يا جماعه ديربالكم ... لايصير فيكم نفسي

[قناص_السوق]

انت ربحان 7% علي اقفال السوق بقيمة 400 دينار

لو تبيع السهم بالحد الادني ونفترض جدلا 10% راح تخسر 3% لانك كنت ربحان 7%

ال 1500 من وين طلعت.. هذي مو فاهمها

لا يا اخوي انا مو كاتب الشركه الي بعت اسمهمها ... ولا كاتب الارقام الحقيقيه الي شريت فيها السهم ولا كاتب السعر الحقيقي الي انباع فيه السهم

لاني ابي الخصوصيه ولكن حاط الي حصل وحطيت مثال على سهم كابلات

 

[الأشعف]

يعني مثلا هذا سهم كابلات اليوم سعره ٥٨٠

لو تحط امر بيع بسعر السوق راح ينفذونه الشركه الوساطه بسعر ٥٦٠ الي اهو سعؤ الطلب وتتفاجأ بلخساره لان ماباعو اسهمك ب ٥٨٠

وهذا الي صار معاي اليوم بس بشركه اخرى

حسب الله ونعم الوكيل


يصير اشتكي بسبب هالخدعه

اكيد اخوي حتى في البورصة اذا تقول بيع او اشتر من دون لا تقول حطلي امر بيع بكذا او امر شراء بكذا يعرف انك تبي تبيع على الطلب او تبي تشتري من المعروض شنو الجديد !

 

[ابوسارونه]

انت ربحان 7% علي اقفال السوق بقيمة 400 دينار

لو تبيع السهم بالحد الادني ونفترض جدلا 10% راح تخسر 3% لانك كنت ربحان 7%

ال 1500 من وين طلعت.. هذي مو فاهمها

طاح ب محاسب
تحياتي واشواقي بو عبدالله

 

[قناص_السوق]

هذا نفس اللي فكرت فية.. بس السهم علي كلام مرتفع كذا يوم.. يعني شغال التداول علية.. او ان السهم متفسخ من منحة او نقدي

لو كنت اعلم سعر السوق هو سعر الطلب والله اني كنت بحدد السعر بامر البيع و ماراح ابيع بخساره والشاشه كاتبتلي ربح ٤٠٠

 

[قناص_السوق]

عموما سواء كنت تقف بصفي او تقف ضدي


هدفي من هذا الموضوع


١- توعية اخواني الجدد لا يطيحون بنفس مشكلتي

٢- الاستفسار اقدر اشتكي لأن ماكو اي تنبيه يوضح لي ان البيع بسعر السوق هو تنفيذ الامر بسعر الطلب وليس السعر المعلن للسهم



وشكرا لكم

واتمنى للجميع الانتباه

 

[الهدف البعيد]

لو كنت اعلم سعر السوق هو سعر الطلب والله اني كنت بحدد السعر بامر البيع و ماراح ابيع بخساره والشاشه كاتبتلي ربح ٤٠٠

انت مستثمر بمبلغ 6000 دينار تقريبا و 7% تساوي 400 دينار..

اللي مو فاهمة الخسارة ال 1500 دينار ماتصير بنفس اليوم.. محتاج حد ادني ثلاث ايام عشان تخسر نفس هالمبلغ من مبلغ استثمارك..

الموظوع مو مفهوم بالنسبة لي وقد يكون قصور مني..

اذا لك حق بنحاول احنا الاعضاء بالسعي لتاخذة..

 

[fwaz70]

اتمنى تقرأ كلامي من جديد بتمعن اخوي

وتقرأ مشاركتي الي فوق حطيت فيها مثال لسهم كابلات

حتى لا تقع أنت واخواني في نفس المشكله


حسب الله ونعم الوكيل




فعلا هذا الي صار معاي والحمدلله على كل حال

بس ودي اعرف اقدر اشتكي لان ماكو اي مدلول على ان الامر بسعر السوق يتنفذ بسعر الطلب ولا اكو اي شي يرشدني

ما اعتقد تقدر تشتكي عليهم
وأحسن حل مثل ما قال اخوي بوسارونه حاول تستردهم بنفس السعر خصوصا ان السوق يساعد لانه ماشي بترند هابط فتطمن
تحياتي

 

[السور]

10ب 2

 

[قناص_السوق]

انت مستثمر بمبلغ 6000 دينار تقريبا و 7% تساوي 400 دينار..

اللي مو فاهمة الخسارة ال 1500 دينار ماتصير بنفس اليوم.. محتاج حد ادني ثلاث ايام عشان تخسر نفس هالمبلغ من مبلغ استثمارك..

الموظوع مو مفهوم بالنسبة لي وقد يكون قصور مني..

اذا لك حق بنحاول احنا الاعضاء بالسعي لتاخذة..

اخوي انا لان ابي الخصوصيه ما قلت المبالغ بالضبط
وانا ما ادري انت بالسوق ولا صانع سوق ولا شنو

اذا تقدر تساعدني اكلمك تلفون اذا تقدر بس ادري ما راح تقدر لان الي بالسوق قوانينهم تمشي مثل ما يبون

ترى هذي الكويت مو امريكا بامريكا في وحده رفعت قضيه على رد بول لان ماعطاها جوانح ربحت
صل عالنبي بس


اول شي خسارتي مو ١٥٠٠ تقريبا ١٢٠٠ اتوقع لان حسران باكثر من سهم ما عرف احسب بلضبط

ثاني شي انا السهم شريته على دفعات واسعار مختلفه قريبه من ١٠٠ وبسعر ٧٠٠٠ وشي

ثالث شي منو قالك ٣ ايام صارله عندي فتره اكثر من ثلاث ايام

رابع شي انا حسبت خسارتي من فلوسي راس مالي مع الارباح الي مفروض اخذها و هي تقريبا ب ٥٠٠ بس ارباح تقريبا قريب ١٠٠٠ من راس مالي



وسعر تنفيذ الصفقه تنفذ بأقل من ١٦ فلس عن سعر السهم الي وصل له اليوم

 

[قناص_السوق]

ما اعتقد تقدر تشتكي عليهم
وأحسن حل مثل ما قال اخوي بوسارونه حاول تستردهم بنفس السعر خصوصا ان السوق يساعد لانه ماشي بترند هابط فتطمن
تحياتي

رضيت بقضاء الله وقدره ويمكن خيره بس الي بصير بغير شركة الوساطه وهذا كل ما املك اني اقدر اسويه دام اني في الكويت .

 

[محمد000]

حبيبي صاحب الموضوع
انت سويت زحمة والشارع فاضية
انت غلطاان من رأسك ل رجولك ولأ عندك سالفة إنت الي بعت وانت الي شريت أفهم طريقت التداول قبل لا تحوس نفسك

 

[قناص_السوق]

حبيبي صاحب الموضوع
انت سويت زحمة والشارع فاضية
انت غلطاان من رأسك ل رجولك ولأ عندك سالفة إنت الي بعت وانت الي شريت أفهم طريقت التداول قبل لا تحوس نفسك

شكرا انا غشيم نعم ...!

بس احب الخير لاخواني الغشم الي مثلي وأبي مايطيحون بخطئي


فهل لهذا السبب انا مسوي زحمه ....!

صناع السوق والبلايا الظاهر معصبين مني

 

[الأشعف]

لا يا اخوي انا مو كاتب الشركه الي بعت اسمهمها ... ولا كاتب الارقام الحقيقيه الي شريت فيها السهم ولا كاتب السعر الحقيقي الي انباع فيه السهم

لاني ابي الخصوصيه ولكن حاط الي حصل وحطيت مثال على سهم كابلات

اخوي الشركة معروفه المواشي وسهمك بعته 104 فلس والكمية 40 الف

 

[ولد السرة]

شركة المواشي ولمن بعت على سعر السوق معناته سعر الطلب وللأسف كان على ١٠٤ وتوه شارين ب١٢٠ المفروض تحط تحديد السعر بعدها تعرض سهمك وانطر للأسف غلطتك والشركة مالها ذنب الله يعوضك يارب

 

[الأشعف]

اخوي الشركة معروفه المواشي وسهمك بعته 104 فلس والكمية 40 الف

وخسارتك 640 دينار غير العمولة الله يعوض عليك ان شاء الله ومالومك خاصة اذا كانت عفويه البيعه مو مقصوده لجهل في التداول .

 

[الراقي]

عادي انا دقو علي تلفون وقالو لي عليك مبلغ ٣٤الف لازم تدفع
رحت لهم طلع موظف منهم مشتري بحسابي وبايع بدون علمي المهم اقمتو السالفة وعتذرو مني

 

[الميهوبي]

الله يعوض عليك

 

[متابع الســــوق]

الله يعوض عليك الانتباه واجب والسهو والنسيان يحصل
مبلغ الربح مو مكتوب لك العوض بالجايات ولعله خيره لك
وشكرا على التنبيه

 

[هاوي بورصه ٧٧]

الله يعوضك ثاني مرة لا تبيع بسعر السوق واحمد ربك انك بالسوق الكويتي لو كان السوق الامريكي كان راحت فلوسك كلها

 

[zero_1]

اخوي q84q8y

مشكور على التوعيه والملاحظه هذي


وأمر البيع بسعر السوق. بمثابة بيع فوري. يعني البيع على الطلب. حتى لو كان بالادنى

وللعلم
حتى لو تشتكي. ما راح تحصل اي شي لانها في قوانين وتعاريف السوق
والله يعوض عليك