرحنا نفرح بخجل .. قمنا نشك في افكارنا وقناعاتنا.

وهذي مشاركة احسن من الكتابه عن السوق ... طيعوني جربوها

 

[ملك الصيد]

صبحكم الله بالخير
حتى بالنومة مضاربة !! صارت النومة مقطعة
ما حاشنا هالسكر الا من هالسوق الخرطي

ربك يسهلها