شركة سنام العقارية ش.م.ك مقفلة ( سنام ) .

[نصيب]

الله يحييك يابوسعود ومشكور على الرد السريع وأنا كنت بالسوق من زمان
وبعدين البيع ماكو لين تقول بيع والسهم مايخوف ولا طلع وميزانيته ممتازه
يعني راسماله موجود احسن من غيره وإن شاء الله يطلع الإسبوع القادم
مع جزيل الشكر يابو سعود .

 

[SAMSUNG]

العفوا نصيب

هذا واجب

نصيحتي لك

استثمر بالسهم

وخذ ارباح منه

وبإذن الله

منطقة البيع

بعيده ماتشوفها

حتي بدرببيل

اتمني انك فهمت قصدي

والله اعلى واعلــــــــــم

 

[عجبي]

فعلا لاحظت معظم الأسهم قبل التعليقة .. يخلونه كأنه زبالة ومايسوى
وينزلونه للحضيض وبكميات كبيرة وبعدين يطير فيه لفوق ماحد يقدر يصيده

 

[الوافي ابو محمد]

السهم لازال جيد وفرصه للشراء ولاكن هناك يوم الأثنين محاكمه لمسلم البراك وأتوقع السوق نزول ومن الممكن نلاقي سهم سنام حد أدني

 

[q1888]

اعتقد والعلم عند الله بأن السهم متجه الي 68
ولكن بجميع الأحوال السهم طيب وممتاز

 

[عجبي]

ما شاءالله الكل ينتظر نزوله
حسبت بس أنا وحدي انتظره

 

[q1888]

ان نزل سعره فهي فرصه للتجميع السهم راس ماله قليل رييييشه وهاذي ميزه طيبه
نبي خبر ايجابي مع ارباح طيبه للربع الأول

 

[نصيب]

تم يا بوسعود نصبر ونشوف والله كريم وجزاك الله خير أنت والأخوه الموجود ين .

 

[مجد 91]

انتبهوا اغلب المحافظ مخادعين
الكل ينتظره بانزل الأسعار وبعدين يطلع فيه
فعندي طريقه ممتازه والأكيد أغلب المتداولين اللى عندهم خبره
يعرفها هي عملية تبريد
فقسموا الكمية كل مانزل اشتر
يعني مثال اذا نزل 72 اشتر كمية
واذا نزل 71 اشتر كمية اخرى ..الخ
انا الحين طبقتها من ال75 فلس
وان شاءالله راح اشتري يوم الأحد وراه وراه
وأنا من النوع اللي يسكر على السهم خل يروح يدوره

 

[أبو فلسين]

السهم عيبه بطيئ الدوران

 

[مجد 91]

السهم عيبه بطيئ الدوران

والجميل فيه أسهمه قليلة وما عليه ديون وأي واحد يقدر يخمه
ويسكر عليه بالتجوري ..وتعال دور عليه

 

[q1888]

ياجماعه عندي سؤال مهم شنو تملك سنام واملاكه وين نبي اللي عنده معلومات يفيدنا

 

[مجد 91]

الشركة ترتكز على تملكها حصصا مؤثرة في معظم الاسهم التشغيلية بالسوق وخصوصا سهمي بيتك والوطني، بالاضافة الى تملكها لحصة رئيسية في مكتب الوطنية للوساطة حيث تعادل قيمة تلك الحصة بالوقت الحالي رأس مال الشركة بالكامل.
ولكن العقارات راح أبحث وأوافيكم بالموجود

 

[q1888]

نرجو التفاعل مع السؤال المذكور أعلاه للأهميه ومن لديه معلومات تفصيليه ياليت يؤافينا

 

[سرور]

نرجو التفاعل مع السؤال المذكور أعلاه للأهمية ومن لديه معلومات تفصيلية ياريت يوافينا

اللي أعرفه ان في سنة 2008 عندها استثمارات عقارية في السعودية والبحرين ودبي

 

[بروكر محترف 2]

للمضاربين كل واحد وقناعته عندكم ال 72 و 75 و 78

مبروك أهل سنام وصل اعلى سعر 77 المقاومه 78 ودعمكم 74 و 71 و69 واختراق 78 تشوفون ال 82 هنى جنى ارباح ومقاومه واختراق 82 البيع على 88 فلس

هذه خارطة الطريق للمضاربين بالتوفيق اهل سنام

 

[العبدلـــي]

بارك الله فيك صانع سوق

خلك عينك علي

٧١

وان شاء الله

مسار سهم لازال بالايجابيه

وبإذن الله

٧٧

مكسوره

وان شاء الله

نشوف الابتسامه علي ملاك سهم

فاز باللذات من كان جسورا

وصبرا جميلا والله المستعان

 

[بروكر محترف 2]

بارك الله فيك صانع سوق

خلك عينك علي

٧١

وان شاء الله

مسار سهم لازال بالايجابيه

وبإذن الله

٧٧

مكسوره

وان شاء الله

نشوف الابتسامه علي ملاك سهم

فاز باللذات من كان جسورا

وصبرا جميلا والله المستعان

واياك اخوى العزيز وعلى الاسبوعى ممتاز واختراق ال 78 نقول مبروك بالتوفيق

 

[العبدلـــي]

اخوي صانع سوق

اعتبره وديعه ولا تعب نفسك بالتحليل

وسهم ايجابي وانسي المقاومات

وفالك ١٠٠ فلس

الله يوفق ملاك سهم

باذن الله

 

[SAMSUNG]

اخوي صانع سوق

اعتبره وديعه ولا تعب نفسك بالتحليل

وسهم ايجابي وانسي المقاومات

وفالك ١٠٠ فلس

الله يوفق ملاك سهم

باذن الله

الله يبارك لنا فيك بو نزهان

والله يبارك لملاك السهم

سونامي زاد نوره في طلتك