أفكار شخص ( متفائل )

[نواخذة الكويت]

المؤشر 46 ، 6292
التغيير -37 ، 22
الوزني +86 ، 0
(كويت15) +02 ، 5
الصفقات 4159
القيمة 17 م دك

 

[نواخذة الكويت]

طبعاا العموم ينظر تصريحي على أحر من الجمر على جلسة اليوم

خل اشوف الإقفالات والملاحظات وشرب زقارة .

 

[الفيلكاوي 75]

اشرب زقاره على كيفك مع قهوى تركيا عشان المزاج يكون رايق بس من غير سكر ياسكر اهم شي الضحكه ترى الدنيا ماتسوى تبي من يضحك

 

[الفيلكاوي 75]

هذي التجاره ربح وخساره بس اهم شي الاخلاق هههههههههه عطنا فاهك شقول اليوم ع السوق

 

[الفيلكاوي 75]

حسين بن عاقول باع لحم اكلاب وعوض خسارت احنى شنو راح انسوي
اكرمتو ياشباب لكم كل التقدير والاحترام

 

[نواخذة الكويت]

اشرب زقاره على كيفك مع قهوى تركيا عشان المزاج يكون رايق بس من غير سكر ياسكر اهم شي الضحكه ترى الدنيا ماتسوى تبي من يضحك

تعجبني يا الفيلكاوي

راحت البال والإبتسامه والإبتعاد عن الشد والعصبيه تخليك ناجح بالحياة .

وهذا من أهداف الصفحة واحتمال احط بالصفحه جاكوزي للإسترخاء

مساج غسلوا ايدكم شعب ناااااشف

 

[نواخذة الكويت]

مجموعة الخرافي تزكي فوزي الخرافي رئيساً لها وشقيقه مهند نائبآ له

http://ktne.ws/5ve

 

[كارتيير]

طبعاا العموم ينظر تصريحي على أحر من الجمر على جلسة اليوم

خل اشوف الإقفالات والملاحظات وشرب زقارة .

محللنا الظاهر بعد الغدا حبس بـ قلاصين لبن ودخل في نوم عميق : (

 

[نواخذة الكويت]

محللنا الظاهر بعد الغدا حبس بـ قلاصين لبن ودخل في نوم عميق : (

هههههههه اتصدق عاد توني شارب لبن

خلك من البورصه وعوار الراس توني شاري غدا من مطعم بهار اللي بشارع عمان مجبوس لحم ولبن .

موصج أكلهم .

اشوي وأدلي بدلوي عن جلسة اليوم الحين باكيت زقاير كامل ما يكفي .

 

[llhamadll]

الله...
شنو هالتوافق في الرغبات...
يعني آنه الحين اذا أقولك ما آخذ غدا حق البيت إلا من مطعم بهار اتصدقني
بس عاد وين قبل الوجبة ب ١.٢٥٠
الحين ٣ دنانير بس يستاهل وبعدين فاتحين ٢٤ ساعة مثل صفحتنا

ها بويوسف بشر... اليوم سبع ولا ضبع؟!

 

[llhamadll]

عندي سهمين حلوين مقبلين على صعده حلوه والله أعلم... بس لو انت تخليني ادعم التحليل بچارتات چان أفدنا ناس وايدين ... لكن المشكلة قايل لاتحط چارت

 

[نواخذة الكويت]

السلام عليكم

مبرووك سوقكم خضر باجر مع ارتفاع السيوله . بإذن الله

لاحظة اليوم ارتفاع وتدفق السيوله في الساعه الأولى من التداول وكما توقعت انها بتوقف عن الزياده إلى ما قرب تسكير السوق .

لكتفاء الشركات القيادية والواعده من الشراء في ظل السوق حمر بالساعة الأولى .

طبعا ليش أوقفو عن الشراء لكي لا يلاحظ المتداول تغيير في القيمة
وفي الساعه الثانية والثالثة من التداول اكتفوا بمراكز جديده بنتظار من يقط عليهم فقط من مضاربين او ناس خايفه من هذا اليوم اللذي سبغ عليه اللون الأحمر .

المؤشر السعري قرقاشه لا تعيرله اهتمام الشركات الخامله لاعبه فيه لعب
لاحض معاي :

صفوان 45 فلس حمر
نابيسكو 50 فلس حمر
بتروليه 25 فلس حمر
بحريه 8 فلس حمر
يوباك 50 فلس حمر
مشاعر 8 فلس حمر
سفن 8 فلس حمر
الحمدلله اصلا على نزول 22 نقطه فقط

يا اخواني انا مو اني متفائل على الفاضي اشوف واشعر من متابعتي إن السوق زين بس في تلاعبات من صناع السوق إللى يوحي للناس بأن لا من جديد في سوق البورصه .

وهذا عاري عن الصحة

شوفوا كويت 15 وشلون ارتفعت القيمه فيه الإسبوع اللي فات وقارنوها بالشهور السابقه كان زين منه يوصل 3 أو 4 مليون .

وأخيراا لا تجعل السيوله هي الشماعه اللتي تعلق عليها انتعاشت السوق

صغار المتداولين تداولهم ما يتعدى مليونيين دينار باليوم الواحد في ظل فقدان الثقه .

إنزين باقي 15 مليون منو اللي قاعد يشتري . صدقوني صناع الشركات شغالين من زمان على الشراء .

لو 17 مليووووون تداول صغار المساهمين جان تحاططنا وشرينا أبراج الكويت

والله يرزقكم يا رب

 

[InDepth]

مساكم الله بالخير.....

مرور للسلام وتسجيل تشجيع واحترام لصاحب الصفحة، ذو الطلة اظريفة، والاسلوب المحبب، والتواضع الجم، والمتابعة الجميلة...
وروادها الكرام....
عساكم على القوة...

 

[نواخذة الكويت]

يا هلا بوسارونة يا صباح الخير
نبارك لك التمييز... عقبالي وعقبال بعض الناس
يشرفني ان نكون انا وياك من رواد صفحة FamouS بس آنه ترى من الرواد الأوائل

بويوسف ترى كله طاب فيني وبس... كله تقول "رواد صفحتي عضو مميز وانت صاعد" يعني ما تشوفني آنه وياك "عضو نشط"

آخ طلعت اتحب المظاهر تبي مميز هااا

ليش طاب أهو في غيري انا معاك بالروم . انت الغالي .

عندي لك مطعم يعجبك دلق اسهيل
تطلب بيض وطماط ايبلك معاه
صنية فيها مربي - جبن ابيض - زيتون - خضره - زيت وزعتر وقرصين خبز تنور على كيفك

وعقبها روح البورصه تمتع .

صارت مو صفحة اقتصاديه
دليل المطاعم

 

[نواخذة الكويت]

مساكم الله بالخير.....

مرور للسلام وتسجيل تشجيع واحترام لصاحب الصفحة، ذو الطلة اظريفة، والاسلوب المحبب، والتواضع الجم، والمتابعة الجميلة...
وروادها الكرام....
عساكم على القوة...

هلا هلا نورت وسفررت وستهلت ومطرت هلا بالدكتور شرف لنا طلتك الحلوه

لا تقرى مقالتي الأخيره حق hamad .

ان فضحنا حسبي الله ونعم الوكيل

اقرى مقالاتي راح اتحس ابجاذبيه من جرأة الكتابه وصدق الكلام والمتابعه

مشكور على حضورك يابو قلب ذهب

Hamad شوف رواد صفحتي محترف
داش صفحتي .

ماله داعي الرواد الكرام قوول انتوا لثنيين انا hamad

تسلملي يا دكتورنا الغالي ونخدمك على يوم بعيونه .

 

[بيانو6]

آخ طلعت اتحب المظاهر تبي مميز هااا

ليش طاب أهو في غيري انا معاك بالروم . انت الغالي .

عندي لك مطعم يعجبك دلق اسهيل
تطلب بيض وطماط ايبلك معاه
صنية فيها مربي - جبن ابيض - زيتون - خضره - زيت وزعتر وقرصين خبز تنور على كيفك

وعقبها روح البورصه تمتع .

صارت مو صفحة اقتصاديه
دليل المطاعم

شكلك تبي تنشف الصفحه من الزباين
حنا ما صدقنا نلقا جمهور يدخلها وانا
قاعد ادز دعوات للاعضاء ابي اسحبهم
من صفحة مشرف المنتدي البغدادي
واخر شي تقول مطعم دلق سهيل
قبل فتره مسكرينه غاش الناس
نفس بن عاقول

 

[llhamadll]

ياهلا بدكتورنا العزيز
انورت وأسفرت حياك الله دكتور زارتنا البركة
لو مخبرنا دكتور چان وصينا على عشا من فش ماركت (بويوسف قول بعد انت من رواده )

 

[بيانو6]

عندي سهمين حلوين مقبلين على صعده حلوه والله أعلم... بس لو انت تخليني ادعم التحليل بچارتات چان أفدنا ناس وايدين ... لكن المشكلة قايل لاتحط چارت

اخوي حمد مدير الصفحه لا يسمح
بالشارت بس بما اني أمون عليه
ما يمنع ذكر الاسهم بالارقام
مثلا:::
مقاومه دعم وقف خساره

 

[نواخذة الكويت]

شكلك تبي تنشف الصفحه من الزباين
حنا ما صدقنا نلقا جمهور يدخلها وانا
قاعد ادز دعوات للاعضاء ابي اسحبهم
من صفحة مشرف المنتدي البغدادي
واخر شي تقول مطعم دلق سهيل
قبل فتره مسكرينه غاش الناس
نفس بن عاقول

شووف سحبتلكم محترف وانتواااااا صارلكم سنة ماسحبتولي عضوو بو مشاركتين

خلك مثلي دش الصفحات وكل ما اتشوف اثنيين متهاوشين اسحب واحد منهم علبوو اتراضيه ههههه

شلونك بيانوو حبيب والله

 

[بيانو6]

شووف سحبتلكم محترف وانتواااااا صارلكم سنة ماسحبتولي عضوو بو مشاركتين

خلك مثلي دش الصفحات وكل ما اتشوف اثنيين متهاوشين اسحب واحد منهم عليو اتراضيه ههههه

شلونك بيانوو حبيب والله

هههههههههه ابشرك بخير
اصبر بويوسف الخير جدام صفحتك راح
تشوفها مثل شارع المطاعم من كثر
الاعضاء