PRKR

[2020]

شدعوه ليش تعتذر
هذا سوق اسهم كل شي فيه وارد
بالعكس جزاك الله خير علا المتابعه
وطول عمري اسمع عن موجات اليوت والصراحه شجعتني على دراستها

 

[2020]

سؤال: هل التحليل الموجي يستطيع تحديد المده اللازمه لتحقيق الهدف؟

 

[q8loving]

أكيد التحليل الموجي يستطيع تحديد المكان والزمان

انا ما درست هذا الموضوع موضوع الزمن ولا افهم فيه
بس مرات احاول اتوقع الزمن بناء على سلوك السهم في موجاته في الماضي

بس قريت انه فيه واحد اسمه GANN كانت توقعاته الزمنية مضبوطة وعنده خرائط وزوايا وموظفين رسامين خرائط للاسهم

http://en.wikipedia.org/wiki/Gann_angles

 

[2020]

اغلاق فوق 1.05$ نمسك السهم
اغلاق اسفل 1$ نطلع حتى إشارة شرا جديده
واعتذر عن أول شارت لان المفروض الواحد ما يتسرع ويعتمد علا الاغلاقات
الصراحه إغلاقه كان مفاجئ بالنسب لي
الحمد لله على كل حال

 

[q8loving]

اخوي 2020
راجعت السهم مرة اخرى
لقيت عندي قصور في فهم الشارت الصعب هذا

ليش؟

PRKR مسوي قاب تحت قبل
والشغلة هذي ما تعلمتها للحين
بس قريت ان القاب غالبا يكون في الموجة الثالثة
فإذا اعتبرناها موجة ثالثة يعني لازم تتحقق عندنا الموجة الخامسة
رسمت خط ابي مكان الموجة الخامسة وين
طلعت تحت حيل

وقريت ايضا انه في حالات خاصة مرات ما تتكون عندنا موجة خامسة وتسمى في هذه الحالة Failed fifth wave

لذلك أغلب الظن اننا في موجة تصحيحية مستمرة من زمان والدليل بتاريخ 29-10-2013 فيه شيء غريب حصل

وطبعا ماذا يحدث في الموجات التصحيحية وشنو انواعها لم ادرسه لحد الآن
لكن تعلمت انه يجب على المتاجر ان يتجنب الدخول داخل الموجات التصحيحية
ويدخل في الموجات الطبيعية اللي يعرف راسها من كرياسها

وحاولت اتذكر شلون حكمت اننا في الموجة C
ماتذكرت شنو الطريقة اللي سويتها
بس اكيد مسوي خطأ
لأن C لا تأتي الا بعد الموجة الخامسة
والموجة الخامسة لم تتحقق بعد
او انها فشلت وطريقة التعامل مع فشل الموجة الخامسة ما درستها للحين

لذلك انا اعبر لك عن اسفي في فهم هذا الشارت وتحليله موجيا

 

[q8loving]

اعرف نوع واحد من الموجات التصحيحية وهو التعرجات zigzags وما اعرف الا اسمها
واذا تلاحظ الشارت اليومي المحطوط ستلاحظ من اليسار حرف z وجاء وراه حرف z ادنى من مستواه
بعدين رحنا في قناة ضيقة
وحرف ال m شكله راح يتكون
والشكل اللي على يسار ال m اعتقد سيستنسخ

 

[q8loving]

الشرط الاول لتطبيق نظرية اليوت في تحليل الموجات هو ان تكون هناك سيولة
اذا كان هناك سيولة يصير الشارت ذرب ومعبرا عن نفسية المتاجرين من خوف وطمع
A free, open, and liquid market is required for EWT to work well

 

[2020]

الله يعطيك العافية
شكل التحليل الموجي مو سهل ويحتمل اكثر من نظره

بالنسبة لي ال 1$ ستوب لوز اذا كسر لتحت بعت واذا رد فوق اشتريت

شرايك نفصل على lei عنده اندماج ويمكن يضرب معانا خاصه أسعار النفط قاعده اتحسن

 

[q8loving]

الله يعافيك

ماكو شي سهل او صعب
بس الله ما يرضى الواحد فينا يدش عمليات مقامرة بحلاله
لذلك هناك حاجة ماسة لهذا العلم عندي وعند اللي مو عاجبه يدش عمياني

انا بعد للحين ما قريت الا الاساسيات او المباديء يعني للحين ما تعمقت فيها
ودخلت هذه التجربة وانا حاط في بالي انها راح تاخذ سنين والله يعين

بالنسبة للسهم PRKR الشارت ماله يسمونه elliott wave complex correction
موجات معقدة تكون غالبا عبارة عن موجات تصحيحية مستوية flat وقطرية diagonal ومثلثات ومتعرجات
وهذه الموجات لها ترقيم خاص انا ما تعلمته لحد الان

ونظرة سريعة على الرسم هذا
يتضح ان PRKR رايح للنقطة b


بس هذا الشيء لا تعتمد عليه لانه مجرد توقع مقارنة لرسمة المتعرجات اللي على اليسار

 

[q8loving]

الله العالم ان لوكاس LEI رايح للمنطقة بين 0.75 - 1 دولار
خلال اسابيع
يعتمد على تسارعه في الارتفاع فإذا ارتفع بسرعة وصل للدولار
واذا مشى على مهله وصل الى 0.7 تقريبا

هذا توقعي السابق لسهم لوكاس
ونسيت على شنو بنيت هذا التوقع
لكن الان اقدر اقول ان تعليقي عن السرعة والبطء
هو اكيد لأن السهم كان عبارة عن متعرجات
وتقديري ان المدة هي 10 اسابيع ماكسيمم
بس ارجع واقول ما يصير ندخل في موجات تصحيحية ما ينعرف راسها من كرياسها
شوف لك سهم ترنده واضح وادخل فيه
والله اعلى واعلم

 

[2020]

جزاااك الله خير
كفيت و وفيت

 

[q8loving]

دونت منشن ات

 

[2020]

كسر منطقة التماسك الأعلى
متجه لتحقيق الهدف بإذن الله 1.25-1.30$
مقاومة 1.12 1.31
والله اعلم