بنصحك و ابي منك الدعوه الطيبه و ترى نصايحي من ذهب ودائما انصح وقلبي ابيض ابي الخير لكم عشان الله يرزقني قول امييييين
1- فن المضاربه اولا يبيلها تفرغ تام الافضل ( متقاعد ) او غير موظف وظيفتك هي البورصه . اكرر متفرغ متفرغ .
2- الصبح قبل افتتاح السوق راقب الاوامر شوف الطلبات متوجه لاي اسهم .
3- عند افتتاح السوق نص ساعه لا تشتري شي ... شوف كمية التداول و عدد الصفقات متجهين لاي اسهم .
4- شوف شارت الاسهم الي عليهم تداول اليوم وصفقات منفذه اذا كان امس نزول يعني امس السهم احمر .... و اليوم في طلبات اكثر من عروض وتنفيذ بالطلبات يعني شراء من المعروض توكل على الله بس تأكد من عدد الطلبات و الكميه ديربالك يكون مثلا صفقتين فقط وكميه كبيره لا تأكد في ناس داشه مو واحد او اثنين . . توكل على الله حط طلبك
5-اذا الطلبات بالحد العالي عددها وايد حط طلبك معاهم اذا عددها اقل حط طلبك بحد ادنى من الحد العالي .
6- نصيحه مهمه :- الافضل تبيع تعرض بالحد الادنى بنفس اليوم اكرر بيع بنفس اليوم و ليه 10:45 لو ما تنفذ طلبك بالشراء الافضل تلغيه و تقول خيره ... وانطر اليوم الثاني تضارب فيه بنفس الطريقه . لان كل ما تأخر الوقت بتنفيذ طلبك بالشراء ما يمديك تبيع بنفس اليوم و ما تدري شنو يطرأ من تغيرات ليه ثاني يوم .
نصيحه من ذهب :- اذا بتضارب لا تدش عالسهم بمبلغ مثلا 20 الف دينار و الناس و الطلبات قاعدين يدشون على 3000 و 4000 ... دش بمبلغ مساوي تقريبا للمبالغ الي اغلب الناس تشتري فيها بالسهم عشان تقدر تبيع بسهوله بنفس اليوم .
كذلك نصيحه لا تدش على اسهم فيها طلبات بدون عروض لانها راح تترك فجوه و بأي وقت ترجع تصكرها فالخطوره هني اكبر . ضارب بسهم في طلبات و عروض و لكن مطلوب اكثر . وتنفيذ صفقات كبير و كذلك كميات متداوله .
اما بالنسبه للتحليل الفني :-
في كتب بمكتبة جرير و فيه مواقع بالنت .... بالنهايه لازم ممارسه و خبره و معرفة وين اخطاءك . وعلى فكره التحليل الفني مو كل نموذج يمشي مع سوق الكويت
مثلا نموذج المثلث الهابط ما يمشي مع سوق الكويت بكثره ... وايد اسهم سوت نموذج مثلث هابط و هو نموذج مشهوووور جدا جدا بسلبيته لكن الحمدالله بنهاية المثلث الهابط يتحول السهم للايجابيه والسبب اعتماد المحلل على الشكل فقط بل هناك شروط خاصه و طريقة مراقبة كميه التداول . و عدد القمم و القيعان . فابحث عن الكتاب الي يعلمك بالشروط ايضا
واخيرا دعواتك لنا ..... انا صج مستثمر و لكن هم عيني ما تنام عن اسهمي اذا كان محفظتي حمره ... متى ما صارت المحفظه خضره اغيب عن الشاشه و اريح بالاستثمار وعسى الله يكتب لنا ولكم الخير .
التعديل الأخير:
