بعد التحيه والاكرام واسلم على جميع الاخوان القائمين على هذى الصفحه
واقول للاخ العود أبو عبدالله ( الدب ) الرجل الذى سجل مواقف جدا جميله بمشاركاته مع أخوانه قرة عيونا بمشاركاتك
للأسف سوقنا ماله حد بالنزول وكل الاحتمالات قائمه .. أكثر من هالنكماش فيه تداول 5 مليون دينار يعنى مايقارن مع تداول شركه واحده سعوديه واهى شركة سابك تداولها يفوق 15 مليون دينار بشكل يومى .. كان عندنا امل بارتفاعات سنه 2013 بعد سلسلة هالارتفاعات وقفو المضاربين لانهم مايبون السوق يرتفع ويتنفس طردو المضاربين وبعد أيقاف المضاربين تربصو لصالح الفلاح وتم أستبداله بنايف الحجرف وهذا نايف الحجرف يقول انسحاب الشركات يحدده المساهمين كأنه مايدرى انه الاغلبيه لمجلس الاداره يعنى شوفو الغباء شلون صاير
الحكومه جدا متخاذله والشعب متخاذل معاها ماعندنا وقفه جيده لوقف هذا النزيف بسوق الكويت الاوراق الماليه وثلث الشعب مستثمر فيه
لا جابر المبارك ولا أعضاء الامه قادرين على حل المشاكل بالبورصه وفك الصراع القائم بين أقطاب أقتصاديه وسياسيه طبعا وأحنا كنا ومازلنا الضحيه اصبح السوق طارد للمضاربين وللمستثمرين يعنى اى محفظه خارجيه او داخليه بتستثمر اموالها بسوق بأى لحظه تنسحب الشركه من السوق مايصير وللاسف أحنا فوق هذا ساكتين ونقول بكره تزين أن شاء الله بكره تزين بس ماتزين والكل قاعد بمكأنه ويقول متى سيرتفع السوق لى متى واحنا بنزول وكثرة التحلطم
اللى نحتاجه الحين وقفه جاده لوقف هذا النزيف منو بيحدد هذا بعد الله سبحانه وتعالى ومن ثم أحنا أقل شي نوصل رساله لعضاء الامه او لنايف الحجرف او لمدير السوق ترا محد راح يتحرك عبالهم الكل رأضي على هالتداول لازم يكون لنا موقف وأبو احمد الاخ الكبير زياد البغدادى ماقصر كاتب صحفى وقاعد يكتب ويحاول يوصل لهم اكثر من رساله بس أذن من طين واذن من عجين
