منو اللي داخل السوق ومنو اللي برى وكم نسبة خسارتك

[بوناصر56]

افضل انك تبتعد عن الشاشه وترتاح , لانك قاعد تاثر على اخوانك وانت اساسا متاثر لانك قبل جم يوم تقول يخسي
انخلي اسهمنا لصانع السوق والحين تقول كيشت وبتقطهم برى الكويت
ضف الى ذلك انك تحاول تخلي التجار ند لك وانت وانا لسنا ند لهم , فأنت تعاند نفسك مو قاعد تعاندهم
الافضل ان ترتاح لتعود بقوه من جديد

ايقاف الخساره .... امر مهم و الي سويته انا نوع من انواع الدفاع عن مدخرات محفظتي .

وانت سألت للكشف و الصراحه و انا جاوبتك ....!

 

[الوطنيه]

ياخوان اي رأي قاعد اطرحه هو وجهة نظر وانا لاافقه بالتحليل وانما ارى الامور بمنطقيه ومتابعه للسوق منذ فتره ليست بالقصيره
ونستقبل اراء اخوانا المحللين والمختصين واتشارك وياكم المشكله انا اخواني والحل والقرار المناسب

 

[الوطنيه]

ايقاف الخساره .... امر مهم و الي سويته انا نوع من انواع الدفاع عن مدخرات محفظتي .

وانت سألت للكشف و الصراحه و انا جاوبتك ....!

زين سويت انك اوقفت خسارتك اذا كانت ليست كبيره , واسأل الله ان يعوضك ويرزقك من حيث لاتحتسب

 

[بوناصر56]

زين سويت انك اوقفت خسارتك اذا كانت ليست كبيره , واسأل الله ان يعوضك ويرزقك من حيث لاتحتسب

رغم ان احيانا يصيبني القهر و الذبحه الصدريه اذا السوق ارتفع وقت الي اتخذ قرار الحفاظ على بعض مدخراتي واحميها .

 

[الميهوبي]

من سنتين دشيت ب ٦٥ واليوم ٤٧ والله يعوض علينا وعليكم وانصح لحد يدش السوق او يدخل سيوله جديده واللي بالسوق مثلي يصبر يمكن يتعدل السوق ويطلع منه

 

[ali habib]

انا قصتي غير دشيت السوق قبل سنتين وربحت فيه حمدالله الدبل ،،،، وطلعت من السوق ورديت مرة ثانية يعني فنان ومحترف وخسرت الدبل وفوقهم ١١ ألف حمدالله على كل حال ...

 

[Abdullah7373]

السلام عليكم
انا داش السوق علي ٤٠ الف
وخسارتي علي ٣٠ الف دينار
علي مراحل والسهم تمويل الخليج
نصبر والله نطلع وقدر الله وما شاء فعل

 

[بن باديس]

طلعت من السوووق قبل ثلاث سنوات

والان متفرج وانتظار الدخووول

 

[longinvestor]

أتمنى تكون هذه الأموال مدخرات او ورث وليس قروض لان البنوك لا ترحم

 

[fah00d]

الناس تبي تنسى خسارتها وانت تذكرهم فيها بموضوعك

الربح كان 50% . والآن تلاشى الى 6%

وقت الدخول . بعز الازمه 2008

وقت الخروج : مستمر

اكثر اسهم ربحتني : الاسهم التشغيليه والغاليه . فوق 100 فلس

اكثر اسهم خسرتني : الاسهم الشعبيه مطيوحة الحظ . أسهم الكذب والعار

 

[Navigator]

طلعت قبل أكثر من سنه بعد ما وصلت المحفظه دبلين وزياده ولله الحمد ومن ذاك اليوم منتظر ٥٩٢٠ او اسعار في بالي

بالوقت الحالي ما ودي أدش السوق واحاول ابتعد عنه لأكثر وقت ممكن

الله يعوض على كل خسران

 

[امرك عجيب]

محفضتي بعد الخساير المتتاليه كانت اول ٢٠١٤ ٢٠ الف الحين ٧ الاف والله المستعان اسأل الله العلي القدير ان يعوض كل خسران ويرزقه من حيث لايحتسب والحمد لله علي كل النعم وكما قال القائل مادمت تستطيع السجود لله فانت بخير

 

[بوناصر56]

انا بعرف كل واحد داش ب ٢٠ و ٣٠ و ٤٠ معقوله كل هالدعم قدم من مستثمرين للشركات و الشركات ما قدرت تنمي ارباحها واستثماراتها وتفرح خلق الله ...


يارب يشوفون الويل ان اكلو اموال الناس بلباطل

 

[Talallivee]

دشيت ١٧
خسارتي الف
الباجي ١٦

 

[رابح رابح]

ياخوان اي رأي قاعد اطرحه هو وجهة نظر وانا لاافقه بالتحليل وانما ارى الامور بمنطقيه ومتابعه للسوق منذ فتره ليست بالقصيره
ونستقبل اراء اخوانا المحللين والمختصين واتشارك وياكم المشكله انا اخواني والحل والقرار المناسب

شكرا لك اخوي الوطنيه على طرحك هذا الموضوع
انا خسرت تقريبا 30% من قيمة محفظتي وحاليا الاسعار مغرية جدا ولكن الاوضاع سيئة جدا والسوق في مهب الريح والشراء مربك بعد تجربة مرحلة مابعد الانهيار 2008 اتضح بانه لايوجد ثقة بملاك اغلب الشركات ولا في نظام السوق والتداول المضحك ولا يوجد اي دعم للسوق ولا اي اهتمام باموال المساهمين مع ملاحظة مايلي :
1- الخساره مازالت خسارة غير محققه ولا تتحقق الا بالبيع
- ملاك عقود الآجل تترتب عليهم الخسارة الأكبر وهذا من الاسباب الرئيسيه للضغط على السوق للاسباب التالية:

- خسارة ناتجة عن عمولة تجديد الآجل
- دفع 10% عند تحديد العقد كل 3شهور
- رفض بعض المحافظ تجديد الاسهم المنهاره وتسييلها قهرا بحتات الاسعار للاستحواذ عليها​

3- خسارة المساهم يجب مضاعفتها لان السلع والموجودات العقاريه والاسهم بالاسواق الاخرى ارتفعت مابين 100-200%

4- خسارة الجهد والصحة لان الاسهم تحتاج متابعة اقتصادية ومالية وسياسية واعلامية متابعة اخبارية كاملة كمتابعة السم بالعروق

5- خسارة قياسية وقهرية للمساهم ناتجة عن:

- انسحاب الشركة
- افلاس الشركة
- تخفيض رأس المال
- زيادة راس المال
- البيع بسبب الحاجة​

 

[نوماس 1972]

نوماس خسارتك اعلى من خسارتنا شوي انت وصلت ل50 % بس انا شاء الله انها على الاقل ترجعلك 25% مع الارتداد واتوقع الصبر على المدى البعيد سوف يرجعلك مبلغك لان الامور متساويه الحين ماتسوى البيع

الحمد لله على كل حال

 

[السور]

طلعت قبل أكثر من سنه بعد ما وصلت المحفظه دبلين وزياده ولله الحمد ومن ذاك اليوم منتظر ٥٩٢٠ او اسعار في بالي

بالوقت الحالي ما ودي أدش السوق واحاول ابتعد عنه لأكثر وقت ممكن

الله يعوض على كل خسران

ما تبي اغنية
جبرني الوقت انا احبك