دانه غاز يوم الاثنين

[hassankoc]

انا مستغرب الي يقول بنك الخليج والتجاري!!!!!!!!!!! مو بس الأماراتظ

 

[انفو]

انا مستغرب انت بالكويت وانا بالكويت انت وصلك وان ما وصلنى ليش
حاب اعرف
انت عندك واسطه وانا ماعندى ولاولد فقراء ولا شنوووووووووووو .......

 

[S500]

انا مستغرب انت بالكويت وانا بالكويت انت وصلك وان ما وصلنى ليش
حاب اعرف
انت عندك واسطه وانا ماعندى ولاولد فقراء ولا شنوووووووووووو .......

لا واسطه ولا بطيخ حنا 7 رايحين مع بعض بسياره وحده وصلني انا مع واحد من الربع والباقي ما وصلهم شي الى اليوم

الظاهر التوزيع يتم على شكل دفعات وانا طلع اسمي مع الاولين

المهم يا شباب اللي يفيدنا عن امكانيه لمزيني بصرف الشيك اكون شاكرله


ما لي خلق اروح الامارات

 

[أرزاق]

صرف شيك الدانه

السلام عليكم وعيدكم مبارك وعساكم من عواده
انا لله الحمد اصبحت صبح العيد واذ بالشيكين جدامي عيدية الدانه
ونفس المعلومات والتخصيص اللي تفضلو فيها الشباب
بس انا سالت صديق موظف بالتمويل عن الشيكات الاجنبيه وصرفها بالكويت..قال التالي:
انه اول شي ياخذون عموله 5 دنانير على الشيك الواحد
وثانيا صرف الشيك يطول اكثر من 20 يوم
ثالثا اكيد راح يفرق بالصرف شوي
فانا شخصيا راح اتبك هالاسلوب لانه اذا رايح يكلفني الفرق 10 دنانير افضل من الطياره والسكن واللويه وصرف الباقي
الا اذا واحد حج وحاجه يبي يروح او يبي يتسوح ويصرفها
هذا والله اعلم والسموحه على التقصير

 

[rahaly]

حبيبي المزيني .. او اي بنك يصرفونه مقابل رسوم بسيطة ما تسوا العنوة وروحة الامارات ...

حتى لو يختاج كم يوم ...
واذا مصدق اكيد المزيني يصرفة وما ياخذ وقت ممكن يومين


بالتوفيق

 

[bo-5amis@]

حبيبي المزيني .. او اي بنك يصرفونه مقابل رسوم بسيطة ما تسوا العنوة وروحة الامارات ...

حتى لو يختاج كم يوم ...
واذا مصدق اكيد المزيني يصرفة وما ياخذ وقت ممكن يومين


بالتوفيق

العموله على ما اعتقد ديتارين على كل شيك

 

[AYAM ZAMAN]

يااخوان منو بعد وصله انا ماياني شي واذا ياني هل استلمه عن الطريق البريد يعني اروح لهم او هم ييبونه للبيت

 

[سعود222]

الله يعطيك العافيه ابو خميس

 

[saam]

اليوم مريت المزينى

1) سعر الصرف للشيك اسؤا من الكاش

2) الموضوع محتاج وقت اكثر من اسبوعين

3) العموله 2.5 دينار

 

[S500]

اليوم مريت المزينى

1) سعر الصرف للشيك اسؤا من الكاش

2) الموضوع محتاج وقت اكثر من اسبوعين

3) العموله 2.5 دينار

اخوي سام الرجاء التحقق من المعلومه

لاني انا اليوم مكلم الفرع الرئيسي اللي بالمباركيه وقالي ان خدمه صرف الشيكات الاجنبيه مو موجوده عندهم قلت الشيك من بنك بالامارات قالي اي شيك مصدره خارج الكويت يعتبر اجنبي

وقالي انهم اليوم راجعهم اكثر من واحد لنفس السبب ولا حصل عندهم غايته

اذا انت رايحلهم الرجاء اخبارنا بأي فرع افادك بهذه المعلومه

وعلى فكره البنوك تصرف الشيكات لكن عمولتهم 0.05% من المبلغ الكلي للشيك بالاضافه الى فرق العمله لانهم يسلمونك المبلغ بالدينار الكويتي

 

[فهد الحويلة]

شيك دانة غاز

هل وصلكم رد فائض اكتتاب دانة غاز وهل شهادة التخصيص مرفقة معاه وكم يستغرق صرف الشيك واى بنك ينصرف وجم العمولة ......... واسف على الاطالة وشكرا

 

[S500]

هل وصلكم رد فائض اكتتاب دانة غاز وهل شهادة التخصيص مرفقة معاه وكم يستغرق صرف الشيك واى بنك ينصرف وجم العمولة ......... واسف على الاطالة وشكرا

اخوي فهد



جميع استفساراتك لها ردود بنفس الموضوع

اقرأ الموضوع وتجد الاجوبه ان شاء الله

 

[محدكمال2000]

شيكات دانه غاز

السلام عليكم ورحمة الله وبركاته..

اخواني انا اكتتبت في شركة دانه غاز فبفي بنك المشرق الاماراتي

ورجعولي الشيكات باسم بنك المشرق بس وين تنصرف غير البنك لان البنك

ياخذ فيها عموله 7 دنانير ويتاخر بصرف المبلغ من 21 -30 يوم

ارجو من الاخوان الافاده باسم المصرف اللي يصرف الشيكات

 

[ابن صفير]

السلام عليكم

السلام عليكم ورحمة الله وبركاته..

اخواني انا اكتتبت في شركة دانه غاز فبفي بنك المشرق الاماراتي

ورجعولي الشيكات باسم بنك المشرق بس وين تنصرف غير البنك لان البنك

ياخذ فيها عموله 7 دنانير ويتاخر بصرف المبلغ من 21 -30 يوم

ارجو من الاخوان الافاده باسم المصرف اللي يصرف الشيكات

1. اذا تسافر لازم تفتح حساب في الامارات حتي ينزل الشيك في حسابك بعد يومين
شوف المزيني

 

[محدكمال2000]

شكرا اخوي بوزيد على المشاركه بس انا رحت المزيني قال ليلحين ماعنده امر بالصرف وان في شباب صارفين بره بس وين ما يدري واذا على السفر صج ما يسوى الاكتتاب لان لازم اللي مكتتبين معاي يسافرون معاي وعلى فكره مافي توكيل عنهم والبنك مايقبل بالتوكيل لازم حضور الشخص

ابي اعرف مافي احد يصرف الشيكات لا هذي مشكلة اللي اكتتبو بشركة دانه غاز
والشيك وصل عن طريق البريد

 

[AYAM ZAMAN]

زين واللي اكتتب بالبحرين شلون ؟؟؟ ترا ماوصل لنا شي

 

[MONEY ON FIRE]

ماسوت علينا هالاكتتاب
انا اكتتبت 75000 وماعطوني الا1704 الحمدلله على كل حال.
وباقي فلوسنا مجمدة من فترة الاكتتاب الى الان ويبيلها اربعين يوم في البنك على ماتنزل بحسابك.
الدنيا تجارب بعضها ناجح وبعضها فاشل..ولو تجري جري الوحوش غير رزقك ماتحوش..وطاسة على طاسه في البحر ركاسة.
الله المستعان

 

[السلام عليكم]

بغيناها طرب صارت نشب

 

[فهد الحويلة]

بداية احب اشكر القائمين على هذا الموقع المميز والله يعطيهم العافية
ثانيا احب اقول لأخوانى انه وصل شيك رد فائض اكتتاب دانة غاز من بنك المشرق واودعته فى بيت التمويل الكويتى واخذ عمولة 5 دنانير وخلال 3 اسابيع كحد اقصى سيكون المبلغ فى الحساب ........ هذا للعلم

 

[rahaly]

شوف شركة صرافة الامارات مقابل بريد الصفاة .. ما اعرف رقمهم ..
اكيد يكونون افضل للصرف