>>> صفحة متابعة السوق الجزء الـــ 18 <<<

[Albaghdadi]

هلا بو احمد
السالفة مو تنفيع تجار هذه يسمى دعم الاقتصاد
انت لو تاجر تطلب الدعم وهذا حق من حقوقك
اذا محد عطاك دعم فيه دول تعطيك وقوانينهم على كيفك
حتى المواطن مدعوم من الحكومة ماي كهرباء تموين بنزين
دعم مالي 100 دينار مع الراتب غلاء معيشة
كل شي صاير مايمشي الا بدعم

يا هلا بومحمد الغالي ..

الدعم مو جذي .. الدعم له اصول .. وخاصه اذا كان الامر يتعلق بالمال العام وشؤون الدوله .

انا كتاجر عندما اطلب الدعم من الحكومه .. فانا انظر الى تسهيلات في الامور الاداريه والخدماتيه .. ارض كهرباء ماء معاملات مناقصات .. تمييزي عن الغير كويتي فيما يخص المناقصات .

اما اني افتح شركه مساهمه .. واساهم فيها كحكومه من اموال الشعب .. واخليك تلعب بالحلال .. على اساس اني ادعمك !

فهذا امر غير مقبول من جميع النواحي

 

[wld al salmiya]

ابيار 29

له جوله والله اعلم

لكن صانع السوق

مايدري شسوي بعمره

ليست توصيه لفعل شي
للمراقبه

 

[Albaghdadi]

اول تعليقه للبيت .. مبروك لملاكه .. تداول طيب .. وتعليقه .. برااااااااافو

 

[الطير القطامي]

بصراحه
استغرب من الي ياخذ المغاربيه
ويخلي ايفا
او عربيه عقاريه
دام اسعارهم متقاربه

لا تستغرب ,, الفرق ان مغاربيه شرعيه

 

[نواخذة الكويت]

عندها فجوة لازم تسكرها

لا حبيبي ما عندها فجوه ولا شي

قلنالكم بنت بنوت هههههههه

 

[نواخذة الكويت]

هههههههه والله اخوي سوقنا حاليآ سوق الخيال

أهو صح كلامك أخوي

بس قدر إن في واحد طاحت بلاعيمه وأهو يطبل حقها

 

[دايــم]

لا تستغرب ,, الفرق ان مغاربيه شرعيه

شوفلك سهم شرعي اخر يكون له اصول وقريب من السعر

 

[دايــم]

اول تعليقه للبيت .. مبروك لملاكه .. تداول طيب .. وتعليقه .. برااااااااافو

لك
جبته كتاف
اذكر الله

 

[InDepth]

خلك زين ... بيع فيفا واشتر زين

توصيتك صريحة؟؟....

زين فنيا...يجب اختراق 365 واقفال وثبات فوقها للعودة للايجابية
كسر 345 يروح 320
وبكسرها الى 295
هذا تحليل قديم بالصفحة وما زال قائما...

 

[نواخذة الكويت]

ههههههههه
بو يوسف بعطيك سر من اسرار السوق
سهم تبيه ينزل وتبي تشتري فيه امدحه
سهم بتهرب منه اجلد وخلك ساكت

والله فكرتك مو شينه حلووه

حسافه ما ينطبق عليي السكوت

 

[الطير القطامي]

انت حطيت ترقيم وشارت
وحسب تحليلك...موجة 1 انتهت عند 32...وموجة 3 افتراضا عند 26
شلون الرابعة تبيها تروح 32.5؟

هلا ابو هادي هي انتهت عند 32.5 ,, وعمومآ انت شنو رايك, السهم هذا جد دوخني

 

[التحالف]

سلام الله عليكم ورحمته وبركاته
صبحكم الله بالخير ان شاء الله

​

 

[الطير القطامي]

أهو صح كلامك أخوي

بس قدر إن في واحد طاحت بلاعيمه وأهو يطبل حقها

عسى الله يعوضك خير اخوي وكلنا بنفس المركب عسى الله يوصلنا على خير

 

[الطير القطامي]

شوفلك سهم شرعي اخر يكون له اصول وقريب من السعر

والله يابوتركي حشاك اغلب الاسهم حاليآ بين خانة المترديه والنطيحه , وانا للامانه اجهل امور التحليل الاساسي , يهمني فقط يكون السهم شرعي وزين فنيآ وماعليه بربسة زيادة /تخفيض راس مال

 

[Albaghdadi]

مو بس احنا نسمع الاشاعات ونتبعها .. حتى التامينات تفعل كذلك :

دخول الهيئه العامه للتامينات الاجتماعيه على سهم فيفا بالاكتتاب وزياده الكميه على سعر فوق 900 فلس .. هو فعلا دليل على ان الهيئه تسير وفق الاشاعات والمعلومات المسربه .. فهي لم تدخل على الشركه وفق دراسه او وفق مبدأ استثماري .. هي دخلت فقط لانها على علم بموضوع الاستحواذ ورغبة شركة اتصالات بالاستحواذ على اسهم الشركه . وهذا دخول مضاربي صرف !

في نقاش طويل مع احد اقربائي والعاملين في الهيئه ، كان سؤال مني واضح وصريح ، الهيئه بالعاملين فيها والعقليات الاستثماريه والاقتصاديه الفذه ، ماذا استفادت من صعود اجليتي الجنوني ووصولها لمشارف ال 7 دناينير ، وهل تلك العقليات لم تكن تعلم بان هذا الصعود ليس الا بالون سينفجر عاجلا ام آجلا !؟

كان الرد دبلوماسي ، وذلك ان الهيئه سياسة شراءها استثماري بحت فهي تنظر في شراءها في اسواق المال الى اهداف استثماريه بعيده لا مضاربيه قصيره ، لتبيع اليوم وتشتري تالي !

طبعا هالكلام بووووووووووول اووووووووووووف شت :/ مع احترامي لجميع الاطراف :>

 

[الراقي]

والله فكرتك مو شينه حلووه

حسافه ما ينطبق عليي السكوت

بويوسف الحق على زين قصف من جميع الجهات
رايح ربع

 

[whaler21]

السووق زباله
واللي متحكمين بالسوق ناس واطيه ...
واصحاب القرارات زين يعرفون يتكلمون كلمتين علي بعض .. مايعرفون 1+1 يساوي جم ...
والسوق علي كيفهم شنو مايبونه يبونه ...

وانتو تقولون تحلييل !!!!!!
ياكوابتن يا ناس .... شنو تحليل اذا انا املك نص الشركه ولا 60% .. اطيح السهم من 400 فلس الي 40 فلس كيفي .. وين التحليل !!!
لو التحليل ينفع صدقوني محد خسر بالازمه الماليه .. ولا اخد يستوعب الاسهم من فوق الدينار الي تحت 100 فلس !!!!!
استوعبووو مافيها تحلييل .. في قرارات وفي اوامر عليا وفي تلاعب بس

 

[Albaghdadi]

لك
جبته كتاف
اذكر الله

غلطتي .. انا حطيت تحليله في صفحته .. فاصبح الكلام مبتور هني ..

 

[نواخذة الكويت]

الكويت 3+
السعودية 50+
دبي 50+
ابو ظبي 17+
قطر 7+
مسقط 2+
البحرين 9-

 

[Albaghdadi]

السهم الوحيد الذي لا اجد حرج او مانع باني اوصي عليه في سقطاته .. هو سهم الانماء ..