بيت الأوراق المالية ش.م.ك.م ( البيت ).

[Q8_123]

نفس اسلوب سهم المدينه بالضبط!! والله اعلم نفس المحفظه شغاله عليهم.

لاحضت هالشي اليوم

 

[Q8_123]

كسرنه السهم اكثر من كسرة السوق بكبره

 

[المسهماني]

المدرجات مع موجة البرد جميله جدا

سعر السهم الان غالي مقارنه مع الاسعار الحاليه للاسهم

كل نزول تكثر فيه التكهنات وانا اشوف ان مرحلة الهبوط بدأت بهذا السهم دخول خانة الثلاثينات قريبه جدا

ذكرناه تاريخ ١٢/٧ نزول السهم طبيعي والموضوع انه تاخر عن باقي الاسهم في مجاراة نزول المؤشر اعتقد لحد الان سعره غالي

 

[Albaghdadi]

بعد شوي راح يحطون ايضاح

مثل العادة

لا يوجد احداث جوهرية ...


مع العلم انهم قاعدين يبيعون اسهم الخزينة

وهي السبب في نزول سعر السهم

مساك الله بالخير .. البيانات الماليه المنتهيه في 30/9/2015 تقول .. انه اسهم الخزينه 40.250 مليون ... صفحه المعلومات في البورصه الان اتقول ان اسهم الخزينه 42.280 مليون .. بزياده 2 مليون سهم تقريبا .. وهذا يبين ان الشركه تشتري اسهم خزينه ولا تبيع

 

[Albaghdadi]

جديد
البيت .. راس المال 68 مليون دينار .. اسهم خزينه 40 مليون سهم .. بتكلفه 19 مليون الا خرده .. القيمه الدفتريه 86 فلس ... خساير مرحله 6 مليون .. احتياطات 13 مليون ..

موجودات 81 مليون .. منها 7.7 نقد ونقد معادل .. 70 مليون استثمارات

مطلوبات 25.6 مليون .. منها 23.3 مرابحات

الشركه ماليا بوضع جيد .. مقارنه مع الوضع اللي كانت فيه في بداية عام 2014 وخلنا نشوف الفرق:

الموجودات كانت 114 مليون .. 6 مليون كاش تقريبا .. و 95 مليون استثمارات .

المطلوبات 55 مليون .. 49 مليون مرابحات .

القيمه الدفتريه 82 فلس . الخساير المرحله كانت 12 مليون دينار .

نروح حق البيانات الماليه التفصيليه ونشوف وين الخلل الرئيسي :


الشركه في 2011 سوت اكشن مو طبيعي .. واعتقد انه مربط الفرس في هذه السنه .. حيث حققت ايرادات 46 مليون دينار !

ومن بعدها عيييييينك ما اتشوف الا النور :>

الشركه طول عمرها ماهي تشغيلية .. واعتمادها الكلي على شركاتها التابعه الزميله .. وهي سبب بلاءها بانخفاض قيمتها في هذا البند اللي كان في نهاية 2011 95 مليون دينار .. واليوم 67 مليون دينار .

طبعا في ظل هذا الانخفاض تمت تسويات وعمليات سداد للمطلوبات .. ويبقى السؤال عن ماذا تخلت المجموعه مقابل سداد هذا الديون وحماية نفسها من التعثر في سداد هذه المطلوبات ؟؟

ماهو واضح في قراءة البيانات الماليه للربع الثالث 2015 ان الشركه خاويه من الايرادات التشغيلية فالايرادات والعمولات بسيطه بالغصب تغطي تكاليف الموظفين والاداره .

وهذا يعني اننا بانتظار بيانات الربع الاول او الثاني واللي راح تدخل فيها ايرادات وتوزيعات الشركات التابعه الزميله .

ملخص :

الشركه كانت مهدده بالتعثر .. واليوم تخلصت من هم كبير بعد التسويه ، شبح الافلاس اصبح من الماضي .. الخساير المرحله 6 مليون دينار وهي بسيطه .. الاحتياطي اغلبه مخصص لاسهم الخزينه .. وهو يبلغ ( الاحتياطي ) 11 مليون دينار .. واسهم الخزينه 19 مليون دينار وهي بالاحمر اي بالخساره .

الشركه بعيده عن شبح الافلاس .. وعندها سيوله نقديه جيده مقارنه مع المطلوبات الحاليه ... والخساره الكبيره اللي تعرض لها السهم في 2013 كان بسبب انخفاض في قيمة استثمار في شركة زميلة بقيمه 5 مليون دينار .


يبقى السؤال الاهم على الاطلاق في الوقت الحالي .. هل وصلت الاستثمارات الى اسعارها الطبيعيه والحقيقيه ؟؟ هل سيكون استقرار فيما يخص اسعارها في المستقبل القريب .. وارتفاع قيمتها في المستقبل البعيد ؟؟ من يملك الاجابه .. هو من يحدد مستقبل الشركه على المدى المتوسط .


اعتقادي الشخصي .. السعر السوقي لا يمثل الوضع المالي للشركه .. ولكن هذا حال اغلب الشركات في السوق .


والله تعالى اعلم .. كل ما اثير في هذه المشاركه ليس الا اجتهاد شخصي قابل للخطا اكثر من الصواب .. وجميع لمعلومات المذكوره من البيانات الماليه المعلنه في سوق الكويت للاوراق الماليه .

 

[عندك سلف]

مساك الله بالخير .. البيانات الماليه المنتهيه في 30/9/2015 تقول .. انه اسهم الخزينه 40.250 مليون ... صفحه المعلومات في البورصه الان اتقول ان اسهم الخزينه 42.280 مليون .. بزياده 2 مليون سهم تقريبا .. وهذا يبين ان الشركه تشتري اسهم خزينه ولا تبيع

صفحة المعلومات غير محدثة من سنة

اسهم الخزينة بكشف المقاصة اقل من الرقمين بكثير

 

[Albaghdadi]

انت اخبر ياخوي

 

[aboAhmad79]

شكله نفس المدن بس للاسف الاخوان المحللين ماكو شارت دعم ومقاومه ع الاقل نبي ترند الهابط وين نهايته صج ماكو فايده مع السهم الدايخ هذا بس الاقل نعرف وين ممكن يوقف .
الله يوفق الجميع يا اخوان ماكو نزول للابد بترجع الاسعار للافضل باذن الله طز باوباما طشرنا هو ودولاره الدايخ

 

[aboAhmad79]

لو مو موقفين العضو ادبل بالهوقت جان طلعنا حرتنا فيه

 

[عندك سلف]

لو مو موقفين العضو ادبل بالهوقت جان طلعنا حرتنا فيه

 

[Navigator]

لمن طلب تحليل لسهم الشركه الدايخه

الدعم الحالي

٣٦.٥

٣٤

المقاومة

٣٩.٥

٤٣.٥

لازال السهم في ترند هابط من مدة طويله

ومؤشراته سلبية

قد تتحول للايجابية ومو شرط لكن السلبية اخذت فترة طويله ومو معقوله تستمر

يفترض ارتداد هاليومين عن الفشله

اغلاق فوق ٤٣.٥ تتماسك مؤشراته وممكن تتحول للايجابية

إغلاق أسفل من ٣٤ يكون المسمار الاخير في نعش الشركه

الله يوفقكم ويعوض عليكم بكل خير

 

[AL.MOUSAWI]

السلام عليكم

شلون أمور الشركه الماليه ؟

عنده خساير او ارباح مرحله

متعثر بالقروض ؟

كم حجم قروضه

وكل الشكر لمن يجاوب

هذي المشاركة اللي يابت العيد !!!!

عقب هذي المشاركة انتحر السهم،،،

وماراح يترقع السهم حتى يطلع الحبيب منه

مجموعة البدر طشرها...رئيس المجموعة ياب اجله

حتى فاطمة بن حوحو عم عليها واسحبوا الطيارة منها !!!

والحين مقزرتها على التكاسي........وسجل يا تاريخ

 

[Navigator]

هذي المشاركة اللي يابت العيد !!!!

عقب هذي المشاركة انتحر السهم،،،

وماراح يترقع السهم حتى يطلع الحبيب منه

مجموعة البدر طشرها...رئيس المجموعة ياب اجله

حتى فاطمة بن حوحو عم عليها واسحبوا الطيارة منها !!!

والحين مقزرتها على التكاسي........وسجل يا تاريخ

هههههههههههههههه
حسبي الله على بليسك بو حسن

مستحيل اشتري بشركات نفسه
تخصصي روس كبار

دشيت على الوطنية العقارية
اذا عندك فيها اطلع بسرعه
تكلفتي ٩٢

يعنني صايدها

 

[AL.MOUSAWI]

هههههههههههههههههه

الله يرزقك يا بو سلمان،،،،

حسبي الله عليهم الجو امطار وغيوم يعني قمة الوناسه

بس العتاة على قولت اخونا الدب خربوا علينا هذه الفرحة

الظاهر ارد على الدوار اللي خبرك.....الفقع هاليومين ماشي سوقه

 

[خالد للمطيري]

كم تتوقعون يوصل السهم

 

[✅بو_مشعل✅]

البيت تملك الامان .. البيت حد أدنى وبكميه كبيرة.. الامان واقف بين ٥٥ و٥٨ وبكميات لاتذكر.. شالسالفه‼️‼️‼️‼️

 

[ابوفهد الرشيدي]

أنا اتوقع حده 34 ونص مايكسرها هذا والله اعلم

 

[نصوح]

http://downloads.kuwaitse.com/Portal/NewsPDF/14122015132117994hhhhh.pdf
مساكين .. ما عندهم علم عن ارتفاع كيات التداول
وليست هناك أي تطورات جوهرية

أستحووووووووا شوي وكفى ضحكا على آلام مساهمينكم

 

[الراقي]

البيت تملك الامان .. البيت حد أدنى وبكميه كبيرة.. الامان واقف بين ٥٥ و٥٨ وبكميات لاتذكر.. شالسالفه‼️‼️‼️‼️

السالفة البيت يملك في الامان وليس العكس
اذا كان الامان يملك في البيت راح يأثر عليها ويعتمد على سعر الشراء
اذا كان في تأثير راح يكون نفسي فقط

 

[الراقي]

http://downloads.kuwaitse.com/Portal/NewsPDF/14122015132117994hhhhh.pdf
مساكين .. ما عندهم علم عن ارتفاع كيات التداول
وليست هناك أي تطورات جوهرية

أستحووووووووا شوي وكفى ضحكا على آلام مساهمينكم

هههههههههههههههههههههههه تبي صج شي يضحك خلال اسبوعين تم تداول ٦٠مليون سهم وشركة ماتدري
بس الخبر حلو ان مافي اي شي سلبي في شركة