لو تكرمتم ابي شركة محترمة وثقة لتداول الذهب والنفط والعملات في الكويت ...

[رابح رابح]

هلا اخوي رابح يتداولون في محفظتي طبعاً لا انا محلل ولي فرص في السوق ان شاء الله وهم لو فيهم خير ويطلعون شي من تحليلهم كان ما بطلو شركة لكي يربحون من عمولات التداول كان تداولو لانفسهم وحققو الكثير لكن هذا سوق خطر للغاية وفيه فرص بنسبة لمحللين اليوت الترقيم الي ياخذ شهور في السوق الكويتي ما ياخذ ايام في الاسواق العالمية والسبب الاول السيولة العالية واهم شي في الاسواق العالمية هو الصبر وعدم الاندفاع او الطمع ويجب ان تكون هناك فرصة لكي تشتري وعدم الاعتماد على الحظ ...

اخوي الاشعف اذا تقصد يديرون محفظتك خطرة السالفة .. يقولون لو فيه خير ماعافه الطير
حجم الودائع ضخم جدا بالبنوك ولو فيها ربح ومافيها خطورة عاليه جان اشتغلو بفلوسهم اللي تارسه البنوك
احنا نشتري اسهم نظيفة بالبورصة وندرس الشركة دراسة وما سلمنا منهم يشفطونك فلوسك بألف طريقة وشوف والكتاب بين من عنوانه الشركات الاستثماريه كلها غرقانه واسعارها بحتات الفلوس والبنوك والديانه يرقعون لهم واذا اربحو ماتطول منهم شي
في محامي يقولي وايد قضايا على المشتقات ولاتقدر تثبت انهم ربحانين

 

[الأشعف]

السموحه منك اخوي الاشعف علي التأخير
شركة وفره شركه رسميه وانا اتعامل معاهم
ولهم افرع بدول الخليج وانا شغال معاهم
من سنين شغلي علي اكتتاب الشركات
الجديده بدول الخليج والحمدالله
ماشيه حلاوه شغل الاكتتابات
وتقدر تتداول عن طريقهم النفط لاني
سألتهم مره وقالو عادي
اما الذهب لا علم لي فيه
وموفق خير اخوي

الله يجزاك خير اخوي بيانو ببحث عنهم اكثر قبل لا اروح لهم واتأكد عندهم حساب اسلامي ...

 

[الأشعف]

حلوه حساب اسلامي انت تتعامل مع يهود ماسكين الاقتصاد العالمي

هلا اخوي على ذمتهم في حساب اسلامي بدون فوائد ربوية على التثبيت وبدون أي عمولات اضافية اما التعامل الكل يتعامل معهم الدول والبنوك والتجار واذ هم مسيطرين على الاقتصاد العالمي يعني هم الي نشتري منهم كلشي شلون ما تبيني اتعامل معاهم !!!

 

[الأشعف]

حلوه حساب اسلامي انت تتعامل مع يهود ماسكين الاقتصاد العالمي

اخوي في شغله ودي اقولها بس تعور ...
تدري انك لو تحط فلوسك في الشركات الكويتية او العربية الي تداول في العملات اغلبها نصب وهمية واذا ربحت مبلغ وقدره ضربوا عليك فلوسك وصفرو حسابك ويا خذون فلوسك وارباحهم وعقبها يقولوك روح اشتك اما الي تقول عنهم يهود وانت صاج فيها روح تداول عندهم في بريطانيا او امريكا او سويسرا او فرنسا او استراليا وغيرها الكثير لو تربح ملايين الدولارات فلوسك محفوظه والسحب على كيفك متى ما تبي للاسف هم اكثر ذمة من ربعنا هذا هو الصحيح لا تكابر ...

 

[الراقي]

المحللين يقولون الذهب رايح ٨٠٠ يعني في نزول قوي والله اعلم

 

[ابو البراء]

دف علي ونشاالله افيدك اعطيك الوسطات المرخصه والفرق بينها ٥٠٩٣٢٣٧٧

 

[mn7ash]

انا اتعامل مع شركة orbex موقعهم برج التجارية الدور 24 ممتازين ومعاهم اكثر من 7 سنوات ممكن تدخل موقعهم وتعرف اكثر

 

[ابو البراء]

لا اربكس مو احسن الموجيدين وسيطهم في قبرص

 

[ابو البراء]

ونصيحه ياخو تترك هذي الاسواق مافيهاخيرنسبه قليله الربحانين وكثر اهل الوساطه كانو خسرانين في السوقوافتحو وساطه واشتغلو علي الناس

 

[bonoor]

ونصيحه ياخو تترك هذي الاسواق مافيهاخيرنسبه قليله الربحانين وكثر اهل الوساطه كانو خسرانين في السوقوافتحو وساطه واشتغلو علي الناس

ابو البراء ممكن تحط لنا الشركات الثقة لانى هم انا ادور شركة ثقة وشاكر لك

 

[bonoor]

الاشعث قالو لى عن الوطنى عندهم بس ما رحت لهم تاكد منهم في برج الراية واذا حصلت شركة ثقة لاتنساني معاك

 

[ابو البراء]

شركه نور وشرت فيها شركه اموال نسبه اكثر من خمسين بالميه وراس مالها خمسه عشر مليون دينار تلفون تحت اذا بقيت دق علي وابشر بالخير وعلي فكره مالي مصلحه لاني بروكر رلا ماركت بس مابي احد اتورط بها الشركات

 

[الأشعف]

انا اتعامل مع شركة orbex موقعهم برج التجارية الدور 24 ممتازين ومعاهم اكثر من 7 سنوات ممكن تدخل موقعهم وتعرف اكثر

لا اربكس مو احسن الموجيدين وسيطهم في قبرص

نصحوني اني ما تعامل مع شركة وسيطها في قبرص يقولون اكثر الي في قبرص شركات وهمية ...

 

[الأشعف]

الاشعث قالو لى عن الوطنى عندهم بس ما رحت لهم تاكد منهم في برج الراية واذا حصلت شركة ثقة لاتنساني معاك

لا اخوي البنك الوطني لو فيه ادش مغمض وكان ما تعبت نفسي وانا ادور شركة ثقة ولا بنك داخل الكويت عنده تداول السلع والعملات اعتقد بعدين مع الوقت راح يصير ...

 

[الأشعف]

شركه نور وشرت فيها شركه اموال نسبه اكثر من خمسين بالميه وراس مالها خمسه عشر مليون دينار تلفون تحت اذا بقيت دق علي وابشر بالخير وعلي فكره مالي مصلحه لاني بروكر رلا ماركت بس مابي احد اتورط بها الشركات

اخوي ابو البراء كانت في بالي بس انصحوني اوخر عن شركة نور طيب شركة كافيو او شركة وفره شرايك فيهم ...

 

[ابو البراء]

يا خو مااعرف اسولف كتابه ولولا هالموضوع ماكتبت شي لاكن خايف علي الخوان والدين النصيحه تلفون عندك واعطيك من المعلومات لين تشبع وانت ماشالله عليك تقول محلل

 

[الأشعف]

يا خو مااعرف اسولف كتابه ولولا هالموضوع ماكتبت شي لاكن خايف علي الخوان والدين النصيحه تلفون عندك واعطيك من المعلومات لين تشبع وانت ماشالله عليك تقول محلل

اخوي ابو البراء المحلل يحلل الشارت اما الشركات النصابة ابي الي يحللها لي