متابعة السوق .... بدايه ونهايه

[يوسف_007]

انا اتجنب الكلام السياسي لانه خساره للوقت والصحة ومايستفيد منه الا السياسيين
بوأحمد بس لاتعور راسك وتأكد من شي 200% الكويت فيها خير من الله وميزانيتها قوية جدا اكثر مما تتخيل وادارتها المالية ذكية جدا
والتصريحات الحالية عباره عن تكتيك سياسي وتوظيف للارقام وتوظيف نفسي وماكو الا الخير وبيتبع الاحداث الحالية عمليات تخصيص لقطاعات مهمة والله وعلم

يابو خالد انت صريح وكلامك جدا مؤلم للي مايبي السوق يرتفع شكرا لك

 

[يوسف_007]

ماله داعي تعتذر .. انت انسان طيب .. بس مشكلتك تعتقد انك تقدر تصلح الكون .. وهذا مستحيل !

ركز بشغلك .. وتاكد انه في ناس تتابعك وتاخذ بكلامك وتدعيلك .. وهذا هو الهدف ..

الحكيم جراح عام .. في كل مره يضيق فيها صدري .. لازم ألقى رقمه على تلفوني .. يذكرني بهدفي واللي هو مساعدة الناس علشان يدعون لابوي الله يرحمه .

وفعلا في كل مره اصحى من غفلتي .. جزاه الله خير .. مثل البلسم

اعطيه رقمك ؟؟ هههههههههههههههه

ههههههههههه

اذا عنده قذله عطه رقمي

 

[يوسف_007]

اسمح لي بالمداخله

بوجهة نظري
انت صح وهم كذلك صح
الفرق انك انت نظري وهم عملي
انت تستقري الشارت المستقبلي
وهم ينظرون الشارت الحالي
اتمنى وصلت الفكره

وصلت ياعقالي

 

[ابو محمد 2007]

والله ما عرفك يابوعبدالله الا فى المنتدي لكن والله انى احبك فى الله

 

[يوسف_007]

سبحان الله
كل شي اخضر بس ماقدرو يخترقون المقاومة
العلم نوران

هذا يسمونه اللعب مع الكبار

شوف باجر جم يفتح السوق ان شاء الله

 

[يوسف_007]

وتحركوا وخلصوا من ٢٦ يناير

صار لهم الحين اكثر من اشهر وعيني ماتطيح عنهم احوس فيهم حوس كالذئب

ماعدى الشارقة دخل معي يوسف وقبسني هههههه ياالله تكة

اعرضهم واخذهم منك

انا ماقبست السهم نشف واليوم نطرته يعرض ماعرض واخذت ٨٩ وطلبت ماعطاني وكملت الباقي ب ٩٠
اذا عندك كميه اعرضهم باجر ٩٠ واخذهم منك ههههههه وبعدين ابيعهم عليك فوق

وشوف قبل يومين لما نزل السوق ٩٠ نقطه اخذت اجل ١٠٠ الف وتمنيت يعرض بذاك اليوم وبعد ماعرض

 

[سرور]

اخواني نبارك لكم
بورصتنا تنتقل الى العالمية بعد تداول اليوم

 

[سرور]

سوقنا مو طبيعي
يامجنون فوق يا مجنون تحت
اظن لف الموجة ..يامعود خلك على الاولى

 

[Albaghdadi]

برنت وصل 57 .. يا جماعه صرت محلل نفط ..

 

[خالد تعرف]

من شهر طاقتنا القلقه لما وصل النفط 60 دولار ، و الحين فرحانين إنه وصل 57 !!!



سبحان الله العظيم و الحمد لله على كل حال

 

[قريب منكم]

يا أخوان فضلن لا أمرن ممكن تحليل بيت الاستثمار الخليجي من. حيث وظع الشركه مالياً والدعم والمقاومه للسهم والله لايحرمكم الاجر


وهل يتأثر في إعلان بين التمويل في أرباحه

 

[رابح رابح]

يابو خالد انت صريح وكلامك جدا مؤلم للي مايبي السوق يرتفع شكرا لك

مرحبتين كبار اخوي بويعقوب .. دائما الصراحة هي زبدة الكلام واللي تحبة دوم صارحه كل يوم
بواحمد البغدادي من الناس الصادقين والمخلصين والغيروين على وطنهم وانتقاد السلبيات دليل الاهتمام والاخلاص لان الكويت ام الخير والناس تخاف عليها
اذا واحد عنده شجرة صفصاف مايهتم بتكسيرها واذا عنده نخلة برحي طيبة مايرضى احد يخرب فيها غصن
وشكرا لك على مرورك بو يعقوب

 

[ناوي]

ابوخالد رابح رابح شيخ التحليل والدراسات شغلك دائما عدل مدل ماتقول الا الصح وشهادتي فيك مجروحة ماشاءالله ولا اله الا الله
ممكن بس تغير منجا وتستبدلها بنخله ترى احنا في مجتمع نحب النخل ونهتم فيه جزاك الله خير

 

[رابح رابح]

عصب حياتنا ومستقبلنا بوخالد

كلامك عدل ولكن الانخفاض الحالي مؤقت ومرحلي وتم توظيفه للضغط على السوق ..واثناء ارتفاع النفط واسواق العالم لم يرتفع سوقنا
وتم توظيف انخفاض النفط بطريقة سلبية ومدمره نتج عنها تضخم مالي كبير وانخفاض للقيمة الشرائية
والوضع الطبيعي هو زرع الثقة للحد من استغلال انخفاض النفط للمبالغة بالتهويل واثارة الذعر لأن التصريحات السلبية ترتب عليها ارتفاع كبير بالاسعار وعزوف عن الاستثمار في جميع المجالات بسبب الصورة الضبابية المتعلقة بأسعار السلع والخدمات والرسوم وهروب رؤس الاموال الى اسواق اخرى

 

[رابح رابح]

ابوخالد رابح رابح شيخ التحليل والدراسات شغلك دائما عدل مدل ماتقول الا الصح وشهادتي فيك مجروحة ماشاءالله ولا اله الا الله
ممكن بس تغير منجا وتستبدلها بنخله ترى احنا في مجتمع نحب النخل ونهتم فيه جزاك الله خير

ههههههههههههههههه
ماعليك زود اخوي ناوي انت تاج الراس وحاضر اغيرها واكتب برحية طيبة

 

[المقاتل]

شنو صار على تعديل قوانين هيئة سوق المال

!!!

 

[الصيااااااد]

والله ما عرفك يابوعبدالله الا فى المنتدي لكن والله انى احبك فى الله

احبك الله ورسولة وملائكتة والناس اجمعين الذي احببتنا من اجلة ، وانا ايضاً بومحمد

 

[الصيااااااد]

اعرضهم واخذهم منك

انا ماقبست السهم نشف واليوم نطرته يعرض ماعرض واخذت ٨٩ وطلبت ماعطاني وكملت الباقي ب ٩٠
اذا عندك كميه اعرضهم باجر ٩٠ واخذهم منك ههههههه وبعدين ابيعهم عليك فوق

وشوف قبل يومين لما نزل السوق ٩٠ نقطه اخذت اجل ١٠٠ الف وتمنيت يعرض بذاك اليوم وبعد ماعرض

عن جدك صار عندي ردة فعل يوم قلت انك ناوي تأخذ آجل فية

واخوك مايستقر بسهم واحد مستحيل

دائماً انشر المحفظة بكل القطاعات ، وبالأسهم اللي اعرفها عدل

 

[سرور]

من شهر طاقتنا القلقه لما وصل النفط 60 دولار ، و الحين فرحانين إنه وصل 57 !!!



سبحان الله العظيم و الحمد لله على كل حال

ما أظن هالمرة نطوف 60 دولار

 

[امبركو]

ما أظن هالمرة نطوف 60 دولار

ان شاء الله يطوف
مادامه ارتد ارتداد طيب ماشاء الله ..