@@ اسهم حيرتني @@

[Bursa2016]

شاكر مروركم يا اخوان وبصراحه اثريتوا الصفحه بهالمشاركات الطيبه ومثل ما قلت في اول مشاركه اني بحثت في اغلب الشركات وقدرت اني اتوقع الشركات اللي ممكن توزع والشركات اللي احتمالية توزيعها ضعيف لكني احترت بالشركات المذكوره بالجدول اعلاه من حيث ان بياناتها الماليه المنشوره ممتازه الا ان سعرها السوقي والاشاعات اللي ع موجوداتها واصولها بالحضيض
واتمنى مشاركات اكثر للي عنده معلومات عن تلك الشركات وطبيعة اصولها وموجوداتها ومطلوباتها حتى نثري الموضوع ونفيد ونستفيد وتكون مرجع لمن اراد الدخول على تلك الشركات او هو بالاساس شاري فيها

 

[السعد محمد]

يعطيك العافيه اخوي
رمال سهم ادارته تعبانه .... مختصر الكلام
يعني عندك سياره لامبرجيني و صاحب السياره ما يعرف يسوق ... شنو الفائده

لا مو ما يعرف يسوق .... يعرف يسوق احسن مني ومنك
هذا نصاب يخدع الناس

 

[السعد محمد]

المصيبة عندنا في من يحاسب ويراقب الميزانيات كل سنة وكل ربع شلون مايكتشف هذا التلاعب وهو جهة مختصة بهذي الامور وبنفس الوقت شباب مجتهدين يكتشفون التلاعب بكل سهولة
الموضوع اكبر منا ومن وزارة التجارة والبورصة والهيئة

اسوء جهات حكومية في العالم
وزارة التجارة وزارة المالية وهئية الزراعة وهئية الصناعة

ولا تراخيص ... تباع في السوق

وين صارت

ترخيص رخصة ... ينباع بالسوق
ترخيص مزرعة ... ينباع
ترخيص قسيمة صناعية
شاليه .. قيسمة اغنام .. ابل

عسا ما شر

 

[الكنترول!!!]

ما حيرك وين سيوولة السووق

ورؤس الأموال

شي طبيعي بكل اسواق العالم

الناس تبيع فوق وتجني اربااح

ومع النزول يردون يشتروون

يعني مع كل نزول قوي تلقا يجي معاه

ارتفاع قوي مع سيووله

ما اتفقنا قيمة التداول سنه كامله

٨ او ١٠ مليوون ويوصل ١٥

اذا فيه تخارج بنوك او شي

باختصار السووق فيه شي غلط

 

[Bursa2016]

مجلس ادارة (مراكز) يوصي بعدم توزيع ارباح عن السنة المنتهية في 31-12-2015

وحده من شركات العفن اللي بالجدول اعلاه

 

[Bursa2016]

اعلانات السوق

3/24/2016 14:06:17 مجلس ادارة (الرابطة) يوصي بعدم توزيع ارباح عن السنة المنتهية في 31-12-2015

لمزيد من المعلومات http://www.kuwaitse.com/A/Stock/StkFIScan.aspx?STK=614
ثاني شركات العفن اعلنت
ارباح سنويه 2.1 مليون(8.8 فلس) معظمها بالربع الرابع ، ارباح مرحله 2.2مليون احتياطيات 23 مليون، كل هذا وما في توزيعه صج شركات عفن

 

[السعد محمد]

اشكرك على الموضوع الممييز .... متابعة موفقة

 

[السعد محمد]

اغلب شركات القائمة .. شركات عفن
شكلنا بنشكك بنوايا كاتب الموضوع

اعتذر لسوء الفهم .. كنت قاري الموضوع خطأ

 

[الدالوب]

السلام عليكم يا اخواني الافاضل ،،
اشكركم من القلب الي القلب علي توعيه اخوانكم ع بعض الشركات نفس ما قالم اسهم العفن وازيد عليهم والزفر ..
بما انكم تطرقتم لشركات العفن نبي من الاخوان ذكر الشركات اللي نوعاا ما فيها سنع من حيث ملئاتها الماليه ومجلس اداره محترم .. الخ
لكي نستفيد مع ذكر الاسباب ودلائل عشان محد يقول فلان يسوق لشركته والحجي الفاضي والنوايا والشكوك السيئه .. مع احترامنا للكل واي شخص يعقب اذا كان عنده تعليق او استفسار لنطلع بنتيجه والكل يستفيد ..
وناسف ع الاطاله .. ودمتممم ،،

 

[سوق الاوراق]

معظم هذي الشركات نصابين...
خذ عندك مثال شركة رمال...

قبل فترة لما كان سعر السهم بحدود 150 فلس
شريت كمية بسيطة ورحت للشركة معاي الميزانية وباستفسر عن بعض البنود...

مقر الشركة في برج النصار..الدور الاخير او قبل الاخير ما اذكر..

اول ما دخلت والا اشوف لوحة كبيرة عند المدخل والا فيها شجرة العايلة !!

طوفت الموضوع وقلت عادي يمكن الشركة توها متحولة من شركة عائلية الى شركة مساهمة عامة...


بعدين دخلت والا الشركة ما فيها الا 4 اشخاص:
1_محاسب هندي او باكستاني ..حاولت استفسر منه عن بعض بنود الميزانية ..خاف وقال لي كلم مدير..
2_الموظفة الثانية سكرتيرة واستقبال اسف اني اقول هذا الكلام بس علشان تتصورون معاي الانطباع اللي طلعت فيه "الموظفه باخر العشرينات او اول الثلاثينات قاصة شعرها مرينز وحاطة ترجية بخشمها !!"
سألتها اذا ممكن اقابل المدير
قالت عنده اجتماع
قلت لها عادي انطره

ونطرت بحدود نص ساعة

بعدها قررت اطل عليه بشوف صج في اجتماع والا الموضوع تصريف..

وفعلا طليت عليه بالمكتب ماله والا الاخ مصري ورابط شعره عنقوص !! ولابس سلسلة!!
وعنده واحد ثاني مصري شكله محترم قاعدين يسولفون !!

هني طفرت بصراحة ودرعمت عليهم..وقلت له انا مساهم وعندي بعض الاستفسارات اذا ممكن! ؟

الاخ المصري انحرج وقال له انا استأذن ...

رد عليه المدير... لأ ...خليك انا عاوزك..

قال له انا اجيلك تاني...

رد عليه لا معلش مش راح نطول خليك انا عاوزك..


انحرج وقعد...


عموما انا ادري اني دخلت في اشياء تفصيلية مو مهمة...لكن راح تعطي انطباع عن مستوى الادارات لمثل هذي الشركات...

سألته في بند يقول ان عندكم شاشة مؤجرة بقيمة مليون دينار سنويا!!
وين هذي الشاشة ومن هو المستأجر!!

توهق البطل...قل هذي الشاشة اللي عند دوار الشيراتون واللي مأجرها شركة نسيت شنو اسمها!!

قلت معقولة !! منو يدفع مليون دك على تأجير شاشة!!

بعدين سألته ايجارات العقارات عندكم رقمها غريب نفس الرقم بالضبط في كل ربع !!

قال احنا مأجرينها ...جملة...على شركة
انزين شنو اسم الشركة ؟؟!

والا نفس اسم الشركة اللي مأجرة الشاشة!!

قلت له ملتزمين بالسداد !؟...هني قام ينتع ...وقام يقط الوان..
قال ما اقدر اجاوبك على كل هذي الاسئلة انا عندي اجتماع...

قال لي كم سهم عندك؟ يعني بيحرجني!!

قلت له ...خلاص مشكور حصلت اللي ابيه...

دخلت على موقع غرفة التجارة وحطيت اسم الشركة علشان اشوف منو يملك هذي الشركة ...

والا المفاجأة انهم نفس اسماء ملاك شركة رمال!!
واسم هذا المصري واياهم!!

ذاك الوقت سعر السهم كان 136 فلس

بعت اسهمي بخسارة محدودة ولله الحمد...ونبهت اعضاء هذا المنتدى من تلاعب هذي الشركة...

وارسلت رسالة الى ايميل هيئة اسواق المال بهذا التلاعب

خلاصة الكلام...هذه الشركة ومعها شركة مراكز والمدن...كلهم نفس الطقة...

يمكن الباقي شوي ارحم لكن هذول الثلاثة انا متأكد من اللي اقوله ..كلهم نصابين وانا اتحمل مسؤولية اللي اقوله

السلام عليكم
صبحك الله بالخير.........
مهما تقول عن هذه الشركة والادارة انا مصدقك ......
مع كامل احترامي لهذه العالة . عندي تجربة مريرة معاهم عندما استآجرت محل تجاري بسوق السالمية ( اولا يتعاملون بالخلو ووقعوني على اوراق مزورة وابضا عندما تم بيع المجمع الشاري ابتلش لان اغلب المحلات تم استاجراها من قبلهم برخص التراب وابضا عقود الفيمة الايجارية مزورة وتوهق البطل . المهم دفعت الخلو ثم تم الغاء الخلو بعد يومين من توقيع العقد لان اغلب المحلات لم تؤجر ..... تصدق ماردو لي فلس احمر مع العلم المبلغ بالالاف ... واذكر كان المسئول من غير محددي الجنسية ويمني وما ادري شنو وما تقدر تشوف احد من البشوات المهم تجمهنا اصحاب المحلات المتضررين سوينا كبسة فجائية رلبدنا لهم وصدناهم ،،، بس بكل وقاحة طردونا شر طردة .
هذه القصة وقصتك تذكرنا بكلام رئيس مجلس ادارة الشركة ماذا كان يقول وبشكل رسمي وموثق بالصحف وبالمنتديات والحين اكتشفنا الكذب والتلاعب والسرقات والسهم بالحضيض والناس راحت فلوسها والكذب مستمر ،،،،،
المشكلة بعد فترة عندما تتغير الاحرال الناس اتسى ونفس الشخص الكذاب والحرامي راح يعيد نفس القصص والافلام والكل راح يصدقه ،مهما نقول ونسولف ماحد راح يصدقنا والاقبات كلامنا بالازمات السابقة وماكتبنا عنه وما حصلنا من ردود مخزية من بعض الاعضاء .
شكرا لك .

 

[السعد محمد]

السلام عليكم
صبحك الله بالخير.........
مهما تقول عن هذه الشركة والادارة انا مصدقك ......
مع كامل احترامي لهذه العالة . عندي تجربة مريرة معاهم عندما استآجرت محل تجاري بسوق السالمية ( اولا يتعاملون بالخلو ووقعوني على اوراق مزورة وابضا عندما تم بيع المجمع الشاري ابتلش لان اغلب المحلات تم استاجراها من قبلهم برخص التراب وابضا عقود الفيمة الايجارية مزورة وتوهق البطل . المهم دفعت الخلو ثم تم الغاء الخلو بعد يومين من توقيع العقد لان اغلب المحلات لم تؤجر ..... تصدق ماردو لي فلس احمر مع العلم المبلغ بالالاف ... واذكر كان المسئول من غير محددي الجنسية ويمني وما ادري شنو وما تقدر تشوف احد من البشوات المهم تجمهنا اصحاب المحلات المتضررين سوينا كبسة فجائية رلبدنا لهم وصدناهم ،،، بس بكل وقاحة طردونا شر طردة .
هذه القصة وقصتك تذكرنا بكلام رئيس مجلس ادارة الشركة ماذا كان يقول وبشكل رسمي وموثق بالصحف وبالمنتديات والحين اكتشفنا الكذب والتلاعب والسرقات والسهم بالحضيض والناس راحت فلوسها والكذب مستمر ،،،،،
المشكلة بعد فترة عندما تتغير الاحرال الناس اتسى ونفس الشخص الكذاب والحرامي راح يعيد نفس القصص والافلام والكل راح يصدقه ،مهما نقول ونسولف ماحد راح يصدقنا والاقبات كلامنا بالازمات السابقة وماكتبنا عنه وما حصلنا من ردود مخزية من بعض الاعضاء .
شكرا لك .

الحل .. سهل اسميه الشراء البعبوصي
يعني تشتري هالايام كمية بسيطة يعني 10 الاف سهم

وتنتظر ... سنة ... وتشوف شنو صار بالسهم اذا نزل او تم تخفيض راس المال ... تشتري نفس الكمية وتنتظر سنة .. وهكذا

يعني ب600 دينار تحكرهم سنتين .. وهم يدفعون للبورصة 50الف

شغل نحاسة

 

[Bursa2016]

اعتذر لسوء الفهم .. كنت قاري الموضوع خطأ

مسموح ياللي تعذر ... بصوت غريد الشاطئ
ماله داعي للاعتذار ... تمون يالسعد تمون اعرف طيبة قلبك عشان چذي رديت عليك بوقتها مع فيس

 

[دايــم]

مسموح ياللي تعذر ... بصوت غريد الشاطئ
ماله داعي للاعتذار ... تمون يالسعد تمون اعرف طيبة قلبك عشان چذي رديت عليك بوقتها مع فيس

مشاركاتك دائما جميله
شكرا لك

 

[Bursa2016]

مشاركاتك دائما جميله
شكرا لك

من ذوقك الدايم يا بوتركي

 

[دايــم]

من ذوقك الدايم يا بوتركي

حبيب يابوالفوز

 

[Bursa2016]

حبيب يابوالفوز

الفوز من حظك دنيا وآخره .... آمين

 

[Bursa2016]

اعلانات السوق

3/28/2016 10:41:31 مجلس ادارة (المدن) يوصي بعدم توزيع ارباح عن السنة المنتهية في 31-12-2015
لمزيد من المعلومات http://www.kuwaitse.com/A/Stock/StkFIScan.aspx?STK=439
ثالث اسهم العفن اعلن عدم توزيع ارباح
وسنوافيكم بالنتائج لاحقا

 

[Bursa2016]

اعلانات السوق

3/28/2016 10:41:31 مجلس ادارة (المدن) يوصي بعدم توزيع ارباح عن السنة المنتهية في 31-12-2015
لمزيد من المعلومات http://www.kuwaitse.com/A/Stock/StkFIScan.aspx?STK=439
ثالث اسهم العفن اعلن عدم توزيع ارباح
وسنوافيكم بالنتائج لاحقا

للاسف حقق خساره سنويه تبلغ 940 الف اغلبها بالربع الرابع وارجع تلك الخساره الى بيع عقار بخسارة 150 الف وديون مشكوك بتحصيلها تاريخها من 2012 بقيمة مليون دينار
ايرادات تشغيليه تكاد تكون معدومه نسبة الى راس المال 0.5 ‎%‎ من راس المال
ثلثين موجوداتها قيد التطوير اي بدون ايرادات
الايجابيه الوحيده في ان مطلوباتها قليله
الحقتها بشركات العفن لان تقييم موجوداتها يلحقها الكثير من الشكوك وليس ادل على ذلك من بيع عقار بخساره 150 الف اي انها مقيمه بالميزانيه باعلى من قيمتها السوقيه الحقيقية واغلبها موجودات غير متداوله ومن غير ايرادات تذكر
موجوداته بشكل اساسي تتوزع ع اصلين:
-مشروع عقاري سياحي تحت التطوير في مصر مقيم ب 13.4 مليون
- و شركة محاصه في بريطانيا مع شركاء اخرين لتملك فنادق (تحت التأسيس)حصة المدن مقيمه ب 6.4 مليون
الاصل الوحيد المدر تم بيعه بخساره 150 الف كما بينا اعلاه، وبالتالي سنه اخرى من المعاناة
^ باقي الموجودات بقيمة 1.3 مليون تلاشى جزء كبير منها (989 الف) حيث تم تحويله الى ديون مشكوك في تحصيلها
تعبت
الله يعين ملاكها

 

[Bursa2016]

اعلانات السوق

3/31/2016 8:04:37 مجلس ادارة (مشرف) يوصي بعدم توزيع ارباح عن السنة المنتهية في 31-12-2015

لمزيد من المعلومات http://www.kuwaitse.com/A/Stock/StkFIScan.aspx?STK=639

رابع اسهم العفن اعلنت عدم توزيع ارباح
وسنوافيكم بالتفاصيل لاحقا

 

[Bursa2016]

اعلانات السوق

3/31/2016 8:04:37 مجلس ادارة (مشرف) يوصي بعدم توزيع ارباح عن السنة المنتهية في 31-12-2015

لمزيد من المعلومات http://www.kuwaitse.com/A/Stock/StkFIScan.aspx?STK=639

رابع اسهم العفن اعلنت عدم توزيع ارباح
وسنوافيكم بالتفاصيل لاحقا

ارباح سنويه 1 مليون (3.3 فلس للسهم)
ايرادات تشغيليه 50 مليون لا ينتج منها الا 1مليون ربح (2‎%‎) والباجي يروح لتكاليف التشغيل ومصاريف عموميه واداريه وتكاليف تمويل
عيل ليش قاعدين سكروا الشركه وحطو فلوسكم ودايع ابرك
طبعا التفسير الوحيد لذلك مع العقود الضخمه اللي ياخذونها من الدوله انها عقود مبيوعه بالباطن لشركاتهم الخاصه وبالتالي فان هامش الربح من تلك العقود ضئيل جدا وبالكاد يكفي التكاليف والمصاريف
الايجابيه الوحيده بنتايج هالسنه انها احسن من العام الماضي