وقفة مع الاسهم الكويتيه وماذا يحدث !!!!

[رابح رابح]

نعم صحيح انا اتكلم عن السوق الامريكي فقط و لا تصلح بكل تاكيد على الكويتي لانني لا اتعامله فيه

مع احترامي و تقديري لا اعتبره سوق اسهم اخاف اقول اعتبره شنو تزعلون ولكن مع الاسف

الله يوفقكم و يعوضكم

و انا اسمي احمد العازمي

شكرا

الله يوفقك اخوي احمد ويسعدك
اللي اشتغلو بالسوق الامريكي كان قرارهم ممتاز
واللي اشتغلو بالسوق السعودي والقطري والاماراتي حقفو ربح مابين 100-300%

واللي اشتغلو في بورصة الكويت غرقو وانا واحد منه

 

[AMR]

اخوي رابح

الخبره بالاسواق جدا مهمه و الاستمراريه اقوى و تعطي الشخص الثقه بقراراته

لو تلاحظ ان واحد يكتب موضوع و يتفقون معه اكثر من 5 اشخاص و اخالفهم

لو تردني 10 سنوات اتفق معاهم بقوه

السوق صعب جدا الربح فيه و هو يوهمك بان الربح اقرب من الخساره

انا الان في صدد انشاء محفظه عائليه تصل الى مليون دينار

ساقوم بشراء عقارات بالكويت و اشتري عقارات بامريكا و بريطانيه

و اضع 40% في السوق الامريكي 10% كاش يستخدم في وصول المؤشر تحت 13 الف الداو وصولا الى 10

طبعا مه القروض العقاريه و العائد الاجاري يستخدم بالاسواق الماليه

شكرا

 

[الأشعف]

يا هلا اخوي الاشعف

لا انا حسابي كاش و في اميرتريد و اشتري كاش من السوق الكويتي و عندي اسهم قديمه و عايش معاها ولكن اشتري و ابيع فيها

مثال

طريقتي قريبه عند البعض ولكن هذا ما اعتقد انه هو الصواب

اشتري ابل 195
وشتري كميه اخري 320
واشتري كميه اخري 380
واشتري كميه اخري 450
واشتري كميه اخري 560
واشتري كميه اخري 630

بعتهم كلهم 580 الارقام مو دقيقه بس قريبه طبعا 2009 او 2010 اول كميه

وسوت سبليت 7/1
من 650 الى 95 قريبه ماذكر بالضبط بس تقريبا

رديت وشريتها 95 و اشريتها 111

و الحين اعتقد بان الموشر راح يختبر نزول 24/8 و اعتقد ان يوم 16/9 يوم الاربعاء القادم
و انا الان اجمع فلوس وابي ارسهم لشراء شركات في هذا اليوم ( طبعا توقعات ) اذا حدث

منهم بكل تاكيد ابل

كل شراء الشركات مذكوره بالتواريخ في المنتدى

هذا لايعني انني لا اخسر قد تصل خسارتي اكثر من 50% و احققها وابيع

و انا جاهز و لا تتردد باي سؤال

شكرا على مرورك

بارك الله فيك السوق الامريكي داش براسي بس مسألت وقت ارتب بعض الامور ودخل عليه ان شاء الله اخوي ابو احمد اذا في سهم معزم تدخل عليه قولي قبل او عطني اسمه او ضع شارت السهم ونشوفه لكي نعطيك الدخول الصحيح والهدف ان بين معانا

 

[AMR]

بارك الله فيك السوق الامريكي داش براسي بس مسألت وقت ارتب بعض الامور ودخل عليه ان شاء الله اخوي ابو احمد اذا في سهم معزم تدخل عليه قولي قبل او عطني اسمه او ضع شارت السهم ونشوفه لكي نعطيك الدخول الصحيح والهدف ان بين معانا

لا ما اشتري بشارت طبعا ولا سهم شريته الا اشوف الشارت ولكن هناك اسهم تنشرى من السوق مباشره

وانا ذكرتهم ولكن لا ما نع اذكرهم

ابل اذا شفتها تحت 110 اخذها و انت مغمظ
antm تحت 140 اخذها
cvs تحت 100
skx تحت 130 او بسعرها 135

ويا ابل سهمين avgo و nxpi

hbi 29
وفي اسهم ولكن اذا نزل السوق بقوه في يوم 16

طبعا هذه الاسهم مدى طويل سنين مهم جدا هذه الملاحظه

شكرا

 

[الراقي]

انتو ما لاحظتو شي

يوم الحكومه و المجلس يلمحون على قرب اقرار تامين صحي للمتقاعدين



قطاع التامين ما زاااال خااااامل


لان الناس فقدت الثقه
ولان الاخبار يلقطونها الكبار ان ماكو شي لا تتهور و تشتري.


حتى توقعات نمو و مناقصات ترسي على شركات مثل سفن الناس ماعادت تهتم لان تدري الفلوس بجيب غير جيب المساهمين

هذا هو الكلام المنطقي
شنو فايدة سعر رخيص او عقد جديد او ارباح قوية
اذا في نهاية لايوجد لها اي تفاعل
ملاك الشركات الكبار هم مسيطرين على مجالس الادارات والارباح عندهم
يتم التعين في شركة برواتب خيالية لاقرباء رئيس شركة استثمارية معين اخوانة براتب ٦الاف دينار
ويتم صرف مبالغ كبيرة ومبالغ فيها على امور تافهة وجانبية ولاحسيب ولارقيب
ويتم شراء اسهم الخزينة بأسعار غالية لتنفيع على حساب الشركة
شركة سعرها الحين ٣٠ فلس مشترين اسهم الخزينة ٣٠٠فلس
وبعدين يقولون ليش الناس ماتشتري
نفس اللي يقول لك ابيع لك الاهرامات بألف دينار
اذا قلت ياحبيبي انت نصاب
عادي يرد عليك واحد يقول لك انت خبل ماشتريت الاهرامات بألف دينار
ربعنا يشوفون الشركة مبيوقة واللي ماسكينها حرامية ويقولون لك ماعندك سالفة متشتري السهم بلاش

 

[AMR]

هذا هو الكلام المنطقي
شنو فايدة سعر رخيص او عقد جديد او ارباح قوية
اذا في نهاية لايوجد لها اي تفاعل
ملاك الشركات الكبار هم مسيطرين على مجالس الادارات والارباح عندهم
يتم التعين في شركة برواتب خيالية لاقرباء رئيس شركة استثمارية معين اخوانة براتب ٦الاف دينار
ويتم صرف مبالغ كبيرة ومبالغ فيها على امور تافهة وجانبية ولاحسيب ولارقيب
ويتم شراء اسهم الخزينة بأسعار غالية لتنفيع على حساب الشركة
شركة سعرها الحين ٣٠ فلس مشترين اسهم الخزينة ٣٠٠فلس
وبعدين يقولون ليش الناس ماتشتري
نفس اللي يقول لك ابيع لك الاهرامات بألف دينار
اذا قلت ياحبيبي انت نصاب
عادي يرد عليك واحد يقول لك انت خبل ماشتريت الاهرامات بألف دينار
ربعنا يشوفون الشركة مبيوقة واللي ماسكينها حرامية ويقولون لك ماعندك سالفة متشتري السهم بلاش

هذا اللي قاعد يصير بالضبط مع الاسف

لا يوجد رقابه
لا توجد شفافيه
لا يوجد سوق بالاصل

و الله ماتدري شنو اللي قاعد يصير و ابي احد يفسرلي شنو اللي قاعد يصير

الله المستعان