.............. متابعة السوق ............ ويستمر العطاء

[رابح رابح]

احلام المساهمين ومطالبهم :
-بالماضي الربح والشفافية
-وبعدها استعادة راس المال والإحترام
-حاليا بالرحمة وتخفيض الخسارة
-بالمستقبل الستر الصحه والعافية

 

[barbarian]

اطلب كميه تقارب ال 100 الف
واتحداك انه يعطيك

قسمهم عشرينات يا الحبيب ادري فيها خسارة عموله على 5 مرات بس شتسوي بعد صانع سوق نحيس
كان في عرض على 124 فلس 120 الف سهم بس لا تستعيل مدام ناوي يصكر الفجوه اخذ على 112 - 114 فلس بس لا تعطيه فرصه يطق ال 110 فلس خاصة اول السوق عشان لا يعلقه وما تقدر تاخذ الكميه اللي تبيها

 

[Albaghdadi]

ترى اغلاقنا زين اليوم ..

 

[نصوح]

ترى اغلاقنا زين اليوم ..

بوأحمد أنت مقتنع بأنه زين
والسيولة غصب 9 مليوووون ؟؟؟؟؟؟

 

[رابح رابح]

قسمهم عشرينات يا الحبيب ادري فيها خسارة عموله على 5 مرات بس شتسوي بعد صانع سوق نحيس
كان في عرض على 124 فلس 120 الف سهم بس لا تستعيل مدام ناوي يصكر الفجوه اخذ على 112 - 114 فلس بس لا تعطيه فرصه يطق ال 110 فلس خاصة اول السوق عشان لا يعلقه وما تقدر تاخذ الكميه اللي تبيها

لاحظ بآخر السوق عرض 81 الف بسعر 126 فلس
علشان اهل الآجل مايقدرون يشيلون

 

[رابح رابح]

ترى اغلاقنا زين اليوم ..

والله انت الزين يابواحمد
المؤشر بيزحفونه تحت ال 7000 بين السما والقاع لمدة اسبوع او اسبوعين
اللي بالقاع ينطرون واللي بالسما يشيلون

 

[دايــم]

الحين صار مكمن الخلل في السوق والانجاز الحكومي عدم شفافيتي

مش في السوق بس
او انجاز حكومي ،، لا لا
اتضحلي انك انت سبب رئيسي في انتكاسه الامه العربيه ولم تقوم لها قائمه

وبعدين آنا ما تكهمت
آنا زورت

طالع !!!
عباله اني اتكلم عن التاريخ !!
يبه التاريخ بكيفك زور كثر ماتبي ؟ بقى شي ماتزور بالديره
انا اللي منرفزني وخلاني لا اتغدا هو
تكهمك لي بقولك لي هذا مو مؤشر علشان يسمع كلامك

انت فين ياعم ناملس علشان توأف معايا

 

[دايــم]

والله انت الزين يابواحمد
المؤشر بيزحفونه تحت ال 7000 بين السما والقاع لمدة اسبوع او اسبوعين
اللي بالقاع ينطرون واللي بالسما يشيلون

له له له يازلمه
شو هاظ
شو سبوعين
كلها ثلاث ايام وتتضح المعالم جليا
ياتنتن ياتنتن

وقلة السيوله اليوم
متوقعه من الاثنين او الثلاثاء الماضي
وباجر احتمال فقط 5 مليون بعد اذا مافيه تدوير للقيادي

حدي معاكم للاربعاء ،، بعدها الجناح موجود

 

[سرور]

صحيح اسأل دايم يعرف السبب الأقوى

وين أحصله؟

 

[Albaghdadi]

بوأحمد أنت مقتنع بأنه زين
والسيولة غصب 9 مليوووون ؟؟؟؟؟؟

انا قلت الاغلاق مو السيوله هههههههه ،،،، والله جد الاغلاق زين ! السيوله مو زينه !!

عطني باجر فوق ٧٠٢٥ وبسيوله اقل ، بقول هم زين وزين ، بومحمد الله يحفظك ، انا قلت زين لايقاف النزيف مو اعلان دخول وايجابيه

 

[يوسف_007]

ستمر عليك سفينة المستغفرين⛵ فإن أحبببت أن تكون من ركابها قل :

( أستغفرُ الله الذي لا إله إلا هُوَ الحيُّ القيوم وأتوب إليه عدَدَ خلقه ورضىٰ نفسه وزنة عرشه ومِداد كلماتهْ )

مرّر الرسالة ✉ فالرحلة مجانية


مساء الخير ، دعواتكم

 

[السور]

خبر يديد

تم دمج شركتين مقفلتين

سوق الكويت للاوراق المالية + الاتحاد الكويتي لكرة القدم
وصار عدنا

الاتحاد الكويتي للخسائر

والاكتتاب فيه ببيزة

 

[SpeciaL 1]

مش في السوق بس
او انجاز حكومي ،، لا لا
اتضحلي انك انت سبب رئيسي في انتكاسه الامه العربيه ولم تقوم لها قائمه


طالع !!!
عباله اني اتكلم عن التاريخ !!
يبه التاريخ بكيفك زور كثر ماتبي ؟ بقى شي ماتزور بالديره
انا اللي منرفزني وخلاني لا اتغدا هو
تكهمك لي بقولك لي هذا مو مؤشر علشان يسمع كلامك

انت فين ياعم ناملس علشان توأف معايا

متنرفز وما تغديت !!!!!!!
مع انها قويه بس بصدقها وياخي ولا يهمك أعشيك دام ما خليتك تتغدا
وخلنا من الأمة العربية اللي فيها مكفيها وترى ينادوني بو مريم مو ( بلفور )

اللي محيرني من وين آنا يبت رقم 25
شفت الوتساب والايميلات وماني عارف وين قريت هالرقم ودمجته بالرد
بس تعال..
لحظة خل أتعدل لك..
يوم بو خالد قال بمشاركته..

كلامك عدل اخوي دايم وهذا سبب سؤالي عن الرقم الغير متوقع..
1-المنطق يقول ان الارتداد من المفترض يكون الأحد او الاثنين من الإسبوع القادم في 30-11-3014 لأن جميع المؤشرات ايجابية وانخفاض السوق مبالغ فيه الى درجة الاستهزاء بالسوق والمساهمين

2- اذا كانت الاطراف اللي تضغط على السوق لديها علم بتوقيت اعلان صفقة قوية قريبا مثل امريكانا فسيكون التوقيت مرتبط بتاريخ اعلان الصفقة وليس ارقام الدعومات

3- إلا اذا كانت هناك كارثة كبيرة يعرفونها وما نعلمها لاقدر الله فهذا موضع ثاني

انا اشوف الأوضاع زينه واتوقع السيناريو الثاني هو سبب مايحدث.

وآنا عقبت عليه بهالكلام..

مساك الله بالخير بو خالد
أوافقك بالراي بأن الارتداد واجب خلال اليومين وأتمنى انه ما ينزل إلى 6900 مع أني حطيت رقم أقل منه بمشاركة سابقة
http://www.indexsignal.com/community/threads/356835/page-182#post-4301959
مع قناعتي بالرقم اللي بالمشاركة إلا اني طالعته اليوم بنظرة الأليوتيين وأتمنى نكون بالموجة التصحيحية الداخلية للموجة الثانية..
إذا كنا فعلاً فيها فلن ننزل إلى 6900 بإذن الله وننطلق قبلها بالموجة الثالثة اللي نسأل الله للجميع التوفيق والربح الوفير فيها..
6900 رقم مهم وبيكون عنده دبل بوتوم اللي يعطي انطلاقة قوية إن شاء الله

رؤية تحتمل الخطأ أكثر من الصواب
والله أعلم

ودقق بالرابط المرفق واللي هو نفسه هذا
http://www.indexsignal.com/community/threads/356835/page-182#post-4301959
تلاحظ كلامي يوافق كلامه بأن توقعه مثل رؤيتي..
اتفقنا عالاغلاق الشهري..

طيب..
ليه انت تكهمت علي وقلت لي منت خابرني هاللون
عليك حق.. متى العشا ؟؟

 

[رابح رابح]

له له له يازلمه
شو هاظ
شو سبوعين
كلها ثلاث ايام وتتضح المعالم جليا
ياتنتن ياتنتن

وقلة السيوله اليوم
متوقعه من الاثنين او الثلاثاء الماضي
وباجر احتمال فقط 5 مليون بعد اذا مافيه تدوير للقيادي

حدي معاكم للاربعاء ،، بعدها الجناح موجود

مو قبل الاسبوع الجاي انت تعرف السبب وانت ذكرته بمشاركة لك

 

[333gust !!!]

مساكم الله بالخيير .....
بو تركي اذا تبي ملفه تره كامل عندي .... وبالصوت والصوره بعد >>

 

[vaio71]

مبروكين الصفحة الجديدة لمتابعة السوق ,,
و بالتوفيق للجميع .

 

[InDepth]

 

[waham]

هالاسبوع ما يتجرؤن يرفعونة السوق بيتذب بمسار افقي في قناة ضيقة تحت ال 7000
والاسبوع القادم ان شاء الله يرتفع او اللي عقبه في ابعد الحدود

ليس تحليل ولكن سوالف شياب

هلا بوخالد اسعد الله ايامك .. خلاص لقيت لك مسمى لاني ملاحظ عليك تقول ماني محلل .. انت محللنا الاقتصادي من اليوم ورايح ولا شتقول !!

 

[صقر2010]

مشاهدة المرفق 232088

الله كريم

 

[نصوح]

انا قلت الاغلاق مو السيوله هههههههه ،،،، والله جد الاغلاق زين ! السيوله مو زينه !!

عطني باجر فوق ٧٠٢٥ وبسيوله اقل ، بقول هم زين وزين ، بومحمد الله يحفظك ، انا قلت زين لايقاف النزيف مو اعلان دخول وايجابيه

كلامك كان واضح حبيب قلبي وفاهمه ،،، بس ياريت كان وقف النزيف مع سيولة
عالية ،،،
محد راضي يبيع من الصغار وهالشيء صار واضح ،، وأصحاب الشركات مو راضيين
يدعمون أسهمهم ،،، والمضاربين قاعدين يجنون أرباحهم أول بأول وماخذين راحتهم
صار السوق كل يوم بيومه ،،، رغم ان الاسعار صارت مغرية وما تتعوض

الله يعطيك العافية على مجهودك الجبار ومتابعتك اللصيقة لحركة الأسهم