بنك بوبيان الإسلامي

[مضارب 2]

سلام عليكم


الاسبوع القادم بنك بوبيان الاسلامي سيدرج بسوق الاوراق المالية وسنرى مدى العرض والطلب على هذا البنك الذي شغل الكثيرين وسنرى مدى الثقة التي يتمتع بها هذا البنك....

وللحديث بقية..

 

[بن تركي]

طيب السؤال المهم .. في نهاية البيعة .. الشيك يطلع باسم منو .. حضرتك االمخول أم صاحب الاسهم .. اللي عطاك التفويض بالبيع

دمتم

الشيك يطلع بأسم راعي رقم التداول اللي تمت من خلالة عملية البيع ،،،

 

[AYAM ZAMAN]

يصير تسويها مثل ماقلت وأنا اليوم كنت بالبورصة وسولي تفويض بيع خاص بأسهم بنك بوبيان صالح لمدة ثلاث شهور فقط ومختوم من المقاصة ويعطونك ورقتين ورقة حقك وورقة حق مكتب الوساطة اللي تبيع فيه الأسهم ومايحق للشخص أنه يحصل على أكثر من تفويضين مكانهم الدور الثاني إدارة الوساطة عند الموظف محمد عياد وماتاخذ من الوقت أكثر من 5 دقايق ولازم حضور الشخص المفوض والمفوض له مع البطاقة المدنية الأصلية للشخصين ،،،،،

مشكور ياابن تركي

وماقصرت والله يالغالي

 

[bohassan24]

ا بن تركي جني اليوم شفتك قريب المغرب بالضجيج مجمع تالا وقلت لي ان بس يعطونك تفويض حق شخصين وقلت لي ليش اضيف اسهم صغيرة لانها كسور فافتح لهم حساب تداول وبيع عدل يا بن تركي
( استغبرت من الموظف الي موجود بمكتب الدمج يقول ان دمج اسهم بوبيان راح يضل على طول درجة اولى )

 

[bohassan24]

يبى تقدر تاخذ الفويض من غير لايحضر الشخص الي بيفوضك يكفي انك تاخذ الشخص الى البنك واعتماد توقيع وبس حتى اذا تبي تفتح احساب هم خذ اعتماد توقيع ويقبلون منك الاوراق ( اليوم رحت البورصة الخلاصة هاذي )

 

[عبدالله2]

الشيك يطلع بأسم راعي رقم التداول اللي تمت من خلالة عملية البيع ،،،

الشيك باسم المفوض له والا اللي باسمه الشهاده ؟؟
واذا انا عندي توكيل عام عن الشخص اقدر اسوي تفويض لي وابيع شهادته ؟

 

[الناسجت]

الشيك يطلع بأسم راعي رقم التداول اللي تمت من خلالة عملية البيع ،،،

صباح الخير ... عيل ما سوينا شي .. نفس السالفة وتبقى المشكلة قائمة

دمتم

 

[بن تركي]

ا بن تركي جني اليوم شفتك قريب المغرب بالضجيج مجمع تالا وقلت لي ان بس يعطونك تفويض حق شخصين وقلت لي ليش اضيف اسهم صغيرة لانها كسور فافتح لهم حساب تداول وبيع عدل يا بن تركي
( استغبرت من الموظف الي موجود بمكتب الدمج يقول ان دمج اسهم بوبيان راح يضل على طول درجة اولى )

والله أنك صاج هذا أنت أول واحد بالمنتدى أواجه وجهاً لوجه وسولفتك بعد عن إجتماع الجمعية العمومية وشلون كان النقاش في الجمعية عموماً فرصة سعيدة يوم تعرفنا عليك ،،،،

بس السؤال شلون عرفتني أني بن تركي ومن غير ما أنتعرف على أسامي بعض أرجوا الإجابة لأن فعلاً غريبة هالصدفة،،،،،

 

[bohassan24]

حاضرين يا بن تركي بس لاني ذاكر سؤالك بالجمعية العمومية وانت قلت لي عن الجمعية العمومية واحساس ياالحبيب

 

[بن تركي]

حاضرين يا بن تركي بس لاني ذاكر سؤالك بالجمعية العمومية وانت قلت لي عن الجمعية العمومية واحساس ياالحبيب

ماشاءالله عليك على هالإحساس يابوحسن على العموم تشرفنا بمعرفتك ،،

 

[دكتورنت]

انا اقول اذا وصل 400 فلس احمد ربك وبيع على طول

 

[bu-abdullaziz]

انا اقول اذا وصل 400 فلس احمد ربك وبيع على طول

400 فلس شويه عليه !

السهم استثمارى و الشركه الوطنية للاتصالات مو احسن منه

احنا صبرنا اكثر من سنتين على السهم و مايهم اذا صبرنا عليه لى نهاية السنه


و باقى على تداول السهم 5 أيام

 

[bohassan24]

اشرف فيكم يا بن تركي الله يحفظك
ويوفق كل الشباب

 

[ابوعايض]

باركولي يا جماعه اليوم اول مره ادخل البورصه فتحة للوالده حساب عندي وكاله عامه للوالده وسمعة الموظف يقول فتح الحساب لشخص ثاني ممنوع الى عن طريق الوكاله , بعدين سويت تفويض عطاني الموظف ورقت التفويض وقالي اتوقع الوالده وتعتمد التوقيع في البنك ما يحتاج اتحضر الوالده وقالي التفويض اتداول نيابه عن الوالده والشيك يطلع باسم الوالده , وانا طالع دخلت قاعة التداول الجماعه طاقين السبعات جنهم قاعدين في عزى

 

[علي 707]

صباح الخير ... في كمبيوتر الحفظ المركزي الخاص بأسهم البنك .. لن تظهر أسماء اخوانك كأسهم مدموجة إلى اسمك .. فعليك مراجعة المقاصة لإعادة دمج الاسماء إلى اسم أحد الأبوين ثم إلى اسمك ...

دمتم

انا نفس الطريقه رحت المقاصه وسالت الموظف الاسهم الي عندي مدموجه شاف بالكمبيوتر وقالي مدموجه

 

[q8q822]

شباب مساعدة

سويت دمج اليوم حطيت الاسهم باسم ابوي وباسم ابو زوجتى بس صارت مشكلة مو بالحسبان ابو زوجتى كان عنده الف سهم ولما رديتهم لى خذيت الاف سهم طبعا اهو مايدري بالسالفه كلش مسوييها بالواسطة الحين ابي يصير ارجع الاسهم حقاته بس من غير عيالة ولالا

 

[alwinian]

ابوحسين

ابوحسين اذى تبيع 450 فلس شراي

وبشرك ترى دمجت وخلصت من فضل الله سهالات

صج معرفة الناس تجاره وسلم على مبارك

 

[حمد العازمي]

السلام عليكم اخوي من باب النصيحه السهم استثماري ليس للبيع السريع​

 

[bohassan24]

ترى في سيولة برة السوق سحبت وجنت ارباح وبعدين احتمال في ارباح مجزية راح يحققها البنك من تعاملاته مع التسهيلات و باجي الاستثمار النقطة الايجابية تدري شنو ان وايد ناس ما فتحوا ارقام تداول وهم او عند ارقام تداول بس لحد الحين ماحط الاسهم بحسابة والكل مشغول بالدمج الحين انا اتوقع ينزل بين 350 و 450 يطلع لي 600 ويرد لي 375 او 425 فلس والله اعلم وترى ياجماعة جريدة الوطن شغالة اشاعات ان ترة في ناس يبون يتملكون السهم وبيوصل دينار يعني تتوقع اهم مومحركهم
احد لان اهم راح يلمون باقل الاسعار لان اهم المتحكمين يعني خلونا نفترض ان الي دخلوا اسهم وصلت اجماليهم 400 مليون سهم يعني 40 مليون دينار يعني مثل راس مال شركات كثيرة بالبورصة حطها بالعقل لو شروا 20مليون سهم من 400 فلس يعني تكلفتهم 8 مليون دك يعني الله يعينة وياكم

دليل على كلامي
عن سهم الاتصالات المتنقلة
«الوطن» تعتذر عن خبر خاطئ وتنهي خدمة المحرر المسؤول
نشرت الصفحة الاقتصادية في عدد الثلاثاء الماضي خبرا مغلوطاً تضمن اخطاء جسيمة بخصوص سهم شركة الاتصالات المتنقلة يتحدث عن عمليات تجميع على السهم وعن زيادة في رأس المال.
و«الوطن» اذ تعتذر عن ذلك الخطأ الجسيم والمعلومات الخاطئة فإنها تعلن عن انهاء خدمة المحرر المسؤول عن هذا الخطأ الزميل جمال رمضان احتراماً لقرائها وتأكيداً على ضرورة توخي الحذر والمصداقية والدقة في الاخبار.

تاريخ النشر: الخميس 11/5/2006

 

[بوسليمان بوشهري]

ترى في سيولة برة السوق سحبت وجنت ارباح وبعدين احتمال في ارباح مجزية راح يحققها البنك من تعاملاته مع التسهيلات و باجي الاستثمار النقطة الايجابية تدري شنو ان وايد ناس ما فتحوا ارقام تداول وهم او عند ارقام تداول بس لحد الحين ماحط الاسهم بحسابة والكل مشغول بالدمج الحين انا اتوقع ينزل بين 350 و 450 يطلع لي 600 ويرد لي 375 او 425 فلس والله اعلم وترى ياجماعة جريدة الوطن شغالة اشاعات ان ترة في ناس يبون يتملكون السهم وبيوصل دينار يعني تتوقع اهم مومحركهم
احد لان اهم راح يلمون باقل الاسعار لان اهم المتحكمين يعني خلونا نفترض ان الي دخلوا اسهم وصلت اجماليهم 400 مليون سهم يعني 40 مليون دينار يعني مثل راس مال شركات كثيرة بالبورصة حطها بالعقل لو شروا 20مليون سهم من 400 فلس يعني تكلفتهم 8 مليون دك يعني الله يعينة وياكم

دليل على كلامي
عن سهم الاتصالات المتنقلة
«الوطن» تعتذر عن خبر خاطئ وتنهي خدمة المحرر المسؤول
نشرت الصفحة الاقتصادية في عدد الثلاثاء الماضي خبرا مغلوطاً تضمن اخطاء جسيمة بخصوص سهم شركة الاتصالات المتنقلة يتحدث عن عمليات تجميع على السهم وعن زيادة في رأس المال.
و«الوطن» اذ تعتذر عن ذلك الخطأ الجسيم والمعلومات الخاطئة فإنها تعلن عن انهاء خدمة المحرر المسؤول عن هذا الخطأ الزميل جمال رمضان احتراماً لقرائها وتأكيداً على ضرورة توخي الحذر والمصداقية والدقة في الاخبار.

تاريخ النشر: الخميس 11/5/2006

مع احترامي لك كلامك غير مفهوم على قولت داود حسين(كلامي مو مفهومه كتبتها البارحه بليل وكان فيني نومه) وليس له اي معنا او مغزى( حلوه مغزه) وبعدين شلتوقعات الخطيره منك !!! ومو ضروري تحط السهم بحسابك عشان تبيعه عادي بيع اليوم وحط الشهاده بعد جم يوم لا وبعد اسبوع .