المجموعة الخليجية للمال

[عندك سلف]

محكمةالتمييز تقضي بتأييد حكم الاستئناف الصادرلصالح(الأولى)ضدالخليجيةللمال

يعلن سوق الكويت للأوراق المالية أن الشركة الأولى للاستثمار قد أفادت
بأن محكمة التمييز قد قضت بتأييد حكم الاستئناف الصادر بتاريخ
ِ29-12-2004 لصالح الشركة الأولى للاستثمار ضد شركة المجموعة
الخليجية للمال بالزامها بسداد مبلغ 10,146,000 د.ك (عشرة ملايين
ومائة وستة وأربعين ألف دينار كويتي).‏
وعليه، سوف تعاد الشركة الى التداول غدا الاثنين الموافق 30-10-2006.

 

[tajjir]

يا جماعة انا سمعت السهم يتم تداولة باقل من سعر اكتتابه
فهل هذا صحيح...؟

 

[الخبير البورصوي]

للبيع 100000 سهم لأعلى سعر وياليت الناسجت يفيدنا بسعر آخر صفقة ووضع السهم و التداول عليه ؟
للتفاصيل المراسلة على الخاص

جم سعر البيع لو سمحت؟

 

[ابو أدهم]

المجموعه الخليجيه للمال ..................

سؤال للي عنده خبر الادراج متى ؟؟
شنو صار على توزيعات السنه اللي طافت
شنو ربحيتها للسنه هذي

مشكورين مقدما

 

[ابو أدهم]

شدعوه ياشباب ماحد عنده خبر

 

[ابو أدهم]

4 ايام ولا احد يملك معلومه بخصوص هالسهم
شلووووون ؟؟؟؟؟؟؟؟؟؟؟

راح اتابع الين الله يجيب واحد يكون عنده خبر

مازال المنتدى فيه ناس تجيب العلم
تحياتي للجميع

 

[bo-sahm]

رد لأخينا ابو أدهم

هلا اخوي بو ادهم
انا من زمان "إنبحَ" صوتي من كثر ما اسأل عن هالشركة
حتى محبين و مشجعين المجموعة الدولية ما راح يردون عليك

عال العموم ،في عضو رد علي في هالرابط

http://www.indexsignal.com/vb/showthread.php?t=44403

في صفحة 47 مشاركة رقم 703 ان سعرها المعروض 600 فلس بس ما تتحول رسمي - لا تسالني ليش المفروض الإجابة عند اخينا azoz123 او بو جاسم

بالنسبة للإدراج ان شاء الله قريب لأن حسب اخر المعلومات والتصريحات ان هذه الشركة من ضمن 35 شركة المستثناة من الشروط الجديدة للإدراج - بس متى ما عندي خبر

اذا احد عنده خبر الرجاء يفيدنا

ملاحظة: على شان توحيد المواضيع وعدم تضييع الجهود في موضوع على هالشركة على هالرابط

http://www.indexsignal.com/vb/showthread.php?t=64602

وأتمنى من مشرفنا الجديد القديم Q8 Stock (عقب ما فارقنا الناسجت) ان يوحد هالموضوعين او يقفل الجديد - ما ادري شلون

 

[ابو أدهم]

اخوي بو سهم مشكور على مرورك ومحاوله الايضاح

لكن يبقى السؤال عن التوزيعات للعام اللي قبل الماضي شنو قرروا توزيعات هذا اولا

ثانيا ياطويل العمر ربحيه السهم للعام الماضي كم؟
ثالثا بارك الله فيك ليش هالشفافيه المعدومه بالنسبه للشركه على رغم ان ارباحها للعام اللي قبل الماضي زينه بحدود ال 200 فلس يزيد ينقص شوي

عال العموم احنا ننطر احد عنده خبر عن هالشركه ويوضح لنا ان شاء الله

 

[bo-sahm]

بالنسبة لأرباح ما عندي فكرة

ولكن حسب معلوماتي المتواضعة نسبياً

انها الى قبل سنة او سنتين ما في ارباح بل كان في مشاكل و قضايا و خفض لراس المال وووو - هذا الكلام كان لما المجموعة الدولية كانت موقفة و اول ما نزلت ب حدود 120 فلس (حوالي اخر 2004 اول 2005 اذا ما تخوني الذاكرة)

العام الماضي كان في اكتتاب خاص للمجموعة الخليجية للمال لحظوتهم (ربع الجموعة الدولية) ب تقريبا 890 فلس في سبيل ادراجها في الكويت، مع العلم انها مدرجة سابقا بالبحرين و موقفة من 4 سنوات تقريباً ولكن النزول العنيف للمجموعة الدولية و من حوالي 1 دينار الى 440 فلس أخر بعض الشيء خطط الإدراج مع المشاكل المعروفة مع الأولى و الأوقاف

الآن المفروض ان في ارباح عل الأقل لسنة 2006 وان شاء الله زينة
بس ل 2005 ما اعتقد - وإذا في غير هالكلام نورنا وأتمنى اكون غلطان

 

[ابو أدهم]

اخوي بو سهم الله يعطيك العافيه

بالبروشور حق الاكتتاب للخليجيه موضح فيه ان ربحيه السهم للتسعه اشهر فقط 160 فلس اذا ماتخوني الذاكره وهذا بعام 2005 يعني حتى سبتمبر 2005
لكن ربحيه 2006 مادري عنها كلش .........
توزيعات 2005 شصار الله اعلم ...........شنو يخططون له هم الله اعلم
مشكلتهم مع الاولى والاوقاف انا اشوفها محفز جيد وفي صالح السهم
لكن ليش الجماعه مايوضحون عن طريق تصريح او اي شي عشان يطمنون المساهمين عال الاقل
سررت بمرورك

 

[العتيبيQ8]

للبيع 7000 سهم ب 600 فلس

 

[ابو أدهم]

للبيع 7000 سهم ب 600 فلس

من صجك عارض بال 600 فلس الاكتتاب على مااذكر ب890 فلس وانت عارض بهالقيمه
عندك اخبار يديده نورنا الله يعافيك

 

[العتيبيQ8]

بالعكس الشركه قويه ارباحها بس الرجال محتاج
وهذا سعره
وعيبها مافيها تحويل
بس يعطيك اى ضمان عند محامي

 

[النجدي2007]

مرحبا اخوي بوسلطان ياليت توضحلي الشركة الخليجية للمال تتبع اي شركة اقصد منو ملاكها ولك جزيل الشكر

 

[العتيبيQ8]

تابعه المجموعه الدوليه اخوي
تحياتي

 

[bo-sahm]

اخونا بو عثمان - مشرفنا الجديد في شيء عن هالشركة
و هل تعلم ليش ما في إمكانية للتحويل ؟

 

[العتيبيQ8]

للبيع 6000 سهم السعر 600 فلس مع تقديم جميع الضمانات بالتحويل

 

[bo-sahm]

الأخوة بوسلطان وكذلك اخونا بو عثمان (دلالوة سوق الجت) او اي احد غيرهم
كلي الي قاعد اشوفه هو عروض ....شنو ما في سوم ما في طلب

بعدين معقولة ما في معلومات ولو حتى إشاعات عن هذه الشركة
يبا يكفي انها من ضمن غروب المجموعة (وما شاء الله شكثر مطبلين و محبين المجموعة)
كذلك هي من ضمن الشركات -ما ادري 35 او صارو 26 الحين- التي ستدرج حسب الشروط القديمة
بالإضافة في بوادر حل لمشاكلها المعروفة وأولها مع لؤلؤة وما يندرى عن الأولى والأوقاف

 

[العتيبيQ8]

الأخوة بوسلطان وكذلك اخونا بو عثمان (دلالوة سوق الجت) او اي احد غيرهم
كلي الي قاعد اشوفه هو عروض ....شنو ما في سوم ما في طلب

بعدين معقولة ما في معلومات ولو حتى إشاعات عن هذه الشركة
يبا يكفي انها من ضمن غروب المجموعة (وما شاء الله شكثر مطبلين و محبين المجموعة)
كذلك هي من ضمن الشركات -ما ادري 35 او صارو 26 الحين- التي ستدرج حسب الشروط القديمة
بالإضافة في بوادر حل لمشاكلها المعروفة وأولها مع لؤلؤة وما يندرى عن الأولى والأوقاف

السلام عليكم
انا سمعت من شخص بس ماني متاكد من الخبر ان قضيتهم مع لؤلؤه انتهت ويعلنون عنها قريب
بس اتاكد من المعلومه اخبرك وصدقني ثق بالله
انا اى خبر يوصلني عنها والله لكتبه لك
تري اللي يفرحك يفرحنا
والله كريم تحياتي لك

 

[3320]

احب ايشر ملاك اسهم المجموعه الخليجيه للمال وصلنى خبر مؤكد ان هناك اجتماع قريب للجمعيه العموميه وفى توزيعات تقريبا100% بس ماادرى نقدى اومنحه ......ولاتنسونا بالدعاء