اها يعني انت تحثنا عالبيع وابخسارة طيب بما انك خبرة في تاريخ بيت التمويل الخليجي ليش ما حذرت منه ايام ما كان فوق الثلاثين والاربعين ياي الحين تقول الحل بيع واب خسارة اسمحلي اخالفك الراي
لأنه احتمال كبير يرتفع السهم في المستقبل لأنه الشركة اذا بتستمر في السوق وتبي الناس تشتري اسهمها لازم تغريهم وترفع لهم السهم وتصدق ولو في البداية
~~~~~~
لا يا بو عيون فتانه. لا أحث على البيع أو أية توصيه.
هل قلت كلمة أنصح بالبيع ؟
مو إنت إللي سألت راي في الحل للمشكله.
رديت عليك. جاي تعايرني، " أها ...ليش ما قلت هالكلام و حذرت من الاول، الحين تنصح و تحذر"!
و ليش ما حذرت لما كان سعره فوق الثلاثين و الأربعين ?
أي منطق هذا.
وقتها كان الواحد متبقي عنده أمل، و لو قليل جدا إن تتحسن الأمور أو في أسوأ الأحوال تستمر على ما هي عليه. و لكن فجأه قطو علينا قنبلة التخفيض الجديد - إللي محد توقعها و لا توقع حجمها - دمرت كل ما تبقى من أمل في الشركه و إدارتها.
أبي أسألك..أنت و كل إنسان ذي لب (يعني عقل) يقرء الصفحه: في مفاجأه (قنبله) أكبر من إنك قاعد تزيد راس المال كل إسبوع، حتى خلال ألسنه الحاليه ٢٠١٥، ثم بعد يومين من إنتهائها، و الكل تنفس الصعداء (حمدلله، إنتهينا منها)، فجأه يصعق السوق: لا بد من إجراء تخفيض كبير في راس المال !!!
وين صارت، هذي وين صارت، في أي شركه، في أي سوق. أتحدى تلاقي شركه مساهمه في العالم (مو بس في الخليج) عملت مثل هالحركه الجنونيه.
أما عن ما ذكرته أنت: " احتمال كبير يرتفع السهم في المستقبل لأنه الشركة اذا بتستمر في السوق وتبي الناس تشتري اسهمها لازم تغريهم وترفع لهم السهم وتصدق".
حلوه هاذي. نفس الكلام انقال (حتى أشد معارضين جناحي في ذاك السنين، قالو: خلاص ننتظر و نشوف، عسى أن يكون القادم أفضل / إن شاء الله). و يعلم الجميع ما حصل بعدها من جناحي. سواء في زيادات راس مال أو التخفيض الشهير بو ٧٥ %. و ما تبعه من زيادات ملياريه في عدد الأسهم. و طرده من البنك إلخ.
يا بابا. إذا إنت و الأخ الثاني منتو قادرين تستوعبون السيرة الدمويه لتمويل الخليج، فهذا شأنكم، و لن أقول هذا مستوى إدراككم و فهمكم. أنتم أحرار.
نقطه أخيره، عشان بس نسكر هالموضوع، و نترك المجال للغير.
أقسم بالله العظيم. قسم بالله، إني أتمنى مو بس يرتفع السهم و كل الإخوان يربحون منه، بل يجي اليوم إللي نشوف فيه السهم محلق على مستويات ١٠٠ فلس و محد قادر يصيده.
لكن الموضوع ما هو تفائل و تمنيات. لكن واقع و ماساة.
إذا تم التخفيض، السيناريو إللي راح يحصل هو نفس سيناريو جناحي. أيام جناحي فتح أول يوم تداول على مستويات ١٢٠ فلس و ما شاف هالسعر بعده. الآن بيفتح على مستويات ٥٠ فلس، و أيضا راح يخق قوع بعده.
مفهوم الآن !
الحمدلله على نعمة العقل.
إنا لله و إنا إليه راجعون
# كل هالكلام مبني على أساس إنه قرار التخفيض سوف يتخذ و يعتمد في إجتماع يوم الأحد القادم. و هذا ما يبدو إنه سيحصل. كل السوق، و المساهمين متوقع التخفيض، و يعتبرون الأمر مفروغ منه.
يعني إذا قدر الله، إن شاء الله، لم يتم التخفيض أو قلت نسبته، مثلا بدل ٦٠% خلوه ٢٥% تخفيض، كل ما ذكر سابقا عن رأي في بيع السهم لاغي، و كأن لم يكن.
