توقيع الاتفاق النووى مع ايران

[ابو محمد 2007]

هل التوقيع مع ايران من صالح السوق

 

[سرور]

هل التوقيع مع ايران من صالح السوق

يبين يوم الاحد القادم

 

[fahad2000]

 

[fahad2000]

 

[whaler]

هل من الممكن بيع الخرافي صافولا واخذ كاش واستثماره في ايران ....

 

[ضحية جراند]

السوق نازل نازل ما له شغل بايران او غير ايران الا اذا تغير سعر النفط وارتفع

 

[whaler]

اتوقع السوق اخضر
لان سوقنا مايمشي مع اسواق الخليج يمكن هالمره يمشي مع ايران

 

[whaler]

السوق الايراني للاسهم طاير ..
والخليج كله طار
ومصر اللي عنده الثوره طار

الوحيد السوق اللي ماتحرك الكويت ...هل يتحرك مع ايران

 

[سلفادور]

السوق يبي مبادر ويبي مباركة الحكومه وشوية دعم وجم تصريح ناري ويبي تعديل القانون اللي دمر السوق علي قولتهم
هذا اهو رد الثقه للسوق
والله اعلم المستثمر الخليجي والمضارب عينه علي السوق الكويتي بالنسبه للاسعار الحاليه
اما بالنسبه للشركات راح تتعدل ميزانياتها بس ترتفع البورصه لان كل الشركات لديها ملكيات متداخله لهذا السبب نجد تعمق الخساره كل عام بسبب النزول المستمر لهذه الملكيات
والله اعلا واعلم
اما بالنسبه للي حاصل في المنطقه كل راح ينتهي بمجرد اللتزام ايران بموضوع اتفاق النووي
انا اعني الاوضاع في اليمن سعر النفط الازمه السوريه الازمه العراقيه كل هذا سوف يتلاشى لان هذه كلها اوراق كان يضغط بها علي ايران للانصياع للرغبة الامريكيه
والله اعلا واعلم

 

[الصريح والصحيح]

محد يملك نووي ان كان هناك نووي
لا اسرائيل ولا ايران ولا فكستان والهند ولا اليابان
وحتى امريكا معهم
محد يملك ها السلاح ان كان موجود صحيح
مو مثل سوالف المريخ والقمر
غير بريطانيا وفرنسا والألمان
الباقي كلهم هقايص وكمبارس مثل الخليج واسرائيل وايران
ايران كل ها المفاوضات عشان تحفض الدور
المسند لها
والله يعين

 

[sadsa]

اذا كان هناك مشاريع انتاج او إعمار أو استثمار
الدوله الأقرب ل إيران بعد العراق
هي الكويت
الكويت تعتبر البوابه الأقرب لإيران
إن تم إستثناء دبي
وان تم العبور من الكويت
فالشركات التي ستستفيد
الزمرده
الرابطه
أجليتي
مشرف وجيران القابضه

 

[الزاجل@2]

مارايح يرتفع السوق الا في معادله ارتفاع الفائده و انخفاض الدولار و ارتفاع البترول غيره أنسى

 

[murgab]

اشتر الرابطة و ربعها عيل

 

[المطرود]

انا اقول اشتروا التومان وشوفوا شلون راح يطير وراح اذكّركم

 

[الراقي]

ماراح يرفع البورصة غير فلوس الحكومة
التجار يبون فلوس من الحكومة
مافي فلوس البديل سرقة ارباح الشركات حتى تفلس

 

[المستفسر]

اتفاق محكم http://www.mozdwj.com/?p=12881

 

[رابح رابح]

مبروكين اسواق العالم بتصعد واحنا كالعادة نازلين .. ايجابي .. سلبي .. بسبب .. بدون سبب .. نازلين .. نازلين
لأن سبب انهيار السوق والضغط عليه تفليس وتصفية اموال صغار المساهمين
وحاليا انخفض التداول الى 7 ملايين وكلما انخفض التداول تحققت خسارة اكبر قدرممكن من المساهمين لأن انخفاض التداول هو عبارة عن تاكل حجم الاموال المتحركة بالسوق بسبب الخسائر وليس انخفاضها .. وانخفاض القيمة وتنشيف السوق يعني ان تحقيق الهدف اقترب من النهايته وان الارتفاع قريب

 

[السعد محمد]

هذا الخبر اللي انا ناطره من سنيين

بس المهم التوقيع كان بالقلم الاحمر او الازرق

 

[BOAHMAD]

سوق الكويت للاوراق الماليه بغيبوبه
عايش عالاجهزه ،، مايحس باي شي حواليه ،،
ادعوله يمكن يجي يوم يفز ويصحى من الغيبوبه

 

[سرور]

سوق الكويت للاوراق الماليه بغيبوبه
عايش عالاجهزه ،، مايحس باي شي حواليه ،،
ادعوله يمكن يجي يوم يفز ويصحى من الغيبوبه

اصبر بس شهر او 3 اسابيع
راح يعطونه ابره تشوف سوقنا مثل الحصان