&@صفحة متابعة السوق@&&@الجزء الثالث عشر&@

[ابوسارونه]

ماعليك امر تشرح لنا بتفصيل هذا الموضوع

هلا بو عبدالله

أتضح انها أخطاء بالسيستم بسبب اول يوم تشغيل ، نظامهم الجديد أبرز تغيير فيه هو : عدم امكانيه الرش بسعر السوق كما كان يحدث سابقا .. وعدم الشراء بسعر السوق بالشكل المبالغ به سابقا - بمعني : لو شخص ( بالنظام القديم ) رش مليون سهم مثلا بسعر السوق .. سيلامس كل النقاط حتي النسبه تحت وبعد ذلك باقي كميته تصبح عرض ، الآن اللي تغيير انه سينفذ عند أول طلب فقط وباقي الكميه بتحول فورا ..لعرض من ضمن العروض بسعر الكميه المنفذه

أعتقد سرعه إيقاع السوق التي يتميز بها ... بتخف

 

[راجي الجنه]

كل الشركات حددت يوم الانسحاب ليش البورصة تقبل هذا الاعلان الخالي من التاريخ

11:41:56 موافقة مجلس إدارة شركة نفائس القابضة على الانسحاب الاختياري من السوقيعلن سوق الكويت للأوراق المالية بأن شركة نفائس القابضة (نفائس) أفادته بأن مجلس إدارة الشركة قد إجتمع يوم الخميس الموافق 10-9-2015 في تمام الساعة 1:00 ظهرا ، ووافق المجلس على الانسحاب الاختياري من سوق الكويت للأوراق المالية وذلك للأسباب التالية :-
1- سعر السهم لا يعكس قيمته الحقيقية.
2- ضعف التداول على السهم.
3- الرغبة في الحفاظ على حقوق المساهمين

 

[Albaghdadi]

جذاااااابين

 

[امبركو]

سوود الله ويهك يا صانع السوق على هالاغلاق .......... بس هم اقولك غصبا علييك باجر يخووووضر
ان شاء الله

ههههههههههههههههههههههههههههههههههههه

 

[الراقي]

هلا بو عبدالله

أتضح انها أخطاء بالسيستم بسبب اول يوم تشغيل ، نظامهم الجديد أبرز تغيير فيه هو : عدم امكانيه الرش بسعر السوق كما كان يحدث سابقا .. وعدم الشراء بسعر السوق بالشكل المبالغ به سابقا - بمعني : لو شخص ( بالنظام القديم ) رش مليون سهم مثلا بسعر السوق .. سيلامس كل النقاط حتي النسبه تحت وبعد ذلك باقي كميته تصبح عرض ، الآن اللي تغيير انه سينفذ عند أول طلب فقط وباقي الكميه بتحول فورا ..لعرض من ضمن العروض بسعر الكميه المنفذه

أعتقد سرعه إيقاع السوق التي يتميز بها ... بتخف

شي طيب هذا اللي تقول عنه
على اقل صغار المتدولين يقدرون يبيعون اذا شافو في بيع بكمية كبير قبل لايقطون كمية ثانية
وسمعت ان الاقفال اسعار الاسهم يكون على متوسط الاسعار اخر ربع ساعة وهذا راح ينهي الاقفالات الوهمية

 

[راجي الجنه]

نفائس لازم تجتمع جمعيتها العمومية لاقرار الانسحاب

 

[دايــم]

خبر وفاه / توفى قبل قليل السوق السعودى بسبب النظام الجديد - ممنوع تعديل الأوامر بعد إدخالها للطلبات أو العروض - حجز المبالغ المحصلة من عمليات البيع لمده يوم

انتهي التدوير العالي والشراء المتكرر
وسنشاهد أقل سيوله مسجله منذ سنوات
وبعد كم شهر ... بيبتعد كثيرين عنه

صديقي العزيز بوسارونه
بالعكس ياعزيزي اعتبره شهادة ميلاد جديده
وهو قرار ممتاز
ادخال الاوامر تبتدي قبل ساعه من الافتتاح ، وتعال شوف المصخره بالاوامر على طول ال 50 دقيقه ؛ من اعلا الى ادني ،، وعروض بكميات !
الحين يوقف هاللعب اللي صاير
وبالنسبه لحجز المبلغ يوم ،، سوقنا ثلاث ايام يحجزها وليس يوم

 

[دايــم]

سوود الله ويهك يا صانع السوق على هالاغلاق .......... بس هم اقولك غصبا علييك باجر يخووووضر
ان شاء الله

للرفع ؛
والحفظ لها

علشان لخضر المؤشر غدا ،، نشكره على السبق

 

[ابوسارونه]

للرفع ؛
والحفظ لها

علشان لخضر المؤشر غدا ،، نشكره على السبق

مع سبق ...والأصرار والترصد


كل شي زين وباين ارتداد حتي 5800 أقل شي ..وبعده يبين وين ( دايروح ) ... بس المشكله السوق الكويتي منحوس .. يعني كل شي يصير زين وبيوم رفعته : ينزل النفط يطيح الياباني والصيني ... يتبعهم الأمريكي

ووقت العطله اللي المفروض يرتفع يطلعلك طلعه بالنزول ، إلا صج علي طاري النزول ... شف شلون تكهربو من طيحه (زين) شالوها بإرتفاع 18% .. أهب يا المحاسبين ههههه مايطوفهم شي .. كاش وينطرون فرص


تدرى بو تركي ... آخر موعد للي بيدش الكويتي سواء نازل أو صاعد ... نص عشره .. اللي يطوف هالموعد عمره ماراح يستفيد من الزوبعه اللي صارت للسوق خلال هالكم سنه

 

[بــوزيــاد]

مساء الخير ع الجميع

ياشباب جبت لكم خبر ايجابي ومنقول

من محلل نحسبه ثقه ان شاء الله

يقول فيه اجراءات الانسحاب من السوق

اعلان نيه + اجتماعين مجلس اداره وجمعيه عموميه+موافقة الهيئه

والموضوع ياخذ سنه من الاعلان

المحلل / احمد القمر

 

[بــوزيــاد]

السوق المتوقع غداً

غائم جزئياً احتمال تساقط امطار الرطوبه 10%

السوق اخضر فاتح يميل الي الاخضر الغامق
ارتفاع 50 نقطه واكثر

الاسهم نفس النشره السابقه صفحه 82

احتمال تعليق اكثر من سهم

بمناسبة قرب عطلة العيد

سهمنا طلب تنكتر علي تداول اليوم

احتمال يرش القاع زين باجر للمتداولين الدبيجه

وفالكم ارباح تنطح ارباح

مجرد رآي

التوقيع/ محلل متفائل

 

[333gust !!!]

للرفع ؛
والحفظ لها

علشان لخضر المؤشر غدا ،، نشكره على السبق

هههههههههههههه طيب انا لي عدة مشاركات وتقريبا اليوم كانت موفقه لييش ما اقتبستها ؟؟؟
وخصوصا من اول التداول اليوم قلت القاع سوف يكون 5738 ..... وحطييت جارتات من يوم الخميس الماضي وحددت عليها الهبوط والصعود ...
يا خي خلك منصف وقول فعلا اصدفت هالمره معاك يا بو محمد !

 

[دايــم]

تدرى بو تركي ... آخر موعد للي بيدش الكويتي سواء نازل أو صاعد ... نص عشره .. اللي يطوف هالموعد عمره ماراح يستفيد من الزوبعه اللي صارت للسوق خلال هالكم سنه

صح
نص اكتوبر واخره
بشرط عدم تطور احداث خلية حزب ابليس !

 

[ابوسارونه]

صح
نص اكتوبر واخره
بشرط عدم تطور احداث خلية حزب ابليس !

خذلك طله علي الامتياز .. يسيل له اللعاب

 

[دايــم]

هههههههههههههه طيب انا لي عدة مشاركات وتقريبا اليوم كانت موفقه لييش ما اقتبستها ؟؟؟
وخصوصا من اول التداول اليوم قلت القاع سوف يكون 5738 ..... وحطييت جارتات من يوم الخميس الماضي وحددت عليها الهبوط والصعود ...
يا خي خلك منصف وقول فعلا اصدفت هالمره معاك يا بو محمد !

معلش ؛
دخولي متقطع بحكم السفر ؛
ولو ماشدني بوسارونه بمشاركته عن السعودي ! ولا ماراح ادري عن مشاركتك
يعني اخذت لفه سريعه وطحت على مشاركتك يالغالي
بومحمد
سوال يرحم ابوك ؛ بكم بعت المدينه ؟

 

[دايــم]

خذلك طله علي الامتياز .. يسيل له اللعاب

استثمار ،، بكل تاكيد
مع اباالوليد ترتاح
ادارة نظيفه وامينه

 

[sayer]

السلام عليكم جميعا

شخبار السوق شباب صالي مدة مو متابع في شي جديد طافنا شي؟؟؟؟

 

[ابوسارونه]

استثمار ،، بكل تاكيد
مع اباالوليد ترتاح
ادارة نظيفه وامينه

بصراحه .. مخ ماشاء الله تبارك الله
يلعب بالخبره

 

[ابوسارونه]

السلام عليكم جميعا

شخبار السوق شباب صالي مدة مو متابع في شي جديد طافنا شي؟؟؟؟

ابد .. من طلعت والسوق واقف ينطرك
ماكو شي

 

[دايــم]

بصراحه .. مخ ماشاء الله تبارك الله
يلعب بالخبره

لعلمك ياصديقي
الشركة تعرضت لسرقات ضخمه جدا !
وتم رفع قضايا على الاداره القديمه ،،

بوفالح
اذكر لها ارتباط بقطر ،، مع الصندوق القطري او شركات تابعه للصندوق القطري !! ناسي والله
يبيلها تسهر عليها مع شاي بنعناع ( حبغ) وتشوف زبدتها