شركة المسعى

[baselko]

يقولون اليوم صارت مشاده بين الموظفين مع الشركه ليش موراضين على السعر اللي تفسخ فيه السهم وعلى طريقة التحويل لان الموظفين على
حد علمي معظهم شاري السهم منذ سنتين .

 

[فارس الكلمه]

اصدق وصف للي صار (((((( مصخررررررررره))))))
على ماقال عادل امام (( احنا اتضحك علينا يارجالا ))

 

[baselko]

شوف اخوي عزيزان يوم التفسيخ 1-4-2007 ولمدة شهر يعني لي يوم

1-5-2007 انا جايني كلام من راس عود بالشركه ان خلال هالفتره ملاك المسعى راح يفرحون

واذا طلع كلامهم بلاليط راح اصف وياك وبعدها ماراح اثق باي شركه بالكويت

وعلى كل ما ابي استرسل بالكلام خلنا ننطر هالشهر ويصير خير .

على كل اخوي ملاك تونه اول الشهر ومثل ما انا كاتب فوق لننتظر ونشوف

بس اهم شيئ خل يعطونا شهاداتنا علشان نقدر نبيع لو ارتفع السهم

مو يزرعونا على ماتطير الطيور بارزاقها ونطلع تلش .

 

[أبو باسل]

على كل اخوي ملاك تونه اول الشهر ومثل ما انا كاتب فوق لننتظر ونشوف

بس اهم شيئ خل يعطونا شهاداتنا علشان نقدر نبيع لو ارتفع السهم

مو يزرعونا على ماتطير الطيور بارزاقها ونطلع تلش .

أخ باسلكو

أنا معك انه كلنا مستعجلين على الشهادات.
بس من ناحية ثانية سهم مشاعر ماشاءالله قاعد يطلع كل اليوم ( اليوم علق على 1240 ).
بمعنى ثاني انه على السعر هذا مافي أحد خسران (1240 / 5.85 = 212 ).
بس أنا متوقع الأكثر انشاءالله لأن سهم مشاعر كان قيمته الدفترية 220 فلس والآن بعد الإستحواذ أكثر من 700 فلس.

بالمنطق المفروض يطلع بعد أكثر من أول.

وأنا أقول كل تأخيرة فيها خيرة.

وتمنياتي للجميع بالتوفيق.

أخوك / بوباسل

 

[baselko]

صح لسانك بوباسل

 

[السميسمي]

السلام عليكم متى نستلم شهادات أسهمنا من مشاعر

أرجوا من الأخوة في الشركة الاسراع في اصدار الشهادات ، حتى نترزق الله ، ولا يكون في الأمر ريبة أو شك . (ما أخذنا أرباح - خذو منا عمولة )- عطونا شهاداتنا - خلونا إنترزق الله ، الله يبارك فيكم ويبارك لنا في مالنا وعيالنا وصحتنا ويبعد الحساد آميين .

 

[baselko]

اخوي السميسي انا اتصلت فيهم الصبح وقالوا ان الموضوع الحين مو بايدهم

ولكن بيد المقاصه لانهم حولوا الاوراق لهم وتوقعوا خلال اسبوعين المقاصه

راح تنجز الموضوع وانهم راح يرسلون مسجات للمساهمين عند الانتهاء .

 

[azizan400]

على كل اخوي ملاك تونه اول الشهر ومثل ما انا كاتب فوق لننتظر ونشوف

بس اهم شيئ خل يعطونا شهاداتنا علشان نقدر نبيع لو ارتفع السهم

مو يزرعونا على ماتطير الطيور بارزاقها ونطلع تلش .

حياك الله أخوي baselko بس يخوك للحين أقولك إللي باع المسعي ب205 وشرى مشاعر بعد ماتفسخ هو الربحان وإلا شرايك؟؟؟؟؟

 

[baselko]

حياك الله أخوي baselko بس يخوك للحين أقولك إللي باع المسعي ب205 وشرى مشاعر بعد ماتفسخ هو الربحان وإلا شرايك؟؟؟؟؟

كلامك صحيح 100 % بس على قولتهم مالك الا الصبر

تعال صج عزيزان انت بعت ب205 المسعى وشريت المشاعر بعد التفسيخ ؟

 

[azizan400]

كلامك صحيح 100 % بس على قولتهم مالك الا الصبر

تعال صج عزيزان انت بعت ب205 المسعى وشريت المشاعر بعد التفسيخ ؟

أي ياخوك بعت المسعي 205 وشريت مشاعر 1.080

 

[malek]

ياليت كل الأخوة ينقلون مشاركاتهم الى مشاعر حيث ان توجد في الصفحة الر ئيسية ، عشان نتابع الأخبار والأستحواذات أولا بأول بدلا من التشتت .

 

[baselko]

برافو عليك ياعزيزان انت ميه الميه والله يوفقك

 

[baselko]

ياليت كل الأخوة ينقلون مشاركاتهم الى مشاعر حيث ان توجد في الصفحة الر ئيسية ، عشان نتابع الأخبار والأستحواذات أولا بأول بدلا من التشتت .

ملاك بعد ماصرنا من ملاك مشاعر خل يسلمونا شهايدنا بعدين نقدر نشارك بصفحة مشاعر

 

[azizan400]

برافو عليك ياعزيزان انت ميه الميه والله يوفقك

مشكور أخوي والله يوفق الجميع إن شاء الله

 

[فارس الكلمه]

يا اخوان عندي سؤال.... لنا ارباح من مشاعر

 

[المستثمر الزكي]

السلام عليكم
إذا كنت ممن قام بتحويل السهم من المسعى الى مشاعر
فلا يحق لك الحصول على توزيعات المشاعر
لأن قرار مشاعر توزيعات في الجمعية العادية ثم الدمج في جمعية غير عادية.
عسى الله يبارك للجميع ويغنينا بحلاله عن حرامه

 

[السميسمي]

متى نستلم شهادات أسهمنا من مشاعر ؟

الطيور طارت بأرزاقها . عجلو بارك الله فيكم .

مايصير تجمدون افلوسنا .

جزنا لا من السلة ولا من العنب

اليوم 1180 فلس الله يستر

قلتلهم سويتوها فينا حسبي الله ونعم الوكيل

 

[أبو باسل]

تفائلو

ما أقول إلا تفائلو بالخير تجدوه.
أنا غير أسهم المسعى عندي أساسا في مشاعر وما بعت يوم وصل أمس 1320 .
لأني انشاءالله متفائل بالأكثر.
وكل تأخيره فيها خيره انشاءالله.

ودمتم سالمين

بوباسل

 

[فارس الكلمه]

متى يتم تسليمنا شهادات باسهم مشاعر؟؟؟

 

[ALSALEM]

يا اخوان الي يستلم شهادته ياليت يخبرنا - وياليت اتفيدونا عن ردة الفعل امس بالنسبة للنزول 80 فلس هل هي كالعادة جني ارباح مثل كل اربعاء واللا شنو