الشركة الأولى للتسويق المحلي

[B99]

ياشباب الخبر صحيح بخصوص الاعلان ولد عمي راحله
يشتري بـ600 فلس
بس نظامه مادري شلون صاير يقول يعطيك بالاول 300 فلس وبعد اسبوع 300 فلس

مشكورين يا شباب على التفاعل
ما قلتلكم لا تستعجلون احتمال الخبر او الاعلان وهمي
وهو بطريقة التقسيمة 300 /300 اعتبره وهمي

 

[mish3al_99]

امس بالديوانية .. ساموا مني السهم 600 فلس ..


في شراية على 600 ..و شريطية ...

 

[algassem]

مشكورين يا شباب على التفاعل
ما قلتلكم لا تستعجلون احتمال الخبر او الاعلان وهمي
وهو بطريقة التقسيمة 300 /300 اعتبره وهمي

اي انا من قالي عن الطريقه قلت هالنوعيه مومضمونه
بس يطلب صورة رقم التداول؟

 

[الناسجت]

اخوي الناسجت يعطيك العافيه انا دمجت الاسهم بس شنو الاجراء اللي اسويه قبل البيع ؟اخذ اوراق الدمج واعطيها اي مكتب وساطه بالبورصه يوم الاثنين (موعد الادراج) ارجوا شرح الطريقه لنا مشكورا غير مامورا

مساء الخير ..سلم الشهادات للمكتب باجر ضروري

دمتم

 

[wzer]

الناسجت لازم اسلم بطاقة اسهم الوقود للمكتب يوم الاحد ؟ ضرورى ؟
لانه انا بعت بوبيان كرت الاسهم عطيته البروكر وبعته ما قال لى ضيفه بحساب الاسهم مثل ما تقول .
اذا فى قوانين جديده علمنا فيها واشرح الطريقه بالتفصيل الممل لانه ربعك
تراا بياعه باول يوم :d . وبكره الاحد خلاص ما فى وقت
بعدين صج يا بو المكارم يقولون اليوم ينسام ب 600 فلس بسوق الجت ولا بس كلام ؟ قصدى صارت بيعات على السعر هذا؟
اسألك لانى اثق فيك وجوابك هو الفيصل بالنسبه لى بخصوص الاسعار
ولك الشكر

 

[mr_judo]

يعطيكم العافيه يعني اللحين لازم نودي شهادات التخصيص حق المكاتب اللي بالبورصة ضروري يعني ممكن اعرف في ليش اوديها واذا ماوديتها شنو راح يصير وشاكر لكم

 

[hassan_abu3eed]

السلام عليكم

اخواني انا مادمجت الاسهم اقدر ادمجهم باكر باسمي وزوجتي وعيالي وشنو اخذ معاي

 

[بو مريم]

السلام عليبكم يا شباب

والمطر دييمه علي لكويت
انشالله خير
كم واصل السهم

 

[فارس العنزي]

توني جاي من سوق الجت ، ومكتب صاحبنا أبو 600 فلس عليه زحمة ، ويقول أعطيك 300 فلس الحين والباقي عند البيع يمكن أول يوم نزول يمكن إسبوع يمكن شهر يمكن سنة ما أقدر أحددلك ، بس المكاتب الثانية سعرهم 340 فلس وأغلبهم ما يشترون وأحدهم قالي مكتب النصار أبو 600 فلس إشترى اليوم الصبح على 600 فلس كاش دفعة واحده​

 

[F16]

سمعت كلام من اطراف قويه ان الحكومه بتشوف نتائج الوقود الاولى والثانيه واذ اطلعت النتائج مشجعه ومرضيه بتوزع المحطات الباقيه عليهم بتساوى واعتقد ان شالله اذ معلومه صح بتكون من صالح السهم والمستثمر

 

[المستفسر]

السلام عليكم

انا اليوم ذهبت الى المكتب اللي اتعامل معاه فى البورصه لكي اسلم شهادة الاسهم مع ملوت الدمج

قال مايحتاج بس عطنى رقمك المدني وعطيته وطلعلي شهاده برصيدي فى اسهم الوقود وقالي وقت البيع عطهم هذه الشهاده:d

 

[سليمان]

اخر ما وصلني وحبيت اقوله لكم ...

ان الاولى ستدرج ما بين 750 و800 فلس

طبعا هذا ما وصلني واتمنى يكون صح

عموما ان يوم الاثنين لناظره لقريب ..

 

[Abo Thaar]

السلام عليكم

اخوي الناسجت انا اليوم رحت احول اسهم الاولي للوقود ...انا شاري اسهم من خالتي قالي الموظف مايصير ادمجهم يقول ما يصير .... المهم قالي خل تفتح حساب تدوال وتبيعهم وتعطيك فلوسهم .... حبيت اتاكد كلام الاخ صح وله خطا لانه الشباب في المنتدى قالولي يصير ادمج او احول الاسهم اب اسمي ... مادري الموظف صرفني وماله خلق وله كلامة صح ؟؟؟؟

افيدونا جزاكم الله

 

[Ba7ree]

ياجماعة انا اشتريت من ابوي وعيالة كلهم
واخوي وعياله كلهم بس مادمجت ولا سويت شي
شنو صيغة التوكيل ولازم ادمج شنو الاجراء اا ببيع
من غير حضورهم

 

[InUrEyEs]

اخوي الناسجت انا اليوم رحت احول اسهم الاولي للوقود ...انا شاري اسهم من خالتي قالي الموظف مايصير ادمجهم يقول ما يصير .... المهم قالي خل تفتح حساب تدوال وتبيعهم وتعطيك فلوسهم .... حبيت اتاكد كلام الاخ صح وله خطا لانه الشباب في المنتدى قالولي يصير ادمج او احول الاسهم اب اسمي ... مادري الموظف صرفني وماله خلق وله كلامة صح ؟؟؟؟

افيدونا جزاكم الله

اخوى مايصير تدمج من خالتك لك على طول لازم من خالتك الى ابودها الى اهو جدك (اذا كان موجود اذا موموجود مايصير) ومن جدك ليمه امك من امك لك عقب

وسلامتك هذى الطريقه الوحيده

 

[InUrEyEs]

ياجماعة انا اشتريت من ابوي وعيالة كلهم
واخوي وعياله كلهم بس مادمجت ولا سويت شي
شنو صيغة التوكيل ولازم ادمج شنو الاجراء اا ببيع
من غير حضورهم

اخوى الطريقه انك تاخذ كل واحد من اخوانك وتدمجه مع عياله اوكى

عقب اتصير الاسهم كلها بسم اخوانك يعنى عيالهم يندمجون حق ابحااتهم


عقب اخوانك يدمجون حق وابوهم الى اهو والدك وعقب من والدك لك على طول

هذى الطريقه الوحيد

 

[محمد800]

السلام....... شباب انا شارى من واحد من الربع بطايقه و بطايق أعيال عمه و المشكله انه مكتتب لى كل واحد منهم بى شهاده الحاله و المشكله الثانيه أنه فيهم حريم من جذى أنا متاكد انه فى اول يوم مارح يقدر يجمع 21 شخص فى البورصه نصفهم حريم و أنا متوهق و ودى أحول الأسهم بى أسمى لان أنا مالى نيه أبيع و أنا أبى أخليهم أستثمار طويل الأجل أنشالله شباب أبى منكم النصيحه و بذات الشباب المتخصصين فى هذى الموضيع مع جزيل الشكر و الأحترام وأنا ناطر الرد الشافى بأذن الله

 

[بورصة نت]

هل ممكن !!

اخر ما وصلني وحبيت اقوله لكم ...

ان الاولى ستدرج ما بين 750 و800 فلس

طبعا هذا ما وصلني واتمنى يكون صح

عموما ان يوم الاثنين لناظره لقريب ..

والؤال موصول لمشرفنا اخوي الناسجت (اليوم وصل سعر السهم بسوق الجت 600 هل ممكن والا مبالغه !!! وابي اخر سعر تم تداوله علي السهم لوسمحت) ومشكور طال عمرك

 

[skydiver]

اخوى مايصير تدمج من خالتك لك على طول لازم من خالتك الى ابودها الى اهو جدك (اذا كان موجود اذا موموجود مايصير) ومن جدك ليمه امك من امك لك عقب

وسلامتك هذى الطريقه الوحيده

عفوا أخوي اضيف على كلامك ممكن الجدة اذا موجودة يحول الخالة الى الجدة ومن الجدة الى الام الى الابن

 

[ابو سالم]

السهم فوووووووووق

استباقا لبدء تداوله في السوق الرسمي اعتبارا من الغد
المضاربات في سوق الجت نفخت سهم الأولى للوقود إلى 600 فلس
كتب الأمير يسري:

قبل يوم من تداوله رسميا في سوق الكويت للاوراق المالية بلغ سعر الشراء لسهم الأولى للتسويق المحلي للوقود 600 فلس حيث انتشرت الاعلانات الراغبة في تجميع السهم على اساس هذا السعر وهو الامر الذي يعزز توقعات سعر التداول للسهم بدءاً من الغد ضمن هذا النطاق السعري.
ووفقا لمصادر متابعة فان المضاربات الكثيفة على السهم هي التي نفخت سعره إلى 600 فلس معتبرة ان هذا التقييم مبالغ فيه مقارنة باسعار الاسهم المتداولة بنفس السعر المقيم على أساس ايراداتها وأرباحها.
ولفتت هذه المصادر إلى ان الكثير من الاعلانات التي تروج لشراء السهم على أساس 600 فلس تخلو من اية بيانات تكشف معلنيها «رقم التلفون + عنوان المكتب» وهو الامر الذي اعتبر انه حملة ترويجية تستهدف بلوغ هذا السعر خلال بدء تداولات السهم في البورصة اعتباراً من الغد.
من جهة أخرى تحدثت مصادر مقربة من الشركة الأولى لتسويق الوقود الى وجود خطة اصلاح لمحطاتها البالغة نحو 40 محطة بكلفة تدور حول الـ 800 الف دينار للمحطة الواحدة مشيرة الى بدء تطبيق خطة الاصلاح يتوقع ان تكون في العام المقبل.
واعتبرت هذه المصادر ان بلوغ سعر سهم الأولى للوقود الى حاجز الـ 600 فلس في سوق الجت يبدو مضخما معتقدة ان الأمر لا يخلو من محاولة لبلوغ سعر تداوله في السوق الرسمي الذي يبدأ غداً ان يكون فوق نطاق الـ 600 فلس.
وأشارت هذه المصادر الى أن المضاربين على سهم الاولى لتسويق الوقود يعتقدون ان مردود السهم سيكون مجديا في الفترة المقبلة.
يذكر ان ملكية الشركة تتوزع على نسبة كبيرة من المواطنين على أساس ان التخصيص كان في حدود 300 سهم للمواطن وهو ما يجعل عمليات البيع على السهم ليست متاحة للجميع.

تاريخ النشر: الاحد 17/12/2006