شركة المسعى

[baselko]

مطلوب 30000 الف سهم بسعر 165 فلس 9050957

 

[spicy]

اخوي baselko اذا تبي المسعى 165 روح اعيان في معروض بهذا السعر والكميه المطلوبه

 

[baselko]

مشكور اخوي اسبايسي على التوضيح وان شاء الله باجر الصبح انا

بروح لهم .

 

[البيت الخليجي]

مشكور اخوي اسبايسي على التوضيح وان شاء الله باجر الصبح انا

بروح لهم .

أخوي ياريت تعطينا خبر شنو يصير وياك و شكرا لك
أنا أعتقد إن سعر المسعى رخيص ب 165 فلس لذلك هي فرصة للشراء و أعتقد أن سبب بيع البعض بهذا السعر هو أن المسعى كان اكتتابها خاص بموظفين أعيان و اللي أغلبهم ماخذ تورق من شركة وارد التابعة لدار الاستثمار وينك ياقناص الفرص

 

[baselko]

اخوي الناسجت الله بالخير

حبيت اسالك عن شركة المسعى متى تتوقع الادراج ؟

وشلون الشركة شرايك فيها ؟

وهل سعر الشراء 165 فلس جيد ؟


ويعطيك الف عافيه

 

[بوعبدالوهاب]

اخوي baselko اذا تبي المسعى 165 روح اعيان في معروض بهذا السعر والكميه المطلوبه

وين بالضبط أخوي أروح ومتى ادراجه اذا عندك خبر؟
وشكرا

 

[بوعبدالوهاب]

اخي النلسجت أقدر أحول الاسهم أذا شريته قابله للتحويل؟
وشكرا

 

[الناسجت]

اخوي الناسجت الله بالخير
حبيت اسالك عن شركة المسعى متى تتوقع الادراج ؟
وشلون الشركة شرايك فيها ؟
وهل سعر الشراء 165 فلس جيد ؟
ويعطيك الف عافيه

صباح الخير ... متوقع الإدارج السنة الجاية

الشركة فيها خير إن شاء الله تعالى

ولو تحصله بـ 150 فلس هالأيام إشتره ..صعبة إشوي

والله يعافيك

دمتم

 

[الناسجت]

اخي النلسجت أقدر أحول الاسهم أذا شريته قابله للتحويل؟
وشكرا

صباح الخير ... بكل سهولة تقدر تحول بس جماعة الأعيان راح يزلغونك بعمولة التحويل 2.5% بالمائة عليك و2.5% على البايع


دمتم

 

[الناسجت]

وين بالضبط أخوي أروح ومتى ادراجه اذا عندك خبر؟
وشكرا

صباح الخير ... شركة أعيان بجانب " دوار مخفر شرق " الكويت ويصير بوجه المخفر .. عمارة بالزاوية ...

أرجو أن يكون الوصف دقيق

دمتم

 

[abo aseel]

صباح الخير ... شركة أعيان بجانب " دوار مخفر شرق " الكويت ويصير بوجه المخفر .. عمارة بالزاوية ...

أرجو أن يكون الوصف دقيق

دمتم

أخوي الناسجت

شركة أعيان انتقلت من مكانها الى برج أحمد خلف المستشفى الأميري

البرج يطل على البحر مباشرة الواجهة الخارجية من الزجاج ولونه أزرق

انشالله الوصف ما يضيع

 

[الناسجت]

أخوي الناسجت
شركة أعيان انتقلت من مكانها الى برج أحمد خلف المستشفى الأميري
البرج يطل على البحر مباشرة الواجهة الخارجية من الزجاج ولونه أزرق
انشالله الوصف ما يضيع

مساء الخير ..

إدارة المبيعات والإدارة القانونية وشؤون التحصيل ظلت على العنوان الذي ذكرته

وصحيح .. قسم الإستثمار والأسهم في العنوان الجديد الذي ذكرته حضرتك ... شكراً على حرصك لتجديد المعلومة ..

دمتم

 

[بوعبدالوهاب]

شكرا للجميع على الاجابات السريعه وعلى رأسهم الناسجت الطيب الحبيب
جزاكم الله ألف خير

 

[البيت الخليجي]

قبل شوي كنت في المعرض العقاري الرمضاني فزرت جناح ابراج هاجر وقعدت مع احد المسوقين فسالته عن شركة المسعى فقال لي انهم يملكون 5ادوار من الدور 14 وفوق وانهم اشتروا الدور ب 68مليون ريال وانهم جاهم الان عرض لشراء هذه الادوار ب 82 مليون ريال(يعني بحسبتي انهم محققين بذلك فايدة 25 بالمائة) وانهم رفضوا العرض فالله اعلم وياريت احد يقدر يصدق او يكذب لنا هذا الخبر

 

[ibrahim_9999]

قبل شوي كنت في المعرض العقاري الرمضاني فزرت جناح ابراج هاجر وقعدت مع احد المسوقين فسالته عن شركة المسعى فقال لي انهم يملكون 5ادوار من الدور 14 وفوق وانهم اشتروا الدور ب 68مليون ريال وانهم جاهم الان عرض لشراء هذه الادوار ب 82 مليون ريال(يعني بحسبتي انهم محققين بذلك فايدة 25 بالمائة) وانهم رفضوا العرض فالله اعلم وياريت احد يقدر يصدق او يكذب لنا هذا الخبر

أشكرك على هذه الرسالة
بالرغم من انني لا أثق في الشركات كثيرا وخصوصا فيما تسوق لنفسها.. ولكن من وجهة نظري شركة المسعى شركة رائدة وناجحة بإذن الله
أما بالنسبة لبرج زمزم.. فالكلام تقريبا صحيح لأن أحد أسباب نجاح هذه الشركة من الأساس هو شراء هذه الأدوار من برج زمزم، إضافة لمشاريع أخرى

 

[صياد الفرص]

العرض الموجود على المسعى نعم صحيح ، وتأكدت منه من أحد المسئولين في اعيان واحد المسئولين في المسعى

 

[بوعبدالوهاب]

العرض الموجود على المسعى نعم صحيح ، وتأكدت منه من أحد المسئولين في اعيان واحد المسئولين في المسعى

قصدك في أسهم للبيع؟يريت تفيدنا بجم السعر وهل هناك رقم أقدر أدق عليهم وأتأكد ولا لازم أروح اذا أبي أشتري أسهم وما هو عدد كميات الاسهم المعروضه للبيع

 

[baselko]

السلام عليكم

للاخوان اللي يحبون يشترون اسهم المسعى اليوم انا كنت هناك في برج

احمد بالدور ال19 وسالت الموظف المختص بشركة المسعى عن السعر

وكيفية الشراء فقال لي كم كمية الاسهم اللي تبيها عشرة عشرين مليون

كيفك المهم انك تحط قيمتهم بشيك + عمولة 2,5% ورقم تيلفونك

( السعر 165 فلس ) واذا اراد اي شخص ان يعرض اسهمه عندنا وتوفرت

كميتك احنا نشتريهم لك ونتصل فيك ونحولهم باسمك .

يعني اهم ماعندهم اسهم مباشرة يبيعونك ولكن اللي يعرض اسهمه

عندهم يشترونهم لك . يعني كأنهم مكتب دلال .

وشكرا

 

[البيت الخليجي]

الأخ baselko مشكور على هالمعلومات الطيبة و بيض الله وجهك
طبعا العمولة 5% اشلون ما يشتغلون مكتب دلاله
و أنا أظن أن هذه الاسهم اللي تعرض عندهم هي لموظفينهم اللي ماخذين اسهم المسعى تورق و سيحل عليهم الحين موعد سداد الدين ...

 

[أوتاد]

السلام عليكم...

ممكن رقم شركة اعيان....!!!