أخوى رعد الشمال اهى مناوره لا تغنى ولا تسمن من جوع مجرد فرد عضلات وبس
والنفط اللى يتكلم عنه ابو سارونه النفط الايرانى والنفط العراقي واليبي والسوري كل هذا قبل تنباع بالسوق السوده مو بالسوق الرسمي مالها اى أثر لو عاد كل منتج على انتاجه
اللى يأثر على النفط بالوقت الحالى التخلص من التخمه الموجوده بالسوق وقالو فى أجتماع قريب وفى اتفاق وفى زياره للعاهل السعودي حق روسيا والدعوه كلها مقايضات والامور ان شاء الله سهالات
ابد ما اختلف معك
لكن أوضح لك - الدول لما تكون متعافيه من الارهاب أو الحرب او الحظر الاقتصادي .. يكون انتاج النفط بذروته مع امكانيه الصيانه لاي عطل بعكس اللي يعانى ، ف مانقدر نقول ان اللي كان يباع بالسوق السوداء كان هو نفسه حصه هؤلاء طبيعي وأكيد انه اقل بكثير .. كثير جدا !!
صحيح ان السوق السوداء ضاغطه للاسعار
لكن .. الدول المستفيده من الخصم قلة - يعني هل معقول الصين تشتري من داعش؟ .. جغرافيا مايصير !
لكن اذا شرت تركيا من سوريا نقول معقول .. لكن بالمقابل النفط السورى كان يغطي احتياجات البلد .. وذهابه لتركيا .. يجعل سوريا يا تطلب من برا او تشتري من داعش .. دائره لاتنتهي اخي لذا نقول الخ الخ
(اختصار الكلام)
فيه تأثير موجود وخفض للكمياات المنتجه
وهذا واقع مانقدر نفنده ..
والتخمه اللي يعاني منها السوق
هي نفط امريكي وكندي... لان اللي خرج من السوق - علي فرض تناقص انتاج مناطق الصراع .. 3 مليون؟
اللي دخل 5 مليون من امريكا وحدها خلال أعوام الصراع.... لان امريكا عام 2010 تنتج 4 مليون برميل .. وعام 2015 .. تنتج 9 مليون
لذا فالفايض 2 مليون
علما بان هالحسبه تقريبيه للشرح
ولا الصج الفايض حاليا نص مليون برميل
سيرتفع الي 3 مليون مع كل تقدم ايراني بالانتاج .. ومع كل استقرار بمنطقه الشرق الاوسط يزيد الفايض
وهذا .. بطبيعه الحال .. يخفض الاسعار
اللي بطبيعه الحال .. تخفض الانتاج الامريكي ليعود الي 4 مليون كما كان
كل هذا اخي يستغرق
وقت .. ليحصل
كما استغرقت امريكا 5 سنين لترتفع من 4 مليون الي 9 مليون بدون لحد يحس وبدون لاتضغط علي الاسعار .. بسبب حروب المنطقه وتحييد انتاج دول سابق .. سيرجع النفط ويرتفع اذا خرجت شركات امريكا بدون تعويض النقص اللي جاء بسبب الحروب. . وعندها. . سيصدق من قال ان النفط ل200 دولار .. وهذا لايمكن الجزم به .. لان المسئله قد تجد تفاهم يحفظ حقوق الجميع بالمساواه .. ويمنع ذهابه لل200 دولار - السالفه مو خطوط شارت .. السالفه اعمق!
خبر غريب / استطاع اوباما رفع الحظر عن تصدير النفط بعد 40 عام من الحظر - اخذ القرار في وقت يحارب الجميع به النفط الصخري والشركات تفلس ... لماذا ؟؟
مابي ادخل بمعمعه
لكن الله يستر علي الخليج بالمستقبل فأمريكا (الحقيره ) تقدمها يكون بالحروب .. وحصصها تأخذها غصب بالحيله وصبرها وبالها طويل - بدليل ان اوباما بنفسه عام 2010 وضع جدول للوصول لانتاج 10 مليون برميل .. عام 2017 .. وسبق الموعد بسنتين / وتزامن مع اعلانه الوصول لهالمستوي .. اعلان بفك ارتباطه عن الخليج العربي وانه آن الاوان لتنفيذ سياساتنا بدون لاننظر للنفط العربي
(كل شي موثق .. اخي بوفلسين )
اتمني تكون وصلت الفكره
