&&& صفحة متابعة السوق للعام الجديد 2016 &&&

[التحالف]

لا بوعلي ما يصير انت ما كنت قاعد اتحلل :>

لو في واحد ثاني معاي في وقتها جان قلت اكيد يقصده وما يقصدني :> هههههههههههه يخرب بيت الثقه

امبلا كنت احلل ... كنت في المستوصف قاعدين ياخذون مني دم للتحليل ... هههههههههههه

 

[السور]

بوناصر محد قاعد يحلل بالصفحه غيري الحين .. قولي اياها مباشره علشان على الاقل احتفظ بحق الرد عليك .. مو عدل ؟

لا بوعلي ما يصير انت ما كنت قاعد اتحلل :>

لو في واحد ثاني معاي في وقتها جان قلت اكيد يقصده وما يقصدني :> هههههههههههه يخرب بيت الثقه

فيك شرررر

 

[سناعيس]

تتوقع يقصدني ؟

بغض النظر يقصد مِنْ
عليه ان يضع النقاط على الحروف ويوضح علشان لا تأخذ القراء كثرة التأويلات والمقاصد

 

[ابومحمد 1920]

بغض النظر يقصد مِنْ
عليه ان يضع النقاط على الحروف ويوضح علشان لا تأخذ القراء كثرة التأويلات والمقاصد

خلها تمشي الدنيا بمجراها // لا يجى شخص ينقض جرح مافاتى

 

[بوناصر56]

بوناصر .. انا للحين ناطرك ترد علي ولا عليك امر .. من تقصد بكلامك ؟؟

والله يالبغدادي اني ماقريت نكك ولا كلامكم قبل تعليقي قطيت الكلمه بشكل عام والمقصد غير شخصي لان الناس خسرانه و انا من الخسرانين ٢١ الف

وللحين في ناس تحلل قبل يومين مدري ثلاث انقطت الاسهم قط كل سهم خسر يمكن ٥٪ وهم كان قبلها في ناس محلله وماتوقعو بتصير هالمأساه

يبى الهوامير راحو البورصات العالميه يبون فلوس بالدولار واليورو ... والشركات الي ساهمنا فيها خذو فلوسنا و سولهم املاك بلخارج



هالزمن تبي تعيش بطل شركه اخذ فلوس الناس اعلن افلاس وروح عيش

 

[بوناصر56]

او امسك الجمعيه بوق المساهمين والحين صعب تاسس شركه مساهمه اكتئاب عام فحاول تستحوذ شركه وبوقها و خل اهلك اسهم ممتازه و صف اصولها

 

[بوعجيم]

والله يالبغدادي اني ماقريت نكك ولا كلامكم قبل تعليقي قطيت الكلمه بشكل عام والمقصد غير شخصي لان الناس خسرانه و انا من الخسرانين ٢١ الف

وللحين في ناس تحلل قبل يومين مدري ثلاث انقطت الاسهم قط كل سهم خسر يمكن ٥٪ وهم كان قبلها في ناس محلله وماتوقعو بتصير هالمأساه

يبى الهوامير راحو البورصات العالميه يبون فلوس بالدولار واليورو ... والشركات الي ساهمنا فيها خذو فلوسنا و سولهم املاك بلخارج



هالزمن تبي تعيش بطل شركه اخذ فلوس الناس اعلن افلاس وروح عيش

اقرب مثال علي كلامك اخوي بوناصر والامثله كثيره
لشركات تعبانه باقت فلوس الناس باسم القانون وعن
طريق تخفيض راس المال او شطب الشركات وتبخر
فلوس الناس

شركة ميادين اعلنت تخفيض راس المال تقريبا 75%

وخذوا من الناس تقريبا اكثر من ثلاث ارباع فلوسهم يعني

داش ب10 الاف صار عندك 2.500 دينار وكل باسم

تخفيض راس المال ..وشنو اللي حصل بالاخير مع السهم

هل تتوقع رفعوا السهم عشان الناس تعوض حلالها

طبعا واكيد لا نزل السهم لغاية قبل تخفيض راس المال

ويمكن اكثر حتي وصل 14.5 قبل جم يوم ... يعني

المفروض ان الشركه تعتبر خاليه من الخساير بعد التخفيض

ليش هالاسعار اللي تدل علي حرمنة اعضاءها ...والامثله

كثييييييره من الاسهم ..هذا يحصل فقط في سوق

الكويت للحراميه

 

[Navigator]

للحين في ناس محسوبه لمحافظ تحلل وتضيع اوادم

اخ بو ناصر

هالكلام هذا والاتهام مرفوض

وانا تضررت من كلامك هذا

عندك شي يثبت هالكلام

والا توزيع الاتهام عندك شي عادي

منتظر ردك

 

[صاعد نازل]

النفط 3%

 

[بوناصر56]

اخ بو ناصر

هالكلام هذا والاتهام مرفوض

وانا تضررت من كلامك هذا

عندك شي يثبت هالكلام

والا توزيع الاتهام عندك شي عادي

منتظر ردك

انا اتكلم عن نفسي ولا اقصد احد

وعندما قلت للحين في ناس تحلل

كنايه عن استيائي من البورصه

وكنايه عن ان الناس الي تحلل كأنها لا تشعر بما يحدث

وكنايه عن استيائي لاننا لم نتوقف عن التحليل ولم نزعل على الوضع المزري فاستمرار التحليل هو استمرار الرضا وعدم الشعور بالالم


امل ان تتقبل كلامي بسعة رحب وتفهم مقصدي بحسن نيه

 

[بدون مجامله]

يقصد المطوع

اي المطوع ،،!؟ انسان دغري الالغاز والله ماافهم فيها

 

[متابع الســــوق]

الشباب شراره على الزناد؟ !
هدواااا الظروف استثنائية هالسوق إحباط النفسيه صفر تحملوا اخوكم نبهوه على الخاص
يكفى إلى فيه ؟!
الخساير ترى كبيره وصعب تحملها
الله يورينا فيهم يوم اكااااالت أموال الناس بالباطل ؟!

 

[Navigator]

نزول السوق لا يبرر اتهام الناس بالكذب او الضحك عالناس
خصوصاً ان الامر كتابي وليس شفوي لنقول زلة لسان
عندك مجال تشطب المشاركه وعندك مجال تفكر بما تكتب ولا تعتمد المشاركه

للمره الالف نكرر

لحد يضع خسارته بالسوق على الاخرين ولا يلوم
الا نفسه

انت من اتخذ قرار الشراء بكامل ارادتك

انت من قرر الاحتفاظ بالسهم في وقت انهيار السوق

انت من قرر شراء سهم لشركه لا تستحق نصف سعرها بالسوق

انت لم تستخدم وقف الخساير وتفعله

تقريباً الكل خاسر الكبير قبل الصغير ( في حجم المحفظه )

صدقني ما يفرح بخساير المسلمين الا الجاحد وقليل التربية وقليل العقل وقليل الايمان

اغلب اللي دشوا السوق الكويتي بالفتره الاخيره يبون يجربون حظهم بالاسهم وما ضبط وياهم
ما فيه اي شي يشجع على دخول السوق بالفتره الاخيره والسوق كان شبه ميت من سنتين وتداولاته اقل من ١٠ مليون دينار للجلسه

ولما كسر قاعه عند ٥٦١٤ زادت حدة النزول واقتربت من الانهيار

لا تخلون نزول اسعار اسهمكم تأثر في نفسياتكم

فالخاسر الاكبر انت ولا احد غيرك

تأثير مباشر على نفسيتك وصحتك
تأثير على عائلتك وعلاقاتك بالآخرين

اعتبرها رحله غير موفقه وأحمد الله على ما قسمه لك

 

[Navigator]

ولا ننكر وجود اسهم بالوقت الحالي اسعارها مظلومه وتستحق الضعف على اقل تقدير

ولكن الشراء بالوقت الحالي فيه نوع من المغامره والشراء الحقيقي والآمن عند كسر الترند الهابط

لكن الامور مشجعه لاستمرار المضاربه الخطره

 

[عبدالله2]

السلام عليكم

الدكتور بوهادي

غايب من فتره -- عسى المانع خير إن شاء الله .

الله يحفظك أنت وبقية الاخوان الغايبين

مع التحية

 

[صاعد نازل]

ولا ننكر وجود اسهم بالوقت الحالي اسعارها مظلومه وتستحق الضعف على اقل تقدير

ولكن الشراء بالوقت الحالي فيه نوع من المغامره والشراء الحقيقي والآمن عند كسر الترند الهابط

لكن الامور مشجعه لاستمرار المضاربه الخطره

تقصد اختراق الترند الهابط ؟!

 

[Navigator]

تقصد اختراق الترند الهابط ؟!

الاختراق مو شي يرجع ينزل تحته

كسره افضل عشان ما يرجع

شاكرلك التصحيح

 

[Navigator]

تعودنا عالكسر

 

[ابوسارونه]

تحيه حب وموده لكل الاخوه المجتهدين بهذه الصفحه وباقي صفحات المنتدي الجميل .. ونسأل الله لهم دوام الصحه وموفور العافيه وأن يكون تواجدهم مع بعضهم دافع لمزيد من الحب والود وربط لأواصر المعرفه!


هانت .. هانت
بس انت طول بالك !!

أعلم ان رزقك مكتوب وأجلك مكتوب ولن تغادر الدنيا ولك فيها قطره ماء واحده.. لم تشربها // قل الحمدلله .. فكل عمل المؤمن خير ... سواء احس انه يسر أو احس انه عسر .. وياما وياما ناس رغبو بأمر وساءهم عدم حصوله واتضح ان عدم حصوله هو الخير ! .. وأن لم تجد الخير بالدنيا وجدت صبرك وقول (الحمدلله) حاضره في يوم لاينفع به مال ولا بنون !!

انت بس طوول بالك
وقل الحمدلله

لاتقول خسرت !
قل الله اعطي
والله اخذ

 

[Navigator]

مشاركه خاصه ليوم الاثنين القادم بإذن الله

هل نرى سهم فيفا معروض بالادنى ؟

والثلاثاء والاربعاء ؟

ننتظر ويجيب الله خير