بنك بوبيان الإسلامي

[بو حمد_1]

كلامك صحيح 100%100
واللي مو مصدق الوعد يوم 27/3

يبا تبي الصراحه المساهمين في بنك بوبيان

يستااااااااااااهلون اكثر من المسخره اللي تصير بالبنك

مو احنه قلنه نبي تنظيم نبي واحد يرشح نفسه ! لا حياة لمن تنادي

يا جماعة الخير لازم نسوي شي

نجتمع كلنه ونقول حق مجلس الاداره الحبربش هذول مستحيل تكملون

في مجلس الاداره

نبي قرار جديد من المساهمين بالجمعيه العموميه يا جماعه اذا

تسكتون تحملوا اللي يبي يصير


شفيكم خايفين !!! من شنو ؟؟؟؟ من حقكم ! ترى الكويت ديمقراطيه

يعني ما في اعتقالات الله يهديكم

ارجو الرد يا اخوان لاااااااااااازم رايكم

 

[التحليل الفني]

للأسف ان بعض المساهمين مايهمهم غير ادراج السهم بالبورصة باي وسيلة دون محاولة معرفة حقيقة مادار ويدور خلف الكواليس لادارة البنك والقضايا المرفوعة ومسألة ال 8 مليون سهم وعضوية اعضاء مجلس الادارة!!

الكل يفكر يبيع .. عيل ماسوينا شي .. يردون الهوامير ياخذون ملكية الشركات من ايدينا احنا ياصغار المستثمرين .. لازم وعي اقتصادي ياخوان هذي الطفرة الاقتصادية يمكن ماتتكرر على المدى القريب .

.. ( لان شكرتم لأزيدنكم )

تكفى وين الطفره الاقتصاديه الله يرحم والديك

 

[شخص ما]

خلاص الحل عندي( اذا )تقرر موعد الجمعيه انا ابي ارشح نفسي وانتو صوتولي .......



هاه شرايكم . وانا مستعد اخلي البنك في خدمة الفقراء اللي مثل حالتي










شقلتوا

 

[بن تركي]

أنا أشوف أنه موعد الإجتماع قرب وصار لازم تحسمون الموضوع بالنسبة لموضوع ترشيح شخص يمثلنا بالإجتماع وأنا أشوف أنه الناسجت ماعلق على الموضوع لازم هو يحدد النقاط الجوهرية اللي يتم منقشتها مع مجلس الإدارة ويفاوضهم لما فيه صالح الجميع خلوها تزكية من غير ترشيح.

تزكية

مشرف القسم

الناسجت​

 

[q80mofa]

بوبيان

يرجى من الأخوة الزملاء تزودنا بسعر بنك بوبيان أول بأول

 

[روبية]

تكفى وين الطفره الاقتصاديه الله يرحم والديك

الظاهر الاخو موعايش بالكويت ..

شوف المجمعات والابراج والمشاريع اللي تنفذت مثل واللي راح تتنفذ مثل ميناء بوبيان والمصفاة الرابعة عدد السكان من 2 مليون الى ثلاثة مليون .. اسعار النفط واكتشاف الغاز بالشمال وانشالله مشروع حقول الشمال بالطريج, ولو بعدد المشاريع ماراح اخلص ..

 

[الناسجت]

أنا أشوف أنه موعد الإجتماع قرب وصار لازم تحسمون الموضوع بالنسبة لموضوع ترشيح شخص يمثلنا بالإجتماع وأنا أشوف أنه الناسجت ماعلق على الموضوع لازم هو يحدد النقاط الجوهرية اللي يتم منقشتها مع مجلس الإدارة ويفاوضهم لما فيه صالح الجميع خلوها تزكية من غير ترشيح.

تزكية

مشرف القسم

الناسجت​

مساء الخير ... فليعذرني الأخوة عن التقصير .. ضغط الدوام أخذ من وقتي .. آسف على كل حال ..

دمتم

 

[بو مريم]

يستاهل @@

السلام عليكم

اي شخص تزكونه للعضويه في بنك بوبيان انا موافق عليه

وراح اصوت له وانا توني ماخذ بطاقة الدعوه

الدور الاول الكونتر 12

الموظف اسمه عبدالله

حددو اللي تبونه وانا حاضر بس الوقت ينفذ

تحياتي

 

[التحليل الفني]

الظاهر الاخو موعايش بالكويت ..

شوف المجمعات والابراج والمشاريع اللي تنفذت مثل واللي راح تتنفذ مثل ميناء بوبيان والمصفاة الرابعة عدد السكان من 2 مليون الى ثلاثة مليون .. اسعار النفط واكتشاف الغاز بالشمال وانشالله مشروع حقول الشمال بالطريج, ولو بعدد المشاريع ماراح اخلص ..

ابي اسئلك هل هذه الطفره استفاد منها الشعب الكويتي او التجار

 

[روبية]

ابي اسئلك هل هذه الطفره استفاد منها الشعب الكويتي او التجار

التجار من الشعب .. والشعب من التجار
الفايدة تعم الكل .. وفرص الاستثمار تزيد حتى للبسطاء من الناس , بالعكس لازم يتم تشجيع كبار التجار للاستثمار بالكويت .. والكل ياخذ رزقه .

الكويت من عمرها وفيها تجار كبار .. يعني شي مو جديد علينا والله يرزقنا معاهم .. انا معاك ان فيه سلبيات مثل زيادة الاسعار والفايدة وفكرة الضرايب وغيرها .. لكن تظل الكويت ديرة عز وعروس الخليج..

 

[بن تركي]

السلام عليكم

اي شخص تزكونه للعضويه في بنك بوبيان انا موافق عليه

وراح اصوت له وانا توني ماخذ بطاقة الدعوه

الدور الاول الكونتر 12

الموظف اسمه عبدالله

حددو اللي تبونه وانا حاضر بس الوقت ينفذ

تحياتي

عفية بومريم عفية :d

 

[Mohammadd]

ابي اسئلك هل هذه الطفره استفاد منها الشعب الكويتي او التجار

خلك من الكلام الدبلوماسي والله محد مستفيد غير التجار .

The Rich Get More Richer & The Poor Have More Children

اللهم لا حسد​

 

[بن تركي]

للتذكير الموعد لإجتماع الجمعية العمومية يوم الأربعاء 29.03.06الأحد والإثنين والثلاثاء والربوع ونقولكم مبروك موعد الإدراج بتاريخ : _/_/2006

 

[Nasser pwc]

الله يستر​

مابقى شي ان شاءلله​

مبروكين مقدما

:d​

 

[bu-abdullaziz]

استلام بطاقات الدعوة من الشركة الكويتية للمقاصه...

و الجمعيه العمومية بتاريخ 29-3-2006 يوم الاربعاء

الرجاء الحضور يا جماعة الخير و اذا ماقدرت تحضر وكل اى احد من اهلك او ربعك

وبالتوفيق ان شاء الله

 

[kuwait77]

الله يستر من جمعيتهم وياريت لو يعطونا مجال انا نحط الاسهم بحسابنا انشالله ولا يخورها الاوسط فى اول يوم تداول للسهم ويتعذر بالسيستم

 

[مضارب 2]

سلام عليكم


اخوتي الاعزاء ما ادري شجولكم بس انا مرتبط يوم الاربعاء باجتماع اهم من اجتماع بنك بوبيان الاسلامي واليوم كنت بالمقاصة وخذيت بطاقات الدعوة لحضور الاجتماع فعلى من يرغب الحضور له مني البطاقات ...

ودمتم بخير...

 

[ahmed18]

لن يكتمل النصاب يوم الاربعاء لجمعية العمومية

المطلوب حضور 51 % من مساهمى بنك بوبيان لاكتمال النصاب القانونى لانعقاد الجمعية العمومية

المضمون 26 % (الهيئة العامة للاستثمار) و الباقى 25 % من المساهمين يعنى 250000 مكتتب من اصل 760000 مكتتب يعنى ثلث المكتتبين يعنى من كل 3 مكتتبين لازم يروح على الاقل واحد و انا شايف ان هذا الشىء صعب جدا

فعلى هذا الاساس تاجيل الجمعية العمومية لمدة اسبوعين فى حكم المؤكد الموعد الجديد سوف يكون 12/4/2006 و الادراج سوف يكون على ابعد تقدير فى 22/4/2006

و يبقى السعر عند الادراج ؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[سهم استثماري]

و يبقى السعر عند الادراج ؟؟؟؟؟؟؟؟؟؟؟؟؟؟؟؟؟؟؟؟؟؟؟

لا تحاتي لأن وقتها راح يكون قطاع البنوك متفاعل مع أعلانات ارباح الربع الأول .. وكل المؤشرات تدل على إنها طيبه ... يعني مهما يصير بوبيان راح يدرج بقطاع متين ومحصن من التصحيحات الغير منطقية .. إنشاء أسعار تسرك

 

[كاسر المقاومه]

متى موعد الادراج ؟؟؟؟؟؟؟؟؟؟؟؟ نبي نبيع