.............. متابعة السوق ............ ويستمر العطاء

[Albaghdadi]

ابشركم يقولون بيغيرون نظام التداول

بيرجعون نظام البيع بالوحدات
بس الوحده مو بكمية الاسهم بخلونها الوحده بالكيلو

وابشركم معاها محفزات جديده تشتري كيلو سهم الوطني يعطونك ربع كيلو سهم أرزان ابلاش

ليش يا بوخالد ليش !

 

[الراقي]

احد الاخوان ذكر ان اليوم وصلنا قاع ازمة ٢٠٠٨ يعني العالم كله عدل نفسة وحقق ارقام قياسية خلال ٦سنوات
وحنا لحد الحين ربعنا يطرون ويترجون تدخل حكومي

 

[Albaghdadi]

اخوي علي .. قواك الله .. ارجوا انك تفتح صفحه وتنصح الناس بالطريقه اللي اتشوفها .. وضع الصفحه مو ناقص اكشن .. شكرا لك مقدما ..

 

[InDepth]

السوق اقفل 6534 وانا اقول للاخوة المحترمين ان لا يحتفلوا مبكرا السوق ما زال باقي له بعد زءة (بالمصري)
صحيح في اسهم كانت لقطة للشراء ولكن مازال في اسهم بعدها ما وصلت لاهدافها النهائية يعني محتاجين بعد زءة من السوق
ما زلت وسأكون دائما الناصح الامين

اوافقك على المبدأ....
بعد في موجتين ناقصتين...واحدة صاعدة واخيرة هابطة ( الزءة)
وين نروح؟؟؟....يبين بعد نهاية الصاعدة، بالاغلب ستكون مضاربية قصيرة...

"زءة" اليوم....كانت سريعة وطويلة

 

[سناعيس]

احد الاخوان ذكر ان اليوم وصلنا قاع ازمة ٢٠٠٨ يعني العالم كله عدل نفسة وحقق ارقام قياسية خلال ٦سنوات
وحنا لحد الحين ربعنا يطرون ويترجون تدخل حكومي

نعم
قطب اقتصادي كان متهم بقضيه لا اعرف شلون طلع منها براءه
بديوانيه احد ابناء اا.....المتنفذين
طالب صراحة بالتدخل والدعم الحكومي
الا انه لقى عين حمرا من اخوه البدوي

 

[التحالف]

 

[نصوح]

اوافقك على المبدأ....
بعد في موجتين ناقصتين...واحدة صاعدة واخيرة هابطة ( الزءة)
وين نروح؟؟؟....يبين بعد نهاية الصاعدة، بالاغلب ستكون مضاربية قصيرة...

"زءة" اليوم....كانت سريعة وطويلة

بوهادي على طاريء الزءة
هم خلوا شيء الا زءوا بالسوق زء
ما تتوقع غدا في ارتداد مضاربي

 

[نبيه خضر]

النفط مرتفع ارتفاع بسيط
باجر ارتداد مضاربي للسوق

 

[وايلي]

اتوقع الخوف من كسر 6480
وانزلاقة السوق بعدها
اتمنى الارتداد من مستويات 6500

 

[Albaghdadi]

الملاحظ اليوم .. انه اغلب الاسهم تقدر تبيعها بالادنى .. وهذا ما كان موجود بالايام اللي طافت .. كان المطلوب قليل والتداول ضعيف جدا ..

اختيار الخروج اليوم كان اسهل من قبل .. ولكن السؤال هل كان قرار الخروج اليوم صائب ؟

 

[SpeciaL 1]

ابو مريم....لا تضيع وقتك....

اللي عنده شي مفيد لاخوانه....الصفحة مفتوحة...وله الاجر
اللى داش "يتفلسف وينظر" بعد نزول كبير......انه يعرف كل شي مبطي
كان اتحفنا بمشاركة تدعو للخروج مبكرا. عند 7670...او حتى 7200...او حتى 7000...

يالعود كنت أتمنى ما يتجاهل سؤالي ويحدد منو يقصد..
خل أفترض حسن النية بأنه ما شاف مشاركتي ( مع إني مقتبس مشاركته )

يا بو هادي
أسواق العالم فيها 3 أنواع..

النوع الأول..
صناع سوق يمشون على خطة هم متفقين عليها ومحددين أهدافهم..
ومع صناع السوق ناس حولهم يبرونهم ويوصونهم ( صاحب، صديق، شخص له فضل، شخص يحتاجونه، حتى عامل التنظيف ممكن يبرونه ) ..
ولا قصوراً بعامل التنظيف لأنه بعمله عايشين بنظافة..
هالناس يحددون رقم وعارفين دربهم..

النوع الثاني..
ناس تدرس وتراقب مسار صناع السوق وتتنبأ باللي راح يصير، تصيب أحياناً وتخطأ أحياناً أخرى وهؤلاء هم ( المحللين )
وهؤلاء نجحوا كثيراً لدرجة أن صناع السوق باتوا يراقبونهم ويعملون جاهدين على اثبات فشلهم..
من هؤلاء مشاهير وعلماء وأثرياء لهم من القوانين والنقاط التي لا يتجاهلها صناع السوق أنفسهم..
ومع هذا مافي محلل منهم يجزم برقم معين وكلهم يقولون إذا كذا فيعني كذا.. وهكذا..

النوع الثالث..
ناس تدخل السوق لضربة الحظ..
فإما أن تصيب أو أن تخيب..
مريحين راسهم بس مسوين زحمة !!

طيب اللي بفهمه..
الأخ علي مع أي نوع ؟؟
للأمانة كانت له مشاركات عن الموجات ونقاش أعجبت فيه وتوقعت يتوسع ونستفيد.. لكن !!

واضح إنه مو من النوع الثالث..
وبما إنه مو عاجبه اجتهادات الناس اللي تحلل فواضح إنه مو من النوع الثاني..
وأذكر إن له مشاركة قال إنه عنده الرقم فهذا يعني إنه من النوع الأول..

أياً كان ومع أي فريق حياه الله في الصفحة..
لكن !!
يجب عليه احترام من يتدارسون ويحللون فيما بينهم..

وإذا كانوا الشباب هني مأثرين على أحد من طرفه ولاعبين عليهم فعنده الخاص أو أي وسيلة يبين لهم الدرب الصح دام عنده الهدف والرقم..
أو حتى لو يحب أي عضو من الأعضاء ويبيله الخير وما يبي أحد يلعب عليه..
وخل يترك المحللين واللي يتعلمون التحليل واللي يحاولون يتعلمون في حالهم !!
شاللي يضره إذا خبصوا مع بعض ؟؟

اللي يحب يكون من الناصحين يحدد وما يقول عندي وخلاص..
ما نبي منه الهدف ولا الرقم اللي يعرفه..
خل يعطيه للناس اللي خايف عليهم ويهمونه ويتركنا نتسلى ونتلاعب على بعض

 

[Albaghdadi]

ورب الكعبه لو انه صاعد ما شفت احد منهم .. عموما ممتاز .. بس اي مشاركه مالها داعي او تسبب شوشره راح امسحها .. واللي عنده بمكنوناته شي يفتح موضوع .. والمنتدى كبير ..

 

[لاعب بورصة]

كسر الدعوم لوضع غير مقبول نفسيا ؟؟
لأنه بالسابق اختراق المقاومات بدون مبرر !!

وضع سنة 2014 = أرباح وتعديل ميزانيات شركات وترسية مناقصات = يقابله من بداية السنة الى نهايتها تنزيلات أسعار

وضع سنة من 2011 الى نهاية 2013 أسوأ بكثير ومع هذا ارتفاع في قيم التداولات والاسعار بعد ماحقق قاع 5618 ارتفاع صاروخ ناسا 2833 نقطة

الآن كسر نقاط الارباح كلها لم يتبقى الا 6292 فيبو 23.8%

سوق دبي والسعودية وقطر اخترقوه 23.8% ورجعو له او بالقرب من 38.6 % وبعدها موجة صعود متتالية وارقام لم تكن بالحسبان

معلومة بنكية : البنوك لاتعطي منح للمواطنيين والشركات!!
في 2014 اقدمت اغلب البنوك لجدولة ديون الشركات وخفض فوائدها اوربحيتها مقابل ماذا !!

موديل 2015 روعة

 

[بروكر محترف 2]

ملوك وأمراء 6 دول يجتمعون اليوم
ومن اهم بنود الاجتماع دعم أم الدنيا بمليارات شعوبهم

لو يبغون دمنا حاضرين مصر عمق الامه الاسلاميه وخط أحمر

 

[Fierce]

ابو محمد، سلوك التداول الحالي امس واليوم لم اشهد له مثيل منذ 2009
واعتقد كثير من الشباب المخضرم والقديم بالسوق يوافقني الرأي

دكتورنا الفاضل

اسمح لي باقتباس مشاركتك لأني كنت قد سألتك عن مشاركتك وانا متأكد بأنك لم تراها

مما اضطرني بأن اقتبس مشاركتك

غفر الله لك ولوالديك

 

[فارس777]

الملاحظ اليوم .. انه اغلب الاسهم تقدر تبيعها بالادنى .. وهذا ما كان موجود بالايام اللي طافت .. كان المطلوب قليل والتداول ضعيف جدا ..

اختيار الخروج اليوم كان اسهل من قبل .. ولكن السؤال هل كان قرار الخروج اليوم صائب ؟

بصراحه اليوم كانت فرصه للمستثمر لاغلب الاسهم بالكميه اللي يبيها والله يوفق من شرى ومن باع

 

[Albaghdadi]

كسر الدعوم لوضع غير مقبول نفسيا ؟؟
لأنه بالسابق اختراق المقاومات بدون مبرر !!

وضع سنة 2014 = أرباح وتعديل ميزانيات شركات وترسية مناقصات = يقابله من بداية السنة الى نهايتها تنزيلات أسعار

وضع سنة من 2011 الى نهاية 2013 أسوأ بكثير ومع هذا ارتفاع في قيم التداولات والاسعار بعد ماحقق قاع 5618 ارتفاع صاروخ ناسا 2833 نقطة

الآن كسر نقاط الارباح كلها لم يتبقى الا 6292 فيبو 23.8%

سوق دبي والسعودية وقطر اخترقوه 23.8% ورجعو له او بالقرب من 38.6 % وبعدها موجة صعود متتالية وارقام لم تكن بالحسبان

معلومة بنكية : البنوك لاتعطي منح للمواطنيين والشركات!!
في 2014 اقدمت اغلب البنوك لجدولة ديون الشركات وخفض فوائدها اوربحيتها مقابل ماذا !!

موديل 2015 روعة

بوعبدالله يسعدلي مساك .. انا يوعان ومعصب ومحبط وتعبان وهم متهاوش بالدوام .. ممكن تعطيني الزبده ؟ مقابل ماذا ؟

 

[aliii]

اخوي علي .. قواك الله .. ارجوا انك تفتح صفحه وتنصح الناس بالطريقه اللي اتشوفها .. وضع الصفحه مو ناقص اكشن .. شكرا لك مقدما ..

حاضر طال عمرك ... انت تامر أمر ... وكل هدفي بالمشاركة والله الشاهد كان نعلم الشباب شويه تحليل على اصوله
بس ما ضبطت معاي والشباب الله يسامحهم عجوليين ويبون كل شي بسرعة وعلى الطلب ... ما وجدت الارضية للعمل
السموحة منك والاخوة الافاضل

 

[بروكر محترف 2]

سوق دبي اسهمها ارتدو شوي ...
اعمار من 75 الي 78

تقصد الى 8.02

 

[Albaghdadi]

شكرا لك اخوي علي وقواك الله .. كل التوفيق